ജവഹര്‍ നവോദയ വിദ്യാലയത്തില്‍ ആറാം ക്ലാസില്‍ പ്രവേശനം നേടിയ വിദ്യാര്‍ത്ഥികള്‍ക്ക് ഇന്ന് (ആഗസ്ത് 7) നടത്താനിരുന്ന സര്‍ട്ടിഫിക്കറ്റ് പരിശോധന എട്ടിന് രാവിലെ മുതല്‍ നടത്തുമെന്ന് പ്രിന്‍സിപ്പാള്‍ അറിയിച്ചു.
 

ഇന്ദിരാഗാന്ധി നാഷണല്‍ ഓപ്പണ്‍ യൂണിവേഴ്‌സിറ്റി 2018 ജൂലൈ സെഷനില്‍ നടത്തുന്ന അഡല്‍റ്റ് എഡുക്കേഷന്‍ മാസ്റ്റേഴ്‌സ് ബിരുദത്തിന് ആഗസ്റ്റ് 16 വരെ അപേക്ഷിക്കാം.  സ്റ്റേറ്റ് റിസോഴ്‌സ് സെന്റര്‍ കേരളയാണ് കേരളത്തിലെ അംഗീകൃത പഠനകേന്ദ്രം.  ഏതെങ്കിലും അംഗീകൃത സര്‍വകലാശാലയില്‍ നിന്നും ലഭിച്ച ബരുദമാണ് അടിസ്ഥാന യോഗ്യത.  അപേക്ഷ സമര്‍പ്പിക്കുന്നതിനുള്ള ലിങ്ക് www.ignou.ac.inല്‍ ലഭിക്കും.  വിശദവിവരങ്ങള്‍ക്ക് ഇഗ്നോ റീജിയണല്‍ സെന്ററുമായി ബന്ധപ്പെടണം.  ഫോണ്‍ : 04712344132, 9447044132.  

പി.എന്‍.എക്‌സ്.3436/18

കേരള നിയമസഭയുടെ വജ്രജൂബിലി ആഘോഷങ്ങളുടെ ഭാഗമായി സംഘടിപ്പിക്കുന്ന ഫെസ്റ്റിവല്‍ ഓണ്‍ ഡെമോക്രസിക്ക് നിയമസഭാ മന്ദിരത്തില്‍ പ്രൗഡഗംഭീര തുടക്കം. രാഷ്ട്രപതി രാംനാഥ് കോവിന്ദ് വിളക്കു തെളിയിച്ച് ചടങ്ങ് ഉദ്ഘാടനം ചെയ്തു. രാജ്യത്തെ വിവിധ സംസ്ഥാനങ്ങളില്‍ നിന്നും എം. എല്‍. എമാര്‍, എം. പിമാര്‍, വിവിധ മേഖലകളിലെ വിദഗ്ധര്‍ എന്നിവര്‍ ഫെസ്റ്റിവല്‍ ഓഫ് ഡെമോക്രസിയുടെ ഭാഗമാകാനെത്തിയിട്ടുണ്ട്. 

കേരളം ഇന്ത്യന്‍ ജനാധിപത്യത്തിലെ ട്രെന്‍ഡ് സെറ്ററാണെന്ന് മുഖ്യമന്ത്രി പിണറായി വിജയന്‍ പറഞ്ഞു. നിയമസഭയുടെ വജ്രജൂബിലി ആഘോഷങ്ങളുടെ ഭാഗമായി നടത്തിയ ഫെസ്റ്റിവല്‍ ഓണ്‍ ഡെമോക്രസിയുടെ ഉദ്ഘാടന ചടങ്ങില്‍ സംസാരിക്കുകയായിരുന്നു അദ്ദേഹം. 

