ആലപ്പുഴ ഇൻഡസ്ട്രിയൽ ട്രൈബ്യൂണൽ എം.ബി.പ്രജിത്ത്, ഏപ്രിൽ നാല്, അഞ്ച്, 11, 12, 25, 26 തീയതികളിൽ എറണാകുളം ലേബർ കോടതിയിലും, ഒൻപതിന് മൂവാറ്റുപുഴ കച്ചേരിത്താഴം കോർട്ട് കോംപ്ലക്‌സിലുള്ള ഓൾഡ് ഫാമിലി കോർട്ട് ഹാളിലും 30 ന് പത്തനംതിട്ട ജില്ലാ മീഡിയേഷൻ സെന്ററിലും, മറ്റ് പ്രവൃത്തി ദിവസങ്ങളിൽ ആസ്ഥാനത്തും തൊഴിൽതർക്ക കേസുകളും, എംപ്ലോയീസ് ഇൻഷ്വറൻസ് കേസുകളും എംപ്ലോയീസ് കോമ്പൻസേഷൻ കേസുകളും വിചാരണ ചെയ്യും.

പി.എൻ.എക്സ്. 1031/19

ഹൈക്കോടതി ജഡ്ജിമാർക്ക് ചീഫ് ഇലക്ട്രൽ ഓഫീസറുടെ നേതൃത്വത്തിൽ  ഇലക്ട്രോണിക് വോട്ടിംഗ് മെഷീൻ, വിവിപാറ്റ് എന്നിവ പരിചയപ്പെടുത്തുന്നതിന് ശിൽപ്പശാല നടത്തി. ചീഫ് ജസ്റ്റിസ് റിഷികേശ് റോയി ഉദ്ഘാടനം ചെയ്തു. ചീഫ് ഇലക്ട്രൽ ഓഫീസർ ടിക്കാറാം മീണ, ഐ. ഐ. ടി മുംബയിലെ പ്രൊഫസറും ഇലക്ഷൻ കമ്മീഷൻ ടെക്നിക്കൽ കമ്മിറ്റിയിലെ വിദഗ്ധനുമായ പ്രൊഫ. ദിനേശ് ശർമ എന്നിവർ വോട്ടിംഗ് മെഷീനും വിവിപാറ്റും പരിചയപ്പെടുത്തി. 

 അഖിലേന്ത്യാ  അപ്രന്‍റീസ്ഷിപ്പ് ട്രേഡ് ടെസ്റ്റിന് അപേക്ഷ ക്ഷണിച്ചു. പൂരിപ്പിച്ച അപേക്ഷ ഏപ്രില്‍ 12നകം ആര്‍.ഐ സെന്‍ററില്‍ നല്‍കണം. കൂടുതല്‍ വിവരങ്ങള്‍ 0481 2561803 എന്ന നമ്പരിലും https://det.kerala.gov.in എന്ന വെബ്സൈറ്റിലും ലഭിക്കും.

കുടുംബശ്രീ ജില്ലാ മിഷന്‍ കോട്ടയം മാമ്മന്‍ മാപ്പിള ഹാളില്‍ സംഘടിപ്പിച്ച ജില്ലാതല പാചക മത്സരത്തില്‍ കുമരകം ഗ്രാമപഞ്ചായത്തിലെ   സമൃദ്ധി ടീം ഒന്നാം സ്ഥാനം നേടി.  പാറത്തോട് നീറ്റ് ആന്‍ഡ് ടേസ്റ്റി,  മേലുകാവ് എ-വണ്‍ എന്നീ ടീമുകള്‍ക്കാണ് യഥാക്രമം രണ്ടും മൂന്നും സ്ഥാനങ്ങള്‍. 

 കുടിവെള്ള ലഭ്യതയുമായി ബന്ധപ്പെട്ട പരാതികള്‍ കളക്ട്രേറ്റില്‍ പ്രവര്‍ത്തിക്കുന്ന ജില്ലാ ദുരന്ത നിവാരണ സെല്ലില്‍ അറിയിക്കാം. ഇതിനായി 1077(ടോള്‍ ഫ്രീ), 9446562236, 0481 2304800 എന്നീ നമ്പരുകളില്‍ ബന്ധപ്പെടണമെന്ന് ജില്ലാ കളക്ടര്‍ പി. കെ സുധീര്‍ ബാബു അറിയിച്ചു. 

ലഹരി വര്‍ജ്ജന മിഷന്‍ വിമുക്തിയുടെ യോഗം ഏപ്രില്‍ മൂന്നിന് ഉച്ചയക്ക് 2.30ന് കളക്ട്രേറ്റ് കോണ്‍ഫറന്‍സ് ഹാളില്‍ ചേരും. ജില്ലാ കളക്ടര്‍ പി. കെ സുധീര്‍ ബാബു അധ്യക്ഷത വഹിക്കും. 

