ശബരിമല തീർത്ഥാടനവുമായി ബന്ധപെട്ട വിവിധ മത തീർത്ഥാടന കേന്ദ്രങ്ങളെ ഉൾപ്പെടുത്തി സമഗ്രമായ ശബരിമല ആത്മീയ ടൂറിസം തീർത്ഥാടന പദ്ധതി നടപ്പിലാക്കാൻ  ആഗോള അയ്യപ്പ സംഗമത്തിലെ ആത്മീയ ടൂറിസം സർക്യൂട്ട് എന്ന വിഷയത്തിൽ നടന്ന ചർച്ചയിൽ ആവശ്യമുയർന്നു.

ശബരിമലയിൽ വരുംവർഷങ്ങളിൽ പ്രതിദിന തീർത്ഥാടന സംഖ്യ മൂന്ന് ലക്ഷത്തിലെത്തുന്ന സാഹചര്യം മുൻകൂട്ടി കണ്ട് സുരക്ഷാ ക്രമീകരണങ്ങൾ ശക്തിപ്പെടുത്തുന്ന നടപടി വേഗത്തിലാക്കണമെന്ന് അയ്യപ്പ സംഗമത്തിൽ നിർദേശം.

സംസ്ഥാനത്തെ തദ്ദേശസ്ഥാപന പൊതുതിരഞ്ഞെടുപ്പിൽ മത്സരിക്കുന്നതിന് രാഷ്ട്രീയപാർട്ടികൾക്ക് ചിഹ്നം അനുവദിച്ച് സംസ്ഥാന തിരഞ്ഞെടുപ്പ് കമ്മീഷൻ കരട് വിജ്ഞാപനം പുറപ്പെടുവിച്ചു.

ആഗോള അയ്യപ്പ സംഗമത്തിൽ ഉയർന്ന നിർദ്ദേശങ്ങൾ ചർച്ച ചെയ്ത് നടപടികൾ  സ്വീകരിക്കാൻ ദേവസ്വം മന്ത്രി ചെയർമാനായി 18 അംഗ സമിതിയെ നിയോഗിക്കുമെന്ന് സഹകരണ തുറമുഖ ദേവസ്വം വകുപ്പ് മന്ത്രി വി എൻ വാസവൻ.

അതിദാരിദ്ര്യത്തെ പൂര്‍ണമായും ഇല്ലാതാക്കാനുള്ള സംസ്ഥാന സര്‍ക്കാരിന്റെ നിശ്ചയദാര്‍ഢ്യത്തിന് തൊട്ടരികെ കൊല്ലവും.  അതിദാരിദ്ര്യനിര്‍മാര്‍ജനം പദ്ധതി (ഇ.പി.ഇ.പി) യില്‍ ജില്ല 95 ശതമാനവും പൂര്‍ത്തിയാക്കി. 3786 കുടുംബങ്ങളാണ് അന്തിമ ഗുണഭോക്തൃപട്ടികയില്‍ ഉള്‍പ്പെട്ടത്. 3606 കുടുംബങ്ങള്‍ നാളിതുവരെ അതിദാരിദ്ര്യത്തില്‍ നിന്നും മുക്തരായി.

കേരള ആര്‍ട്ടിസാന്‍സ് ഡെവലപ്പ്‌മെന്റ് കോര്‍പ്പറേഷന്‍ നടത്തുന്ന ഗോള്‍ഡ് അപ്രൈസര്‍ ട്രെയിനിംഗ് ഫോര്‍ ട്രഡീഷണല്‍  ഗോള്‍ഡ്‌സ്മിത്ത്‌സ്    2025- 26 സാമ്പത്തിക വര്‍ഷത്തിലെ അഞ്ച് ദിവസത്തെ പരിശീലനപദ്ധതിയിലേക്ക് ആര്‍ട്ടിസാന്‍മാരെ തെരഞ്ഞെടുക്കും.   പരമ്പരാഗത സ്വര്‍ണതൊഴിലാളി വിഭാഗത്തില്‍പ്പെടുന്ന കാഡ്‌കോയുടെ ലേബര്‍ ഡേറ്റാ ബാങ്കില്‍ രജിസ്റ്റര്‍ ചെയ്ത കൊല്ലം, കോട്ടയം, പത്തനംതിട്ട ജില്ലകളിലുള്ളവര്‍ക്ക് ഉമയനല്ലൂര്‍ കാഡ്‌കോ ദക്ഷിണമേഖലാ ഓഫീസില്‍ ഒക്‌ടോബര്‍ നാലിന് രാവിലെ 10.30 ന് നടത്തുന്ന അഭിമുഖത്തില്‍ വിദ്യാഭ്യാസരേഖ, വയസ് തെളിയിക്കുന്ന രേഖ, തൊഴില്‍പരിചയ സര്‍ട്ടിഫിക്കറ്റ്  സഹിതം   പങ്കെടുക്കാം.

