ദേവികുളം നെറ്റിക്കുടി നിവാസികളായ തോട്ടം തൊഴിലാളികള്‍ക്ക് വോട്ടിംഗ് പരിശീലം നല്‍കി. ദേവികുളം ആര്‍ ഡി ഒ  ഓഫീസിന്റെ ആഭിമുഖ്യത്തില്‍ സ്വീപ്പ് ടിം അംഗങ്ങളാണ് പരിപാടിക്ക് നേതൃത്വം നല്‍കിയത്. ദേവികുളം സബ് കളക്ടര്‍ ഡോ.രേണു രാജ് പരിപാടി ഉദ്ഘാടനം ചെയ്തു.ലോക് സഭ തിരഞ്ഞെടുപ്പില്‍ പരമാവധി പോളിംഗ് ശതമാനം  ഉയര്‍ത്തുകയാണ് ലക്ഷ്യമെന്നും തോട്ടം മേഖലയിലടക്കമുള്ളവര്‍ക്ക് പുതിയ വിവി പാറ്റ് സംവിധാനം മനസിലാക്കുന്നതിനുള്ള അവസരമാണ് ഒരുക്കിയിട്ടുള്ളതെന്നും സബ് കളക്ടര്‍ പറഞ്ഞു. മേഖലയിലെ 60ഓളം പേരാണ് വോട്ടിംഗ് പരിശീലനത്തിനെത്തിയത്.

നികുതിദായകരുടെ സൗകര്യാര്‍ത്ഥം പഞ്ചായത്തുകളില്‍ ഒടുക്കേണ്ട നികുതികള്‍ സ്വീകരിക്കുന്നതിന് ജില്ലയിലെ എല്ലാ ഗ്രാമപഞ്ചായത്ത് ഓഫീസുകളും മാര്‍ച്ച് 31 ന്  തുറന്നു പ്രവര്‍ത്തിക്കുമെന്ന് ഡെപ്യൂട്ടി ഡയറക്ടര്‍ അറിയിച്ചു.

2019 മെയില്‍ നടത്തുന്ന 109 മത് അഖിലേന്ത്യ അപ്രന്റിഷിപ്പ് ട്രേഡ് ടെസ്റ്റിന് അപേക്ഷ ക്ഷണിച്ചു. ആദ്യമായി പരീക്ഷ എഴുതുന്നവര്‍ക്ക് 105 രൂപയും വീണ്ടും എഴുതുന്നവര്‍ക്ക് 160 രൂപയാണ് പരീക്ഷാഫീസ്. പൂരിപ്പിച്ച അപേക്ഷ ഏപ്രില്‍ 12 വരെ  ആര്‍.ഐ സെന്ററുകളില്‍ സ്വീകരിക്കും ഏപ്രില്‍ 15വരെ പരിശീലനം പൂര്‍ത്തിയാക്കുന്നവര്‍ക്ക് അപേക്ഷ സമര്‍പ്പിക്കാം വിശദവിവരങ്ങള്‍ക്ക് കോഴിക്കോട് സെന്ററുമായി ബന്ധപ്പെടുക. ഫോണ്‍: 0495 2370. 

കൊയിലാണ്ടിയില്‍ മാര്‍ച്ച് 27  ന് അവധി ആയിരുന്ന റേഷന്‍ കടകള്‍ മാര്‍ച്ച് 31 ന് (ഞായറാഴ്ച) തുറന്നു പ്രവര്‍ത്തിക്കുന്നതാണെന്ന് താലൂക്ക് സപ്ലൈ ഓഫീസര്‍ അറിയിച്ചു. 
 

വീല്‍ ചെയറില്‍ ഇരിക്കുന്ന ആള്‍രൂപം, തൊട്ടടുത്ത് വോട്ടിങ് മെഷീന്‍, മുകളിലായി ത്രിവര്‍ണ്ണപതാക - മണലില്‍ തീര്‍ത്ത ഈ ശില്‍പ്പത്തിന് പറയാനുള്ളത് ഭിന്നശേഷിസൗഹൃദമായ തിരഞ്ഞെടുപ്പിനെ കുറിച്ചാണ്. ശാരീരിക അവശതകളാല്‍

വയനാട് പാര്‍ലമെന്റ് മണ്ഡലത്തില്‍ ശനിയാഴ്ച രണ്ടു സ്ഥാനാര്‍ത്ഥികള്‍ കൂടി നാമനിര്‍ദേശ പത്രിക സമര്‍പ്പിച്ചു. മലപ്പുറം മാറഞ്ചേരി പണിക്കവീട്ടില്‍ പയ്യപ്പുള്ളി സുനീര്‍ ശനിയാഴ്ച രാവിലെയാണ് പത്രിക നല്‍കിയത്. കമ്മ്യൂണിസ്റ്റ് പാര്‍ട്ടി ഓഫ് ഇന്ത്യ അംഗമായ പി.സുനീര്‍ എല്‍.ഡി.എഫ് സ്ഥാനാര്‍ത്ഥിയാണ്. ഘടകകക്ഷി നേതാക്കള്‍ക്കൊപ്പമെത്തിയ അദ്ദേഹം രണ്ടു സെറ്റ് പത്രിക വരണാധികാരി കൂടിയായ ജില്ലാ കലക്ടര്‍ എ.ആര്‍.അജയകുമാറിന് കൈമാറി.