കണ്ണൂര്‍ ഗവ.പോളിടെക്‌നിക്കിനു കീഴിലുള്ള കമ്മ്യൂണിറ്റി ഡവലപ്‌മെന്റ് ത്രൂ പോളിടെക്‌നിക് സ്‌കീമിന്റെ ഭാഗമായുള്ള മമ്പറം എക്സ്റ്റന്‍ഷന്‍ സെന്ററില്‍ ആരംഭിക്കുന്ന കട്ടിംഗ് & ടെയ്‌ലറിംഗ് കോഴ്‌സിലേക്ക് പരിശീലനം നല്‍കുന്നതിന് കെ ജി ടി ഇ ഹയര്‍ യോഗ്യതയും പ്രവൃത്തി പരിചയവുമുള്ളവരില്‍ നിന്ന് അപേക്ഷ ക്ഷണിച്ചു.  പ്രതിമാസം 6000 രൂപ വേതനം ലഭിക്കും.  താല്‍പര്യമുള്ളവര്‍ 29 ന് രാവിലെ 10.30 ന് സര്‍ട്ടിഫിക്കറ്റുകളുടെ അസ്സലും പകര്‍പ്പും സഹിതം പോളിടെക്‌നിക്ക് കോളേജ് ഓഫീസില്‍  ഹാജരാകണം.   ഫോണ്‍: 9446014968.

    മട്ടന്നൂര്‍ ഇലക്ട്രിക്കല്‍ സെക്ഷന്‍ പരിധിയിലെ ഉത്തിയൂര്‍, കല്ലൂരമ്പലം, മരുതായി, മുനിസിപ്പല്‍ ഓഫീസ് ഏരിയ ഭാഗങ്ങളില്‍ ഇന്ന് (സെപ്റ്റംബര്‍ 27) രാവിലെ എട്ട് മണി മുതല്‍ വൈകിട്ട് അഞ്ച് മണി വരെ വൈദ്യുതി മുടങ്ങും.
    തലശ്ശേരി സൗത്ത് ഇലക്ട്രിക്കല്‍ സെക്ഷന്‍ പരിധിയിലെ കൊളച്ചേരി, മടത്തുംഭാഗം, കളരിമുക്ക്, പാറക്കെട്ട് ഭാഗങ്ങളില്‍ ഇന്ന് (സെപ്റ്റംബര്‍ 27) രാവിലെ ഒമ്പത് മണി മുതല്‍ വൈകിട്ട് അഞ്ച് മണി വരെ വൈദ്യുതി മുടങ്ങും.

    ആര്‍എംഎസ്എ-യുടെ നേതൃത്വത്തില്‍  നടന്ന അവധിക്കാല അധ്യാപക പരിശീലനത്തില്‍ പങ്കെടുത്ത അധ്യാപകര്‍ക്കുളള അലവന്‍സും, റിസോഴ്‌സ് അധ്യാപകര്‍ക്കുളള ഹോണറേറിയവും, അലവന്‍സും ബന്ധപ്പെട്ട പരിശീലന കേന്ദ്രത്തിലെ പ്രധാനധ്യാപകനില്‍ നിന്നും  എത്രയും പെട്ടെന്ന്  കൈപറ്റേണ്ടതാണെന്ന് ജില്ലാ പ്രൊജക്ട് ഓഫീസര്‍ അറിയിച്ചു.

    കണ്ണൂര്‍ റുഡ്സെറ്റ് ഇന്‍സ്റ്റിറ്റ്യൂട്ട് സോളാര്‍ പാനല്‍ ഇന്‍സ്റ്റലേഷന്‍ മേഖലയില്‍ സൗജന്യ പരിശീലനം സംഘടിപ്പിക്കുന്നു.  ഒക്ടോബര്‍ അവസാന വാരം ആരംഭിക്കുന്ന ആറ് ദിവസത്തെ പരിശീലനത്തില്‍ ഭക്ഷണവും സൗജന്യ താമസ സൗകര്യവും ലഭിക്കും.  താല്‍പര്യമുള്ള കണ്ണൂര്‍, കാസര്‍കോട്, വയനാട്, മാഹി  ജില്ലകളിലെ 18 നും 45 നും ഇടയില്‍ പ്രായമുള്ള യുവാക്കള്‍    പേര്, വയസ്സ്, മേല്‍വിലാസം, ഫോണ്‍ നമ്പര്‍ എന്നിവ സഹിതം ഡയറക്ടര്‍, റുഡ്സെറ്റ് ഇന്‍സ്റ്റിറ്റ്യൂട്ട് , പി ഒ കാഞ്ഞിരങ്ങാട് , കണ്ണൂര്‍ 670142 എന്ന  വിലാസത്തില്‍ ഒക്ടോബര്‍     13 ന് മുമ്പായി അപേക്ഷിക്കണം.

    തീവ്രശുചീകരണ യജ്ഞം, ശുചിത്വം തന്നെ സേവനം എന്നീ സന്ദേശവുമായി ജില്ലാ ശുചിത്വ മിഷന്റെ ആഭിമുഖ്യത്തില്‍ ഏകാംഗ നാടക പര്യടനം ആരംഭിച്ചു. കുമാരേട്ടന്റെ സങ്കടം എന്ന ഏകാംഗനാടകത്തില്‍ പൊതുനിരത്തില്‍ മാലിന്യം വലിച്ചെറിയുന്നവരെയാണ് തുറന്നു കാട്ടുന്നത്. മൊടപ്പത്തി നാരായണനാണ് അവതാരകന്‍. ഇതിന്റെ ഭാഗമായി ബുധനാഴ്ച കലക്ടറേറ്റ് പരിസരത്ത് ഏകംഗ നാടകം അവതരിപ്പിച്ചു. ജില്ലാ കലക്ടര്‍ മീര്‍ മുഹമ്മദ് അലി ആശംസ അര്‍പ്പിച്ചു. 

