പത്താമത് ആയുർവേദ ദിനാചരണത്തോടനുബന്ധിച്ച് ഭാരതീയ ചികിത്സാ വകുപ്പ് സംഘടിപ്പിക്കുന്ന സൗജന്യ സ്പെഷ്യാലിറ്റി മെഡിക്കൽ ക്യാമ്പുകൾ (സ്ക്രീനിങ് ക്യാമ്പുകൾ) സെപ്റ്റംബർ 23 ന് നടക്കും. ചങ്ങമ്പുഴ പാർക്കിൽ രാവിലെ 10 മുതൽ ഉച്ചക്ക് 1 വരെയാണ് മെഡിക്കൽ ക്യാമ്പ്.

 ആയുർവേദ ചികിത്സയിലെ വിവിധ വിഭാഗങ്ങളിൽപ്പെട്ട ഡോക്ടർമാരുടെ സേവനം ക്യാമ്പിൽ ലഭിക്കും. 

lആരോഗ്യകരമായ ആഹാര വിഭവങ്ങളുടെ പ്രദർശനവും ബോധവത്കരണ ക്ലാസുകളും ക്യാമ്പിന്റെ ഭാഗമായി ഒരുക്കിയിട്ടുണ്ട് . പങ്കെടുക്കാൻ താൽപ്പര്യമുള്ളവർക്ക് മുൻകൂട്ടി രജിസ്റ്റർ ചെയ്യാനുള്ള സൗകര്യം ഉണ്ട് . 

ഫോൺ - 9539088981

ആയുർവേദ ദിനാചരണത്തോടനുബന്ധിച്ച് ഭാരതീയ ചികിത്സാ വകുപ്പ് വിദ്യാർത്ഥികൾക്കായി ക്വിസ് മത്സരം സംഘടിപ്പിക്കുന്നു. വിവിധ സർക്കാർ- സ്വകാര്യ സ്കൂളുകൾ കേന്ദ്രീകരിച്ച് പഞ്ചായത്ത് അടിസ്ഥാനത്തിൽ നടത്തുന്ന ക്വിസ് മത്സരത്തിൽ യോഗ്യത നേടുന്ന വിദ്യാർത്ഥികൾക്ക് ബ്ലോക്ക് തലത്തിലും മത്സരങ്ങൾ സംഘടിപ്പിച്ചിട്ടുണ്ട്. ബ്ലോക്ക് മത്സരങ്ങളിൽ യോഗ്യത നേടുന്നവർക്ക് ജില്ലാ തല മത്സരങ്ങളിലും പങ്കെടുക്കാം. ജില്ലാ മത്സരങ്ങളിൽ വിജയിച്ചവർക്ക് മെഗാ സമ്മാനമാണ് ലഭിക്കുന്നത് .

മുൻഗണന വിഭാഗത്തിൽ (പിങ്ക് കാർഡ് ) നിലവിൽ വന്നിട്ടുള്ള ഒഴിവുകളിൽ ഉൾപ്പെടുത്തുന്നതിനായി അർഹരായ മുൻഗണനേതര ( വെള്ള, നീല) റേഷൻ കാർഡ് ഉടമകളിൽ നിന്ന് അപേക്ഷകൾ സ്വീകരിച്ചു. പൊതുജന സേവന കേന്ദ്രങ്ങൾ വഴിയോ, സിറ്റിസൺ ലോഗിൻ മുഖേനയോ ഓൺലൈനായി സെപ്റ്റംബർ 22 മുതൽ ഒക്ടോബർ 20 വരെ അപേക്ഷകൾ സമർപ്പിക്കാം.

