കേരള സംഗീത നാടക അക്കാദമി മൂന്ന് ദിവസങ്ങളിലായി സംഘടിപ്പിച്ച ത്രിഭംഗി മധ്യമേഖല ദേശീയ നൃത്തോത്സവത്തിന് തിരശ്ശീല വീണു. സമാപന ദിവസം സ്വാതി രാജീവ്, എം.ടി. മൃൺമയി, നിർമുക്ത അരുൺ,മാനവിക മുരളി, മീനാക്ഷി നായർ,ഹിത ശശിധരൻ, സൃഷ്ടി ദേസാക്ഷി സിധേന്ദ്ര ചൊക്കലിംഗം, നൃത്ത കലാഞ്ജലി എന്നിവർ യുവനർത്തക വിഭാഗത്തിൽ നൃത്തം അവതരിപ്പിച്ചു. പ്രൊഫഷണൽ നർത്തക വിഭാഗത്തിൽ രൂപശ്രീ മഹാപത്ര മഹാരി നൃത്തവും ഡോ.രതീഷ് ബാബു, ഷഫീകുദ്ദീൻ, ഷബന എന്നിവർ ഭരതനാട്യവും ദീപ കർത്ത കഥക്കും കലാമണ്ഡലം ശ്രീജ ആർ. കൃഷ്ണൻ മോഹനിയാട്ടവും ഡോ ചിന്ത രവി ബാലകൃഷ്ണ കുച്ചിപ്പുടിയും ഡോ.

മരട് നഗരസഭ 24-ാം ഡിവിഷനിൽ സൗജന്യ മൾട്ടി ജിം പ്രവർത്തനമാരംഭിച്ചു. ഡിവിഷൻ ഫണ്ട് വിനിയോഗിച്ച് നിർമ്മിച്ച ജിം നഗരസഭ ചെയർപേഴ്സൺ ആന്റണി ആശാം പറമ്പിൽ ഉദ്ഘാടനം ചെയ്തു. ആരോഗ്യബോധം

 വളർത്തുക എന്നത് നഗരസഭയുടെ ലക്ഷ്യങ്ങളിലൊന്നാണ്, ആധുനിക സംവിധാനങ്ങളോടെ ഒരുക്കിയിരിക്കുന്ന ജിം പൊതുജനങ്ങൾക്ക് ആരോഗ്യ പരിപാലനത്തിന് സഹായകരമാകുമെന്ന് ചെയർപേഴ്സൺ പറഞ്ഞു.

1500 രൂപ മുതൽ സ്വകാര്യ മൾട്ടി ജിമുകൾ വരിസംഖ്യയായി വാങ്ങുന്ന അവസരത്തിലാണ് നഗരസഭ സൗജന്യമായി സേവനങ്ങൾ ലഭ്യമാക്കുന്നത്. അത്യാധുനിക മൾട്ടി ജിം ഉപകരണങ്ങളാണ് ഇവിടെ സജ്ജീകരിച്ചിരിക്കുന്നത്.

മന്ത്രി പി രാജീവ് വീടുകൾക്ക് തറക്കല്ലിട്ടു

 കളമശ്ശേരി മണ്ഡലത്തിലെ അഞ്ചു കുടുംബങ്ങൾക്കു കൂടി സ്വന്തം വീട് എന്ന സ്വപ്നം യാഥാർത്ഥ്യമാകുന്നു. വ്യവസായ വകുപ്പ് മന്ത്രി പി രാജീവ് മണ്ഡലത്തിൽ നടപ്പിലാക്കുന്ന സൗജന്യ ഭവന നിർമ്മാണ പദ്ധതി -സ്നേഹവീടിന്റെ ഭാഗമായാണ് അഞ്ച് വീടുകൾക്ക് കൂടി തറക്കല്ലിട്ടത്. 

തദ്ദേശ സ്വയംഭരണ സ്ഥാപനങ്ങളുടെ സഹകരണത്തോടെ

സംസ്ഥാന യുവജന ക്ഷേമ ബോർഡ്

നടത്തുന്ന കേരളോത്സവത്തിന് എടത്തല ഗ്രാമപഞ്ചായത്തിൽ തുടക്കമായി . കുഴുവേലിപ്പടി കുർലാട് സീറോക്ക് ഗ്രൗണ്ടിൽ നടന്ന വോളിബോൾ മത്സരത്തോടെ പരിപാടിക്ക് തിരി തെളിഞ്ഞു. ഗ്രാമപഞ്ചായത്ത് പ്രസിഡന്റ് സി കെ ലിജി ഉദ്ഘാടനം നിർവഹിച്ചു. 

