ചലച്ചിത്ര മേഖലയിലെ സമഗ്ര സംഭാവനയ്ക്ക് രാജ്യം നൽകുന്ന പരമോന്നത ബഹുമതിയായ ദാദാ സാഹേബ് ഫാൽക്കേ പുരസ്‌കാരം ലഭിച്ച നടൻ മോഹൻലാലിന് മുഖ്യമന്ത്രി പിണറായി വിജയൻ അഭിനനന്ദനങ്ങളറിയിച്ചു.

സ്വച്ഛത ഹി സേവ 2025 കാമ്പയിന്റെ ഭാഗമായി ആലപ്പുഴയിൽ 'ശുചിത്വോത്സവം' ലോഗോ പ്രകാശനം ചെയ്തു. സെപ്റ്റംബർ 17 മുതൽ നവംബർ 1 വരെ നീണ്ടു നിൽക്കുന്ന കാമ്പയിന്റെ ലോഗോ ആലപ്പുഴ കളക്ടറേറ്റിൽ നടന്ന ചടങ്ങിൽ ജില്ലാ കളക്ടർ അലക്സ് വർഗീസ് പ്രകാശനം ചെയ്തു. 
ശുചിത്വ മിഷൻ ജില്ലാ കോ-ഓർഡിനേറ്റർ ജി. ശ്രീലക്ഷ്മി, ഐ.ഇ.സി. അസി. കോ-ഓർഡിനേറ്റർ മുഹമ്മദ് കുഞ്ഞ് ആശാൻ, അസി. കോ-ഓർഡിനേറ്റർ സിജോ രാജു, പ്രോഗ്രാം ഓഫീസർ പി. അഖിൽ, സി.ആർ. സന്ധ്യ, ബിനുലാൽ, ഷഹാന കബീർ, നിഷാദ്, ദിവ്യ തുടങ്ങിയവർ പങ്കെടുത്തു. കാമ്പയിനിലൂടെ ജില്ലയിലെ ശുചിത്വ പ്രവർത്തനങ്ങൾ കൂടുതൽ ശക്തിപ്പെടുത്താനാണ് ലക്ഷ്യമിടുന്നത്.
 

സ്ത്രീകളുടെ ആരോഗ്യ സംരക്ഷണം ഉറപ്പുവരുത്തേണ്ടത് സമൂഹത്തിന്റെ ഉത്തരവാദിത്തമാണെന്നും ആരോഗ്യ പ്രശ്‌നങ്ങള്‍ യഥാസമയം തിരിച്ചറിയാന്‍ സ്‌ക്രീനിംഗ് സൗകര്യങ്ങള്‍ പരമാവധി പ്രയോജനപ്പെടുത്തണമെന്നും കെ.സി. വേണുഗോപാല്‍ എം.പി. അഭിപ്രായപ്പെട്ടു. സ്വസ്ഥ് നാരി സശക്ത് പരിവാര്‍ പക്ഷാചരണത്തിന്റെയും സ്ത്രീ കാമ്പയിന്റെയും ജില്ലാതല ഉദ്ഘാടനം ആലപ്പുഴ ജില്ലാപഞ്ചായത്ത് ഹാളില്‍ നിര്‍വഹിച്ചു സംസാരിക്കുകയായിരുന്നു അദ്ദേഹം. 'ക്ഷയരോഗമുക്ത ആലപ്പുഴ'യ്ക്കായി സി.എസ്. ആര്‍ ഫണ്ടില്‍ നിന്നും 30 ലക്ഷം രൂപ അനുവദിച്ച കൊച്ചിന്‍ കപ്പല്‍ശാലയ്ക്ക് നിക്ഷയ് മിത്ര സര്‍ട്ടിഫിക്കറ്റ് എം.പി. സമ്മാനിച്ചു. 

ജില്ലാ കോടതിപ്പാലം നിര്‍മ്മാണവുമായി ബന്ധപ്പെട്ട് നഗരത്തില്‍ ഉണ്ടാകുന്ന ഗതാഗതക്കുരുക്ക് പരിഹരിക്കുന്നതിന് ബദല്‍ മാര്‍ഗ്ഗങ്ങള്‍ സ്വീകരിക്കണമെന്ന് അമ്പലപ്പുഴ താലൂക്ക് വികസനസമിതി നിര്‍ദ്ദേശിച്ചു.

