*അവസാനഘട്ട നിര്‍മ്മാണ പുരോഗതി എംഎല്‍എ വിലയിരുത്തി 

ആലപ്പുഴ റീജിയണൽ  ട്രാൻസ്പോർട്ട് അതോറിറ്റി  യോഗം ഒക്ടോബർ  22ന് രാവിലെ 10.30ന് കളക്‌ടറേറ്റ് കോൺഫറൻസ് ഹാളിൽ ചേരും.

കരുവാറ്റ ഗ്രാമപഞ്ചായത്ത് കുടുംബാരോഗ്യകേന്ദ്രത്തിന്റെ പുതിയ കെട്ടിട സമുച്ചയം യാഥാര്‍ത്ഥ്യമാകുന്നു. കെട്ടിടത്തിന്റെ നിര്‍മ്മാണോദ്ഘാടനം ഇന്ന്(സെപ്റ്റംബര്‍ 23 ന്) രാവിലെ 10.30ന് ആരോഗ്യ, വനിതാ, ശിശുക്ഷേമവകുപ്പ് മന്ത്രി വീണാ ജോര്‍ജ് നിര്‍വഹിക്കും. 

അമ്പലപ്പുഴ മണ്ഡലം സാംസ്‌കാരികോത്സവമായ തോട്ടപ്പള്ളി ഫെസ്റ്റ്-2025ന്റെ ഭാഗമായി കോളേജ് വിദ്യാര്‍ഥികള്‍ക്ക് അര്‍ദ്ധദിന തൊഴിലധിഷ്ഠിത പരിശീലന പരിപാടിയും സെമിനാറും സംഘടിപ്പിച്ചു. മാര്‍ ഗ്രിഗോറിയോസ് കോളേജ് പുന്നപ്രയില്‍ 'നൈപുണി വികസനവും തൊഴില്‍ സാധ്യതയും' എന്ന വിഷയത്തില്‍ നടത്തിയ സെമിനാര്‍ മുന്‍ എംപി അഡ്വ. എ എം ആരിഫ് ഉദ്ഘാടനം ചെയ്തു. 15 ഉന്നത വിദ്യാഭ്യാസസ്ഥാപനങ്ങളില്‍ നിന്നുള്ള 200 വിദ്യാര്‍ഥികള്‍ പങ്കെടുത്തു. വിജ്ഞാന കേരളം മിഷന്റെയും ജില്ലാ പഞ്ചായത്തിന്റെയും നേതൃത്വത്തില്‍ മിനി തൊഴില്‍മേളയും ഇതോടൊപ്പം സംഘടിപ്പിച്ചു.

സംസ്ഥാന ഫിഷറീസ് വകുപ്പ് നടപ്പിലാക്കുന്ന ജനകീയ മത്സ്യകൃഷി പദ്ധതിയുടെ ഭാഗമായി മുറ്റത്തൊരു മീന്‍തോട്ടം (പടുത കുളം) പദ്ധതിയിലേക്ക് അപേക്ഷ ക്ഷണിച്ചു. അര സെന്റ് പടുതാക്കുളങ്ങുള്ള കര്‍ഷകര്‍ക്ക് തദ്ദേശീയ മത്സ്യക്കുഞ്ഞുങ്ങളെ സൗജന്യമായി ഫിഷറീസ് വകുപ്പില്‍ നിന്നും ലഭിക്കും.   കൂടുതല്‍ വിവരങ്ങള്‍ക്ക് ജില്ലാ ഓഫീസുമായോ മത്സ്യഭവനകളുമായോ ബന്ധപ്പെടാവുന്നതാണ്. കൂടുതല്‍ വിവരങ്ങള്‍ക്ക് ഫോണ്‍: 0477-2252814, 0477 2251103.