  കൊല്ലം ലോക്‌സഭ മണ്ഡലത്തിലെ കേന്ദ്രാവിഷ്‌കൃതപദ്ധതികളുടെ പ്രവര്‍ത്തനപുരോഗതി വിലയിരുത്തുന്നതിനായി സെപ്റ്റംബര്‍ 29ന് രാവിലെ 10.30ന് ജില്ലാ ആസൂത്രണ കമ്മിറ്റി കോണ്‍ഫറന്‍സ് ഹാളില്‍  യോഗം ചേരും.
 

കരുനാഗപ്പള്ളി ഐ.സി.ഡി.എസ് ഓഫീസിലേക്ക് ഒരു വര്‍ഷത്തേക്ക് കരാറടിസ്ഥാനത്തില്‍ ഓടുന്നതിന് 800 സി.സിയ്ക്ക് മുകളിലുള്ള കാര്‍/ജീപ്പ് ഉടമകളില്‍ നിന്ന് ടെന്‍ഡര്‍ ക്ഷണിച്ചു.  നിരതദ്രവ്യം 3360രൂപ.  ഒക്‌ടോബര്‍ 10 വൈകിട്ട് മൂന്ന് വരെ സമര്‍പ്പിക്കാം. ഫോണ്‍: 8592973528.
 
 

സംസ്ഥാന ന്യൂനപക്ഷ കമ്മീഷന്‍  സിറ്റിംഗ് സെപ്തംബര്‍ 22 ന് രാവിലെ 10:30 ന്് കലക്‌ട്രേറ്റ് കോണ്‍ഫറന്‍സ് ഹാളില്‍ ചേരും.  നിലവിലുളള പരാതികളും പുതിയ പരാതികളും പരിഗണിക്കും. ന്യൂനപക്ഷങ്ങളായ മുസ്ലീം, ക്രിസ്ത്യന്‍, ബുദ്ധ, സിഖ്, ജൈന, പാഴ്സി വിഭാഗങ്ങളില്‍പ്പെട്ടവരുടെ പരാതിപരിഹാരത്തിനും കമ്മീഷനെ സമീപിക്കാം. കമ്മീഷന് നേരിട്ടോ, തപാലിലോ, kscminorities@gmail.com  ലോ, 9746515133  ലോ പരാതികള്‍ സമര്‍പ്പിക്കാം.  

*സേവനവും സൗകര്യവും മികച്ചതാക്കിയാണ് നേട്ടം കൈവരിച്ചത്

ബ്യൂറോ ഓഫ് ഇന്ത്യൻ സ്റ്റാൻഡേർഡ് സർട്ടിഫിക്കേഷനോടെ ഐഎസ്ഒ  അംഗീകാരം സ്വന്തമാക്കി കുത്തിയതോട് പൊലീസ് സ്റ്റേഷൻ. അംഗീകാരം കരസ്ഥമാക്കിയ രാജ്യത്തെ രണ്ടാമത്തെ സ്റ്റേഷനാണ് കുത്തിയതോട്. സേവനവും സൗകര്യവും മികച്ചതാക്കിയാണ് നേട്ടം കൈവരിച്ചത്. അർത്തുങ്കൽ പൊലീസ് സ്റ്റേഷനാണ് ആദ്യം അംഗീകാരം ലഭിച്ചത്. കുത്തിയതോട് സ്റ്റേഷൻ അങ്കണത്തിൽ നടന്ന ചടങ്ങ് ദലീമ ജോജോ എംഎൽഎ ഉദ്ഘാടനം ചെയ്തു. ബിഐഎസ് ഡയറക്ടർ വെങ്കട നാരായണനിൽ നിന്ന് എംഎൽഎയും കുത്തിയതോട് സ്റ്റേഷൻ ഹൗസ് ഓഫീസർ എം. അജയമോഹനും ചേർന്ന് സർട്ടിഫിക്കറ്റ് ഏറ്റുവാങ്ങി.