എയ്ഞ്ചല്‍സും ജില്ലാ ദുരന്തനിവാരണ വിഭാഗവും സംയുക്തമായി ആരംഭിക്കുന്ന ജില്ലാ ആംബുലന്‍സ് സംവിധാനത്തിന്റെകണ്‍ട്രോള്‍റൂംകലക്‌ട്രേറ്റില്‍തുടങ്ങുെമന്ന് ജില്ലാകലക്ടര്‍ അറിയിച്ചു. ഈ സംരംഭത്തില്‍ കണ്‍ട്രോള്‍റും നിയന്ത്രിക്കുന്നതിന് വോളണ്ടിയര്‍മാരാകാന്‍ തല്‍പ്പര്യമുള്ളവര്‍ താഴെകാണുന്ന നമ്പറില്‍ ബന്ധപ്പെടണം. ഡോ.ശ്രീ ബിജു 9846946123 ഇതിനു പുറമെ ജില്ലയിലെ മുഴുവന്‍ വിദ്യാര്‍ത്ഥികള്‍ക്കും ദുരന്ത നിവാരണ പരിശീലനം നല്‍കുന്നതിന് യോഗം തീരുമാനിച്ചു.  കലക്‌ട്രേറ്റില്‍ നടന്ന യോഗത്തരില്‍ ഡപ്യുട്ടികലക്ടര്‍ സി. അബ്ദുല്‍ റഷീദ്, ഡോ. ശ്രീബിജു, എ.വി.നൗഷാദ്, രവി.ടി.കെ.കെ.എന്‍.എ.ലത്തീഫ് എന്നിവര്‍ പ്രസംഗിച്ചു.

 ഗാന്ധിജയന്തി ദിനത്തോടനുബന്ധിച്ച് കൊണ്ടോട്ടി ഇ എം ഇ ഇ ഹയര്‍സെക്കണ്ടറി സ്‌കൗട്‌സ് ആന്‍ഡ് ഗൈഡ്സ്, ജെ ആര്‍ സി വളണ്ടിയര്‍മാര്‍ കൊണ്ടോട്ടി പോലീസ് സ്റ്റേഷന്‍, ബഡ്സ് സ്പെഷ്യല്‍ സ്‌കൂള്‍ എന്നിവടങ്ങളില്‍ ശുചീകരണ പ്രവര്‍ത്തനങ്ങള്‍ നടത്തി. കൊണ്ടോട്ടി പോലീസ് സ്റ്റേഷന്‍ ശുചീകരണ പരിപാടിയുടെ ഉദ്ഘാടനം സര്‍ക്കിള്‍ ഇന്‍സ്പെക്ടര്‍ എം മുഹമ്മദ് ഹനീഫ നിര്‍വ്വഹിച്ചു. ലോക സമൂഹത്തിന് ഇന്ത്യയുടെ ഏറ്റവും മഹത്തായ സംഭാവന ഗാന്ധി ദര്‍ശനങ്ങളാണെന്ന് അദ്ദേഹം പറഞ്ഞു.

പ്രളയാനന്തര നവകേരള സൃഷ്ടിക്കായി പുതിയ മാതൃകയുമായി മലപ്പുറം ജില്ലാ പഞ്ചായത്ത്. മാലിന്യം സുരക്ഷിതമായി സംസ്‌കരിക്കുന്നുണ്ടെന്നും പൊതുസ്ഥലങ്ങളില്‍ വലിച്ചെറിയുന്നില്ലെന്ന് ഉറപ്പു വരുത്താനുമായി   ജില്ലാ പഞ്ചായത്ത് തുടങ്ങിയ യജ്ഞത്തിന് ഗാന്ധി വാരാഘോഷത്തോടെ തുടക്കമായി. യജ്ഞത്തിന്റെ ഭാഗമായി ജില്ലയിലെ എല്ലാ തദ്ദേശ സ്വയം ഭരണ ജനപ്രതിനിധികളും 'എന്റെ മാലിന്യം എന്റെ ഉത്തരവാദിത്വം' എന്നു തുടങ്ങുന്ന പ്രതിജ്ഞ എടുത്തു. പ്രതിജ്ഞ രേഖപ്പെടുത്തിയ കടലാസില്‍ ഒപ്പു വെച്ച് ഇത് ജില്ലാ പഞ്ചായത്ത് ഓഫീസില്‍ എത്തിക്കും. സമൂഹ മാദ്ധ്യമങ്ങളിലുടെയും ഈ സുരക്ഷിത മാലിന്യ സംസ്‌കരണം സംബന്ധിച്ച് പ്രചാരണവും നടത്തും.

കെ.എല്‍.10 വി  6453, കെ.എല്‍. 10 എസ് 6423 എന്നീ ബജാജ് പാസഞ്ചര്‍ ഓട്ടോറിക്ഷകള്‍ ബാങ്ക് ലോണ്‍ കുടിശ്ശിക ഈടാക്കുന്നതിനായി  തിരൂരങ്ങാടി താലൂക്ക് ഓഫീസില്‍ ഒക്‌ടോബര്‍ 12ന് രാവിലെ 11ന് ലേലം ചെയ്യും.

പൊന്നാനി പൊതുമരാമത്ത് വകുപ്പ് നിരത്തുകള്‍ വിഭാഗം  അസിസ്റ്റന്റ് എഞ്ചിനീയറുടെ കീഴിലുള്ള വാര്യര്‍മൂല - ചേലക്കടവ് റോഡില്‍  നിര്‍മ്മാണ പ്രവൃത്തി  നടക്കുന്നതിനാല്‍  ഇതിലൂടെയുള്ള വാഹന ഗതാഗതത്തിന് ഒക്‌ടോബര്‍ അഞ്ച്  മുതല്‍  പ്രവൃത്തി  തീരുന്നതുവരെ ഗതാഗത നിയന്ത്രണം ഏര്‍പ്പെടുത്തി.  

കേരളാ മോട്ടോര്‍ തൊഴിലാളി ക്ഷേമനിധിയില്‍ അംഗങ്ങളായി തുടര്‍ വിഹിതം അടച്ചു വരുന്ന പൊന്നാനി താലൂക്കിലെ തൊഴിലാളികള്‍ നിന്നും വിഹിതം സ്വീകരിക്കുന്നതിന് വേണ്ടി എല്ലാ വെള്ളിയാഴ്ചയും പൊന്നാനി സിവില്‍ സ്റ്റേഷനിലുള്ള അസി. ലേബര്‍ ഓഫീസില്‍ സിറ്റിംഗ് നടത്തുമെന്ന് ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു.

കേരള കള്ളു വ്യവസായ തൊഴിലാളി ക്ഷേമനിധിയില്‍ അംഗങ്ങളായ തൊഴിലാളികളുടെ മക്കള്‍ക്ക് സ്‌കോളര്‍ഷിപ്പിനുള്ള അപേക്ഷ സ്വീകരിക്കുന്ന അവസാന തീയതി ഒക്‌ടോബര്‍ 15 വരെ നീട്ടി.  ഫോണ്‍ 0483 2734827.