ഉന്നത പ്രവര്‍ത്തനനിലവാരം കാത്തുസൂക്ഷിച്ച് ഭാവിതലമുറയ്ക്ക് മാതൃകയാകാന്‍ നിയമനിര്‍മാണസഭാംഗങ്ങള്‍ക്ക് കഴിയണമെന്ന് ഗവര്‍ണര്‍ പി. സദാശിവം പറഞ്ഞു. അതിലൂടെയേ സുസ്ഥിരവും, ക്രിയാത്മകവും ഊര്‍ജസ്വലവുമായ നിയമനിര്‍മാണപ്രകിയ പ്രസക്തമാകൂ. 

കേരള നിയമസഭയുടെ ആഭിമുഖ്യത്തില്‍ സംഘടിപ്പിക്കുന്ന 'ഫെസ്റ്റിവല്‍ ഓണ്‍ ഡെമോക്രസി'യുടെ ഉദ്ഘാടനചടങ്ങില്‍ അധ്യക്ഷത വഹിച്ച് സംസാരിക്കുകയായിരുന്നു അദ്ദേഹം. 

കൊച്ചി: ചേരാനെല്ലൂര്‍ ഗ്രാമപഞ്ചയത്തിനെ സന്‍സദ് ആദര്‍ശ് ഗ്രാമമായി  ഇന്ന് (ആഗസ്റ്റ് 7) വൈകീട്ടു  5 മണിക്ക്  ഗവര്‍ണ്ണര്‍ പി. സദാശിവം പ്രഖ്യാപിക്കും. ഹൈബി ഈഡന്‍ എംഎല്‍എ അധ്യക്ഷത വഹിക്കുന്ന യോഗത്തില്‍ പ്രൊഫ. കെ. വി. തോമസ് എം.പി, ജില്ലാ കളക്ടര്‍ മുഹമ്മദ് വൈ സഫീറുള്ള , ജില്ലാ പഞ്ചായത്ത് വൈസ് പ്രസിഡന്റ് അഡ്വ . ബി. എ. അബ്ദുല്‍  മുത്തലിബ്, ഇടപ്പള്ളി ബ്ലോക്ക് പഞ്ചായത്ത് പ്രസിഡന്റ് എം. ആര്‍ . ആന്റണി, ആസ്റ്റര്‍ മെഡിസിറ്റി ചീഫ്  എക്‌സിക്യൂട്ടീവ് ഓഫീസര്‍ ഡോ. ഹരീഷ് പിള്ള, ചേരാനെല്ലൂര്‍ ഗ്രാമ പഞ്ചായത്ത് പ്രസിഡന്റ് സോണി ചീക്കു   തുടങ്ങിയവര്‍ പങ്കെടുക്കും. 

വനിത-ശിശു വികസനവകുപ്പിനു കീഴില്‍ മൂവാറ്റുപുഴ മിനി സിവില്‍സ്റ്റേഷനില്‍ പ്രവര്‍ത്തിക്കുന്ന വനിതാ പ്രൊട്ടക്ഷന്‍ ഓഫീസറുടെ ഉപയോഗത്തിനായി 2018 ആഗസ്റ്റ് മുതല്‍ 2019 ഫെബ്രുവരി 28 വരെയുള്ള കാലയളവില്‍ കരാര്‍ അടിസ്ഥാനത്തില്‍ വാഹനം (കാര്‍) വാടകയ്ക്കുനല്കുന്നതിന് താത്പര്യമുള്ള വാഹനയുടമകളില്‍ നിന്ന് ടെണ്ടര്‍ ക്ഷണിച്ചു.  ടെണ്ടര്‍ ആഗസ്റ്റ് 13 വൈകീട്ട് മൂന്നുവരെ പ്രോഗ്രാം ഓഫീസര്‍, ഐസിഡിഎസ് സെല്‍, സിവില്‍സ്റ്റേഷന്‍ മൂന്നാംനില, കാക്കനാട് എന്ന വിലാസത്തില്‍ നല്കാം. കൂടുതല്‍ വിവരങ്ങള്‍ക്ക് 0484 2423934