ആനുകാലികവും സമഗ്രവുമായ ഓഡിറ്റിംഗാണ് വോട്ടര്‍പട്ടിക തീവ്രപുതുക്കല്‍ യജ്ഞത്തിന്റെ ലക്ഷ്യമെന്ന് ജില്ലാ തിരഞ്ഞെടുപ്പ് ഓഫീസറായ ജില്ലാ കലക്ടര്‍ എന്‍. ദേവിദാസ്. ജില്ലയിലെ രാഷ്ട്രീയ പാര്‍ട്ടി പ്രതിനിധികളുടെ യോഗം ചേമ്പറില്‍ വിളിച്ചുചേര്‍ത്താണ് നടപടികള്‍ വിശദീകരിച്ചത്. അവസാനമായി 2002-2004 ലാണ് സമാനപ്രക്രിയ നടത്തിയത്. 2002ലെ വോട്ടര്‍പട്ടിക അടിസ്ഥാനപ്പെടുത്തിയാണ് ഇത്തവണത്തെ പുതുക്കല്‍; മാപ്പിംഗ് പ്രക്രിയയ്ക്ക് തുടക്കമായി.

ജില്ലാ ശിശുക്ഷേമ സമിതിയുടെ നേതൃത്വത്തില്‍ വിജയോത്സവം സംഘടിപ്പിക്കും. ജില്ലയിലെ ഭിന്നശേഷി കുട്ടികളില്‍ എസ്.എസ്.എല്‍.സി, പ്ലസ് ടു, വി.എച്ച്.എസ്.സി പരീക്ഷകളില്‍ ഉന്നതവിജയം നേടിയവര്‍ക്കുള്ള അനുമോദനവും അവാര്‍ഡ് ദാനവും സെപ്റ്റംബര്‍ 22ന് ഉച്ചയ്ക്ക് രണ്ടിന് ചിന്നക്കട ക്രേവന്‍ എല്‍.എം.എസ്.എച്ച്.എസില്‍ ധനകാര്യ വകുപ്പ് മന്ത്രി കെ.എന്‍ ബാലഗോപാല്‍ നിര്‍വഹിക്കും.

കൊല്ലം ബീച്ചില്‍ മെഗാ ബീച്ച് ക്ലീനിംഗ് ഡ്രൈവ്  ജില്ലാ കലക്ടര്‍ എന്‍.ദേവിദാസ്  ഉദ്ഘാടനം ചെയ്തു.  സമുദ്രത്തിലെ പ്ലാസ്റ്റിക് മാലിന്യത്തിന്റെ ദൂരവ്യാപക പ്രത്യാഘാതങ്ങള്‍ കണക്കിലെടുത്ത്  പരിസ്ഥിതി സംരക്ഷണം അനിവാര്യമാണെന്ന് പറഞ്ഞു.

ആഗോള അയ്യപ്പ സംഗമത്തോടനുബന്ധിച്ച് പ്രധാന വേദിയായ തത്ത്വമസിയിൽ സംഘടിപ്പിച്ച ശബരിമല മാസ്റ്റർ പ്ലാൻ ചർച്ച പങ്കാളിത്തം കൊണ്ട് ശ്രദ്ധേയമായി. പങ്കെടുത്ത പ്രതിനിധികൾ ഒന്നടക്കം ശബരിമലയുടെ വികസനത്തിന് അകമഴിഞ്ഞ പിന്തുണ വാഗ്ദാനം ചെയ്തു. ആഗോള അയ്യപ്പ സംഗമത്തോടനുബന്ധിച്ച് മൂന്ന് വേദികളിലായി സംഘടിപ്പിച്ച ചർച്ചകളിൽ ഏറെ പ്രാധാന്യമുള്ളതായിരുന്നു ശബരിമലയുടെ വികസനത്തിലൂന്നിയുള്ള മാസ്റ്റർ പ്ലാൻ.