പരിപാടിയുടെ രണ്ടാം ദിവസമായ ഞായറാഴ്ച 100 മീറ്റർ, 200 മീറ്റർ, 400 മീറ്റർ, 800 മീറ്റർ ഓട്ടമത്സരങ്ങൾ, ലോങ്ങ് ജമ്പ്, 4x100 മീറ്റർ റിലേ , ഷോട്ട്പുട്ട്, ഡിസ്ക് ത്രോ , ജാവലിൻ ത്രോ തുടങ്ങിയ മത്സരങ്ങൾ നടന്നു. വരും ദിവസങ്ങളിൽ വിവിധ കലാകായിക മത്സരങ്ങളാണ് നടക്കും.

കേരള സംഗീത നാടക അക്കാദമി അങ്കമാലിയിൽ സംഘടിപ്പിച്ച ത്രിഭംഗി മധ്യമേഖല ദേശീയ നൃത്തോത്സവം സമാപിച്ചു. മൂന്ന് ദിവസങ്ങളിലായി സംഘടിപ്പിച്ച നൃത്തോത്സവത്തിൽ 120 കലാകാരന്മാർ പരിപാടികൾ അവതരിപ്പിച്ചു. 11 വ്യത്യസ്ത നൃത്തരൂപങ്ങളുടെ 51 അവതരണങ്ങളാണ് നടന്നത്. കമഴ്ത്തിവെച്ച മൺകുടത്തിന് മുകളിലുള്ള പെരണിനാട്യം മുതൽ സാത്രിയ വരെയുള്ള അവതരണങ്ങളെ അങ്കമാലി ഹൃദയം കൊണ്ടാണ് സ്വീകരിച്ചത്. കൾച്ചറൽ സൊസൈറ്റി ഓഫ് അങ്കമാലി, എറണാകുളം ജില്ല കേന്ദ്ര കലാസമിതി എന്നിവയുടെ സഹകരണത്തോടെയാണ് സംഗീത നാടക അക്കാദമി അങ്കമാലി എ.പി കുര്യൻ സ്മാരക സി.എസ്.എ ഓഡിറ്റോറിയത്തിൽ പരിപാടി സംഘടിപ്പിച്ചത്.

കേരള സംഗീത നാടക അക്കാദമി സംഘടിപ്പിച്ച ത്രിഭംഗി മധ്യമേഖല ദേശീയ നൃത്തോത്സവ വേദിയിൽ സോദാഹരണ പ്രഭാഷണവുമായി മോഹൻലാൽ സിനിമാ ഗാനങ്ങളിലെ ഇടയ്ക്ക വാദകൻ തൃപ്പുണിത്തുറ കൃഷ്ണദാസ്. കേരളത്തിലെ പ്രതിഭാധനനായ ഇടയ്ക്ക വാദകനാണ് തൃപ്പുണിത്തുറ കൃഷ്ണദാസ്. മോഹൻലാൽ സിനിമകളായ ദേവാസുരം, കമലദളം തുടങ്ങിയവയിലെ സിനിമ ഗാനങ്ങൾക്കാണ് അദ്ദേഹം ഇടയ്ക്ക വായിച്ചത്. മോഹിനിയാട്ടത്തിൽ ഇടയ്ക്കയുടെ സവിശേഷതയും പ്രയോഗരീതിയും എന്ന വിഷയത്തിൽ ത്രിഭംഗി വേദിയിലെ നൃത്തശില്പശാലയിൽ കൃഷ്ണദാസ് പ്രഭാഷണം നടത്തി. മോഹിനിയാട്ടത്തിൻ്റെ പ്രാണപ്രതിഷ്ഠയാണ് ഇടയ്ക്കയെന്ന് അദ്ദേഹം പറഞ്ഞു.

വിദേശ നിക്ഷേപം ആകർഷിക്കുന്നതിനും വിജ്ഞാനാധിഷ്ഠിത സമൂഹമായി മാറുന്നതിനുമുള്ള കേരളത്തിന്റെ ശ്രമങ്ങൾക്ക് ഊർജ്ജം പകരാൻ ന്യൂജേഴ്സിയിൽ നിന്ന് നിക്ഷേപകരെ ഷണിച്ച് മുഖ്യമന്ത്രി പിണറായി വിജയൻ.