    കണ്ണൂര്‍ ജില്ലാ സഹകരണ ബാങ്കിന്റെ മൊബൈല്‍ എടിഎം കലക്ടറേറ്റ് വളപ്പില്‍ പ്രവര്‍ത്തനം ആരംഭിക്കുന്നു. എല്ലാ മാസവും ഒന്നു മുതല്‍ അഞ്ച് വരെ തിയ്യതികളിലായിരിക്കും മൊബൈല്‍ എടിഎമ്മിന്റെ സേവനം കലക്ടററേറ്റില്‍ ലഭ്യമാകുക. ഇതിന്റെ ഒൗപചാരിക ഉദ്ഘാടനം ഒക്‌ടോബര്‍ ഒന്നിന് രാവിലെ 11 മണിക്ക് ജില്ലാ കലക്ടര്‍ മീര്‍ മുഹമ്മദലി നിര്‍വഹിക്കും. ജില്ലാ ബാങ്കിന്റേതിനു പുറമെ എല്ലാ പൊതുമേഖലാ-കമേഴ്‌സ്യല്‍ ബാങ്കുകളുയെും എടിഎം കാര്‍ഡുകള്‍ ഉപയോഗിച്ചും മൊബൈല്‍ എടിഎമ്മില്‍ നിന്ന് പണം പിന്‍വലിക്കാനാകും. ജില്ലാ സഹകരണ ബാങ്കിന്റെ കാര്‍ഡ് ഉപയോഗിച്ച് എത്ര തവണ ഇടപാട് നടത്തുന്നതിനും ചാര്‍ജ് ഈടാക്കില്ല.

    സംസ്ഥാന വനിതാവികസന കോര്‍പ്പറേഷന്റെ കീഴില്‍ വനിതകള്‍ക്കായി പിലാത്തറയില്‍ പ്രവര്‍ത്തിച്ചുവരുന്ന റീച്ച് ഫിനിഷിംഗ് സ്‌കൂളില്‍ ഒക്ടോബര്‍ 17 ന് ആരംഭിക്കുന്ന റീച്ച് സര്‍ട്ടിഫിക്കേഷന്‍ പ്രോഗ്രാമിന്റെ പുതിയ ബാച്ചിലേക്ക്  പ്രവേശനം ആരംഭിച്ചു.  60 ദിവസത്തെ പാഠ്യപദ്ധതിയില്‍ കമ്മ്യൂണിക്കേറ്റിവ് ഇംഗ്ലീഷ്, ഇന്റര്‍വ്യൂ മാനേജ്‌മെന്റ്, പേഴ്‌സണാലിറ്റി ഡെവലപ്പ്‌മെന്റ്, കമ്പ്യൂട്ടര്‍ എന്നിവയിലാണ് പരിശീലനം.  പ്ലസ് ടു / തത്തുല്യ വിദ്യാഭ്യാസ യോഗ്യതയുള്ള വനിതകള്‍ക്ക്  അപേക്ഷിക്കാം.

    മുഖ്യമന്ത്രിയുടെ ദുരിതാശ്വാസ നിധിയിലേക്ക് ജില്ലാ ലേബര്‍ വെല്‍ഫെയര്‍ കോ ഓപറേറ്റീവ് സൊസൈറ്റി ഒരു ലക്ഷം രൂപ നല്‍കി. ജില്ലാ കലക്ടര്‍ മീര്‍ മുഹമ്മദലിക്ക് പ്രസിഡന്റ് പി.പി ദിവാകരന്‍ ചെക്ക് കൈമാറി. സഹകരണ വകുപ്പ് ഡെപ്യൂട്ടി ഡയറക്ടര്‍ എം.കെ. ദിനേശ് ബാബു, ജില്ലാ ഇന്‍ഫര്‍മേഷന്‍ ഓഫീസര്‍ ഇ.കെ. പത്മനാഭന്‍, സംഘം വൈസ് പ്രസിഡന്റ് സി.വി.എം വിജയന്‍, സെക്രട്ടറി എം.പി റീന എന്നിവര്‍ സംബന്ധിച്ചു.

    പ്രകൃതി ദുരന്തങ്ങള്‍ നേരിടാന്‍ യുവജനങ്ങളെ സജ്ജമാക്കുന്നതിനായി സംസ്ഥാന യുവജന ക്ഷേമബോര്‍ഡിന്റെ നേതൃത്വത്തില്‍ കേരള വളണ്ടറി യൂത്ത് ആക്ഷന്‍ ഫോഴ്‌സ് രൂപീകരിക്കുന്നു. സന്നദ്ധതയും കഴിവുമുള്ള 18നും 30നും മധ്യേ പ്രായമുള്ളവരെ തെരഞ്ഞെടുത്ത് ദുരന്ത നിവാരണ പ്രവര്‍ത്തനങ്ങളിലും രക്ഷാപ്രവര്‍ത്തനങ്ങളിലും പരിശീലനം നല്‍കി സജ്ജമാക്കാനാണ് ഉദ്ദേശിക്കുന്നത്. ഓണ്‍ലൈന്‍ രജിസ്‌ട്രേഷനിലൂടെയാണ് സേന രൂപവത്കരിക്കുക. ഓണ്‍ലൈന്‍ രജിസ്‌ട്രേഷന്‍ ലിങ്ക്: http://volunteer.ksywb.in. ജില്ലാതല ഉദ്ഘാടനം സെപ്റ്റംബര്‍ 28ന് കണ്ണൂരില്‍ നടക്കും.