ആലപ്പുഴ: പരമ്പരാഗത ഖദർ വസ്ത്രങ്ങളുടെ നിലനില്പിനെ സഹായിക്കാൻ തനി ഖാദി ഉല്പന്നങ്ങളെ വാങ്ങാവൂമെന്ന് പൊതുമരാമത്ത് മന്ത്രി ജി. സുധാകരൻ. ജില്ല ഖാദി ഗ്രാമവ്യവസായ ഓഫീസ്  അങ്കണത്തിൽ ഓണം-ബക്രീദ് ഖാദി മേളയുടെ ജില്ലാതല ഉദ്ഘാടനം നിർവഹിക്കുകയായിരുന്നു അദ്ദേഹം. ഓഗസ്റ്റ് 24 വരെയാണ് റിബേറ്റോടെയുള്ള ഓണം ബക്രീദ് മേള. ജില്ലയിൽ 2.33 കോടിയുടെ വില്പനയാണ് ഇക്കൊല്ലത്തെ ലക്ഷ്യം. സർക്കാർ അർദ്ധ സർക്കാർ ജീവനക്കാർക്കായി 50,000 രൂപയുടെ വരെ കെഡ്രിറ്റ് സൗകര്യം ഏർപ്പെടുത്തിയിട്ടുണ്ട്.  കഴിഞ്ഞ ദിവസം വിപണയിലെത്തിയ സഖാവ് ഷർട്ടുകളും ആലപ്പുഴയിൽ മേളയിലെത്തിയിട്ടുണ്ട്.

ആലപ്പുഴ: കെ.എസ്.ആർ.ടി.സി ആലപ്പുഴ ഡിപ്പോയിൽ ആരംഭിക്കുന്ന ഓൺലൈൻ റിസർവേഷൻ ഇന്ന് (ഓഗസ്റ്റ് അഞ്ച്) വൈകിട്ട് അഞ്ചിന് ബസ് സ്റ്റേഷനിൽ പൊതുമരാമത്ത്- രജിസ്‌ട്രേഷൻ വകുപ്പുമന്ത്രി ജി.സുധാകരൻ ഉദ്ഘാടനം ചെയ്യും. നഗരസഭാധ്യക്ഷൻ തോമസ് ജോസഫ് ആധ്യക്ഷ്യം വഹിക്കും. മുൻസിപ്പൽ കൗൺസിലർ റാണി രാമകൃഷ്ണൻ, കെ.എസ്.ആർ.ടി.സി ജില്ല ട്രാൻസ്‌പോർട്ട് ഓഫീസർ ആർ.രാജീവ്, പി.ആർ.അജിത്കുമാർ, എസ്.സായ്, കെ.എസ്.ആർ.ടി.സി ഡിപ്പോ എൻജിനീയർ ചിന്ന കറുപ്പസ്വാമി എന്നിവർ പങ്കെടുക്കും.

 (പി.എൻ.എ. 2171/2018)

തനി ഖാദി ഉല്പന്നങ്ങൾ വാങ്ങണമെന്ന് 

മന്ത്രി സുധാകരൻ·

ആലപ്പുഴ: പ്രകൃതി അമ്മയ്ക്ക് നൽകിയ വരദാനവും കുഞ്ഞിന്റെ ആയുരാരോഗ്യത്തിനുള്ള പ്രധാന ഘടകവുമാണ് മുലപ്പാൽ എന്ന് മന്ത്രി ജി.സുധാകരൻ. വനിതാ ശിശു വികസന വകുപ്പിന്റെ ആഭിമുഖ്യത്തിൽ സംഘടിപ്പിച്ച ലോക മുലയൂട്ടൽ വാരാചാരണത്തിന്റെ ജില്ലാ തല ഉദ്ഘാടനം പറവൂർ ഇ എം എസ് കമ്മ്യൂണിറ്റി ഹാളിൽ നിർവഹിച്ച് സംസാരിക്കുകയായിരുന്നു അദ്ദേഹം. 

ആലപ്പുഴ: കുട്ടനാട് പാക്കേജ് പൂർണമായും നടപ്പാക്കാൻ തുടർനടപടി സ്വീകരിക്കാൻ കേന്ദ്ര സർക്കാരിനെ സമീപിക്കുമെന്ന് മുഖ്യമന്ത്രി പിണറായി വിജയൻ. കുട്ടനാട് ദുരിതാശ്വാസ നടപടികൾ അവലോകനം ചെയ്യാൻ മെഡിക്കൽ കോളേജ് ഓഡിറ്റോറിയത്തിൽ വിളിച്ച ജനപ്രതിനിധികളുടെയും ഉദ്യോഗസ്ഥരുടെയും യോഗത്തിലാണ്  ഇക്കാര്യമറിയിച്ചത്. ജലസ്രോതസുകളുടെ സംരക്ഷണത്തോടൊപ്പം ഇവ ആഴംകൂട്ടി സംരക്ഷിക്കൽ, പഞ്ചായത്തുകളിൽ സംഭരണകേന്ദ്രങ്ങൾ തുടങ്ങിയവ നിർമിക്കുക എന്നിവയ്ക്കായുള്ള രൂപരേഖ തയ്യാറാക്കിയാകും സംസ്ഥാന സർക്കാർ കേന്ദ്രത്തെ സമീപിക്കുകയെന്നും മുഖ്യമന്ത്രി പറഞ്ഞു. 

...........................................