 ലോക്സഭാ തിരഞ്ഞെടുപ്പിനായി കോട്ടയം മണ്ഡലത്തില്‍ ആദ്യ നാമനിര്‍ദേശ പത്രിക ഇന്നലെ സമര്‍പ്പിച്ചു. കേരളാ കോണ്‍ഗ്രസ്(എം) സ്ഥാനാര്‍ത്ഥി തോമസ് ചാഴിക്കാടനാണ് ജില്ലാ വരണാധികാരിയായ ജില്ലാ കളക്ടര്‍ പി. കെ. സുധീര്‍ ബാബു മുമ്പാകെ പത്രിക നല്‍കിയത്. നാലു സെറ്റ് പത്രികകളാണ് തോമസ് ചാഴിക്കാടനുവേണ്ടി സമര്‍പ്പിക്കപ്പെട്ടത്. 

സ്ഥാനാര്‍ത്ഥികളുടെയും പാര്‍ട്ടികളുടെയും തിരഞ്ഞെടുപ്പ് ചെലവുകള്‍ നിരീക്ഷിക്കുന്നതിനായി കേന്ദ്ര തിരഞ്ഞെടുപ്പ് കമ്മീഷന്‍ നിയോഗിച്ച ഒബ്സര്‍വര്‍ കെ. വി ഗണേഷ് പ്രസാദ് കോട്ടയം മണ്ഡലത്തിലെ ക്രമീകരണങ്ങള്‍ വിലയിരുത്തി.  ഇന്നലെ രാവിലെ കളക്ട്രേറ്റിലെത്തിയ അദ്ദേഹം ജില്ലാ വരണാധികാരിയായ ജില്ലാ കളക്ടര്‍ പി.കെ. സുധീര്‍ ബാബുവമായി കൂടിക്കാഴ്ച്ച നടത്തി.

ആലപ്പുഴ :ലോക്‌സഭ തിരഞ്ഞെടുപ്പിലേക്കുള്ള നാമനിർദ്ദേശ പത്രികകൾ സമർപ്പിച്ചു തുടങ്ങി. പത്രിക സമർപ്പണത്തിന്റെ രണ്ടാം ദിനമായ ഇന്നലെ ആലപ്പുഴ ,മാവേലിക്കര മണ്ഡലങ്ങളിൽ മത്സരിക്കുന്ന രണ്ടു സ്ഥാനാർഥികളാണ്  വരണാധികാരിയായ ജില്ല കളക്ടർ മുമ്പാകെ പത്രിക സമർപ്പിച്ചത്. ആലപ്പുഴ മണ്ഡലത്തിൽ മത്സരിക്കുന്ന തുറവൂർ സുരേഷും, മാവേലിക്കര മണ്ഡലത്തിൽ മത്സരിക്കുന്ന ഡി .അജിയുമാണ് ഇന്നലെ പത്രിക നൽകിയത്. ഇരുവരും ഡി.എച്ച്.ആർ.എം. പ്രതിനിധികളാണ്. 

ആലപ്പുഴ: നൂറിൽ നൂറ് ആലപ്പുഴ എന്ന ലക്ഷ്യത്തോടെ സംഘടിപ്പിക്കുന്ന ജില്ലയിലെ തിരഞ്ഞെടുപ്പ് ബോധവൽക്കരണ പരിപാടികൾ വിജയകരമായി തുടരുന്നു. സ്വീപ്പ് പ്രവർത്തനം ഇന്നലെ മാവേലിക്കര, ചെങ്ങന്നൂർ മേഖലകൾ കേന്ദ്രീകരിച്ചാണ് നടത്തിയത്. ചെങ്ങന്നൂർ വനിത ഐ.ടി.ഐ., ഐ.ടി.ഐ., മാവേലിക്കര ബ്ലോക്ക് ഓഫീസ് എന്നിവടങ്ങളിലായിരുന്നു വോട്ടിങ് യന്ത്രവും വി.വി.പാറ്റ് മെഷീനും പരിചയപ്പെടുത്തി ബോധവൽക്കരണം നടത്തിയത്. ഐ.ടി.ഐ. വിദ്യാർഥികൾ, മഹിള പ്രധാൻ ഏജന്റുമാർ തുടങ്ങിയവർ വോട്ടു ചെയ്ത് വി.വി.പാറ്റ് യന്ത്രത്തിന്റെ പ്രവർത്തനം മനസിലാക്കി. 

തണ്ണീർമുക്കം ബണ്ട് ഏപ്രിൽ 20ന് തുറക്കും