 ശനിയാഴ്ച വൈകിട്ട് കൊച്ചി ഗ്രാൻഡ് ഹയാത്തിൽ ന്യൂജേഴ്സി ഗവർണർ ഫിൽ മർഫിയുമായി നടത്തിയ കൂടിക്കാഴ്ചയ്ക്കു ശേഷം ചേർന്ന യോഗത്തിൽ സംസാരിക്കുകയായിരുന്നു അദ്ദേഹം.

അമേരിക്കൻ സംസ്ഥാനമായ ന്യൂജേഴ്‌സിയും കേരളവും തമ്മിലുള്ള ബന്ധം കൂടുതൽ ശക്തമാക്കുമെന്ന് ന്യൂജേഴ്‌സി ഗവർണർ ഫിൽ ഡി മർഫി.

 വ്യവസായം, ഉന്നത വിദ്യാഭ്യാസം, ജീവകാരുണ്യം, വ്യക്തിഗത ബന്ധങ്ങൾ തുടങ്ങി വിവിധ മേഖലകളിൽ സഹകരണം വർദ്ധിപ്പിക്കുകയാണ് തങ്ങളുടെ ലക്ഷ്യമെന്ന് അദ്ദേഹം വ്യക്തമാക്കി. കൊച്ചി ഗ്രാൻഡ് ഹയാത്തിൽ സംഘടിപ്പിച്ച ഇക്കണോമിക് പാർട്ണർഷിപ് ചടങ്ങിൽ സംസാരിക്കുകയായിരുന്നു ഗവർണർ.

നാലാംക്ലാസ്സുകാരനും പത്താംക്ലാസ്സുകാരനും അച്ഛനും അമ്മയ്ക്കുമൊപ്പം ത്രിഭംഗി ദേശീയ നൃത്തോത്സവ വേദിയിൽ ചുവട് വെച്ചപ്പോൾ ഹർഷാരവത്തോടെയാണ് അങ്കമാലി സ്വീകരിച്ചത്. പ്രശസ്ത നർത്തകൻ ബദരി ദിവ്യ ഭൂഷണും ഭാര്യയും നർത്തകിയുമായ ഡോ. അഞ്ജന ഭൂഷണും മക്കളായ അഭ്യുദയ് ധ്യാൻ ഭൂഷണും അഭിഘ്നൻ വേദാന്ത് ഭൂഷണുമാണ് ഒരുമിച്ച് ഒരേവേദിയിൽ നൃത്തം അവതരിപ്പിച്ചത്. രാമായണകഥയെ അടിസ്ഥാനമാക്കിയ ഭരതനാട്യം ഗ്രൂപ്പ് നൃത്തമാണ് അവതരിപ്പിച്ചത്. നൃത്തത്തോടൊപ്പം അഭിനയവും സംഭാഷണവും ഉൾപ്പെടുത്തിയാണ് ഈ നൃത്തം ചിട്ടപ്പെടുത്തിയത്. ആസ്വാദകർക്കിടയിൽ ഈ നൃത്തം അറിയപ്പെടുന്നത് ഭൂഷൺ സ്റ്റെൽ ഓഫ് നൃത്താ എന്നാണ്. മൈസൂർ സ്വദേശിയാണ് ബദരി ദിവ്യ ഭൂഷൺ.

കമിഴ്ത്തിവെച്ച മൺകുടത്തിന് മുകളിൽ ' മൂന്ന് നർത്തകിമാർ കയറി നിന്ന് തലയിൽ കൂജയും വെച്ച് നൃത്തം ചെയ്തപ്പോൾ, സദസ്സ് ഒന്നടക്കം നിശബ്ദമായി നൃത്തത്തിൽ ലയിച്ചു. മലയാളികൾക്ക് അത്ര സുപരിചിതമല്ലാത്ത പെരണിനാട്യമായിരുന്നു അത്. ഓരോ ആസ്വാദകനും ഇമവെട്ടാതെ നർത്തകിമാർ ശരീരം കൊണ്ട് എഴുതിയ പെരണിനാട്യം ആസ്വദിച്ചു. കലാഗ്രാമം സിറാജുദ്ദീൻ പരിശീലിപ്പിച്ച ഗൗരി ഹരീഷ് , ഗായത്രി ഹരീഷ്, റുമിൻ ഫാത്തിമ എന്നിവരാണ് പെരണിനാട്യം അവതരിപ്പിച്ചത്. കണിശമായ പരിശീലനം ആവിശ്യമുള്ള ഈ നൃത്തം ശിവൻ്റെ പ്രപഞ്ച നടനത്തിൽ നിന്ന് ഉത്ഭവിച്ചുവെന്നാണ് പറയപ്പെടുന്നത്