മുളന്തുരുത്തി ബ്ലോക്ക് പഞ്ചായത്തിലെ 2025-26 വാർഷിക പദ്ധതിയിൽ ഉൾപ്പെടുത്തിയിട്ടുള്ള പൊതുമരാമത്ത് പ്രവൃത്തികൾ ഏറ്റെടുത്ത് പൂർത്തീകരിക്കുന്നതിന് അംഗീകൃത കരാറുകാരിൽ നിന്നും ഇ-ടെൻഡർ ക്ഷണിച്ചു. കൂടുതൽ വിവരങ്ങൾ മുളന്തുരുത്തി ബ്ലോക്ക് പഞ്ചായത്ത് തദ്ദേശ സ്വയംഭരണ വകുപ്പ് അസിസ്റ്റന്റ്റ് എക്സിക്യൂട്ടീവ് എഞ്ചിനീയറുടെ കാര്യാലയത്തിൽ നിന്നും ലഭിക്കും 

ഫോൺ: 0484-2742360

കേരള സംഗീത നാടക അക്കാദമി സംഘടിപ്പിച്ച ത്രിഭംഗി മധ്യമേഖല ദേശീയ നൃത്തോത്സവം ഇന്ന് (സെപ്തംബർ 21) സമാപിക്കും. അങ്കമാലി എ.പി കുര്യൻ സ്മാരക സി.എസ്.എ .ഓഡിറ്റോറിയത്തിലാണ് നൃത്തോത്സവം നടക്കുന്നത്. 26 വർഷത്തെ ഇടവേളയ്ക്ക് ശേഷമാണ് അക്കാദമി ദേശീയ നൃത്തോത്സവം സംഘടിപ്പിച്ചത്. മൂന്ന് മേഖലകളിലായി സംഘടിപ്പിച്ച ദേശീയ നൃത്തോത്സവത്തിലെ ദക്ഷിണ മേഖല നൃത്തോത്സവം തിരുവനനന്തപുരത്തും ഉത്തരമേഖല ദേശീയ നൃത്തോത്സവം തളിപ്പറമ്പിലുമാണ് ആണ് നടത്തിയത്

നൃത്തോത്സവത്തിന്റെ സമാപനദിനമായ ഇന്ന് (സെപ്തംബര്‍ 21 ) ഉച്ചയ്ക്ക് മൂന്ന് മണി മുതല്‍ സ്വാതി സജീവ്, സൃഷ്ടി ദേസാക്ഷി സിധേന്ദ്ര ചൊക്കലിംഗം,എം.ടി.മൃണ്‍മയി, നിര്‍മുക്ത അരുണ്‍, മാളവിക മുരളി, മീനാക്ഷി നായര്‍, ഹിത ശശിധരന്‍, നൃത്ത കലാഞ്ജലി എന്നിവര്‍ നൃത്തം അവതരിപ്പിക്കും.വൈകീട്ട് ആറുമുതല്‍ രൂപശ്രീ മഹാപത്ര മഹാരിനൃത്തവും ഡോ.രതീഷ് ബാബു,ഷഫീകുദ്ദീന്‍, ഷബന എന്നിവര്‍ ഭരതനാട്യവും ദീപ കര്‍ത്ത കഥക്കും ഡോ.ചിന്ത രവി ബാലകൃഷ്ണ കുച്ചിപ്പുടിയും കലാമണ്ഡലം ശ്രീജ.ആര്‍.കൃഷ്ണന്‍ മോഹിനിയാട്ടവും ഡോ.മോനിഷ ദേവി സാത്രിയയും അവതരിപ്പിക്കും.

