കേരള നിയമസഭയുടെ മുതിര്‍ന്ന പൗര•ാരുടെ ക്ഷേമം സംബന്ധിച്ച സമിതിയുടെ യോഗം  ഇന്ന് (ആഗസ്റ്റ് 4) രാവിലെ പത്തിന് ജില്ലാ പഞ്ചായത്ത് ഹാളില്‍ ചേരും. സമിതി അധ്യക്ഷന്‍ സി.കെ. നാണു എം.എല്‍.എയുടെ അധ്യക്ഷതയില്‍ നടക്കുന്ന യോഗത്തില്‍  സമിതിക്ക് ലഭിച്ച ഹര്‍ജികളില്‍ ഹര്‍ജിക്കാരില്‍ നിന്നും ബന്ധപ്പെട്ട ഉദ്യോഗസ്ഥരില്‍ നിന്നും തെളിവെടുപ്പ് നടത്തും. പൊതുജനങ്ങള്‍ക്കും മുതിര്‍ന്ന പൗര•ാരുടെ ക്ഷേമത്തിനായി പ്രവര്‍ത്തിക്കുന്ന സംഘടനകളുടെ പ്രതിനിധികള്‍ക്കും പങ്കെടുത്ത് പരാതികളും നിര്‍ദ്ദേശങ്ങളും സമര്‍പ്പിക്കാം.

നിങ്ങളുടെ ജില്ലയിലെ മാലിന്യ സംസ്‌കരണ പ്രവര്‍ത്തനങ്ങളില്‍ നിങ്ങള്‍ എത്രത്തോളം തൃപ്തനാണ്? ശുചിത്വത്തിലും മാലിന്യ സംസ്‌കരണത്തിലും ജില്ലയ്ക്ക് നിങ്ങള്‍ എത്ര മാര്‍ക്ക് നല്‍കും? നിങ്ങളുടെ അഭിപ്രായം എന്താണെങ്കിലും അത് കേന്ദ്ര സര്‍ക്കാറിനെ നേരിട്ട് അറിയിക്കാന്‍ വഴിയൊരുക്കിയിരിക്കുകയാണ് കേന്ദ്ര ശുചിത്വ കുടിവെള്ള മന്ത്രാലയത്തിന്റെ എസ്.എസ്.ജി 18 എന്ന മൊബൈല്‍ ആപ്പിലൂടെ.  

ജില്ലയിലെ സ്വാതന്ത്ര്യദിനാഘോഷത്തില്‍  തദ്ദേശ സ്വയംഭരണ വകുപ്പ് മന്ത്രി ഡോ.കെ.ടി ജലീല്‍ വിശിഷ്ടാതിഥിയാകും. ആഗസ്ത് 15ന് രാവിലെ എട്ടുമണിക്ക് എം.എസ്.പി ഗ്രൗണ്ടില്‍ മന്ത്രി ദേശീയ പതാക ഉയര്‍ത്തും. പരേഡിന് മുന്നോടിയായി സിവില്‍ സ്റ്റേഷനിലെ യുദ്ധ സ്മാരകത്തില്‍ വിശിഷ്ടാതിഥി പുഷ്പചക്രം  അര്‍പ്പിക്കും. ജില്ലാ കലക്ടര്‍ അമിത് മീണയുടെ അധ്യക്ഷതയില്‍ കലക്ടറേറ്റില്‍ ചേര്‍ന്ന യോഗം സ്വാന്ത്ര്യ ദിനാഘോഷത്തിന്റെ ഒരുക്കങ്ങള്‍ വിലയിരുത്തി.

   വയനാട് ജില്ലാ കളക്‌ട്രേറ്റില്‍ 2018 ജനുവരി ഒന്നു മുതല്‍ പൊതുജനങ്ങള്‍ക്കു നല്കിയ അപേക്ഷകള്‍ ഇ ഓഫിസ് സംവിധാനത്തിലൂടെ പരിശോധിക്കാം. വെബ്‌സൈറ്റ് വിലാസം - http://eoffice.kerala.gov.in/eFileCIMAIN/.  ജില്ലയുടെ പുതിയ വെബ്‌സൈറ്റ് www.wayanad.gov.in എന്ന വിലാസത്തിലും ലഭ്യമാണ്.
 

    ജില്ലാ ഖാദി ഗ്രാമ വ്യവസായ ഓഫീസിന്റെ ആഭിമുഖ്യത്തില്‍ സംഘടിപ്പിക്കുന്ന  ഖാദി ഓണം ബക്രീദ് മേള കല്‍പ്പറ്റ ഖാദി സൗഭാഗ്യ അങ്കണത്തില്‍ സി.കെ.ശശീന്ദ്രന്‍ എം.എല്‍.എ ഉദ്ഘാടനം ചെയ്തു. ജില്ലാ പഞ്ചായത്ത് പ്രസിഡന്റ് കെ.ബി.നസീമ അദ്ധ്യക്ഷത വഹിച്ചു. കൗണ്‍സിലര്‍ ജി.വിനോദ് ആദ്യ വില്‍പ്പന നടത്തി. ലീഡ് ബാങ്ക് മാനേജര്‍ ജി. വിനോദ്, ഇന്‍ഫര്‍മേഷന്‍ പബ്ലിക് റിലേഷന്‍സ് അസിസ്റ്റന്റ് എൗിറ്ററ് എന്‍.സതീഷ് കുമാര്‍ എന്നിവര്‍ ആശംസയര്‍പ്പിച്ചു. ഖാദി ബോര്‍ഡ് ഡയറക്ടര്‍ സി.കെ.അനില്‍കുമാര്‍ സ്വാഗതവും പ്രോജക്ട് ആഫീസര്‍ കെ.പി.ദിനേഷ്‌കുമാര്‍ നന്ദിയും പറഞ്ഞു. 

 സര്‍ക്കാര്‍ എയിഡഡ് സ്‌കൂളുകളില്‍ 2017-18 വര്‍ഷം  1 മുതല്‍ പത്താം തരം വരെ പഠിച്ച ഒ.ബി.സി പ്രീമെട്രിക് സ്‌കോളര്‍ഷിപ്പിന് അര്‍ഹരായ വിദ്യാര്‍ത്ഥികളുടെ ബാങ്ക് അക്കൗണ്ട് ആക്ടീവാണെന്ന് സ്‌കൂള്‍ പ്രധാനാദ്ധ്യാപകര്‍ ഉറപ്പുവരുത്തണം. വിദ്യാര്‍ത്ഥികള്‍ക്ക് ഇതുസംബന്ധിച്ച് സ്‌കൂള്‍ അധികൃതര്‍ നിര്‍ദ്ദേശം നല്‍കണമെന്ന്  പിന്നാക്ക വികസന വകുപ്പ് മേഖലാ ഡെപ്യൂട്ടി ഡയറക്ടര്‍ അറിയിച്ചു.