ആറ്റുനോറ്റു കിട്ടിയ സര്‍ക്കാര്‍ ജോലിയില്‍ നിന്നുള്ള ആദ്യശമ്പളം തന്നെ പ്രളയാനന്തര കേരളത്തിന്റെ പുനസൃഷ്ടിക്കായി നല്‍കി.  ജില്ലയിലെ സര്‍വെയും ഭൂരേഖയും വകുപ്പിലെ 28 സര്‍വെയര്‍മാര്‍. സാലറി ചാലഞ്ചില്‍ പങ്കാളികളായതിന്റെ സമ്മതപത്രം പുതുതായി സര്‍വീസില്‍ പ്രവേശിച്ച സര്‍വെയര്‍മാര്‍ ജില്ലാ കലക്ടര്‍ മീര്‍ മുഹമ്മദലിക്ക് കൈമാറി. ആദ്യശമ്പളം തന്നെ നവകേരള നിര്‍മാണത്തിനായി നല്‍കാനുള്ള ശ്ലാഘനീയമായ തീരുമാനമെടുത്ത ജീവനക്കാരെ ജില്ലാ കലക്ടര്‍ അഭിനന്ദിച്ചു. 

 കേരള കള്ള് വ്യവസായ  തൊഴിലാളി ക്ഷേമനിധിയില്‍ അംഗങ്ങളായ തൊഴിലാളികളുടെ  മക്കള്‍ക്ക് 2018-19 അധ്യയന വര്‍ഷത്തേക്ക് സ്‌കോളര്‍ഷിപ്പ് അപേക്ഷകള്‍  സമര്‍പ്പിക്കുന്നതിനുള്ള  അവസാന തീയതി ഒക്‌ടോബര്‍ 15 വരെ നീട്ടി.     

2018- 19 വര്‍ഷത്തെ ഒബിസി പ്രീമെട്രിക് സ്‌കോളര്‍ഷിപ്പിനായി  വിദ്യാര്‍ത്ഥികളില്‍ നിന്നും  അപേക്ഷകള്‍  സ്വീകരിക്കുന്നതിനുള്ള അവസാനതീയതി  ഒക്‌ടോബര്‍ 10 വരെ നീട്ടി.  

ഉത്തരമലബാറില്‍ യോഗ ടൂറിസം സംരംഭങ്ങള്‍ തുടങ്ങുവാന്‍ താല്‍പര്യമുള്ളവര്‍ക്കായി ഏകദിനശില്പശാല നടത്തുന്നു. ബേക്കല്‍ റിസോര്‍ട്ട്‌സ് ഡെവലപ്പ്‌മെന്റ് കോര്‍പറേഷന്‍ ലിമിറ്റഡ് തച്ചങ്ങാട് കള്‍ച്ചറല്‍ സെന്ററില്‍ നാളെ(6) രാവിലെ 10ന് കെ.കുഞ്ഞിരാമന്‍ എംഎല്‍എ ഉദ്ഘാടനം ചെയ്യും. ജില്ലാ കളക്ടര്‍ ഡോ.ഡി.സജിത്ത്ബാബു അധ്യക്ഷതവഹിക്കും.  ജില്ലാ പോലീസ് മേധാവ ഡോ.എ ശ്രീനിവാസ് മുഖ്യാതിഥിയാകും. 
 

 ജില്ലാ ഇന്‍ഫര്‍മേഷന്‍ ഓഫീസിന്റെ ആഭിമുഖ്യത്തില്‍ നായന്മാര്‍മൂല തന്‍ബീഹുല്‍ ഇസ്ലാം ടീച്ചര്‍ ട്രെയിനിംഗ് സെന്ററില്‍ സെമിനാര്‍ ഇന്ന് നടക്കും. മുളയധിഷ്ഠിത നിര്‍മ്മാണം; കാസര്‍കോടിന്റെ സാധ്യതകള്‍, പ്രളയാന്തരകേരളം: പ്രകൃതി സംരക്ഷണത്തിന്റെ അനിവാര്യത, ഗാന്ധിയന്‍ ആദര്‍ശനങ്ങളുടെ പ്രസക്തി എന്നി വിഷങ്ങളിലാണ് സെമിനാര്‍. ജില്ലാ കളക്ടര്‍ ഡോ.ഡി.സജിത്ബാബു ഉദ്ഘാടനം ചെയ്യും. പ്രിന്‍സിപ്പാള്‍ ഡോ.ഇ.വി കുഞ്ഞിരാമന്‍ അധ്യക്ഷതവഹിക്കും. പ്രസിഡന്റ് എന്‍.എ അബുബക്കര്‍, ട്രെയിനിംഗ് സെന്റര്‍ മാനേജര്‍ അബ്ദുള്‍ ലത്തീഫ് തുടങ്ങിയവര്‍ പങ്കെടുക്കും.

