സര്‍വീസിലിരിക്കെ മരണമടയുന്ന ജീവനക്കാരുടെ വിവിധ ഇനത്തിലുളള സര്‍ക്കാര്‍ ബാദ്ധ്യതയില്‍ 5 ലക്ഷം രൂപ വരെ എഴുതിത്തളളുന്നതിനുളള നടപടിക്രമം നിശ്ചയിച്ച് ഉത്തരവായി. വായ്പ എഴുതിത്തളളുന്നതിനുളള ശിപാര്‍ശ ആവശ്യമായ രേഖകള്‍ സഹിതം ഓഫീസ് മേലധികാരിക്ക് നല്‍കണം. ഓഫീസ് മേലധികാരി/ ബന്ധപ്പെട്ട നിയമന അധികാരി വേണ്ട രേഖകള്‍ സഹിതം വ്യക്തമായ ശിപാര്‍ശയോടെ വകുപ്പ് തലവന്‍വഴി അപേക്ഷ ഭരണവകുപ്പിന് സമര്‍പ്പിക്കണം. അപേക്ഷയും രേഖകളും പരിശോധിച്ച് വകുപ്പ് സെക്രട്ടറിയുടെ വ്യക്തമായ ശിപാര്‍ശയോടെ ധനകാര്യവകുപ്പിന് നല്‍കും.

ഗാന്ധിജയന്തി വാരാചരണത്തോടനുബന്ധിച്ചും ഗ്രീന്‍ പ്രോട്ടോക്കോള്‍ നടപ്പാക്കുന്നതുമായി ബന്ധപ്പെട്ടും തീവ്രശുചീകരണ യജ്ഞവുമായി സെക്രട്ടേറിയറ്റിലെ ഇന്‍ഫര്‍മേഷന്‍ പബ്‌ളിക് റിലേഷന്‍സ് വകുപ്പ്. 

ഡയറക്ട്രേറ്റിലെ വിവിധ സെക്ഷനുകളിലെ ഇ-വേസ്റ്റ് നീക്കം ചെയ്യുകയും, കാലാവധി കഴിഞ്ഞ ഫയലുകള്‍, പേപ്പറുകള്‍ എന്നിവ സ്റ്റോര്‍ റൂമിലേക്ക് മാറ്റുകയും ചെയ്തു. പാഴ്‌പേപ്പറുകള്‍, മറ്റ് സാമഗ്രികള്‍ തുടങ്ങിയ നീക്കം ചെയ്തു. സെക്ഷനുകളുടെ ശുചീകരണവും ഇതോടൊപ്പം നടന്നു. ശുചീകരണ നടപടികള്‍ വരുംദിനങ്ങളില്‍ തുടരും. 

കാലവര്‍വര്‍ഷക്കെടുതിയില്‍ ഇരയായവര്‍ക്ക്‌നല്‍കുന്ന 10,000 രൂപ അടിയന്തിര ധന സഹായംലഭിക്കുന്നതിനുള്ളഅപ്പീല്‍അപേക്ഷഒക്‌ടോബര്‍ഏഴിനകം നല്‍കണമെന്ന് ജില്ലാകലക്ടര്‍ അമിത്മീണ അിറയിച്ചു.

ഗാന്ധി ജയന്തിയോടനുബന്ധിച്ച് ജില്ലാ ഇന്‍ഫര്‍മേഷന്‍ ഓഫീസും നെഹ്‌റു യുവ കേന്ദ്രയും ഗാന്ധി ദര്‍ശന്‍ സമിതിയും സംയുക്തമായി സംഘടിപ്പിക്കുന്ന ജില്ലാ തല മല്‍സരങ്ങള്‍ ഒക്ടോബര്‍ എട്ടിന് നടക്കും. മലപ്പുറം ടൗണ്‍ഹാളിനോട് ചേര്‍ന്നുള്ള പബ്ലിക് ലൈബ്രറിയില്‍ രാവിലെ 10 നാണ് മല്‍സരം. യു.പി, ഹൈസ് കൂള്‍ വിദ്യാര്‍ത്ഥികള്‍ക്കായി ഗാന്ധി ക്വിസ്, പ്രബന്ധ രചന, പെന്‍സില്‍, ജലച്ഛായ രചനാ മല്‍സരങ്ങളാണ് സംഘടിപ്പിക്കുന്നത്. പങ്കെടുക്കാനാഗ്രഹിക്കുന്ന വിദ്യാര്‍ത്ഥികള്‍ എട്ടിന് രാവിലെ 10 മണിക്ക് മുമ്പായി ലൈബ്രറിയില്‍ എത്തി പേര് രജിസ്റ്റര്‍ ചെയ്യണം. വിശദ വിവരങ്ങള്‍ക്ക് 9496406850 നമ്പറില്‍ ബന്ധപ്പെടുക.