അസാപ്പ് കേരളയുടെ തിരുവല്ല കുന്നന്താനം കമ്യൂണിറ്റി സ്കിൽ പാർക്കിൽ വിജ്ഞാന കേരളം പദ്ധതിയുടെ ഭാഗമായി സെപ്റ്റംബർ 27ന് സൗജന്യ തൊഴിൽമേള സംഘടിപ്പിക്കുന്നു.  ഫോൺ:  9495999688, 9496085912 

തൃക്കുന്നപ്പുഴ ബ്ലോക്ക്  കുടുംബാരോഗ്യ കേന്ദ്രത്തിന്റെ സേവന പരിധിയില്‍പെടുന്ന  പല്ലന ഗവ. എല്‍ പി സ്‌കൂളിൽ  മുണ്ടിനീര് രോഗം സ്ഥിരീകരിച്ചതിനാലും ചെറിയ കുട്ടികളിലെ അസുഖ വ്യാപന സാധ്യത കണക്കിലെടുത്തും   സെപ്റ്റംബര്‍ 23  മുതല്‍ 21 ദിവസം ഈ സ്കൂളിന്
 അവധി അനുവദിച്ച് ജില്ലാ കളക്ടര്‍ ഉത്തരവായി. വിദ്യാലയങ്ങളില്‍ മുണ്ടിനീര് പടര്‍ന്നു പിടിക്കാതിരിക്കാനുള്ള മുന്‍കരുതല്‍ നടപടികള്‍ ആരോഗ്യ തദ്ദേശ സ്വയം ഭരണ വകുപ്പുമായി ചേര്‍ന്ന് നടത്തേണ്ടതാണ് എന്ന് ജില്ലാ കളക്ടർ നിർദ്ദേശിച്ചു.
 

മാരാരിക്കുളം - ആലപ്പുഴ റെയില്‍വേ സ്റ്റേഷനുകള്‍ക്കിടയിലുള്ള ലെവല്‍ ക്രോസ് നമ്പര്‍ 49 (കലവൂര്‍ ഗേറ്റ്), 51 (റേഡിയോ സ്‌റ്റേഷന്‍ ഗേറ്റ്) എന്നിവ സെപ്റ്റംബര്‍ 23  രാവിലെ എട്ട് മണി മുതല്‍ വൈകിട്ട് ആറ് മണി വരെ അറ്റകുറ്റ പണികള്‍ക്കായി അടച്ചിടും. വാഹനങ്ങള്‍ തൊട്ടടുത്തുള്ള ലെവല്‍ ക്രോസുകള്‍ വഴി പോകണം.

തുറവൂര്‍ - ചേര്‍ത്തല റെയില്‍വേ സ്റ്റേഷനുകള്‍ക്കിടയിലുള്ള ലെവല്‍ ക്രോസ് നമ്പര്‍ 25 (വയലാര്‍ ഗേറ്റ്) സെപ്റ്റംബര്‍ 23  രാവിലെ എട്ട് മണി മുതല്‍  28 ന് വൈകിട്ട് ആറ് മണി വരെ അറ്റകുറ്റ പണികള്‍ക്കായി അടച്ചിടും. വാഹനങ്ങള്‍ തൊട്ടടുത്തുള്ള ലെവല്‍ ക്രോസുകള്‍ വഴി പോകണം.
 

ആലപ്പുഴ  പാതിരാപ്പള്ളി ഇ.എസ്.ഐ. ഡിസ്പെൻസറിയിൽ ഒഴിവുള്ള ഒരു അസിസ്റ്റൻ്റ്   ഇൻഷുറൻസ് മെഡിക്കൽ ഓഫീസർ (ഹോമിയോ) തസ്തികയിലേയ്ക്ക് കരാർ അടിസ്ഥാനത്തിൽ നിയമനം നടത്തും. യോഗ്യത ഹോമിയോപ്പതി ബിരുദവും  എ  ക്ലാസ് രജിസ്ട്രേഷനും.
 വാക്ക്-ഇൻ-ഇൻറർവ്യൂ ഒക്ടോബർ ഏഴ് രാവിലെ 11 മണിയ്ക്ക് ഇൻഷുറൻസ് മെഡിക്കൽ സർവ്വീസസ്, ഹോമിയോ ഡെപ്യൂട്ടി ഡയറക്ടറുടെ കാര്യാലയത്തിൽ (തൈക്കാട്, തിരുവനന്തപുരം) നടക്കും. താൽപര്യമുള്ള ഉദ്യോഗാർഥികൾ യോഗ്യത തെളിയിക്കുന്ന അസൽ  രേഖകൾ സഹിതം ഹാജരാകണം.ഫോൺ: 0471-2323960.