കേരള സംഗീത നാടക അക്കാദമി സംഘടിപ്പിച്ച ത്രിഭംഗി മധ്യമേഖല ദേശീയ നൃത്തോത്സവത്തിൻ്റെ ഭാഗമായുള്ള ദ്വിദിന നൃത്തശില്പശാല അങ്കമാലി എ.പി കുര്യൻ സ്മാരക സി.എസ്.എ ഓഡിറ്റോറിയത്തിൽ ആരംഭിച്ചു. നൃത്ത പഠിതാക്കളായ 130 വിദ്യാർത്ഥികളാണ് ശില്പശാലയിൽ പങ്കെടുത്തത്. ആദ്യദിനം ശില്പശാലയിൽ കലാമണ്ഡലം സംഗീത കൂടിയാട്ടം എന്ന വിഷയത്തിലും ബി.ആർ വിക്രം കുമാർ കലാനിരൂപണം എന്ന വിഷയത്തിലും കലാമണ്ഡലം ശ്രീരംഗ്

നരസിംഹാവതാരമായി കലാമണ്ഡലം സംഗീത നിറഞ്ഞാടിയപ്പോൾ, കൗതുകത്തോടെ സദസ്സ് ഒന്നടങ്കം അതിൽ ലയിച്ചു. കേരള സംഗീത അക്കാദമി അങ്കമാലിയിൽ സംഘടിപ്പിച്ച ത്രിഭംഗി മധ്യമേഖല ദേശീയ നൃത്തോത്സവത്തിൻ്റെ ' ഭാഗമുള്ള നൃത്തശില്പശാലയാണ് ഈ അപൂർവ്വ അഭിനയ - നൃത്തവിസ്മയത്തിന് സാക്ഷ്യം വഹിച്ചത്. നൃത്തോത്സവത്തിൻ്റെ രണ്ടാംദിനം കലാമണ്ഡലം സംഗീതയുടെ കൂടിയാട്ട ഉദാഹരണ പ്രഭാഷണത്തോടെയാണ് ദ്വിദിന നൃത്തശില്പശാലയ്ക്ക് തുടക്കം കുറിച്ചത്. ഈ പ്രഭാഷണത്തിലാണ് നരസിംഹാവതാരമായി സംഗീത അരങ്ങിൽ പകർന്നാടിയത് . കലാമണ്ഡലം രതീഷ് ഭാസ്, കലാമണ്ഡലം കൃഷ്ണദാസ് എന്നിൽ മിഴാവ് വാദനവുമായി സംഗീതയെ അനുഗമിച്ചു.

സംഘാടകസമിതി രൂപീകരിച്ചു

ചാമ്പ്യൻസ് ബോട്ട് ലീഗിന്റെ ഭാഗമായി വിനോദസഞ്ചാര വകുപ്പിന്റെ ആഭിമുഖ്യത്തിൽ മൂവാറ്റുപുഴ ആറിൽ സംഘടിപ്പിക്കുന്ന പിറവം വള്ളംകളി മത്സരം ഒക്ടോബർ നാലിന് നടക്കും. മുന്നൊരുക്കങ്ങളുടെ ഭാഗമായി സംഘാടകസമിതി രൂപീകരിച്ചു. പിറവം കൊള്ളിക്കൽ ഇറിഗേഷൻ വകുപ്പ് ഇൻസ്പെക്ഷൻ ബംഗ്ലാവിൽ നടന്ന യോഗം അനൂപ് ജേക്കബ് എം എൽ എ ഉദ്ഘാടനം ചെയ്തു. നെഹ്റു ട്രോഫി ജേതാക്കളായ ഒമ്പത് ചുണ്ടൻ വള്ളങ്ങളാണ് ഇത്തവണ മത്സരിക്കുന്നത്.

മന്ത്രി പി. രാജീവ് ഉദ്ഘാടനം നിര്‍വഹിക്കും

 ഗോശ്രീ ദ്വീപുകളെ നെറ്റ് സീറോ കാര്‍ബണിലേക്കെത്തിക്കുക എന്ന ലക്ഷ്യത്തോടെ നടപ്പിലാക്കുന്ന കാര്‍ബണ്‍ ന്യൂട്രല്‍ ഗോശ്രീ പദ്ധതി രേഖ പ്രകാശനം നാളെ(സെപ്റ്റംബർ 22)നടക്കും. രാവിലെ 11.30 ന് ബോൾഗാട്ടി പാലസിൽ മന്ത്രി പി രാജീവ് ഉദ്ഘാടനം നിർവഹിക്കും.കെ.എന്‍. ഉണ്ണിക്കൃഷ്ണന്‍ എം.എല്‍.എ അധ്യക്ഷനാകും. ഹൈബി ഈഡന്‍ എം.പി. മുഖ്യാതിഥിയായി പങ്കെടുക്കും.  

