ജില്ലാ ശിശു ക്ഷേമ സമിതി ജനറല്‍ ബോഡി യോഗം ഒക്ടോബര്‍ എട്ടിന് രാവിലെ 11.30 ന് ജില്ലാ കളക്ടറുടെ അദ്ധ്യക്ഷതയില്‍ കളക്ട്രേറ്റ് സമ്മേള ഹാളില്‍ ചേരും. യോഗത്തില്‍ ഏല്ലാ സമിതി അംഗങ്ങളും പങ്കെടുക്കണമെന്ന് ജില്ലാ ശിശു ക്ഷേമ സമിതി സെക്രട്ടറി അറിയിച്ചു.  

       ഹോമിയോപ്പതി വകുപ്പ്, നാഷണല്‍ ആയുഷ് മിഷന്‍, പടിഞ്ഞാറത്തറ ഗ്രാമപഞ്ചായത്ത് എന്നിവയുടെ സംയുക്താഭിമുഖ്യത്തില്‍ പ്രളയാനന്തര സൗജന്യ മെഡിക്കല്‍ ക്യാമ്പ് നടത്തുന്നു.   ഒക്‌ടോബര്‍  9 ന് രാവിലെ 9ന് പടിഞ്ഞാറത്തറ പന്തിപൊയില്‍ മദ്രസയില്‍ സി.കെ. ശശീന്ദ്രന്‍ എംഎല്‍എ ക്യാമ്പ് ഉദ്ഘാടനം ചെയ്യും. ഉച്ചയ്ക്ക് 1 വരെ ക്യാമ്പ് പ്രവര്‍ത്തിക്കും.
 

    കേരളാ സ്റ്റേറ്റ് ഇലക്ട്രിസിറ്റി ലൈസന്‍സിംഗ് ബോര്‍ഡ് നടത്തുന്ന വയര്‍മാന്‍ പ്രായോഗിക പരീക്ഷ ഒക്‌ടോബര്‍ 5, 6, 8 തീയതികളില്‍ മീനങ്ങാടി ഗവ.പോളിടെക്‌നിക്കില്‍ നടത്തും.  എഴുത്തു പരീക്ഷ പാസായ പ്രായോഗിക പരീക്ഷക്ക് ഹാള്‍ ടിക്കറ്റ് ലഭിക്കാത്തവര്‍ 2 പാസ്‌പോര്‍ട്ട് സൈസ് ഫോട്ടോയുമായി 4ന് കല്‍പ്പറ്റ എമിലിയിലുള്ള ജില്ലാ ഇലക്ട്രിക്കല്‍ ഇന്‍സ്‌പെക്ടറുടെ ഓഫീസില്‍ ഹാജരാകണം.
 

      വിദ്യാഭ്യാസ സ്ഥാപനങ്ങളില്‍ ചെന്ന് പഠിക്കുവാന്‍ ബുദ്ധിമുട്ടുള്ള ഭിന്നശേഷിക്കാര്‍ക്ക് പത്താം ക്ലാസ്, പന്ത്രണ്ടാം ക്ലാസ് തുല്യതാ പരീക്ഷയ്ക്ക് സാക്ഷരതാ മിഷന്‍ മുഖേന രജിസ്റ്റര്‍ ചെയ്യുന്നതിന് സാമൂഹ്യനീതി വകുപ്പ് ധനസഹായം നല്‍കുന്നു. അപേക്ഷ ലഭിക്കേണ്ട അവസാന തീയതി ഒക്‌ടോബര്‍ 10. കൂടുതല്‍ വിവരങ്ങള്‍ക്ക് കല്‍പ്പറ്റ സിവില്‍ സ്റ്റേഷനില്‍ പ്രവര്‍ത്തിക്കുന്ന ജില്ലാ സാമൂഹ്യനീതി ഓഫീസ്(ഫോണ്‍ 04936-205307), ജില്ലാ സാക്ഷരതാ മിഷന്‍ ഓഫീസ് (ഫോണ്‍ 04936 202091) എന്നിവിടങ്ങളില്‍ ബന്ധപ്പെടാം.
 

സര്‍ക്കാര്‍, സ്വകാര്യമേഖല, പൊതുമേഖല എന്നിവയില്‍  ജോലിചെയ്യുന്ന  ഭിന്നശേഷിക്കാരായ ജീവനക്കാര്‍ക്കും, ഭിന്നശേഷിക്കാര്‍ക്ക്  തൊഴില്‍ നല്‍കുന്ന തൊഴില്‍ദായക സ്ഥാപനങ്ങള്‍ക്കും, ഭിന്നശേഷിക്കാരുടെ ക്ഷേമ  രംഗത്ത് മികച്ച  സേവനം കാഴ്ചവെക്കുന്ന  സ്ഥാപനങ്ങള്‍ക്കുമുള്ള  ഈ വര്‍ഷത്തെ  സംസ്ഥാന അവാര്‍ഡിന് അപേക്ഷ ക്ഷണിച്ചു. അപേക്ഷിക്കേണ്ട അവസാന തീയതി ഒക്‌ടോബര്‍ 15.  അപേക്ഷാ ഫോമിനും, കൂടുതല്‍ വിവരങ്ങള്‍ക്കും  ജില്ലാ സാമൂഹ്യനീതി ഓഫീസില്‍ ബന്ധപ്പെടണം. ഫോണ്‍   04936 205307.