കേരള നിയമസഭയുടെ മുതിര്‍ന്ന പൗരന്മാരുടെ ക്ഷേമം സംബന്ധിച്ച സമിതി ഇന്ന്(സെപ്റ്റംബര്‍ 27)രാവിലെ 10.30 ന് കണ്ണൂര്‍ ജില്ലാ കലക്ടറേറ്റ് കോണ്‍ഫറന്‍സ് ഹാളില്‍ നടത്തുന്ന സിറ്റിംഗില്‍ മുതിര്‍ന്ന പൗരന്മാരില്‍ നിന്നും സംഘടനാ പ്രതിനിധികളില്‍ നിന്നും പരാതികളും നിര്‍ദ്ദേശങ്ങളും സ്വീകരിക്കും. ജില്ലയില്‍ നിന്ന് ലഭിച്ച ഹര്‍ജികളില്‍ സ്വീകരിച്ച നടപടികള്‍ സംബന്ധിച്ച് ബന്ധപ്പെട്ട ഉദ്യോഗസ്ഥരില്‍ നിന്ന് തെളിവെടുക്കുന്ന സമിതി സര്‍ക്കാര്‍ വൃദ്ധസദനം സന്ദര്‍ശിക്കുകയും ചെയ്യും. 

    ന്യൂനപക്ഷ വിഭാഗങ്ങളുടെ വികസനത്തിനായുള്ള കേന്ദ്രാവിഷ്‌കൃത പദ്ധതിയായ പ്രധാന്‍മന്ത്രി ജന്‍ വികാസ് കാര്യക്രം (പിഎംജെവികെ) ജില്ലയിലെ ആറ് കേന്ദ്രങ്ങളിലും നടപ്പിലാക്കും. ഇരിക്കൂര്‍, ഇരിട്ടി, പേരാവൂര്‍ ബ്ലോക്കുകള്‍, കണ്ണൂര്‍ കോര്‍പറേഷന്‍, തലശ്ശേരി, തളിപ്പറമ്പ് മുനിസിപ്പാലിറ്റികള്‍ എന്നിവിടങ്ങളിലാണ് ജില്ലയില്‍ പദ്ധതി നടപ്പിലാക്കുന്നത്.

ജില്ലയില്‍ മുഖ്യമന്ത്രിയുടെ ദുരിതാശ്വാസ നിധിയിലേക്ക് സഹായ പ്രവാഹം തുടരുകയാണ്. ഇന്നലെ വരെ 5.7 കോടി രൂപയാണ് ഇതിലേക്ക് ലഭിച്ചിട്ടുള്ളത്. വ്യക്തികളും സന്നദ്ധസംഘടനകളും മത-സാമുദായിക-സാംസ്‌കാരിക സംഘടനകളും വിദ്യാഭ്യാസ സ്ഥാപനങ്ങളും ഉള്‍പ്പെടെ സമൂഹത്തിന്റെ വിവിധ വിഭാഗങ്ങളില്‍പ്പെടുന്നവര്‍ സംഭാവന നല്‍കുന്നുണ്ട്.

    പ്രളയക്കെടുതിയോടനുബന്ധിച്ച് ജില്ലയിലെ ദുരിതാശ്വാസ ക്യാമ്പുകളില്‍ ഇപ്പോഴുള്ളത് 114 പേര്‍. തിരുവല്ല താലൂക്കിലെ ഒരു ക്യാമ്പില്‍ 17 കുടുംബങ്ങളില്‍പ്പെട്ട 44 പേരും കോഴഞ്ചേരി താലൂക്കിലെ ഒരു ക്യാമ്പില്‍ 27 കുടുംബങ്ങളിലെ 70 പേരുമാണ് കഴിയുന്നത്. 
                                            (പിഎന്‍പി 3064/18) 

    ജില്ലയില്‍ സ്റ്റേഷനറി ഉപയോഗിക്കുന്ന എല്ലാ സര്‍ക്കാര്‍ ഓഫീസുകളും സ്റ്റേഷനറി സാധനങ്ങളുടെ ഒരു വര്‍ഷത്തെ ആവശ്യകത ഒക്‌ടോബര്‍ അഞ്ചിന് മുമ്പ് വെബ്‌സൈറ്റില്‍ രേഖപ്പെടുത്തണമെന്ന് ജില്ലാ സ്റ്റേഷനറി ഓഫീസര്‍ അറിയിച്ചു. http://emist.keltron.in എന്ന  വിലാസത്തില്‍ ലോഗിന്‍ ചെയ്ത് TERMS സോഫ്റ്റ് വെയറില്‍ രജിസ്റ്റര്‍ ചെയ്തിട്ടുള്ള ഓഫീസുകള്‍ ജില്ലാ സ്റ്റേഷനറി ഓഫീസര്‍ അംഗീകരിച്ചിട്ടുള്ള പ്രൊഫൈലുകളില്‍ task centre എന്ന ലിങ്കുവഴിയാണ് സ്റ്റേഷനറി ആവശ്യകത രേഖപ്പെടുത്തേണ്ടത്.
                                                      (പിഎന്‍പി 3063/18)