യു എ ഇ,  ഒമാൻ, ഖത്തർ തുടങ്ങിയ രാജ്യങ്ങളിലായി നൂറിലധികം വിദേശ തൊഴിലവസരങ്ങളുൾപ്പെടെ ലഭ്യമാക്കി ലഭ്യമാക്കി വിജ്ഞാന കേരളം പദ്ധതിയുടെ ഭാഗമായി പയ്യന്നൂർ ബ്ലോക്ക് പഞ്ചായത്തും പയ്യന്നൂർ നഗരസഭയും ചേർന്ന് സംഘടിപ്പിച്ച മിനി ജോബ് ഫെയർ. 650 തൊഴിലന്വേഷകരാണ് വിവിധ കമ്പനികളുടെ അഭിമുഖത്തിൽ പങ്കെടുത്തത്. പൊതുമേഖലാ സ്ഥാപനമായ കെൽട്രോൺ ഉൾപ്പെടെ 40 കമ്പനികളാണ് തൊഴിലവസരങ്ങളുമായി മേളയിൽ ഉണ്ടായിരുന്നത്. പത്താം തരം, വി എച്ച് എസ് സി, ബിരുദ-ബിരുദാനന്തര ബിരുദം യോഗ്യതയുള്ളവർക്കും മെഡിക്കൽ, പാരാമെഡിക്കൽ, ഐ ടി ഐ, പോളിടെക്‌നിക്, ബിടെക് തുടങ്ങിയ പ്രൊഫഷണൽ യോഗ്യതയുള്ളവർക്കും നിരവധി അവസരങ്ങൾ മേളയിലുണ്ടായി. 

ജില്ലാ കലക്ടറേറ്റിൽ മുഴുവൻ സമയവും പ്രവർത്തിക്കുന്ന ജില്ലാ അടിയന്തിരഘട്ട കാര്യനിർവഹണ കേന്ദ്രത്തിലേക്ക് റിയൽമി കമ്പനിയുടെ 15ടി 5ജി (8+128 ജിബി) മോഡൽ മൊബൈൽ ഫോൺ (ഒന്ന്) വിതരണം ചെയ്യുന്നതിന് മത്സരാധിഷ്ഠിത ക്വട്ടേഷൻ ക്ഷണിച്ചു. സീൽ ചെയ്ത ക്വട്ടേഷനുകൾ ജില്ലാ കലക്ടർ, കലക്ട്രേറ്റ്, സിവിൽ സ്റ്റേഷൻ കണ്ണൂർ-670002 എന്ന വിലാസത്തിൽ സെപ്റ്റംബർ 26ന് ഉച്ചയ്ക്ക് 12 മണിക്കകം ലഭിക്കണം. കൂടുതൽ വിവരങ്ങൾക്ക് കലക്ടറേറ്റിലെ ഡിഎം 2 സെക്ഷനുമായി ബന്ധപ്പെടാം. ഫോൺ: 9446682300

കണ്ണൂർ വനിത ഐ ടി ഐയിൽ ഐ എം സി നടത്തുന്ന ഡിപ്ലോമ ഇൻ ഇന്ത്യൻ ആൻഡ് ഫോറിൻ അക്കൗണ്ടിംഗ് (ആറുമാസം), സർട്ടിഫിക്കറ്റ് കോഴ്സ് ഇൻ ടാലി തിയറി (മൂന്ന് മാസം), മൈക്രോസോഫ്റ്റ് ഓഫീസ് (മൂന്ന് മാസം), സർട്ടിഫിക്കറ്റ് കോഴ്സ് ഇൻ ടാലി (രണ്ട് മാസം), മൈക്രോസോഫ്റ്റ് എക്സൽ (ഒരുമാസം), സർട്ടിഫിക്കറ്റ് കോഴ്സ് ഇൻ ജി എസ് ടി റിട്ടേൺ ഫയലിംഗ് (ഒരുമാസം) കോഴ്സുകളിലേക്ക് വിദ്യാർഥി / വിദ്യാർഥിനികൾക്ക് അപേക്ഷിക്കാം. ഫോൺ: 9745479354

