*രജിസ്റ്റർ ചെയ്തവർ എത്തിയില്ലെന്നുള്ളത് തെറ്റായ പ്രചരണം

അടുത്ത തെളിവെടുപ്പ് നാളെ(22) ഭൂതത്താൻകെട്ടിൽ 

താനൂർ ബോട്ടപകടവുമായി ബന്ധപ്പെട്ട് നിയമിക്കപ്പെട്ട ജസ്റ്റിസ് വി. കെ മോഹനൻ ജുഡീഷ്യൽ കമ്മീഷൻ സംസ്ഥാന വ്യാപകമായി നടത്തുന്ന രണ്ടാം ഘട്ട പൊതു തെളിവെടുപ്പും ഹിയറിംഗും ജില്ലയിൽ നടന്നു. ജസ്റ്റിസ് വി. കെ മോഹനൻ്റെ അധ്യക്ഷതയിൽ വിനോദസഞ്ചാരം, ഉൾനാടൻ ജലഗതാഗതം, മത്സ്യബന്ധനം തുടങ്ങിയ വിഷയങ്ങളിലാണ് തെളിവെടുപ്പ് നടന്നത്.

കേരള സ്റ്റേറ്റ് സിവിൽ സപ്ലൈസ് കോർപ്പറേഷനിൽ (സപ്ലൈകോ)യിൽ ക്വാളിറ്റി അഷ്വറൻസ് ജൂനിയർ മാനേജർ, പാഡി ക്വാളിറ്റി അഷ്വറൻസ് ട്രെയിനി എന്നീ തസ്തികകളിൽ കരാർ അടിസ്ഥാനത്തിൽ നിയമനം നടത്തുന്നതിനായി സെപ്റ്റംബർ 27 രാവിലെ 11ന് എറണാകുളം കടവന്ത്ര സപ്ലൈകോ കേന്ദ്ര കാര്യാലയത്തിൽ വാക്ക്- ഇൻ -- ഇൻറർവ്യൂ നടത്തുന്നു. 

ജില്ലയിലെ സർക്കാർ/എയ്ഡഡ്/അൺ എയ്ഡഡ് സ്ഥാപനങ്ങളിലെ 2025-27 വർഷത്തേക്കുള്ള ഡിപ്ലോമ ഇൻ എലമെന്ററി എഡ്യൂക്കേഷൻ (ഡി.എൽ.എഡ്.) പ്രവേശനത്തിന് അപേക്ഷ ക്ഷണിച്ചു. സയൻസ്, ഹ്യുമാനിറ്റീസ്, കൊമേഴ്സ് വിഭാഗത്തിലെ അഡ്മിഷൻ യഥാക്രമം സെപ്റ്റംബർ 23, 24, 25 തീയതികളിൽ നടക്കും. സർക്കാർ, എയ്ഡഡ് വിഭാഗത്തിൽ അപേക്ഷ സമർപ്പിച്ചിട്ടുള്ള വിദ്യാർഥികൾ അതാതു ദിവസം രാവിലെ 9.30 നും സ്വാശ്രയ വിഭാഗത്തിൽ അപേക്ഷ സമർപ്പിച്ചിട്ടുള്ള വിദ്യാർഥികൾ അതാതു ദിവസം ഉച്ചക്ക് 2.30 നും ജില്ലാ പഞ്ചായത്ത് പ്രിയദർശിനി ഹാളിൽ അസൽ രേഖകൾ സഹിതം ഹാജരാകണമെന്ന് വിദ്യാഭ്യാസ ഉപഡയറക്ടർ അറിയിച്ചു. 

ഫോൺ: 0484-2422227, 0484-2422210.

കളമശ്ശേരി ഗവ.ഐ ടി ഐ യിൽ വയർമാൻ, മെക്കാനിക്ക് മോട്ടോർ വെഹിക്കിൾ ട്രേഡുകളിലേക്ക് ജൂനിയർ ഇൻസ്ട്രക്ടറുടെ (ഗസ്റ്റ് ഇൻസ്പക്റ്റർ)

ഒഴിവിലേക്ക് അപേക്ഷ ക്ഷണിച്ചു. ഓരോ ട്രേഡിലും ഒരു ഒഴിവു വീതമാണുള്ളത്. താൽപര്യമുള്ള ഉദ്യോഗാർത്ഥികൾ സെപ്റ്റംബർ 25 രാവിലെ 11 ന് അസൽ രേഖകൾ സഹിതം കളമശ്ശേരി ഐടിഐയിൽ ഹാജരാകണം. 

ജില്ലാ എംപ്ലോയ്മെൻ്റ് എക്സ്ചേഞ്ചിന്റെ കീഴിലുള്ള എംപ്ലോയബിലിറ്റി സെൻ്റർ സ്വകാര്യ മേഖലയിലെ വിവിധ സ്ഥാപനങ്ങളിലേക്ക് ജോലി നേടാൻ താൽപ്പര്യമുള്ളവർക്കായി രജിസ്ട്രേഷൻ ക്യാമ്പ് സംഘടിപ്പിക്കുന്നു. രജിസ്റ്റർ ചെയ്യാൻ താൽപര്യമുള്ള ഉദ്യോഗാർത്ഥികൾ തൃപ്പൂണിത്തറ ഗവ: സംസ്കൃത കോളേജ് കാമ്പസിലെ മിഹിര ബ്ലോക്ക് ഓൾഡ് ലൈബ്രറിയിൽ നാളെ (സെപ്റ്റംബർ 22) രാവിലെ 10 ന് എത്തിച്ചേരണം. 4.30 വരെയാണ് രജിസ്ട്രേഷൻ. 

