തെരഞ്ഞെടുപ്പ് സി സി ടി വി ആവശ്യമുണ്ട്

     ലോക്‌സഭ തെരഞ്ഞെടുപ്പുമായി ബന്ധപ്പെട്ട് പോളിംഗ് സാമഗ്രികള്‍ വിതരണം ചെയ്യുന്ന കേന്ദ്രങ്ങളില്‍ സിസിടിവി ക്യാമറ ഏര്‍പ്പെടുത്തുന്നതിന് ക്വട്ടേഷന്‍ ക്ഷണിച്ചു. ക്വട്ടേഷനുകള്‍ ഏപ്രില്‍ ഒന്നിന് വൈകിട്ട് മൂന്ന് മണിക്ക് മുമ്പ് ഇലക്ഷന്‍ ഡെപ്യൂട്ടി കലക്ടറുടെ ചേമ്പറില്‍ സജ്ജീകരിച്ച ഡ്രോപ് ബോക്‌സില്‍ നിക്ഷേപിക്കണം.  ഫോണ്‍: 0497 2709140.

വൈദ്യുതി മുടങ്ങും

ലോക്‌സഭ തെരഞ്ഞെടുപ്പുമായി ബന്ധപ്പെട്ട് സ്വീപ് (സിസ്റ്റമാറ്റിക് വോട്ടേഴ്സ് എഡ്യൂക്കേഷന്‍ ആന്‍ഡ് ഇലക്ടറല്‍  പാര്‍ട്ടിസിപ്പേഷന്‍ ), ഹരിത ഇലക്ഷന്‍ പരിപാടി എന്നിവയുടെ നേതൃത്വത്തില്‍ വോട്ടര്‍ ബോധവല്‍ക്കരണം നടത്തി. അഴീക്കോട് നിയമസഭാ മണ്ഡലത്തിലെ പള്ളിക്കുന്ന് ജേബീസ് കോളേജിലാള് പരിപാടി നടന്നത്. ബോധവല്‍ക്കരണ പരിപാടിയോടൊപ്പം വിദ്യാര്‍ഥികള്‍ക്കായി ക്വിസ് മത്സരവും സംഘടിപ്പിച്ചു.

ലോക്‌സഭാ തെരഞ്ഞെടുപ്പുമായി ബന്ധപ്പെട്ട് ജില്ലയിലെ പോളിംഗ് ബൂത്തുകളില്‍ അടിസ്ഥാന സൗകര്യം ഒരുക്കുന്നതിനും ഭിന്നശേഷി സൗഹൃദമാക്കുന്നതിനുമായി ഇലക്ഷന്‍ കമ്മീഷന്റെ നിര്‍ദ്ദേശപ്രകാരം ജില്ലാ ഭരണകൂടം നടപടിയാരംഭിച്ചു. ഇതിന്റെ ഭാഗമായി പോളിംഗ് ബൂത്തുകളില്‍ റാമ്പ്, കുടിവെള്ളം, വൈദ്യുതി, ഹെല്‍പ്പ് ഡെസ്‌ക്, ശുചിമുറി, വിശ്രമമുറി, മെഡിക്കല്‍ കിറ്റ്, വീല്‍ചെയറുകള്‍ തുടങ്ങിയ സൗകര്യങ്ങള്‍ ഒരുക്കും. 