പിണറായി ഐടിഐയിൽ മെക്കാനിക്ക് മോട്ടോർ വെഹിക്കിൾ ട്രേഡിൽ ഗസ്റ്റ് ഇൻസ്ട്രക്ടറെ നിയമിക്കുന്നു. മെക്കാനിക്കൽ എഞ്ചിനീയറിംഗ് / ഓട്ടോമൊബൈൽ/ ബി വോക് ബിരുദവും ഒരുവർഷ പ്രവൃത്തി പരിചയവും അല്ലെങ്കിൽ ഇതേ വിഷയത്തിൽ ഡിപ്ലോമയും രണ്ട് വർഷ പ്രവൃത്തിപരിചയം / മെക്കാനിക്ക് മോട്ടോർ വെഹിക്കിൾ ട്രേഡിൽ എൻടിസി/എൻഎസിയും മൂന്ന് വർഷ പ്രവൃത്തി പരിചയവുമുള്ള ഇ ഡബ്ല്യു എസ് നോൺ പ്രയോറിറ്റി വിഭാഗത്തിൽപ്പെട്ടവർക്ക് അപേക്ഷിക്കാം. ഉദ്യോഗാർഥികൾ യോഗ്യത, പ്രവൃത്തി പരിചയം, മുൻഗണന എന്നിവ തെളിയിക്കുന്ന അസ്സൽ സർട്ടിഫിക്കറ്റുകളും പകർപ്പുകളും തിരിച്ചറിയൽ കാർഡും സഹിതം സെപ്റ്റംബർ 24 ന് രാവിലെ 11 മണിക്ക് ഐ ടി ഐ ഓഫീസിൽ അഭിമുഖത്തിന് എത്തണം.

നാഷണൽ യൂത്ത് ഫെസ്റ്റിവലിന്റെ ഭാഗമായി കേന്ദ്ര യുവജനകാര്യ, കായിക മന്ത്രാലയം നടത്തുന്ന വികസിത് ഭാരത് യംഗ് ലീഡേഴ്സ് ഡയലോഗിൽ പ്രധാനമന്ത്രിയുമായി നേരിട്ട് സംവദിക്കാനും ആശയങ്ങൾ പങ്കുവെക്കാനും യുവാക്കൾക്ക് അവസരം. ആദ്യ ഘട്ടത്തിൽ സെപ്റ്റംബർ 12 മുതൽ ഒക്ടോബർ 15 വരെ ഓൺലൈനായി വികസിത് ഭാരത് ക്വിസ് നടത്തും. ഇതിൽ വിജയിക്കുന്നവർ അടുത്തഘട്ട മത്സരത്തിലേക്ക് യോഗ്യത നേടും. സംസ്ഥാനതല മത്സരത്തിൽ വിജയിക്കുന്നവരാണ് വികസിത് ഭാരത് യംഗ് ലീഡേഴ്സ് ഡയലോഗ് ദേശീയതല പരിപാടിയിലേക്ക് തെരഞ്ഞെടുക്കപ്പെടുക. ആദ്യ 10000 സ്ഥാനത്ത് എത്തുന്നവർക്ക് പ്രോത്സാഹന സമ്മാനം നൽകും.

പാപ്പിനിശ്ശേരി-പിലാത്തറ കെഎസ്ടിപി റോഡിലെ പാപ്പിനിശ്ശേരി, താവം റെയിൽവേ മേൽപ്പാലങ്ങളിലെ അപാകതകൾ അടിയന്തിരമായി പരിഹരിക്കും. കെഎസ്ടിപി പ്രൊജക്റ്റ് ഡയറക്ടർ എം. അഞ്ജനയുടെ നേതൃത്വത്തിലുള്ള സംഘം രണ്ടു പാലങ്ങളിലും പരിശോധന നടത്തിയ ശേഷമാണ് തീരുമാനം.

ജനങ്ങളുടെ ആശങ്ക പരിഹരിക്കാനുള്ള നടപടിയായിരിക്കും അടിയന്തിരമായി സ്വീകരിക്കുക. ഇത് സംബന്ധിച്ച റിപ്പോർട്ട് ഉടൻ സർക്കാരിന് സമർപ്പിക്കും. പാലക്കാട് ഐഐടി സംഘത്തിന്റെ പരിശോധന കൂടി നടത്തിയ ശേഷമേ ദീർഘകാല അടിസ്ഥാനത്തിലുള്ള നടപടികളിലേക്ക് കടക്കാനാകൂവെന്ന്  ഉദ്യോഗസ്ഥ സംഘത്തിനൊപ്പം പാലങ്ങൾ സന്ദർശിച്ച എംഎൽഎമാരായ കെ. വി. സുമേഷ്, എം. വിജിൻ എന്നിവർ പറഞ്ഞു.

മണ്ണിനെ തൊട്ടറിഞ്ഞും വിത്തു വിതച്ചും, ചെടി നട്ടുനനച്ചും വളം ചേർത്തും പുതിയ ലോകം സൃഷ്ടിക്കുകകയാണ് ഒരു കൂട്ടം ഉദ്യാന ശലഭങ്ങൾ. പൂക്കൾ വിരിയും പോലെ അവരുടെ ലോകവും അതിനൊപ്പം നിറമുള്ളതും സുഗന്ധപൂരിത വുമാകുകയാണ്.  
 പെരുങ്കടവിള ബഡ്‌സ് റീഹാബിലിറ്റേഷൻ സെന്ററിലെ വിദ്യാർത്ഥികളാണ് മണ്ണിനേയും ചെടികളെയും അറിഞ്ഞു ജീവിതത്തിന് പുതിയ നിറങ്ങൾ തുന്നി ചേർത്തത്.

