പ്രളയ ദുരിതാശ്വാസ ധനസഹായം ലഭിക്കുന്നതിന് അപ്പീല്‍ നല്‍കിയവരില്‍ അര്‍ഹരെന്നു കണ്ടെത്തിയ 4078 പേരുടെ പണം ഉടന്‍ അക്കൗണ്ടിലേക്ക് നല്‍കുന്നതിന് നടപടി സ്വീകരിക്കണമെന്ന് ജലവിഭവ വകുപ്പ് മന്ത്രി മാത്യു ടി തോമസ് നിര്‍ദേശിച്ചു. പ്രളയവുമായി ബന്ധപ്പെട്ട ധനസഹായ വിതരണം, വീടുകളുടെ നാശനഷ്ടം കണക്കാക്കുന്നതിനുള്ള സര്‍വേ എന്നിവ വിലയിരുത്തുന്നതിന് കളക്ടറേറ്റില്‍ ചേര്‍ന്ന യോഗത്തില്‍ അധ്യക്ഷത വഹിച്ചു സംസാരിക്കുകയായിരുന്നു അദ്ദേഹം. 

    ദേശീയപാത വികസനത്തിനായി ഭൂമി ഏറ്റെടുക്കുന്നതുമായി ബന്ധപ്പെട്ട് കണ്ണൂര്‍ വലിയന്നൂര്‍ വാരത്തെ ഭൂവുടമകളുടെ വാദം കേള്‍ക്കല്‍ ഒക്‌ടോബര്‍ മൂന്നിന് രാവിലെ 11 മണിക്ക് കണ്ണൂര്‍ സ്‌പെഷല്‍ തഹസില്‍ദാര്‍ എല്‍.എ (എന്‍.എച്ച്) യൂനിറ്റ്-2 ഓഫീസില്‍ നടക്കും. 

    ജെയിംസ് മാത്യു എം.എല്‍.എയുടെ പ്രത്യേക വികസന നിധിയില്‍നിന്ന് അഞ്ചു ലക്ഷം രൂപ വിനിയോഗിച്ച് ആന്തൂര്‍ നഗരസഭയിലെ അതികുളം പുനരുദ്ധാരണത്തിന് ജില്ലാ കലക്ടര്‍ ഭരണാനുമതി നല്‍കി. ഇതിന്റെ ഭാഗമായി ഇരിപ്പിടം, ടൈല്‍സ്, സോളാര്‍ ലൈറ്റ് എന്നിവ സ്ഥാപിക്കും.
 

    കണ്ണൂര്‍ ഗവ.എഞ്ചിനീയറിംഗ് കോളേജിലെ ഇലക്‌ട്രോണിക്‌സ് & കമ്മ്യൂണിക്കേഷന്‍ എഞ്ചിനീയറിംഗ് വിഭാഗത്തിലെ സി ബ്ലോക്കില്‍ ഇന്റര്‍നെറ്റ് കണക്ഷന്‍ പുനസ്ഥാപിക്കുന്നതിനായുള്ള കേബിള്‍ മെറ്റീരിയല്‍ ഉള്‍പ്പെടെ കേബിള്‍ വയറിംഗ് ജോലി ചെയ്യുന്നതിന് ക്വട്ടേഷന്‍ ക്ഷണിച്ചു.  ഒക്‌ടോബര്‍ എട്ടിന് ഉച്ചക്ക് രണ്ട് മണി വരെ ക്വട്ടേഷന്‍ സ്വീകരിക്കും.  ഫോണ്‍: 0497 2780226.
 

    കണ്ണൂര്‍ ഗവ.ഐ ടി ഐ യിലെ എം എം ടി ട്രേഡിലേക്ക് ഉപകരണങ്ങള്‍ സംഭരിക്കുന്നതിന് ക്വട്ടേഷന്‍ ക്ഷണിച്ചു.  ഒക്‌ടോബര്‍ എട്ടിന് ഉച്ചക്ക് രണ്ട് മണി വരെ ക്വട്ടേഷന്‍ സ്വീകരിക്കും.  ഫോണ്‍: 0497 2835183.
 

    ജൂലൈയിലെ കണ്ണൂര്‍, കോഴിക്കോട്, എറണാകുളം, തിരുവനന്തപുരം കേന്ദ്രങ്ങളിലെ  ഉപഭോക്തൃ വിലസൂചിക അടിസ്ഥാന വര്‍ഷം(2011-12=100) യഥാക്രമം 167, 164, 157, 156(പഴയത് അടിസ്ഥാന വര്‍ഷം 1998-99=100 യഥാക്രമം 337, 331, 319, 329) ആണെന്ന് ജില്ലാ ഇക്കണോമിക്‌സ് ആന്റ് സ്റ്റാറ്റിസ്റ്റിക്‌സ് ഓഫീസര്‍ അറിയിച്ചു.
 