ജില്ലാ എംപ്ലോയ്മെന്റ് എക്സ്ചേഞ്ചിന്റെ കീഴിലുള്ള എംപ്ലോയബിലിറ്റി സെന്റർ ഉദ്യോഗാർത്ഥികൾക്കായി സൗജന്യ സോഫ്റ്റ് സ്‌കിൽ പരിശീലന ക്ലാസ് സംഘടിപ്പിക്കുന്നു. എംപ്ലോയബിലിറ്റി സെൻ്ററിൽ രജിസ്റ്റർ ചെയ്ത ഉദ്യോഗാർത്ഥികൾക്കാണ് പരിശീലനം. സെപ്റ്റംബർ 24, 25, 26 തീയതികളിൽ സിവിൽ സ്റ്റേഷനിലുള്ള ജില്ലാ എംപ്ലോയ്‌മെൻ്റ് എക്‌സ്‌ചേഞ്ച് ഓഫീസിലാണ് പരിശീലനം നടക്കുന്നത്.

മുളന്തുരുത്തി ബ്ലോക്ക് പഞ്ചായത്ത് എഞ്ചിനീയറുടെ കാര്യാലയത്തിലേക്ക് 2025-26 സാമ്പത്തിക വർഷത്തെ ഔദ്യോഗിക ആവശ്യത്തിന് എ. സി. കാർ പ്രതിമാസ വാടകയ്ക്ക് നൽകുവാൻ താൽപ്പര്യമുള്ള വാഹന ഉടമകളിൽ നിന്നും ടെൻഡർ ക്ഷണിച്ചു . കൂടുതൽ വിവരങ്ങൾക്ക് മുളന്തുരുത്തി ബ്ലോക്ക് പഞ്ചായത്ത് തദ്ദേശ സ്വയംഭരണ വകുപ്പ് അസിസ്റ്റൻ്റ് എക്സിക്യൂട്ടീവ് എഞ്ചിനീയറുടെ കാര്യലയവുമായി ബന്ധപ്പെടാവുന്നതാണ്.

ഫോൺ: 0484 2742360

എയ്ഡഡ് സ്കൂളുകളിലെ ഭിന്നശേഷി സംവരണവുമായി ബന്ധപ്പെട്ട്, അധ്യാപക/അനധ്യാപക തസ്തികകളിലേക്ക് യോഗ്യരായ ഉദ്യോഗാർത്ഥികളെ കണ്ടെത്തുന്നതിനായി രജിസ്ട്രേഷൻ ഡ്രൈവ് സംഘടിപ്പിക്കുന്നു. ജില്ലാ സാമൂഹ്യനീതി വകുപ്പിന്റെ സഹകരണത്തോടെ സെപ്റ്റംബർ 26-ന് ആലുവ മിനി സിവിൽ സ്റ്റേഷൻ താലൂക്ക് ഓഫീസ് ഹാളിൽ രജിസ്ട്രേഷൻ നടക്കും.

ഇതുവരെ ഒരു എംപ്ലോയ്‌മെന്റ് എക്സ്‌ചേഞ്ചിലും പേര് രജിസ്റ്റർ ചെയ്യാത്തവരും, ആലുവ, പറവൂർ, കുന്നത്തുനാട്, കോതമംഗലം എന്നീ താലൂക്കുകളിൽ സ്ഥിരതാമസക്കാരായ ഭിന്നശേഷി വിഭാഗത്തിൽപ്പെട്ട ഉദ്യോഗാർത്ഥികൾക്കുമാണ് അവസരം.

കേരള സംസ്ഥാന ജൈവവൈവിധ്യ ബോർഡ്‌ വിദ്യാർത്ഥികളുടെ 18-ാമത് ജൈവവൈവിധ്യ കോൺഗ്രസിന്റെ ഭാഗമായി കോളേജ്, സ്കൂൾ വിദ്യാർത്ഥികൾക്കായി പ്രൊജക്ട് അവതരണമത്സരം, സ്കൂൾ വിദ്യാർത്ഥികൾക്കായി പുരയിട ജൈവവൈവിധ്യ സംരക്ഷണ അവതരണ മത്സരം, പെയിന്റിംഗ് മത്സരം,പെൻസിൽ ഡ്രോയിങ് മത്സരം എന്നിവ നടത്തുന്നു.

ekmdcksbb@gmail.com എന്ന ഇ മെയിൽ ഐ ഡി യിലേക്ക് സെപ്റ്റംബർ 23 വരെ അപേക്ഷകൾ സമർപ്പിക്കാം. 

ഫോൺ: 9526803482