കട്ടപ്പന ഗവണ്‍മെന്റ് ഐ.ടി.ഐയില്‍ ഐ.എം.സിയുടെ ആഭിമുഖ്യത്തില്‍ ടോട്ടല്‍ സ്റ്റേഷന്‍ സര്‍വ്വേ, സി.സി.റ്റി.വി ടെക്‌നീഷ്യന്‍ എന്നീ ഹ്രസ്വകാല കോഴ്‌സുകളിലേക്ക് പ്രവേശനം ആരംഭിച്ചു. കൂടുതല്‍ വിവരങ്ങള്‍ക്ക് ഫോണ്‍ 04868 272216.

ലോക്‌സഭ തെരഞ്ഞെടുപ്പ് : ഹരിതചട്ടം 

തൊടുപുഴ നിയോജകമണ്ഡലത്തിലെ ഇടവെട്ടിയില്‍ സ്ഥാപിച്ചിരുന്ന ബോര്‍ഡിനെ സംബന്ധിച്ച് ഇലക്ഷന്‍ കമ്മീഷന്റെ വെബ്‌സൈറ്റായ സി വിജില്‍ ആപ്ലിക്കേഷനില്‍ രജിസ്റ്റര്‍ ചെയ്ത പരാതി ആന്റി ഡിഫേസ്‌മെന്റ് സ്‌ക്വാഡ് പരിശോധിച്ച് ബോര്‍ഡ് നീക്കം ചെയ്ത് പരാതി പരിഹരിച്ചതായി തൊടുപുഴ എ.ആര്‍.ഒ അറിയിച്ചു.

തൊടുപുഴ നിയോജകമണ്ഡലത്തിലെ മണക്കാട്, അരീക്കുഴ, കുന്നത്തുപാറ, അങ്കംവെട്ടി, പാറക്കടവ്, വഴിത്തല, വള്ളിക്കെട്ട്, നെല്ലാപ്പാറ, കരിങ്കുന്നം, നടുക്കണ്ടം, കന്നം, വണ്ടമറ്റം, നെയ്യശ്ശേരി, കരിമണ്ണൂര്‍, മുതലക്കോടം, ഇടവെട്ടി എന്നീ പ്രദേശങ്ങളില്‍ ആന്റി ഡിഫേസ്‌മെന്റ് സ്‌ക്വാഡ് നിരീക്ഷണം നടത്തി. പൊതുസ്ഥലത്ത് സ്ഥാപിച്ച 127 പോസ്റ്ററുകള്‍, സ്വകാര്യ സ്ഥലത്ത് സ്ഥാപിച്ച 11 ഫ്‌ളക്‌സ് ബോര്‍ഡുകള്‍ എന്നിവ നീക്കം ചെയ്തതായി തൊടുപുഴ എ.ആര്‍.ഒ അറിയിച്ചു.

  'എന്റെ വോട്ട് എന്റെ അവകാശം' എന്ന സന്ദേശ പ്രചാരണാര്‍ത്ഥം തെരഞ്ഞെടുപ്പ് കമ്മീഷന്റെ പ്രചാരണ വിഭാഗമായ സ്വീപ് ബോവിക്കാനത്ത്  സംഘടിപ്പിച്ച ബുള്ളറ്റ് റാലി  ജില്ലാ കളക്ടര്‍  ഡോ.ഡി.സജിത് ബാബു   ബുള്ളറ്റ് ഓടിച്ച് ഉദ്ഘാടനം ചെയ്തു. സ്വീപ് നോഡല്‍ ഓഫീസര്‍ ജോയിന്റ് രജിസ്ട്രാര്‍  വി. മുഹമ്മദ് നൗഷാദ് വോട്ട് സന്ദേശം നല്‍കി. 

 ലോക്സഭാ തെരഞ്ഞെടുപ്പിനോട് അനുബന്ധിച്ച് നിയമവിരുദ്ധമായ ലഹരി ഉപയോഗവും വില്‍പ്പനയും  തടയുന്നതിന് എക്സൈസ് വകുപ്പ് സ്പെഷ്യല്‍ ഡ്രൈവ് ആരംഭിച്ചു. ഇതിന്റെ ഭാഗമായി ഇടുക്കി എക്സൈസ് ഡിവിഷന്‍ ഓഫീസില്‍ 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂം തുറന്നു. പരാതികളില്‍ അടിയന്തര നടപടി സ്വീകരിക്കുന്നതിന്  പ്രത്യേക സ്ട്രൈക്കിംഗ് ഫോഴ്സിനെയും നിയോഗിച്ചിട്ടുണ്ട്. അതിര്‍ത്തി ചെക്ക് പോസ്റ്റുകളില്‍ പരിശോധന നടത്തുന്നതിന്  പ്രത്യേക സംഘത്തെ നിയോഗിച്ചതായും ഡെപ്യൂട്ടി എക്സൈസ് കമ്മീഷണര്‍ എം.ജെ ജോസഫ് അറിയിച്ചു. 

