കലക്‌ട്രേറ്റിലെ ഔദ്യോഗിക വാഹനമായ കെ.എല്‍. 10 എ.ജി 53 ഫോര്‍ഡ് ഫിയസ്റ്റാ വാഹനത്തിന് ടയര്‍ മാറ്റി പുതിയത് നല്‍കുന്നതിന് അംഗീകൃത ഏജന്‍സികളില്‍ നിന്നും ക്വട്ടേഷന്‍ ക്ഷണിച്ചു.  ക്വട്ടേഷന്‍ ഡെപ്യൂട്ടി കലക്ടര്‍ (ജനറല്‍), കലക്‌ട്രേറ്റ്, സിവില്‍ സ്റ്റേഷന്‍ മലപ്പുറം വിലാസത്തില്‍ ഒക്‌ടോബര്‍ എട്ടിന് വൈകുന്നേരം മൂന്നിനകം ലഭിക്കണം.

കെല്‍ട്രോണിന്റെ പെരിന്തല്‍മണ്ണ നോളജ് സെന്ററില്‍ വിവിധ കംപ്യൂട്ടര്‍ കോഴ്‌സുകളിലേക്കുള്ള പുതിയ ബാച്ചുകള്‍ ആരംഭിക്കുന്നു. വിവരങ്ങള്‍ക്ക് കെല്‍ട്രോണ്‍ നോളജ് സെന്റര്‍, കൊളക്കാടന്‍ ആര്‍കേഡ്, ഊട്ടി റോഡ്, പെരിന്തല്‍മണ്ണ വിലാസത്തില്‍ ബന്ധപ്പെടാം.  ഫോണ്‍: 9188056312

    സംസ്ഥാന വ്യവസായ വാണിജ്യ വകുപ്പിന്റെ കീഴില്‍ മഞ്ചേരി പയ്യനാടുളള കോമണ്‍ ഫെസിലിറ്റി സര്‍വ്വീസ് സെന്ററില്‍ റബ്ബര്‍ പാലില്‍ നിന്നും ഡ്രൈ റബ്ബറില്‍ നിന്നും ഉല്‍പന്നങ്ങള്‍ നിര്‍മ്മിച്ച് റബ്ബറധിഷ്ഠിത വ്യവസായങ്ങള്‍ തുടങ്ങുന്നതിന് ഒക്‌ടോബര്‍ നാല്, അഞ്ച്, ആറ് തിയ്യതികളില്‍ പരിശീലനം നല്‍കുന്നു.  കൂടുതല്‍ വിവരങ്ങള്‍ അസിസ്റ്റന്റ് ഡയറക്ടര്‍, കോമണ്‍ ഫെസിലിറ്റി സര്‍വ്വീസ് സെന്റര്‍, പയ്യനാട്, മഞ്ചേരി വിലാസത്തില്‍ ലഭിക്കും.  ഫോണ്‍ :0483 2768507.

 താനൂര്‍ നിറമരുതൂര്‍ ഗവ.ഹയര്‍ സെക്കന്ററി സ്‌കൂളില്‍ ശൗചാലയ സമുച്ചയത്തിന്റെ നിര്‍മ്മാണ പ്രവൃത്തിയുടെ ഉദ്ഘാടനം വി.അബ്ദുറഹിമാന്‍ എം.എല്‍.എ നിര്‍വ്വഹിച്ചു. എം.എല്‍.എയുടെ ആസ്തി വികസന ഫണ്ടില്‍ നിന്ന് 65 ലക്ഷം രൂപ ചെലവഴിച്ചാണ് ശൗചാലയം പണിയുന്നത്.

44 ാമത് സംസ്ഥാന സബ് ജൂനിയര്‍ ഫുട്‌ബോള്‍ ചാംപ്യന്‍ഷിപ്പ് നേടിയ മലപ്പുറം ജില്ലാ ടീമിന് ജില്ലാ ഫുട്‌ബോള്‍ അസോസിയേഷന്റെ നേതൃത്വത്തില്‍ സീകരണം നല്‍കി.  ജില്ലാ ഫുടബോള്‍ അസോസിയേഷന്‍ പ്രസിഡന്റ് കെ. അബ്ദുല്‍ കരീം, സെക്രട്ടറി സുരേന്ദ്രന്‍ മങ്കട എന്നിവര്‍ ടീമംഗങ്ങള്‍ക്ക് ഉപഹാരം നല്‍കി. ചടങ്ങില്‍ കെ.എഫ്.എ ട്രഷറര്‍ പ്രാഫ. പി. അഷ്‌റഫ്, മുഹമ്മദ് സലീം, ഡി.എഫ്.എ വൈസ്പ്രസിഡന്റ് സി.കെ. അബ്ദുറഹിമാന്‍, ജോ.സെക്രട്ടറി കെ.നയീം, ട്രഷറര്‍ സി.സുരേഷ്, എന്‍.അബ്ദുല്‍ സലാം, അക്ബര്‍, സൂപ്പര്‍ അഷ്‌റഫ്, ചേക്കുപ്പ ഖാദര്‍, സമദ് പറച്ചിക്കോട്ടില്‍, വാളന്‍ സമീര്‍ എന്നിവര്‍ പങ്കെടുത്തു.