    സര്‍ക്കാര്‍, പൊതു, സഹകരണ, സ്വകാര്യ മേഖലകളിലെ സ്ഥാപനങ്ങളില്‍ ജോലി ചെയ്യുന്ന ഭിന്നശേഷിയുള്ള ജീവനക്കാര്‍ക്കും ഏറ്റവും കൂടുതല്‍ ഭിന്നശേഷിക്കാര്‍ക്ക് തൊഴില്‍ നല്‍കിയ തൊഴില്‍ദായകര്‍ക്കും അന്ധര്‍, ബധിരര്‍, അസ്ഥിസംബന്ധമായ വൈകല്യമുള്ളവര്‍, ബുദ്ധിമാന്ദ്യം സംഭവിച്ചവര്‍ എന്നിവരുടെ ഉന്നമനത്തിനായി മികച്ച സേവനം കാഴ്ച വെക്കുന്ന സ്ഥാപനങ്ങള്‍ക്കുമുള്ള ഈ വര്‍ഷത്തെ സംസ്ഥാന പുരസ്‌കാരങ്ങള്‍ക്ക് അപേക്ഷ ക്ഷണിച്ചു. 

    ജില്ലയിലെ കര്‍ഷകര്‍ക്ക് സ്‌പെഷ്യല്‍ പാക്കേജുമായി സംസ്ഥാന ഹോര്‍ട്ടി കള്‍ച്ചര്‍ മിഷന്‍. ഹൈബ്രിഡ് പച്ചക്കറി, വാഴ (ടിഷ്യൂ കള്‍ച്ചര്‍ വാഴ ഉള്‍പ്പെടെ), പ്ലാവ്, മാവ്, കുരുമുളക്, ജാതിക്ക, വെറ്റില, കശുമാവ്, കൊക്കോ, ഇഞ്ചി, മഞ്ഞള്‍ എന്നിവ കൃഷി ചെയ്യാനാണ് പാക്കേജ് മുഖേന ആനുകൂല്യം നല്‍കുന്നത്. കൂടുതല്‍ വിവരങ്ങള്‍ക്ക് കൃഷിഭവനുമായി ബന്ധപ്പെടാം. 
 

    ജില്ലയില്‍ഹോമിയോപ്പതി വകുപ്പില്‍ ഫാര്‍മസിസ്റ്റ് ഗ്രേഡ് 2 (എന്‍ സി എ - ഹിന്ദു നാടാര്‍) (കാറ്റഗറി നമ്പര്‍: 188/17) തസ്തികയിലേക്ക് അപേക്ഷ സമര്‍പ്പിച്ച ഉദ്യോഗാര്‍ത്ഥികളുടെ അഭിമുഖം സെപ്റ്റംബര്‍ 28 ന് ഉച്ച 12:10 ന് കേരള പബ്ലിക് സര്‍വ്വീസ് കമ്മീഷന്‍ കോഴിക്കോട് ജില്ലാ ഓഫീസില്‍ നടക്കും. ഉദ്യോഗാര്‍ത്ഥികള്‍ അഭിമുഖത്തിനായുള്ള മെമ്മോ പ്രൊഫൈലില്‍ നിന്ന് ഡൗണ്‍ലോഡ് ചെയ്ത് വണ്‍ ടൈം വെരിഫിക്കേഷന്‍ സര്‍ട്ടിഫിക്കറ്റും അസ്സല്‍ പ്രമാണങ്ങളും സഹിതം കൃത്യസമയത്ത് അഭിമുഖത്തിന് ഹാജരാകണമെന്ന് ജില്ലാ ഓഫീസര്‍ അറിയിച്ചു. 
മെഡിക്കല്‍ ഓഫീസര്‍ ഒഴിവ്

    ഗവ. ഐ ടി ഐയില്‍ എന്‍ സി വി ടി കാര്‍പ്പെന്റര്‍ ട്രേഡില്‍ പൊതുവിഭാഗത്തില്‍ നാലു സീറ്റുകളും, ടെക്‌നിക്കല്‍ പവര്‍ ഇലക്ട്രേണിക് ട്രേഡില്‍ മുസ്‌ലിം വിഭാഗത്തിന് ഒരു സീറ്റും ഒഴിവുണ്ട്. ഇന്‍ഡക്‌സ് മാര്‍ക്ക് 150 നു മുകളില്‍ ആയിരിക്കണം. താല്‍പ്പര്യമുള്ളവര്‍ എല്ലാ അസ്സല്‍ സര്‍ട്ടിഫിക്കറ്റുകളും സഹിതം സെപ്റ്റംബര്‍ 28 രാവിലെ 10 മണിക്ക് ഐ ടി ഐ ഓഫീസില്‍ ഹാജരാകണമെന്ന് പ്രിന്‍സിപ്പല്‍ അറിയിച്ചു.