തിരുവനന്തപുരം വഴുതക്കാട് പ്രവര്‍ത്തിക്കുന്ന സര്‍ക്കാര്‍ അന്ധവിദ്യാലയത്തില്‍ മെയില്‍ മേട്രണ്‍ ഒഴിവിലേക്ക് പ്രതിദിനം 645 രൂപ നിരക്കില്‍ പ്രതിമാസം പരമാവധി 17,415 രൂപ നല്‍കി നിയമിക്കുന്നതിനായി ഒക്ടോബര്‍ എട്ടിന് രാവിലെ 10:30 മുതല്‍ അഭിമുഖം നടത്തുന്നു. നിര്‍ദ്ദിഷ്ട യോഗ്യതയുള്ള ഉദ്യോഗാര്‍ത്ഥികള്‍ ബയോഡാറ്റ, തിരിച്ചറിയല്‍ കാര്‍ഡ്, യോഗ്യതയും മുന്‍പരിചയവും തെളിയിക്കുന്ന അസ്സല്‍ സര്‍ട്ടിഫിക്കറ്റുകള്‍ എന്നിവയുമായി സ്‌കൂള്‍ ഓഫീസില്‍ നേരിട്ട് ഹാജരാകണം. ഒഴിവ്: ഒന്ന്. യോഗ്യത: എസ് എസ് എല്‍ സി / തത്തുല്യയോഗ്യത, സര്‍ക്കാര്‍ അംഗീകൃത സ്ഥാപനങ്ങളില്‍ നിന്നുള്ള പ്രഥമ ശുശ്രൂഷാ സര്‍ട്ടിഫിക്കറ്റ്.

    കുഞ്ഞിമംഗലം ഇലക്ട്രിക്കല്‍ സെക്ഷന്‍ പരിധിയിലെ പയ്യന്നൂര്‍ കോളേജ്, ചെറാട്ട്-1, ചെറാട്ട്-2, കണ്ണൂര്‍ യൂണിവേഴ്‌സിറ്റി കാമ്പസ്, കണ്ണാംകുഴി, സെന്‍ട്രല്‍ സ്‌കൂള്‍, കുന്നിന് കിഴക്ക് ഭാഗങ്ങളില്‍ ഇന്ന്(ഒക്‌ടോബര്‍ 5) രാവിലെ ഒമ്പത് മുതല്‍ വൈകിട്ട് അഞ്ച് മണി വരെ വൈദ്യുതി മുടങ്ങും.
     110 കെ വി സബ്‌സ്റ്റേഷനില്‍ അറ്റകുറ്റപ്പണി നടക്കുന്നതിനാല്‍ 33 കെ വി പുത്തൂര്‍ സബ്‌സ്റ്റേഷന്‍, 33 കെ വി  കോടിയേരി  സബ്‌സ്റ്റേഷന്‍ പരിധിയില്‍ ഇന്ന്(ഒക്‌ടോബര്‍ 5) രാവിലെ ഒമ്പത് മുതല്‍ ഒരു മണി വരെ വൈദ്യുതി മുടങ്ങും.

 അറബിക്കടലിന്റെ തെക്ക് കിഴക്ക് ഭാഗത്തായി (ശ്രീലങ്കയ്ക്ക് അടുത്ത്) ഒക്ടോബര്‍ അഞ്ചോടെ  ശക്തമായ ന്യൂനമര്‍ദം രൂപപ്പെടാനുള്ള സാധ്യത കേന്ദ്ര കാലാവസ്ഥാ നിരീക്ഷണ കേന്ദ്രം  പ്രവചിച്ചതിന്റെ അടിസ്ഥാനത്തില്‍ അതിവജാഗ്രത നിര്‍ദേശം. ന്യൂനമര്‍ദം ശക്തി പ്രാപിച്ച് ചുഴലിക്കാറ്റായി മാറുമെന്നും അറബിക്കടലിലൂടെ, ലക്ഷദ്വീപിന് അടുത്തുകൂടി വടക്ക് പടിഞ്ഞാറന്‍ ദിശയില്‍ സഞ്ചരിക്കുമെന്നും കേന്ദ്ര കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്‍കിയിട്ടുണ്ട്.ഇതിനാല്‍ കേരളതീരത്തും അതിശക്തമായ കാറ്റുണ്ടാവുകയും കടല്‍ അതിപ്രക്ഷുബ്ധമായി മാറുകയും ചെയ്യും.

    പ്രതിമാസ സാമ്പത്തിക സഹായം കൈപ്പറ്റാത്ത രണ്ടാം ലോക മഹായുദ്ധ സേനാനികളുടെ വിധവകള്‍ സാമ്പത്തിക സഹായം ലഭിക്കുന്നതിനുള്ള അപേക്ഷകള്‍ എത്രയും പെട്ടെന്ന് സമര്‍പ്പിക്കണമെന്ന് കണ്ണൂര്‍ ജില്ലാ സൈനിക ക്ഷേമ ഓഫീസര്‍ അറിയിച്ചു. 

    കണ്ണൂര്‍ താലൂക്ക് വികസന സമിതി യോഗം ഒക്ടോബര്‍  ആറിന് രാവിലെ 10.30 ന് താലൂക്ക് ഓഫീസ് കോണ്‍ഫറന്‍സ് ഹാളില്‍ നടക്കും. താലൂക്ക് പരിധിയിലെ മുഴുവന്‍ ബ്ലോക്ക്/ഗ്രാമപഞ്ചായത്ത് പ്രസിഡണ്ടുമാരും ജില്ലാ പഞ്ചായത്ത് അംഗങ്ങളും താലൂക്ക് വികസന സമിതി അംഗങ്ങളും താലൂക്ക് തല ഓഫീസ് തലവന്‍മാരും പങ്കെടുക്കണമെന്ന് കണ്ണൂര്‍ താലൂക്ക് വികസന സമിതി കണ്‍വീനര്‍ അറിയിച്ചു. 

