സൗദി അറേബ്യന്‍ സര്‍ക്കാര്‍ ആരോഗ്യ മന്ത്രാലയത്തിന്റെ കീഴില്‍ റിയാദിലുള്ള ആശുപത്രിയിലേക്ക് നിയമനത്തിന് ഇന്റേണ്‍ഷിപ്പ് കൂടാതെ മൂന്ന് വര്‍ഷത്തില്‍ കുറയാത്ത സേവന പരിചയമുള്ള ബിരുദാരികളായ പെര്‍ഫ്യൂഷനിസ്റ്റുകളെ തെരഞ്ഞെടുക്കുന്നതിന് കേരള സര്‍ക്കാര്‍ സ്ഥാപനമായ ഒഡെപെക് അഭിമുഖം നടത്തുന്നു .

സൗദി അറേബ്യന്‍ സര്‍ക്കാര്‍ ആരോഗ്യ മന്ത്രാലയത്തിന്റെ കീഴില്‍ റിയാദിലുള്ള ആശുപത്രിയിലേക്ക് നിയമനത്തിന് ഇന്റേണ്‍ഷിപ്പ് കൂടാതെ മൂന്ന്  വര്‍ഷത്തില്‍ കുറയാത്ത സേവന പരിചയമുള്ള ബി.എസ്.സി./എം.സ്.സി/പി.എച്ച്.ഡി നഴ്‌സുമാരെ (സ്ത്രീകള്‍ മാത്രം) തെരഞ്ഞെടുക്കുന്നതിന് കേരള സര്‍ക്കാര്‍ സ്ഥാപനമായ ഒഡെപെക് അഭിമുഖം നടത്തുന്നു.

കുറ്റിക്കോല്‍ ഗ്രാമപഞ്ചായത്തില്‍  2018/19 വര്‍ഷത്തില്‍ അടക്കാനുള്ള കെട്ടിട നികുതി, തൊഴില്‍ നികുതി, ലൈസന്‍സ്  ഫീസ് തുടങ്ങിയവ കുടിശ്ശികയുള്‍പ്പടെ  മാര്‍ച്ച് 31 നകം പഞ്ചായത്തില്‍ നേരിട്ടോ, നികുതി സ്വീകരിക്കുന്ന ഉദ്യോഗസ്ഥന്‍ വഴിയോ, ഓണ്‍ലൈന്‍ വഴിയോ അടച്ച്  ജപ്തി, പ്രോസിക്യൂഷന്‍ അടക്കമുള്ള തുടര്‍നടപടികള്‍ ഒഴിവാക്കണമെന്ന് ഗ്രാമപഞ്ചായത്ത് സെക്രട്ടറി അറിയിച്ചു. വസ്തു നികുതിയുടെ  പിഴപ്പലിശ മാര്‍ച്ച് 30 വരെ താല്‍കാലികമായി ഒഴിവാക്കിയിട്ടുണ്ട്.ഈ അവസരം പരമാവധി പ്രയോജനപ്പെടുത്തണമെന്ന് സെക്രട്ടറി പറഞ്ഞു.

വോട്ടര്‍മാര്‍ക്ക് വോട്ടോടുപ്പ് ദിവസം പോളിംഗ് ബൂത്തില്‍ എത്തി വോട്ട് ചെയ്യുമ്പോള്‍  ഉണ്ടാകുന്ന ഉത്കണ്ഠയും ആകാംക്ഷയും ഒഴിവാക്കുന്നതിന്  ജില്ലാഭരണകൂടം കളക്ടറേറ്റില്‍ വോട്ടിംഗ് ഡെമോ ഹട്ട് സ്ഥാപിച്ചു. ഇതിലൂടെ വോട്ടര്‍മാര്‍ക്ക് വോട്ടിംഗ് യന്ത്രം വിശദമായി പരിചയപ്പെടാനും ഡെമോ വോട്ട് ചെയ്യാനും സാധിക്കും. ബാലറ്റ് യൂണിറ്റ്, കണ്‍ട്രോള്‍ യൂണിറ്റ്, വിവിപാറ്റ് എന്നിവ വിശദമായി പരിചയപ്പെടാം.

വരുന്ന ലോക്‌സഭ തെരഞ്ഞെടുപ്പുമായി ബന്ധപ്പെട്ട് ജില്ലയിലെ ഒരുക്കങ്ങള്‍ ത്വരിതഗതിയില്‍ പുരോഗമിക്കുന്നതായി ജില്ലാ കളക്ടര്‍ ഡോ.ഡി.സജിത് ബാബു അറിയിച്ചു. തെരഞ്ഞെടുപ്പിന് മുന്നോടിയായി തെരഞ്ഞെടുപ്പ് സംബന്ധിച്ച വിവരങ്ങള്‍ ഇലക്ഷന്‍ മാനേജ്‌മെന്റ് പ്ലാന്‍ (ഡിഇഎംപി ) തയ്യാറാക്കി. ജില്ലയെ സംബന്ധിച്ച വിവരങ്ങള്‍, തെരെഞ്ഞെടുപ്പ് ഉദ്യോഗസ്ഥരെ സംബന്ധിച്ച വിവരങ്ങള്‍, പോളിംഗ്‌സ്റ്റേഷനുകള്‍, വരണാധികാരികള്‍, ഉപവരണാധികാരികള്‍, സെക്ടറുകള്‍ എന്നിവയടക്കം തെരഞ്ഞെടുപ്പ് സംബന്ധിച്ച മുഴുവന്‍ വിവരങ്ങളുമടങ്ങിയതാണ് ഇലക്ഷന്‍ മാനേജ്‌മെന്റ് പ്ലാന്‍.