സർവെയും ഭൂരേഖയും വകുപ്പ് തൃക്കാക്കര റീസർവേ അസിസ്റ്റൻ്റ് ഡയറക്ടറുടെ കാര്യാലയത്തിന് കീഴിലുള്ള വില്ലേജുകളിൽ ഡിജിറ്റൽ സർവേ ജോലികൾക്കായി വാഹനം വാടകയ്ക്ക് എടുക്കുന്നതിന് ക്വട്ടേഷൻ ക്ഷണിച്ചു. ക്വട്ടേഷൻ സ്വീകരിക്കുന്ന അവസാന തീയതി ഒക്ടോബർ നാല്. കൂടുതൽ വിവരങ്ങൾക്ക് 0484- 2427503

പള്ളുരുത്തി ബ്ലോക്ക് പഞ്ചായത്തിന്റെ പുതിയ കെട്ടിട നിർമ്മാണത്തിന് തുടക്കമായി. കെ ജെ മാക്സി എം എൽ എ തറക്കല്ലിടൽ കർമ്മം നിർവഹിച്ചു. എം എൽ എ യുടെ ആസ്തി വികസന ഫണ്ടിൽ നിന്നും ഒരു കോടി രൂപ ചിലവഴിച്ചാണ് പുതിയ ഇരുനില കെട്ടിടം നിർമ്മിക്കുന്നത്.

 ബ്ലോക്ക് പഞ്ചായത്ത് പ്രസിഡൻ്റ് ബേബി തമ്പി അധ്യക്ഷനായ ചടങ്ങിൽ കെ ബാബു എം എൽ എ മുഖ്യാതിഥിയായി. അസിസ്റ്റന്റ് എക്സിക്യൂട്ടീവ് എഞ്ചിനീയർ ദിവ്യമോഹൻ റിപ്പോർട്ട് അവതരിപ്പിച്ചു . 

ഊരമന ക്ഷീര സംഘത്തിന്റെ ആഭിമുഖ്യത്തിൽ പാമ്പാക്കുട ബ്ലോക്ക് ക്ഷീര സംഗമം ഊരമന ഹയർ സെക്കൻഡറി സ്കൂളിൽ നടന്നു. അനൂപ് ജേക്കബ് എം എൽ എ ഉദ്ഘാടനം നിർവഹിച്ചു. ബ്ലോക്ക്‌ പഞ്ചായത്ത് പ്രസിഡന്റ്‌ സ്മിത എൽദോസ് അധ്യക്ഷയായി. 

 സംഗമത്തിന്റെ ഭാഗമായി ക്ഷീര വികസന സെമിനാർ, കന്നുകാലി പ്രദർശനം, ഡയറി എക്സിബിഷൻ, ഡയറി ക്വിസ് എന്നിവയും സംഘടിപ്പിച്ചു. ചടങ്ങിൽ ബ്ലോക്കിലെ മികച്ച ക്ഷീര കർഷകർ, ക്ഷീര സംഘങ്ങൾ, വിരമിച്ച ക്ഷീര സംഘം ജീവനക്കാർ, മുതിർന്ന കർഷകർ എന്നിവരെ ആദരിച്ചു. 

പിറവം നഗരസഭയുടെ ആഭിമുഖ്യത്തിൽ കേരള ഖരമാലിന്യ പരിപാലന പദ്ധതിയുടെ ഭാഗമായി ശുചിത്വ സംഗമം നടന്നു. നഗരസഭ ചെയർപേഴ്‌സൺ അഡ്വ.ജൂലി സാബു ഉദ്ഘാടനം ചെയ്തു. ഖരമാലിന്യ സംസ്കരണ പ്രവർത്തനം പ്രാദേശിക തലത്തിൽ മെച്ചപ്പെടുത്തുക, ശുചിത്വ സേനാംഗങ്ങൾ വഴി നഗരസഭയിൽ നടപ്പിലാക്കുന്ന മാലിന്യ സംസ്കരണ പ്രവർത്തനങ്ങൾ ജനങ്ങളിലേക്ക് എത്തിക്കുക എന്നീ ലക്ഷ്യങ്ങളോടെയാണ് പരിപാടി സംഘടിപ്പിച്ചത്.

 നഗരസഭയിലെ കുട്ടികളുടെ പാർക്കിൽ ഹരിതകർമസേന അംഗങ്ങളെയും ശുചീകരണ തൊഴിലാളികളേയും ഉൾപ്പെടുത്തിയാണ് സംഗമം നടന്നത്. 