    അടുത്ത ദിവസങ്ങളില്‍ ശക്തമായ കാലവര്‍ഷം ഉണ്ടാകുമെന്ന കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പിന്റെ പശ്ചാത്തലത്തില്‍ ഇതേത്തുടര്‍ന്ന് ഉണ്ടാവാന്‍ സാധ്യതയുള്ള പ്രകൃതിക്ഷോഭം നേരിടാനുള്ള പ്രവര്‍ത്തനങ്ങള്‍ ഏകോപിപ്പിക്കുന്നതിനായി ഉദ്യോഗസ്ഥര്‍ക്ക് ചുമതല നല്‍കി ജില്ലാ ദുരന്ത നിവാരണ അതോറിറ്റി ചെയര്‍മാന്‍ കൂടിയായ ജില്ലാ കലക്ടര്‍ ഉത്തരവായി. ജില്ലാതല ഏകോപനം ഡെപ്യൂട്ടി കലക്ടര്‍ (ഡിഎം) എന്‍ കെ അബ്രഹാം- 8547616034.

     ജില്ലയില്‍ വിവിധ വകുപ്പുകളില്‍ അറ്റന്‍ഡര്‍ തസ്തികയിലേക്കുള്ള നിയമനത്തിനായി 2015 മെയ് ആറിന് നിലവില്‍ വന്ന റാങ്ക് പട്ടികയുടെ കാലാവധി മൂന്നു വര്‍ഷം പൂര്‍ത്തിയായതിനാല്‍ 2018 മെയ് ആറു മുതല്‍ റദ്ദായതായി കേരള പബ്ലിക് സര്‍വ്വീസ് കമ്മീഷന്‍ ജില്ലാ ഓഫീസര്‍ അറിയിച്ചു.

      കണ്ണൂര്‍ കോര്‍പ്പറേഷനിലെ ആശീര്‍വാദ് ആശുപത്രി - പൊലീസ് ക്ലബ്ബ് റോഡിന്റെ ഒന്നാം ഘട്ട ടാറിങ് പ്രവൃത്തി നടക്കുന്നതിനാല്‍ നാളെ (ഒക്ടോബര്‍ ആറ്) മുതല്‍ ഒക്ടോബര്‍ 26 വരെ ഇതുവഴിയുള്ള ഗതാഗതം നിയന്ത്രിച്ചതായി എല്‍ എസ് ജി ഡി എക്സിക്യുട്ടീവ് എഞ്ചിനീയര്‍ (കണ്ണൂര്‍ കോര്‍പ്പറേഷന്‍) അറിയിച്ചു. 

        ജില്ലയില്‍ വിദ്യാഭ്യാസ വകുപ്പില്‍ ഹൈസ്‌കൂള്‍ അസിസ്റ്റന്റ് (ബൈ ട്രാന്‍സ്ഫര്‍, ഗണിതം, കാറ്റഗറി നമ്പര്‍: 260/2017), ഹൈസ്‌കൂള്‍ അസിസ്റ്റന്റ് (ബൈ ട്രാന്‍സ്ഫര്‍, ഫിസിക്കല്‍ സയന്‍സ്, കാറ്റഗറി നമ്പര്‍: 261/2017) എന്നീ തസ്തികകളുടെ തെരഞ്ഞെടുപ്പിനായി അപേക്ഷ സമര്‍പ്പിച്ച ഉദ്യോഗാര്‍ത്ഥികള്‍ക്കായുള്ള അഭിമുഖം ഒക്ടോബര്‍ 11, 12 തിയ്യതികളില്‍ രാവിലെ 9:30 മുതല്‍ കേരള പബ്ലിക് സര്‍വ്വീസ് കമ്മീഷന്റെ എറണാകുളം ജില്ലാ ഓഫീസില്‍ നടക്കും.

   ലോക സെറിബ്രല്‍ പാള്‍സി ദിനാചരണത്തോടനുബന്ധിച്ച് കാലിക്കറ്റ് സര്‍വകലാശാല മനശാസ്ത്ര വിഭാഗവും കേരള സാമൂഹ്യ നീതി വകുപ്പും സംയുക്തമായി നടപ്പിലാക്കുന്ന സി ഡി എം ആര്‍ പിയുടെയും കണ്ണൂര്‍ സമഗ്ര ശിക്ഷാ അഭിയാന്റെയും ആഭിമുഖ്യത്തില്‍ രക്ഷിതാക്കള്‍ക്കായി ശില്‍പ്പശാല സംഘടിപ്പിക്കുന്നു. രക്ഷിതാക്കള്‍ക്ക് ഈ രോഗാവസ്ഥയെക്കുറിച്ചുള്ള സംശയങ്ങള്‍ ചോദിച്ചറിയുതിനും നൂതന ചികിത്സകളും അനുബന്ധ ചികിത്സാ രീതികളും പരിചയപ്പെടുത്തുന്നതിനും മനസിലാക്കുന്നതിനും ഉദ്ദേശിച്ച് നടത്തുന്ന ശില്‍പശാല ഫിസിയോ തെറാപ്പിസ്റ്റിന്റെയും ഒക്യുപ്പേഷണല്‍ തെറാപ്പിസ്റ്റിന്റെയും നേതൃത്വത്തിലാണ് നടത്തുന്നത്.