 മൊത്തം വോട്ടര്‍മാര്‍ 1324387

ഇടുക്കി ജില്ലയില്‍ ഇന്‍ഡ്യന്‍ സിസ്റ്റംസ് ഓഫ് മെഡിസിന്‍ വകുപ്പില്‍ 11620-20240 രൂപ ശമ്പള സ്‌കെയിലില്‍ റേഡിയോഗ്രാഫര്‍ ഗ്രേഡ് 2 (കാറ്റഗറി നമ്പര്‍ 416/11) തസ്തികയിലേക്കുള്ള തെരഞ്ഞെടുപ്പിനായി 2015 ഡിസംബറില്‍ നിലവില്‍ വന്ന 575/15/എസ്.എസ്.വി നമ്പര്‍ റാങ്ക് പട്ടികയുടെ കാലാവധി 2018 ഡിസംബറില്‍ മൂന്ന് വര്‍ഷം കാലാവധി പൂര്‍ത്തിയായതിനാല്‍ റദ്ദാക്കി.

ഇടുക്കി ജില്ലയിലെ പീരുമേട് ഗവണ്‍മെന്റ് മോഡല്‍ റസിഡന്‍ഷ്യല്‍ സ്‌കൂളില്‍ 2019-20 അധ്യയനവര്‍ഷത്തേക്ക്  ഹയര്‍സെക്കണ്ടറി വിഭാഗത്തിലും ഹൈസ്‌കൂള്‍ വിഭാഗത്തിലും (തമിഴ് മീഡിയം) അധ്യപകരെ കരാര്‍ വ്യവസ്ഥയില്‍ നിയമിക്കുന്നു. 

കൊച്ചി ദക്ഷിണ നാവികാസേന  മുഖ്യാലയത്തിന്റെ ആഭിമുഖ്യത്തില്‍ നേവിയില്‍ നിന്നും വിരമിച്ച സൈനികരുടെയും അവരുടെ വിധവകളുടെയും സംഗമം ഇടുക്കി ജില്ലാ സൈനികക്ഷേമ ഓഫീസില്‍ മാര്‍ച്ച് 23ന് രാവിലെ 11 മുതല്‍ ഉച്ചക്ക് ഒരുമണിവരെ നടത്തും. പെന്‍ഷന്‍ സംബന്ധിച്ചും മറ്റിതര പരാതികള്‍ സമര്‍പ്പിക്കുന്നതിനും ക്ഷേമ പദ്ധതികള്‍ പരിചയപ്പെടുത്തുന്നതിനും അവസരം പ്രയോജനപ്പെടുത്തണമെന്നും ജില്ലാ സൈനിക ക്ഷേമ ഓഫീസര്‍ അറിയിച്ചു. ഫോണ്‍ 04862 222904.

ഹാന്റിക്രാഫ്റ്റ് ഡെവലപ്‌മെന്റ് കമ്മീഷണറേറ്റിന്റെയും വ്യവസായ വാണിജ്യ വകുപ്പിന്റെയും ഇടുക്കി ജില്ലാ വ്യവസായകേന്ദ്രത്തിന്റെയും ആഭിമുഖ്യത്തില്‍ ജില്ലയിലെ കരകൗശല വിദഗ്ധര്‍ക്കുള്ള സ്മാര്‍ട്ട് കാര്‍ഡ് വിതരണം ജില്ലാ വ്യവസായകേന്ദ്രം ജനറല്‍ മാനേജര്‍ ബിജു കുര്യന്‍ ഉദ്ഘാടനം ചെയ്തു. 68 പേര്‍ക്കാണ് കാര്‍ഡ് വിതരണം ചെയ്തത്. മാനേജര്‍മാരായ ബനഡിക്ട് വില്യം ജോണ്‍സ്, അജിത് കുമാര്‍ പി.കെ, രഞ്ജിത് ബാബു, ഉപജില്ലാ വ്യവസായ ഓഫീസര്‍ അഭിലാഷ് വിജയന്‍ എന്നിവര്‍ സംസാരിച്ചു.

ലോക്‌സഭ തെരഞ്ഞെടുപ്പിന് ജില്ലയിലെത്തുന്ന ഒബ്‌സര്‍മാരുടെ പ്രവര്‍ത്തനങ്ങളില്‍ സഹായിക്കുന്നതിന് ജില്ലാ തെരഞ്ഞെടുപ്പ് ഓഫീസര്‍ നോഡല്‍ ഓഫീസര്‍മാരെ നിയോഗിച്ചു. ഒബ്‌സര്‍വര്‍മാരുടെ പ്രവര്‍ത്തനങ്ങള്‍ ഏകോപിപ്പിക്കുന്നതിനായി നാളെ(22.3.19) രാവിലെ 11.30ന് ജില്ലാകലക്ടറുടെ ചേമ്പറില്‍ നോഡല്‍ ഓഫീസര്‍മാരുടെ യോഗം നടത്തും. നോഡല്‍ ഓഫീസര്‍മാര്‍ നിര്‍ദ്ദേശിച്ച ലെയ്‌സണ്‍ ഓഫീസര്‍മാരും യോഗത്തില്‍ പങ്കെടുക്കണമെന്ന് ജില്ലാ തെരഞ്ഞെടുപ്പ് ഓഫീസര്‍ അറിയിച്ചു.