  മഹാത്മാഗാന്ധി സ്ഥിരമായി ഉപയോഗിച്ചിരുന്ന ഊന്നുവടി സമ്മാനിച്ചത് ആര്... ഊന്നുവടി നല്‍കിയ വ്യക്തിക്ക് കാസര്‍കോട് ജില്ലയുമായി ബന്ധമുണ്ട്. ഉത്തരം പറയുന്നവര്‍ക്ക് സര്‍പ്രൈസ് സമ്മാനവും പ്രഖ്യാപിച്ചതോടെ കാസര്‍കോട് ഗവ.ഗേള്‍സ് ഹൈസ്‌കൂളിലെ വിദ്യാര്‍ഥിനികള്‍ കൂടുതല്‍ ഉഷാറായി. ആവേശകരമായ മത്സരത്തിനൊടുവില്‍ പത്താം ക്ലാസിലെ പി.ഡി ദീക്ഷ്ണ ആ ഉത്തരം പറഞ്ഞു... മഞ്ചേശ്വര്‍ ഗോവിന്ദപൈ. 

    തിരുവനന്തപുരം വഴുതക്കാട് പ്രവര്‍ത്തിക്കുന്ന സര്‍ക്കാര്‍ അന്ധവിദ്യാലയത്തില്‍ മെയില്‍ മേട്രണ്‍ ഒഴിവിലേക്ക് നിയമനം നടത്തുന്നു. എസ്എസ്എല്‍സി, അംഗീകൃത സ്ഥാപനത്തില്‍ നിന്നുള്ള ഫസ്റ്റ് എയിഡ് സര്‍ട്ടിഫിക്കറ്റുമാണ് യോഗ്യത. നഴ്‌സിംഗ് യോഗ്യതയുള്ളവര്‍ക്ക് മുന്‍ഗണന. ഹോസ്റ്റലില്‍ താമസിച്ച് സേവനം അനുഷ്ഠിക്കണം. താത്പര്യമുള്ളവര്‍ ഈ മാസം എട്ടിന് രാവിലെ 10ന് അസല്‍ സര്‍ട്ടിഫിക്കറ്റുകളുമായി കൂടിക്കാഴ്ചയ്ക്ക് വഴുതക്കാട് അന്ധവിദ്യാലയ ഓഫീസില്‍ കൂടിക്കാഴ്ചയ്ക്ക് എത്തണം. ഫോണ്‍: 0471 2328184, 8547326805.                                          (പിഎന്‍പി 3236/18)

    വനിതാ ശിശുവികസന വകുപ്പ് മുഖേന ബിപിഎല്‍/മുന്‍ഗണനാ വിഭാഗത്തില്‍പ്പെട്ട വിധവകള്‍, നിയമപരമായി വിവാഹബന്ധം വേര്‍പെടുത്തിയവര്‍ എന്നിവര്‍ക്ക് മംഗല്യപദ്ധതി പ്രകാരം പുനര്‍വിവാഹത്തിന് 25000 രൂപ ധനസഹായം നല്‍കും. അപേക്ഷ  സ്വീകരിക്കുന്ന അവസാന തീയതി ഈ മാസം 10. ഫോണ്‍: 0468 2224130.  
                                                 (പിഎന്‍പി 3235/18)  

    തദ്ദേശഭരണ സ്ഥാപനങ്ങള്‍ക്ക് ഫര്‍ണിച്ചറുകള്‍ വാങ്ങുന്നതിനും ഫര്‍ണിഷിംഗ് പ്രവര്‍ത്തനങ്ങള്‍ ഏറ്റെടുക്കുന്നതിനും ആര്‍ട്ടിസാന്‍സ് ഡെവലപ്‌മെന്റ് കോര്‍പ്പറേഷനെ (ആര്‍ട്ട്‌കോ) നോഡല്‍ ഏജന്‍സിയായി അംഗീകരിച്ച് സര്‍ക്കാര്‍ ഉത്തരവായി. വികേന്ദ്രീകൃത ആസൂത്രണ സംസ്ഥാനതല കോ-ഓര്‍ഡിനേഷന്‍ കമ്മിറ്റിയുടെ തീരുമാനപ്രകാരമാണിത്. 
                                                 (പിഎന്‍പി 3234/18)