നെഹ്രു ട്രോഫി സ്മരണിക കമ്മറ്റി തയ്യാറാക്കിയ സിഗ് നേച്ചർ ഗാനം " ആർപ്പോ " യുടെ പ്രകാശനം ഡോ. T. M.തോമസ് ഐസക്ക് നിർവ്വഹിച്ചു. വയലാർ ശരചന്ദ്രവർമ്മ രചിച്ച് ഗൗതം വിൻസെൻറ് സംഗീതം നിർവ്വഹിച്ച ഗാനം എംജി ശ്രീകുമാറാണ് ആലപിച്ചത്. ദൃശ്യാവിഷ്ക്കാരം K. N. നിദാദ് ഉം ഓർക്കസ്ട്ര സഞ്ചു തോമസ് ജോർജ്ജും . ചടങ്ങിൽ ജില്ലാ കലക്ടർ  ട. സുഹാസ് IAS  സബ്ബ് കളക്ടർ  കൃഷ്ണ തേജ IAS  എ ഡി എം  ഐ .അബ്ദുൾ സലാം ചീഫ് എഡിറ്റർ എം ആർ പ്രേം ,പി. ജ്യോതിസ് ,ആലപ്പി ബി.ജി.എം ബാൻഡ്‌ അംഗങ്ങൾ എന്നിവർ പങ്കെടുത്തു.

ആലപ്പുഴ: ശാസ്ത്രീയമായും സമഗ്രമായും ദുരിതാശ്വാസ പ്രവർത്തനം നടത്താൻ കഴിഞ്ഞതാണ് കുട്ടനാട്ടിലെ ദുരിതാശ്വാസ പ്രവർത്തനങ്ങളെ വ്യതിരിക്തമാക്കുന്നതെന്ന്  പൊതുമരാമത്തുമന്ത്രി ജി. സുധാകരൻ. മെഡിക്കൽ കോളേജ് ഓഡിറ്റോറിയത്തിൽ നടന്ന ദുരിതാശ്വാസ അവലോകന യോഗത്തിൽ അധ്യക്ഷ പ്രസംഗം നടത്തുകയായിരുന്നു മന്ത്രി. 

ആലപ്പുഴ: കുട്ടനാട്ടിൽ വീണ മടകൾ ആഗസ്ത് 10നകം പുനസ്ഥാപിക്കുമെന്ന് കൃഷിമന്ത്രി വി.എസ്.സുനിൽകുമാർ വ്യക്തമാക്കി. മെഡിക്കൽ കോളേജ് ഓഡിറ്റോറിയത്തിൽ നടന്ന ദുരിതാശ്വാസ അവലോകനയോഗത്തിലാണ് അദ്ദേഹം ഇക്കാര്യമറിയിച്ചത്. 54 പാടങ്ങളിലെ മടകൾ പുനസ്ഥാപിക്കുന്നതിനായി 20ശതമാനം മുൻകൂർ തുകയായി 56.91 ലക്ഷം രൂപ ഇതിനകം അനുവദിച്ചു. ആകെ 71 മടകൾ കെട്ടുന്നതിനായി നാലു കോടി രൂപ വേണ്ടിവരുമെന്ന് അദ്ദേഹം യോഗത്തിൽ അറിയിച്ചു.  

തിരുവല്ല താലൂക്കിലെ നിരണം, പെരിങ്ങര, നെടുമ്പ്രം, കാവുംഭാഗം, കടപ്ര വില്ലേജുകളെ പ്രളയ ദുരിത ബാധിത പ്രദേശങ്ങളായി സംസ്ഥാന സര്‍ക്കാര്‍ പ്രഖ്യാപിച്ചു. ആലപ്പുഴ, കോട്ടയം ജില്ലകളെ നേരത്തെ പ്രളയ ദുരിതബാധിത ജില്ലകളായി പ്രഖ്യാപിച്ചിരുന്നു. വെള്ളപ്പൊക്ക ദുരിതം കണക്കിലെടുത്ത് അപ്പര്‍കുട്ടനാടിനെയും പ്രളയബാധിതമായി പ്രഖ്യാപിക്കണമെന്ന ജലവിഭവ വകുപ്പ് മന്ത്രി മാത്യു ടി തോമസിന്റെ അഭ്യര്‍ഥന കണക്കിലെടുത്താണ് സര്‍ക്കാര്‍ നടപടി. 

 ആറന്മുള ഉതൃട്ടാതി മത്സര വള്ളംകളിയില്‍ പാരമ്പര്യ തുഴച്ചില്‍ രീതി, വേഷവിധാനം, വഞ്ചിപ്പാട്ട്, ചമയം, അച്ചടക്കം എന്നിവയാണ് മാനദണ്ഡമെന്ന് പള്ളിയോട സേവാസംഘം അറിയിച്ചു. വിപുലമായ ജഡ്ജിംഗ് പാനല്‍ ഈ മാനദണ്ഡങ്ങള്‍ വിലയിരുത്തി നല്‍കുന്ന പോയിന്റിന്റെ അടിസ്ഥാനത്തില്‍ വിജയിയെ തിരഞ്ഞെടുക്കും.   ഒരേപോലെ തുഴഞ്ഞെത്തുന്ന പള്ളിയോടങ്ങളുടെ ഗ്രൂപ്പുകള്‍ക്കും സമ്മാനങ്ങള്‍ ലഭിക്കുന്നത് അഞ്ച് മാനദണ്ഡങ്ങളുടെ അടിസ്ഥാനത്തിലായിരിക്കും. റേസ് കമ്മിറ്റി നിര്‍ദേശിക്കുന്ന വഞ്ചിപ്പാട്ട് പാടി പാട്ടിന്റെ താളത്തില്‍ തുഴയുന്നവര്‍ക്കും പോയിന്റുകള്‍ ലഭിക്കും.