ഭിന്നശേഷിക്കാരായ വോട്ടര്‍മാര്‍ക്ക് പോളിംഗ് സ്‌റ്റേഷനിലേക്ക് വാഹന സൗകര്യവും 

2019 ലോക്‌സഭാ തെരഞ്ഞെടുപ്പിലേക്കുള്ള നാമനിര്‍ദ്ദേശ പത്രിക സമര്‍പ്പണത്തിന്റെ ആദ്യ ദിനം കണ്ണൂര്‍ ലോക്‌സഭാ മണ്ഡലത്തില്‍ ലഭിച്ചത് ഒരു പത്രിക. സോഷ്യലിസ്റ്റ് യൂനിറ്റി സെന്റര്‍ ഓഫ് ഇന്ത്യ (കമ്മ്യൂണിസ്റ്റ്) സ്ഥാനാര്‍ഥി ആര്‍ അപര്‍ണയാണ് വ്യാഴാഴ്ച ഉച്ചയ്ക്ക് 2.15ഓടെ ജില്ലാ തെരഞ്ഞെടുപ്പ് ഓഫീസറായ ജില്ലാ കലക്ടര്‍ മുമ്പാകെയെത്തി പത്രിക സമര്‍പ്പിച്ചത്. കണ്ണൂരില്‍ അഭിഭാഷകയായി ജോലി ചെയ്യുന്ന അപര്‍ണ ആലപ്പുഴ അമ്പലപ്പുഴ സ്വദേശിയാണ്. 

ലോക്സഭാ തെരഞ്ഞെടുപ്പിനായി കണ്ണൂര്‍ ജില്ലയില്‍ പോളിംഗ്, കൗണ്ടിംഗ് ഡ്യൂട്ടിക്ക് നിയോഗിക്കുന്നത് 14893 ജീവനക്കാരെ. പ്രിസൈഡിംഗ് ഓഫീസറടക്കം ഒരു പോളിംഗ് സ്റ്റേഷനില്‍ നാലു ജീവനക്കാരാണ് വേണ്ടത്. നിശ്ചിതശതമാനം പേരെ റിസര്‍വ്വായും നിയോഗിക്കും. ഇതിനു പുറമെ റിസപ്ഷന്‍, ഡിസ്ട്രിബ്യൂഷന്‍, കമ്മീഷനിംഗ്, കൗണ്ടിംഗ് എന്നീ വിഭാഗങ്ങളിലേക്കും ജീവനക്കാരെ നിയോഗിക്കേണ്ടതുണ്ട്. ജില്ലയില്‍ ആകെ 1857 പോളിംഗ് സ്റ്റേഷനുകളാണുള്ളത്. ഏറ്റവും കൂടുതല്‍ പോളിംഗ് സ്റ്റേഷന്‍ തളിപ്പറമ്പിലാണ്, 194. ഏറ്റവും കുറവ് 149 പോളിംഗ് സ്റ്റേഷനുള്ള കണ്ണൂര്‍ നിയോജകമണ്ഡലത്തിലാണ്. 

ലോക്‌സഭാ തെരഞ്ഞെടുപ്പില്‍ മത്സരിക്കുന്ന സ്ഥാനാര്‍ഥികളുടെ ചെലവു നിരീക്ഷണവുമായി ബന്ധപ്പെട്ട്, പ്രചാരണത്തിനായി ഉപയോഗിക്കുന്ന വിവിധ സാധന-സേവനങ്ങളുടെ നിരക്ക് പട്ടിക പ്രസിദ്ധീകരിച്ചു. ചെറുതും വലുതുമായ 214 സാധനങ്ങളുടെയും സേവനങ്ങളുടെയും നിരക്കാണ് പ്രസിദ്ധീകരിച്ചത്. 

കണ്ണൂര്‍ ലോക്‌സഭ മണ്ഡലത്തിലേക്കുള്ള ചെലവ് നിരീക്ഷകനായി കസ്റ്റംസ് ആന്റ് ജിഎസ്ടി വകുപ്പ് ജോയിന്റ് കമ്മീഷണര്‍ മഹ്ഫൂസ് റഹ്മാന്‍ ചുമതലയേറ്റു. ഫോണ്‍-9188619614. തുടര്‍ന്ന് കലക്ടറേറ്റില്‍ എത്തിയ ഇദ്ദേഹം ജില്ലാ കലക്ടര്‍ മീര്‍ മുഹമ്മദ് അലി, എഡിഎം ഇ മുഹമ്മദ് യുസഫ്, ചെലവ് നിരീക്ഷണം നോഡല്‍ ഓഫീസറായ ഫിനാന്‍സ് ഓഫീസര്‍ പി വി നാരായണന്‍, ജില്ലാ ഇന്‍ഫര്‍മേഷന്‍ ഓഫീസര്‍ ഇ കെ പത്മനാഭന്‍, മറ്റ് തെരഞ്ഞെടുപ്പ് ഉദ്യോഗസ്ഥര്‍ എന്നിവരുമായും ചര്‍ച്ച നടത്തി.