അമ്പലപ്പുഴ മണ്ഡലം സാംസ്കാരികോത്സവമായ തോട്ടപ്പള്ളി ഫെസ്റ്റ് -2025ന്റെ ഭാഗമായി കോളേജ് വിദ്യാർഥികൾക്കായി അർദ്ധദിന തൊഴിലധിഷ്ഠിത പരിശീലന പരിപാടി സംഘടിപ്പിക്കുന്നു. നാളെ (സെപ്റ്റംബർ 22ന്) രാവിലെ 10 മണിക്ക് മാർ ഗ്രിഗോറിയോസ് കോളേജ് പുന്നപ്രയിൽ എച്ച് സലാം എംഎൽഎയുടെ അധ്യക്ഷതയിലാണ് പരിശീലനം.

ആലപ്പുഴ നഗരസഭ വാര്‍ഷിക പദ്ധതിയില്‍ ഉൾപ്പെടുത്തി നിര്‍മ്മാണം പൂർത്തീകരിച്ച പവര്‍ഹൗസ് വാര്‍ഡിലെ പാരിഷ്ഹാള്‍ റോഡ് നിര്‍മ്മാണം പൂര്‍ത്തീകരിച്ച് തുറന്നുകൊടുത്തു. നഗരസഭാധ്യക്ഷ കെ കെ ജയമ്മ ഉദ്ഘാടനം ചെയ്തു. പൊതുമരാമത്ത് സ്ഥിരംസമിതി അധ്യക്ഷന്‍ എം ആർ പ്രേം അധ്യക്ഷനായി. വാര്‍ഡ് കൗണ്‍സിലര്‍ ഹെലന്‍ ഫെര്‍ണാണ്ടസ്, പൊതുപ്രവർത്തകരായ കെ ജെ പ്രവീണ്‍, എ അഷ്റഫ്, നജീമുദ്ദീന്‍, താജുദ്ദീന്‍, സിദ്ധാർത്ഥൻ, ജയശ്രീ,  പ്രദേശവാസികള്‍ തുടങ്ങിയവർ പങ്കെടുത്തു.
 

കഞ്ഞിക്കുഴി ഗ്രാമപഞ്ചായത്തിൽ നവീകരിച്ച ലൈബ്രറി കെട്ടിടത്തിന്റെ ഉദ്ഘാടനം ബ്ലോക്ക് പഞ്ചായത്ത് പ്രസിഡന്റ് വി ജി മോഹനൻ നിർവഹിച്ചു. റർബൻ മിഷൻ ഫണ്ടിൽ ഉൾപ്പെടുത്തി നവീകരിച്ച ലൈബ്രറിയിൽ ഡിജിറ്റൽ സംവിധാനങ്ങളടക്കം  സജ്ജീകരിച്ചിട്ടുണ്ട്. ലൈബ്രറിയിൽ നടന്ന ചടങ്ങിൽ പഞ്ചായത്ത് പ്രസിഡന്റ് ഗീതാ കാർത്തികേയൻ അധ്യക്ഷയായി. വൈസ് പ്രസിഡന്റ് അഡ്വ. എം സന്തോഷ് കുമാർ, ക്ഷേമകാര്യ സ്ഥിരംസമിതി അധ്യക്ഷൻ ബി ബൈരഞ്ചിത്ത്, ആസൂത്രണ സമിതി ഉപാധ്യക്ഷൻ സി പി ദിലീപ്, പഞ്ചായത്ത്‌ സെക്രട്ടറി റ്റി എഫ് സെബാസ്റ്റ്യൻ, വിദ്യാർഥികൾ, പൊതുജനങ്ങൾ തുടങ്ങിയവർ പങ്കെടുത്തു.