ലോക്‌സഭാ തെരഞ്ഞെടുപ്പിനുള്ള  മീഡിയ സര്‍ട്ടിഫിക്കേഷന്‍ മോണിറ്ററിങ്ങ് കമ്മിറ്റിയുടെ ഓഫീസും മീഡിയ നിരീക്ഷണ കേന്ദ്രവും ജില്ലാ വരണാധികാരിയായ ജില്ലാ കളക്ടര്‍ ഡോ.ഡി സജിത്ത് ബാബു കളക്ടറേറ്റിലെ ജില്ലാ ഇന്‍ഫര്‍മേഷന്‍ ഓഫീസില്‍ ഉദ്ഘാടനം ചെയ്തു. തെരഞ്ഞെടുപ്പ് നിരീക്ഷകന്‍ പ്രമോദ് കുമാര്‍ ചടങ്ങില്‍ മുഖ്യാതിഥിയായിരുന്നു.സെന്ററിന്റെ പ്രവര്‍ത്തനത്തെകുറിച്ച് കളക്ടര്‍ തെരഞ്ഞെടുപ്പ് നിരീക്ഷകന് വിശദീകരിച്ചു കൊടുത്തു.

ലോക്‌സഭാ തെരഞ്ഞെടുപ്പുമായി ബന്ധപ്പെട്ട് സ്ഥാനാര്‍ത്ഥികളുടേയും രാഷ്ട്രീയ പാര്‍ട്ടികളുടേയും തെരഞ്ഞെടുപ്പ് ചെലവ് നിരീക്ഷിക്കുന്നതിനു കേന്ദ്ര തെരഞ്ഞെടുപ്പ് കമ്മീഷന്‍ കാസര്‍കോട് ജില്ലയിലേക്ക് നിയോഗിക്കപ്പെട്ട നിരീക്ഷകന്‍ പ്രമോദ് കുമാര്‍ കളക്ടറേറ്റിലെത്തി ചുമതലയേറ്റു. ഡല്‍ഹിയില്‍ ധനകാര്യ വകുപ്പില്‍ ജോയിന്റ് കമ്മീഷണര്‍ ആണ് ഇദ്ദേഹം. ജനാധിപത്യപരവും സുതാര്യവുമായ തെരഞ്ഞെടുപ്പ് ഉറപ്പ് വരുത്തുന്നതിനും സ്ഥാനാര്‍ഥികള്‍ക്ക് പരമാവധി ചെലവഴിക്കാവുന്ന തുകയില്‍ കൂടുതല്‍ ചെലവഴിക്കുന്നുണ്ടോയെന്നും പരിശോധിക്കും. തെരഞ്ഞെടുപ്പ് പ്രചാരണത്തിന് ഉപയോഗിക്കുന്ന 90ഓളം സാധന സാമഗ്രികളുടെ അടിസ്ഥാനവില നിശ്ചയിച്ചിട്ടുണ്ട്.

കേരള സഹകരണ ട്രൈബ്യൂണൽ എം.ജി പത്മിനി ഏപ്രിൽ രണ്ടിന് കണ്ണൂർ ജില്ലാ സഹകരണ ബാങ്കിലും അഞ്ചിന് എറണാകുളം സർക്കാർ ഗസ്റ്റ് ഹൗസ് ലൈബ്രറി ഹാളിലും 11ന് ആലപ്പുഴ പോലീസ് ക്രെഡിറ്റ് കോപ്പറേറ്റീവ് സൊസൈറ്റി ഹാളിലും 24ന് തൃശൂർ ജില്ലാ സഹകരണ ബാങ്കിലും 22നും 30നും ആസ്ഥാനത്തും സിറ്റിംഗ് നടത്തും.

പി.എൻ.എക്സ്. 1004/19