തിരുവനന്തപുരം ജില്ലയിലെ ഡെപ്യൂട്ടി ഡയറക്ടര്‍ ഓഫ് പ്രോസിക്യൂഷന്റെ ഓഫീസ് ആവശ്യത്തിനായി കരാര്‍ അടിസ്ഥാനത്തില്‍ ഡ്രൈവര്‍ ഉള്‍പ്പെടെയുള്ള കാര്‍ ലഭ്യമാക്കുന്നതിന് ക്വട്ടേഷന്‍ ക്ഷണിച്ചു.   വാടക വ്യവസ്ഥയില്‍ വാഹനം നല്‍കാന്‍ താത്പര്യമുള്ള വ്യക്തികളോ സ്ഥാപനങ്ങളോ നിശ്ചിത ഫോറത്തില്‍ തയ്യാറാക്കിയ സീല്‍ചെയ്ത ക്വട്ടേഷനുകള്‍ ജില്ലാ ഡെപ്യൂട്ടി ഡയറക്ടര്‍ ഓഫ് പ്രോസിക്യൂഷന്റെ കാര്യാലയത്തില്‍ 14 ദിവസത്തിനകം എത്തിക്കണം.

കൂടുതല്‍ വിവരങ്ങള്‍ക്ക് : 9633093321.

പട്ടികജാതി പട്ടികവര്‍ഗ വികസന കോര്‍പറേഷന്‍ നടപ്പിലാക്കുന്ന വിവിധ വായ്പ്പാ പദ്ധതികളില്‍ ജാമ്യമായി സ്വീകരിക്കുന്ന വസ്തുവിന്റെ വിലനിര്‍ണയം നടത്തുന്നതിലേക്കായി സര്‍വീസില്‍ നിന്നും വിരമിച്ച വില്ലേജ് ഓഫീസര്‍, ഡെപ്യൂട്ടി തഹസില്‍ദാര്‍, തഹസില്‍ദാര്‍ എന്നിവരില്‍ നിന്നും അപേക്ഷകള്‍ ക്ഷണിക്കുന്നു.

അപേക്ഷകര്‍ ബയോഡാറ്റ, ആധാര്‍ കാര്‍ഡ്, സര്‍വീസ് സര്‍ട്ടിഫിക്കറ്റ് എന്നിവ സഹിതം പട്ടികജാതി പട്ടികവര്‍ഗ വികസന കോര്‍പറേഷന്റെ കിളിമാനൂര്‍ ഉപജില്ലാ കാര്യാലയവുമായി ബന്ധപ്പെടേണ്ടതാണ്

കൂടുതല്‍ വിവരങ്ങള്‍ക്ക് : 9947045410, 8281730471 .

ഒഡീസ്സയിലെ പുരിയിൽ നിന്ന് മഹാരി നൃത്തവുമായി ഒരമ്മയും മകളും ത്രിഭംഗി മധ്യമേഖല ദേശീയ നൃത്തോത്സവം വേദിയിൽ എത്തി. മഹാരി നർത്തകിയായ രൂപശ്രീ മഹാപത്രയും മകൾ ദേബരൂപ ദാസ് ഗുപ്തയുമാണ് ത്രിഭംഗിയിൽ മഹാരി നൃത്തം അവതരിപ്പിച്ചത്. പുരി ജഗനാഥ ക്ഷേത്രത്തിലെ പരമ്പരാഗത നൃത്തമാണ് മഹാരിനൃത്തം. ഒഡീസ്സി ഉൾപ്പെടെയുള്ള നൃത്തരൂപങ്ങൾ ഉത്ഭവിച്ചത് മഹാരി നൃത്തത്തിൽ നിന്നാണ് എന്ന് പറയപ്പെടുന്നു. 42 വർഷമായി മഹാരി നൃത്തം ചെയ്യുന്ന രൂപശ്രീ നിരവധി വിദേശ രാജ്യങ്ങളിൽ പരിപാടി അവതരിപ്പിച്ചിട്ടുണ്ട്. ദേവദാസി നർത്തകിമാരുടെ ശിക്ഷണത്തിലാണ് താൻ മഹാരിനൃത്തം അഭ്യസിച്ചതെന്ന് രൂപശ്രീ മഹാപത്ര പറഞ്ഞു.