ഈ വർഷത്തെ എസ്.എസ്.എൽ.സി പരീക്ഷ ഉത്തരക്കടലാസ് മൂല്യനിർണ്ണയം സംസ്ഥാനത്തൊട്ടാകെ 54 ക്യാമ്പുകളിലായി ഏപ്രിൽ നാലിന് ആരംഭിച്ച് 29ന് അവസാനിക്കുന്ന രീതിയിൽ മൂന്നു ഘട്ടങ്ങളിലായി നടത്തും.  ഒന്നാം ഘട്ടം ഏപ്രിൽ നാല് മുതൽ 12 വരെയും (8 ദിവസം), രണ്ടാം ഘട്ടം ഏപ്രിൽ 16 മുതൽ 17 വരെയും (2 ദിവസം), മൂന്നാം ഘട്ടം ഏപ്രിൽ 25 മുതൽ 29 വരെയും (4 ദിവസം) നടക്കും.  വിവിധ വിഷയങ്ങളുടെ സ്‌കീം ഫൈനലൈസേഷൻ ക്യാമ്പുകൾ 12 കേന്ദ്രീകൃത മൂല്യനിർണ്ണയ ക്യാമ്പുകളിൽ ഏപ്രിൽ ഒന്നിനും രണ്ടിനും നടത്തും.  

ലോക്‌സഭാ തിരഞ്ഞെടുപ്പിനുള്ള നാമനിർദേശപത്രിക സമർപ്പിക്കാനുള്ള ആദ്യദിനം സംസ്ഥാനത്ത് ലഭിച്ചത് എട്ട് പത്രികകൾ. തിരുവനന്തപുരം മണ്ഡലത്തിൽ രണ്ടും ആറ്റിങ്ങൽ, കൊല്ലം, ഇടുക്കി, ചാലക്കുടി, വയനാട്, കണ്ണൂർ എന്നിവിടങ്ങളിൽ ഓരോ പത്രികയുമാണ് സമർപ്പിച്ചിട്ടുള്ളത്. പത്രിക നൽകിയവരിൽ നാലുപേർ സ്ത്രീകളാണ്.

വരള്‍ച്ചയെ പ്രതിരോധിക്കുന്നതിന് ജില്ലാ ഭരണകൂടം സ്വീകരിച്ച നടപടികള്‍ വിജയം കാണുന്നു. നവീകരിച്ച ജലസ്രോതസ്സുകള്‍ ഉപയോഗപ്പെടുത്തുന്നതിനൊപ്പം  അനധികൃത ജലചൂഷണത്തിന് തടയിടാനും ജില്ലാഭരണകൂടത്തിന് സാധിച്ചു. മുന്‍വര്‍ഷങ്ങളില്‍  10 ജലസേചന  പദ്ധതികളില്‍ നിന്നായി 1.30 ലക്ഷം പേര്‍ക്ക് കുടിവെള്ളം എത്തിച്ചു. ഹരിത കേരള മിഷന്‍ വഴി നിര്‍മാണം നടത്തിയ 5 കുളങ്ങളെയും ജലവിതരണത്തിനായി ഉപയോഗപ്പെടുത്തി ജലവിതരണം കാര്യക്ഷമമാക്കും. വേനലില്‍ കുടിവെള്ള വിതരണത്തിനായി ജല അതോറിറ്റിയും പൂര്‍ണ സജ്ജമാണ്.