പൊതു തെരഞ്ഞെടുപ്പ് മാതൃകാ പെരുമാറ്റച്ചട്ടം നടപ്പാക്കുന്നതിന്റെ ഭാഗമായി ജില്ലയില്‍ രൂപീകരിച്ച ആന്റി ഡീഫെയ്‌സ്‌മെന്റ് സ്‌ക്വാഡ് പൊതു ഇടങ്ങളില്‍ പതിച്ച  813 പ്രചരണ സാമഗ്രികള്‍ നീക്കം ചെയ്തു. 744 പോസ്റ്ററുകള്‍, 31 ബാനറുകള്‍, 26 കൊടികളുമാണ് നീക്കം ചെയ്തത്. 12 ഇടങ്ങളില്‍ റോഡുകളിലെ എഴുത്തുകളും മായ്ച്ചു.

മത്സ്യത്തൊഴിലാളി കടാശ്വാസം; 

അപേക്ഷ ക്ഷണിച്ചു

സംസ്ഥാനത്ത് അസഹ്യമായ ചൂട് അനുഭവപ്പെടുന്ന സാഹചര്യത്തില്‍ ഉത്സവങ്ങളുമായി ബന്ധപ്പെട്ട് ആനകളെ എഴുന്നള്ളിക്കുന്നതിനുള്ള സമയം പകല്‍ 10 മണിക്ക് മുമ്പും നാല് മണിക്ക് ശേഷവുമായി പുന:ക്രമീകരിച്ചതായി ഇതുമായി ബന്ധപ്പെട്ട് ചേര്‍ന്ന നാട്ടാന പരിപാലന കമ്മിറ്റി യോഗത്തില്‍ എഡിഎം ഇ മുഹമ്മദ് യൂസുഫ് അറിയിച്ചു. 

*നോർക്ക ഇടപെടൽ ഫലം കാണുന്നു

സൗദിഅറേബ്യയിൽ മരിച്ച കോന്നി കുമ്മണ്ണൂർ സ്വദേശി റഫീക്ക് അബ്ദുൾ റസാഖിന്റെ ഭൗതികശരീരം നാട്ടിലെത്തിക്കാനുള്ള നടപടികൾ സ്വീകരിച്ചതായി നോർക്ക റൂട്ട്‌സ് അധികൃതർ അറിയിച്ചു. ശ്രീലങ്കൻ സ്വദേശിയായ യുവതിയുടെ മൃതദേഹമാണ് റഫീക്കിന്റെ മൃതദേഹത്തിനു പകരം നാട്ടിലെത്തിച്ചത്. 

ലോക്‌സഭാ തെരെഞ്ഞെടുപ്പുമായി  ബന്ധപ്പെട്ട്  വിവിപാറ്റ്  ഉള്‍പ്പെടെയുള്ള വോട്ടിങ് യന്ത്രങ്ങള്‍ പരിചയപ്പെടുത്തുന്നതിനും വോട്ടര്‍മാരെ ബോധവാന്മാരാക്കുന്നതിനും വേണ്ടി ജില്ലാ സ്വീപ് ടീമിന്റെ നേതൃത്വത്തില്‍ കണ്ണൂര്‍ കോളേജ് ഓഫ് കോമേഴ്‌സില്‍ ബോധവല്‍ക്കരണ ക്ലാസ് നടത്തി. സ്വീപ് അസിസ്റ്റന്റ് നോഡല്‍ ഓഫീസര്‍ സി എം ലതാദേവി പരിപാടി ഉദ്ഘാടനം ചെയ്തു. കോളേജ് ഓഫ് കോമേഴ്‌സ് പ്രിന്‍സിപ്പല്‍ പ്രൊഫ. വിജയമ്മ, വൈസ് പ്രിന്‍സിപ്പല്‍ സി മാധവന്‍ തുടങ്ങിവര്‍ പങ്കെടുത്തു.

2019 പൊതുതെരഞ്ഞെടുപ്പ് പരിസ്ഥിതിക്ക് ദോഷംചെയ്യുന്ന ഫ്‌ളക്‌സ്, പ്ലാസ്റ്റിക്, ഡിസ്‌പോസിബിള്‍ എന്നിവ പൂര്‍ണ്ണമായും ഒഴിവാക്കി പ്രകൃതി സൗഹൃദം ആക്കുന്നതിന്റെ ഭാഗമായി ജില്ലാ ശുചിത്വമിഷന്റെ നേതൃത്വത്തില്‍ തയ്യാറാക്കിയ ഹരിത ഇലക്ഷന്‍ 2019 ലോഗോ അസിസ്റ്റന്റ് കലക്ടര്‍ അര്‍ജുന്‍ പാണ്ഡ്യന് നല്‍കി ജില്ലാ കളക്ടര്‍ മീര്‍ മുഹമ്മദ് അലി പ്രകാശനം ചെയ്തു.

സമ്മതിദായക സാക്ഷരതാ ക്യാമ്പയിന് കമ്മ്യൂണിറ്റി റേഡിയോയുടെ സഹകരണത്തോടെ ജില്ലയില്‍ തുടക്കമായി. കേന്ദ്ര തെരെഞ്ഞെടുപ്പ് കമ്മീഷന്റെ നിര്‍ദ്ദേശപ്രകാരം പാനൂര്‍ ആസ്ഥാനമായി പ്രവര്‍ത്തിക്കുന്ന ജന്‍വാണി 90.8 എഫ്എം കമ്മ്യൂണിറ്റി റേഡിയോയാണ് ജില്ലാ തെരഞ്ഞെടുപ്പ് വിഭാഗവുമായി സഹകരിച്ച് ബോധവല്‍ക്കരണ പരിപാടികള്‍ നടപ്പിലാക്കുന്നത്. രാജ്യത്ത് ആദ്യമായാണ് കേന്ദ്ര തെരെഞ്ഞെടുപ്പ് കമ്മീഷന്‍ സമ്മതിദായക സാക്ഷരതാ ക്യാമ്പയിന് നേതൃത്വം നല്‍കാന്‍  കമ്മ്യൂണിറ്റി റേഡിയോകളുമായി കൈകോര്‍ക്കുന്നത്. ഇതിന്റെ ഭാഗമായി കമ്മ്യൂണിറ്റി റേഡിയോ പ്രതിനിധികള്‍ക്ക് പ്രത്യേക പരിശീലനം നല്‍കിയിരുന്നു.