കേരള ബില്‍ഡിങ് ആന്‍ഡ് അദര്‍ കണ്‍സ്ട്രക്ഷന്‍ വര്‍ക്കേഴ്‌സ് വെല്‍ഫെയര്‍ ബോര്‍ഡില്‍ അംഗങ്ങളായ തൊഴിലാളികളുടെ മക്കള്‍ക്ക് നല്‍കിവരുന്ന (2025-26 അധ്യയന വര്‍ഷം) പ്ലസ് വണ്‍ സ്‌കോളര്‍ഷിപ്പിലേക്ക്   സെപ്റ്റംബര്‍ 30 വരെ അപേക്ഷിക്കാമെന്ന് ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു.

വനിത ശിശുവികസന വകുപ്പിന് കീഴില്‍ പട്ടാമ്പി ഐ.സി.ഡി.എസ് പരിധിയില്‍ തിരുവേഗപ്പുറ, കൊപ്പം, വിളയൂര്‍, കുലുക്കല്ലൂര്‍ എന്നീ ഗ്രാമപഞ്ചായത്തുകളിലെ അങ്കണവാടികളിലേക്ക് മുട്ടയും പാലും വിതരണം ചെയ്യാന്‍ താല്‍പര്യമുള്ളവരില്‍ നിന്ന് ക്വട്ടേഷന്‍ ക്ഷണിച്ചു. ക്വട്ടേഷനുകള്‍ സെപ്റ്റംബര്‍ 26 ഉച്ചയ്ക്ക് രണ്ട് വരെ സ്വീകരിക്കും. അന്നേദിവസം 3.15 ന് തുറന്ന് പരിശോധിക്കും. ഫോണ്‍: 0466 2262170

മരുതറോഡ് സര്‍ക്കാര്‍ ടെക്നിക്കല്‍ ഹൈസ്‌കൂളില്‍ വര്‍ക്ക് ഷോപ്പ് ഇന്‍സ്ട്രക്ടര്‍ (ഇലക്ട്രിക്കല്‍) തസ്തികയില്‍ ദിവസവേതനാടിസ്ഥാനത്തില്‍ താല്‍ക്കാലിക നിയമനം നടത്തുന്നു. ഡിപ്ലോമ ഇന്‍ ഇലക്ട്രിക്കല്‍ എഞ്ചിനീയറിങാണ് യോഗ്യത. താല്‍പര്യമുള്ളവര്‍ തിരിച്ചറിയല്‍ രേഖയും അസ്സല്‍ സര്‍ട്ടിഫിക്കറ്റുകളും പകര്‍പ്പുകളും സഹിതം സെപ്റ്റംബര്‍ 23 ന് രാവിലെ 11 ന് സ്‌കൂളില്‍ അഭിമുഖത്തിന് എത്തണമെന്ന് സൂപ്രണ്ട് അറിയിച്ചു. ഫോണ്‍: 0491 2572038, 9447522338

ആലത്തൂര്‍ ബ്ലോക്ക് പഞ്ചായത്ത് വാദ്യകലാ രംഗത്ത് പ്രവര്‍ത്തിക്കുന്ന പട്ടികജാതി വനിതാ ഗ്രൂപ്പുകള്‍ക്ക് വാദ്യോപകരണങ്ങള്‍ നല്‍കല്‍ പദ്ധതിയിലേക്ക്  അപേക്ഷ ക്ഷണിച്ചു. 2025-26 സാമ്പത്തിക വര്‍ഷത്തിലെ പദ്ധതിയുടെ ഭാഗമായാണ് ഈ അവസരം. അപേക്ഷിക്കുന്ന ഗ്രൂപ്പുകളിലെ അംഗങ്ങള്‍ ആലത്തൂര്‍ ബ്ലോക്ക് പഞ്ചായത്ത് പരിധിയില്‍ സ്ഥിരതാമസക്കാരായിരിക്കണം. നിലവില്‍ ഈ മേഖലയില്‍ സജീവമായി പ്രവര്‍ത്തിച്ചുകൊണ്ടിരിക്കുന്ന വനിതാ ഗ്രൂപ്പുകള്‍ക്കാണ് മുന്‍ഗണന. അപേക്ഷകള്‍ സെപ്റ്റംബര്‍ 30 നകം ആലത്തൂര്‍ ബ്ലോക്ക് പട്ടികജാതി വികസന ഓഫീസില്‍ ലഭ്യമാക്കണം. ഫോണ്‍: 9747365143

മലമ്പുഴ സര്‍ക്കാര്‍ മൃഗസംരക്ഷണ പരിശീലന കേന്ദത്തില്‍ പന്നി വളര്‍ത്തല്‍ വിഷയത്തില്‍ സൗജന്യ പരീശിലനം നടത്തുന്നു. സെപ്റ്റംബര്‍ 24 ന് മലമ്പുഴ പരിശീലന കേന്ദ്രത്തില്‍ രാവിലെ പത്ത് മുതല്‍ അഞ്ച് വരെയാണ് പരിശീലനം. താല്‍പര്യമുള്ളവര്‍ 0491 28154554 എന്ന നമ്പറില്‍ വിളിച്ച് രജിസ്റ്റര്‍ ചെയ്യണമെന്ന് മൃഗസംരക്ഷണ പരിശീലന കേന്ദ്രം അസി.ഡയറക്ടര്‍ അറിയിച്ചു.
 

കുഴല്‍മന്ദം സാമൂഹികാരോഗ്യ കേന്ദ്രത്തില്‍ ക്ലീനിങ് സ്റ്റാഫ് തസ്തികയില്‍ കരാര്‍ അടിസ്ഥാനത്തില്‍ നിയമനത്തിന് അപേക്ഷ ക്ഷണിച്ചു. രണ്ട് ഒഴിവാണുള്ളത്. എട്ടാം ക്ലാസാണ് യോഗ്യത. പ്രായപരിധി 40 വയസ്സ് കവിയരുത്.  സെപ്റ്റംബര്‍ 24 വൈകീട്ട് അഞ്ച് വരെ അപേക്ഷിക്കാം. യോഗ്യരായവര്‍ക്കുള്ള അഭിമുഖം സെപ്റ്റംബര്‍ 29, 30 തീയതികളില്‍ രാവിലെ പത്തിന് നടക്കും. ഫോണ്‍: 04922 274350