ഗാന്ധി ജയന്തി വാരാഘോഷത്തിന്റെ ഭാഗമായി ജില്ലയിലെ സര്‍ക്കാര്‍ ആശുപത്രികളുടെയും സബ് സെന്ററുകളുടെയും ക്ലീനിംഗ് ഇന്ന് നടക്കും. പ്രളയാനന്തര പകര്‍ച്ച വ്യാധികളും മാനസികാരോഗ്യ പ്രശ്‌നങ്ങളും അവയ്ക്കുള്ള പരിഹാരങ്ങളും എന്ന തലക്കെട്ടില്‍  ഒക്ടോബര്‍ രണ്ടു മുതല്‍ വിവിധ ദിവസങ്ങളിലായി വാര്‍ഡ് തല ശുചീകരണം, മാസ് ക്ലോറിനേഷന്‍, ബോധവല്‍ക്കരണ പരിപാടികള്‍ നടന്നു വരികയാണ്.

    മലപ്പുറം കേന്ദ്രീയ വിദ്യാലയത്തില്‍ സെക്കന്‍ഡറി വിഭാഗത്തില്‍ ടി.ജി.ടി ഹിന്ദി, ടി.ജി.ടി മാത്‌സ്, പി.ജി.ടി ബയോളജി വിഭാഗങ്ങളിലേക്ക് താല്‍ക്കാലിക ഒഴിവിലേക്ക്  കരാര്‍ അടിസ്ഥാനത്തില്‍ നിയമിക്കുന്നതിന് അപേക്ഷ ക്ഷണിച്ചു.  താല്‍പര്യമുള്ളവര്‍ ഒക്‌ടോബര്‍ 11ന് രാവിലെ 10ന് കൂടിക്കാഴ്ചക്കായി  അസ്സല്‍ രേഖകള്‍ സഹിതം സ്‌കൂളില്‍ എത്തണം.

മാതാവോ, പിതാവോ ഇവര്‍ രണ്ട് പേരുമോ മരണമടഞ്ഞ കുട്ടികള്‍ക്ക് കേരള സര്‍ക്കാറിന്റെ കീഴിലുള്ള കേരള സാമൂഹ്യ സുരക്ഷാ മിഷന്‍ നല്‍കുന്ന സ്‌നേഹപൂര്‍വ്വം സ്‌കോളര്‍ഷിപ്പിനു ഈ അധ്യയന വര്‍ഷത്തേക്കുള്ള  അപേക്ഷ ക്ഷണിച്ചു. അഞ്ചു വയസ്സില്‍ താഴെയുള്ള കുട്ടികള്‍ നേരിട്ടും ഒന്നാം കാസ്സ് മുതല്‍ ബിരുദ തലം വരെ ഗവണ്‍മന്റ്, എയ്ഡഡ് സ്ഥാപനങ്ങളില്‍ പഠിക്കുന്ന കുട്ടികള്‍ പഠിക്കുന്ന സ്ഥാപന മേധാവി വഴിയുമാണ്  അപേക്ഷിക്കേണ്ടത.്  

    മലപ്പുറം ജില്ലാ വിദ്യാഭ്യാസ ഓഫീസിന്റെ കീഴിലുള്ള ഗവ./എയ്ഡഡ്/ അണ്‍ എയ്ഡഡ് ഹൈസ്‌കൂള്‍ പ്രധാന അധ്യാപകരുടെയും ഹയര്‍ സെക്കന്‍ഡറി, വി.എച്ച്.എസ്.സി പ്രിന്‍സിപ്പല്‍മാരുടെയും ഉപജില്ലാ വിദ്യാഭ്യാസ ഓഫീസര്‍മാരുടെയും യോഗം ഒക്‌ടോബര്‍ ഒമ്പതിന് രാവിലെ 10.30ന് ജില്ലാ പഞ്ചായത്ത് ഹാളില്‍ ചേരും.

സാംസ്‌കാരിക വകുപ്പിനു കീഴിലുള്ള മഹാകവി മോയിന്‍കുട്ടി വൈദ്യര്‍ മാപ്പിളകലാ അക്കാദമി പ്രാദേശിക കലാകാരന്‍മാര്‍ക്ക് മാപ്പിളകലകളില്‍ പരിശീലനം നല്‍കുന്നു. കോല്‍ക്കളി, അറബന, ദഫ്, വട്ടപ്പാട്ട്, മാപ്പിളപ്പാട്ട്, ചീനിമുട്ട്, ഖിസ്സപ്പാട്ട് എന്നിവയിലാണ് പരിശീലനം. രണ്ടു വര്‍ഷമാണ് പരിശീലനം. അപേക്ഷകര്‍ കോല്‍ക്കളി, ദഫ്മുട്ട്, അറബനമുട്ട്, വട്ടപ്പാട്ട് എന്നിവയില്‍ ഏതിലെങ്കിലും ഒന്നില്‍ പരിശീലനം സിദ്ധിച്ചവരായിരിക്കണം.  പരിശീലനകാലത്ത് അവതരണങ്ങളില്‍ പങ്കെടുക്കാം. 22 പേര്‍ക്കാണ് പ്രവേശനം.