പ്രളയദുരിതാശ്വാസത്തിനും നവകേരള നിര്‍മിതിക്കുമായി സംസ്ഥാന ഭാഗ്യക്കുറി വകുപ്പ് നടപ്പാക്കുന്ന നവകേരള ഭാഗ്യക്കുറിയുടെ പ്രചരണത്തിനായി കുടുംബശ്രീയുടെ ചുമതലയിലുള്ള രംഗശ്രീ ഗ്രൂപ്പുകള്‍ നാളെയും (28) 29നും ജില്ലയിലെ വിവിധ സ്ഥലങ്ങളില്‍ തെരുവ് നാടകം അവതരിപ്പിക്കും. 
    നാളെ രാവിലെ 9.30ന് കോഴഞ്ചേരി, 12ന് റാന്നി, 2.30ന് മല്ലപ്പള്ളി, വൈകിട്ട് നാലിന് തിരുവല്ല എന്നിവിടങ്ങളിലും 29ന് രാവിലെ ഒമ്പതിന് കോന്നി, 12ന് പത്തനംതിട്ട, 2.30ന് പന്തളം, വൈകിട്ട് നാലിന് അടൂര്‍ എന്നിവിടങ്ങളിലുമാണ് തെരവുനാടകം അവതരിപ്പിക്കുക. 
                                           (പിഎന്‍പി 3078/18)

    കൃഷി വകുപ്പില്‍ നിന്നും ലഭിച്ച ഫെര്‍ട്ടിലൈസര്‍ ലൈസന്‍സ്, തൊഴില്‍ കാര്‍ഡ്, നഴ്‌സറി ലൈസന്‍സ്, വിള ഇന്‍ഷ്വറന്‍സ് പോളിസി സര്‍ട്ടിഫിക്കറ്റുകള്‍ മുതലായവ പ്രളയത്തില്‍ നഷ്ടപ്പെട്ടിട്ടുണ്ടെങ്കില്‍ പുതിയവ ലഭിക്കുന്നതിന് ഈ മാസം 29ന് വൈകിട്ട് മൂന്നിനകം അതത് കൃഷി ഭവനുകളിലോ പത്തനംതിട്ട പ്രിന്‍സിപ്പല്‍ കൃഷി ഓഫീസിലോ അപേക്ഷ നല്‍കണം. കോഴഞ്ചേരി പബ്ലിക് സ്റ്റേഡിയത്തില്‍ ഒക്‌ടോബര്‍ മൂന്നിന് നടക്കുന്ന ഏകജാലക ക്യാമ്പില്‍ പുതിയ സര്‍ട്ടിഫിക്കറ്റുകള്‍ വിതരണം ചെയ്യുമെന്ന് പ്രിന്‍സിപ്പല്‍ കൃഷി ഓഫീസര്‍ അറിയിച്ചു.                                 (പിഎന്‍പി 3073/18)  

    ലോക ടൂറിസം ദിനാഘോഷത്തോടനുബന്ധിച്ച് ജില്ലാ ടൂറിസം പ്രമോഷന്‍ കൗണ്‍സിലിന്റെയും റാന്നി സെന്റ് തോമസ് കോളജിന്റെയും സംയുക്താഭിമുഖ്യത്തില്‍ റീബില്‍ഡ് കേരള, റീബില്‍ഡ് റാന്നി എന്ന സന്ദേശമുയര്‍ത്തിക്കൊണ്ട് ഇന്ന് (27) ബൈക്ക് റാലി നടത്തും. ജില്ലാ കളക്ടര്‍ പി.ബി.നൂഹ് റാന്നി സെന്റ് തോമസ് കോളേജില്‍ രാവിലെ 9.30ന് റാലി ഉദ്ഘാടനം ചെയ്യും.                                         (പിഎന്‍പി 3075/18)

    കൃഷി വകുപ്പില്‍ നിന്നും ലഭിച്ച ഫെര്‍ട്ടിലൈസര്‍ ലൈസന്‍സ്, തൊഴില്‍ കാര്‍ഡ്, നഴ്‌സറി ലൈസന്‍സ്, വിള ഇന്‍ഷ്വറന്‍സ് പോളിസി സര്‍ട്ടിഫിക്കറ്റുകള്‍ മുതലായവ പ്രളയത്തില്‍ നഷ്ടപ്പെട്ടിട്ടുണ്ടെങ്കില്‍ പുതിയവ ലഭിക്കുന്നതിന് ഈ മാസം 29ന് വൈകിട്ട് മൂന്നിനകം അതത് കൃഷി ഭവനുകളിലോ പത്തനംതിട്ട പ്രിന്‍സിപ്പല്‍ കൃഷി ഓഫീസിലോ അപേക്ഷ നല്‍കണം. കോഴഞ്ചേരി പബ്ലിക് സ്റ്റേഡിയത്തില്‍ ഒക്‌ടോബര്‍ മൂന്നിന് നടക്കുന്ന ഏകജാലക ക്യാമ്പില്‍ പുതിയ സര്‍ട്ടിഫിക്കറ്റുകള്‍ വിതരണം ചെയ്യുമെന്ന് പ്രിന്‍സിപ്പല്‍ കൃഷി ഓഫീസര്‍ അറിയിച്ചു.                                 (പിഎന്‍പി 3073/18)  

മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നല്‍കിയ 12,90,500 രൂപ ജലവിഭവ വകുപ്പ് മന്ത്രി മാത്യു ടി തോമസ് ഏറ്റുവാങ്ങി. കളക്ടറേറ്റ് കോണ്‍ഫറന്‍സ് ഹാളില്‍ നടന്ന ചടങ്ങിലാണ് സംഭാവന മന്ത്രി ഏറ്റുവാങ്ങിയത്. റാന്നി തഹസീല്‍ദാര്‍ 6,75,000 രൂപയും മൈനര്‍ ഇറിഗേഷന്‍ വകുപ്പ് 87,000 രൂപയും അടൂര്‍ ആര്‍ഡിഒ അഞ്ച് ലക്ഷം രൂപയും കോഴഞ്ചേരി തഹസീല്‍ദാര്‍ 16,000 രൂപയും പ്രമാടം ഗ്രാമപഞ്ചായത്ത് വെള്ളപ്പാറ എട്ടാം വാര്‍ഡ് തൊഴിലുറപ്പ് തൊഴിലാളികള്‍ ഒരു ദിവസത്തെ വേതനം സമാഹരിച്ച് 12500 രൂപയും മുഖ്യമന്ത്രിയുടെ ദുരിതാശ്വാസനിധിയിലേക്ക് നല്‍കി.