സപ്ലൈകോ ഓണസമ്മാന പദ്ധതിയുടെ നറുക്കെടുപ്പ് സെപ്റ്റംബർ 22 തിങ്കളാഴ്ച രാവിലെ 11ന് എറണാകുളം കടവന്ത്രയിലെ സപ്ലൈകോ കേന്ദ്ര കാര്യാലയത്തിൽ നടക്കും.

 ഓണക്കാലത്ത് സപ്ലൈകോ വില്പനശാലകളിൽ നിന്നോ ഓണച്ചന്തകളിൽ നിന്നോ 1000 രൂപയിൽ കൂടുതൽ ഉൽപ്പന്നങ്ങൾ വാങ്ങിയ ഉപഭോക്താക്കളിൽ നിന്നാണ് വിജയികളെ കണ്ടെത്തുക. 

  ഒന്നാം സമ്മാനം ഒരാൾക്ക് ഒരു പവൻ സ്വർണനാണയവും, രണ്ടാം സമ്മാനം രണ്ടുപേർക്ക് ലാപ്ടോപ്പും, മൂന്നാം സമ്മാനം മൂന്നുപേർക്ക് സ്മാർട്ട് ടിവിയും ആണ്. എല്ലാ ജില്ലകളിലെയും നറുക്കെടുപ്പ് വിജയിക്ക് സ്മാർട്ട്ഫോൺ സമ്മാനമായി ലഭിക്കും.

സോഫ്‍റ്റ്‍വെയര്‍ സ്വാതന്ത്ര്യദിനം ഓണ്‍ലൈനായി ഉദ്ഘാടനം ചെയ്തു

പൊതുവിദ്യാഭ്യാസ വകുപ്പ് സ്വതന്ത്ര സോഫ്റ്റ്‌വെയറുകൾക്ക് നൽകി വരുന്ന പ്രാധാന്യം ഓപ്പൺ ഹാർഡ്‌വെയറുകൾക്കും നൽകുമെന്ന് പൊതുവിദ്യാഭ്യാസ വകുപ്പ് മന്ത്രി വി. ശിവൻകുട്ടി പറഞ്ഞു. ഇതിൻ്റെ ഭാഗമായി നിലവിൽ സംസ്ഥാനത്തെ സ്കൂളുകളിൽ 29,000 റോബോട്ടിക് കിറ്റുകൾ വിന്യസിച്ചിട്ടുണ്ട്.

ജില്ലയിൽ കൈറ്റിന്റെ (KITE) ആഭിമുഖ്യത്തിൽ നടന്ന സോഫ്റ്റ്‌വെയർ സ്വാതന്ത്ര്യ ദിനം ഓൺലൈനായി ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി. 

ഏറ്റവും മികച്ച വ്യവസായ അന്തരീക്ഷം നിലനിൽക്കുന്ന സംസ്ഥാനം എന്നതിൽ നിന്നും ഏറ്റവും കൂടുതൽ വ്യവസായങ്ങളും സംരംഭങ്ങളുമുള്ള സംസ്ഥാനമായി കേരളത്തെ മാറ്റുക എന്നതാണ് സർക്കാരിൻ്റെ ലക്ഷ്യമെന്ന് നിയമ വ്യവസായ കയർ വകുപ്പുമന്ത്രി പി. രാജീവ് പറഞ്ഞു. 

വ്യവസായ വാണിജ്യ വകുപ്പ് സംഘടിപ്പിക്കുന്ന ഏഴാമത് മെഷിനറി എക്സ്പോ കാക്കനാട് കിൻഫ്ര എക്സിബിഷൻ സെന്ററിൽ ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി.

സംസ്ഥാനത്തെ വ്യവസായ രംഗം വിപുലപ്പെടുന്നതിന്റെ ഉദാഹരണമാണ് മെഷിനറി എക്സ്പോയുടെ വളർച്ച.