വനിതകള്‍ ഗൃഹനാഥരായ കുടുംബത്തിലെ കുട്ടികള്‍ക്കുള്ള 2018-19 ലെ വിദ്യാഭ്യാസ ധനസഹായം അനുവദിക്കുന്നതിന് അപേക്ഷ ക്ഷണിച്ചു. മുന്‍ഗണനാ വിഭാഗത്തില്‍പെട്ടവര്‍ക്കാണ് അര്‍ഹത. വിവാഹമോചിതര്‍, ഭര്‍ത്താവ് ഉപേക്ഷിച്ചവര്‍ ഭര്‍ത്താവിനെ കാണാതായി ഒരു വര്‍ഷം കഴിഞ്ഞവര്‍ എന്നിവരുടെ മക്കള്‍ക്കാണ് ധനസഹായം. അര്‍ഹതപ്പെട്ടവര്‍ ബ്ലോക്ക് തലത്തില്‍ പ്രവര്‍ത്തിക്കുന്ന ശിശു വികസന പദ്ധതി ഓഫീസില്‍ അപേക്ഷ നല്‍കണം. കൂടുതല്‍ വിവരങ്ങള്‍ അങ്കണവാടികളിലും ശിശു വികസന പദ്ധതി ഓഫീസിലും ലഭിക്കും. അപേക്ഷകള്‍ 15നകം നല്‍കണം.

പി.എന്‍.എക്‌സ്.4378/18

സാഗര മൊബൈല്‍ ആപ്ലിക്കേഷനില്‍ എല്ലാ മത്സ്യത്തൊഴിലാളികളും അടിയന്തിരമായി പേര് രജിസ്റ്റര്‍ ചെയ്യണമെന്ന് ഫിഷറീസ് മന്ത്രി ജെ. മേഴ്‌സിക്കുട്ടി അമ്മ ആവശ്യപ്പെട്ടു. 

*ലീഗല്‍ മെട്രോളജി വകുപ്പ് കോള്‍ സെന്റര്‍ മന്ത്രി ഉദ്ഘാടനം ചെയ്തു

        കാലാവസ്ഥ നിരീക്ഷണ കേന്ദ്രം ഒക്ടോബര്‍ ആറ് വരെ ജില്ലയില്‍ കനത്ത മഴ
പ്രവചിച്ച് യെല്ലോ അലെര്‍ട്ട് പ്രഖ്യാപിച്ചിരിക്കുന്ന സാഹചര്യത്തില്‍
മുന്‍കരുതല്‍ എന്ന നിലയില്‍ ഒക്ടോബര്‍ നാലിന് രാവിലെ എട്ട് മണി മുതല്‍
മാട്ടുപ്പെട്ടി ഡാമിലെ രണ്ട് ഷട്ടറുകള്‍ ഘട്ടംഘട്ടമായി തുറന്ന് 25
ക്യുമെക്‌സ് ജലം സ്പില്‍വെ ഗേറ്റിലൂടെ മുതിരപ്പുഴ വഴി മൂന്നാറിലുള്ള
ആര്‍.എ ഹെഡ് വര്‍ക്‌സ് ജലസംഭരണിയിലേക്ക് ഒഴുക്കി വിടുമെന്നും മൂന്നാര്‍,
മുതിരപ്പുഴ, കല്ലാര്‍കുട്ടി, ലോവര്‍പെരിയാര്‍ എന്നീ മേഖലകളിലുള്ളവര്‍
അതീവ ജാഗ്രതാ നിര്‍ദ്ദേശം പാലിക്കണമെന്നും ജില്ലാകലക്ടര്‍ അറിയിച്ചു.

പീരുമേട് താലൂക്ക് വികസന സമിതി യോഗം ഒക്ടോബര്‍ ആറിന് രാവിലെ 10.30ന് താലൂക്ക് കോണ്‍ഫറന്‍സ് ഹാളില്‍ ചേരും.

ഇടുക്കി ജില്ലാ ആര്‍ച്ചറി ചാമ്പ്യന്‍ഷിപ്പ് ഒക്ടോബര്‍ 5ന് നെടുങ്കണ്ടം ജി.വി.എച്ച്.എസ് സ്‌കൂള്‍ ഗ്രൗണ്ടില്‍ നടക്കും. ജില്ലാ മിന്, സബ് ജൂനിയര്‍, ജൂനിയര്‍, സീനിയര്‍ എന്നീ വിഭാഗങ്ങളിലാണ് മത്സരങ്ങള്‍ നടക്കുന്നത്. പങ്കെടുക്കാന്‍ താല്‍പ്പര്യമുള്ളവര്‍ മൂന്ന് ഫോട്ടോ, ജനനസര്‍ട്ടിഫിക്കറ്റ്, ആര്‍ച്ചറി കിറ്റ് എന്നിവയുമായി അന്നേ ദിവസം രാവിലെ 9 മണിക്ക് നെടുങ്കണ്ടം ജി.വി.എച്ച്.എസ് സ്‌കൂള്‍ ഗ്രൗണ്ടില്‍ എത്തിച്ചേരണമെന്ന് ജില്ലാ ആര്‍ച്ചറി അസോസിയേഷന്‍ സെക്രട്ടറി നെല്‍സണ്‍ ജോര്‍ജ്ജ് അറിയിച്ചു. വിവരങ്ങള്‍ക്ക് 8156855488

ഇടുക്കി താലൂക്ക് വികസന സമിതിയോഗം ഒക്ടോബര്‍ ആറിന് രാവിലെ 11 മണിക്ക് താലൂക്ക് ഓഫീസില്‍ തഹസീല്‍ദാരുടെ ചേമ്പറില്‍ ചേരും. 

കോടതി കേസുകളുടെ പുരോഗതി വിലയിരുത്തുന്നതിനായുള്ള സ്യൂട്ട് യോഗം ഒക്ടോബര്‍ ആറിന് ഉച്ചക്ക്‌ശേഷം രണ്ടിന് കലക്ടറേറ്റ് കോണ്‍ഫറന്‍സ് ഹാളില്‍ ചേരും. സ്യൂട്ട് യോഗത്തില്‍ ജില്ലാ എംപവേര്‍ഡ് കമ്മിറ്റിമീറ്റിംഗ്, എല്‍.എ.ആര്‍ കേസുകളുടെ അവലോകനം എന്നിവയും നടത്തപ്പെടുന്നതിനാല്‍ ബന്ധപ്പെട്ട രേഖകള്‍ സഹിതം എല്ലാ ഓഫീസ് മേധാവികളും കൃത്യസമയത്ത് യോഗത്തില്‍ പങ്കെടുക്കുന്നതിന് എത്തിച്ചേരണമെന്ന് ജില്ലാകലക്ടര്‍ അറിയിച്ചു.