കൈറ്റ് വിക്ടേഴ്‌സ് ചാനലില്‍ ശനിയാഴ്ച രാത്രി 9.15ന്  ഗിരീഷ് കാസറവള്ളി സംവിധാനം ചെയ്ത് 1996ല്‍ പുറത്തിറങ്ങിയ കന്നട ചലച്ചിത്രം ക്രൗര്യ സംപ്രേഷണം ചെയ്യും. ഞായറാഴ്ച രാവിലെ 9.15ന് ജയൂ, നാട്ടികര്‍ സംവിധാനം ചെയ്ത് 2002 ല്‍ പുറത്തിറങ്ങിയ ഹിന്ദി ചലച്ചിത്രം ദേവി അഹല്യാഭായി സംപ്രേഷണം ചെയ്യും.
പി.എന്‍.എക്‌സ്.3379/18
 

    ഓണം, ബക്രീദ് ഉത്സവകാലത്ത് കണ്‍സ്യൂമര്‍ഫെഡറേഷന്റെ നേതൃത്വത്തില്‍ ഓണം-ബക്രീദ് വിപണി നടത്തുന്നതിനും 13 ഇനം നിത്യോപയോഗ സാധനങ്ങള്‍ സബ്‌സിഡി നിരക്കില്‍ 3500 വിപണനകേന്ദ്രങ്ങളിലൂടെ വിതരണം ചെയ്യുന്നതിനും സബ്‌സിഡിയായി 30 കോടി രൂപ മുന്‍കൂറായി അനുവദിച്ച് ഉത്തരവായി.
പി.എന്‍.എക്‌സ്.3378/18

    സംസ്ഥാന സര്‍ക്കാര്‍ വികസനപ്രവര്‍ത്തനങ്ങളുടെ ധനശേഖരണാര്‍ഥം 2500 കോടി രൂപയുടെ കടപ്പത്രം പുറപ്പെടുവിക്കുന്നു. ആഗസ്റ്റ് ഏഴിന് റിസര്‍വ് ബാങ്കിന്റെ മുംബൈ ഫോര്‍ട്ട് ഓഫീസില്‍ ഇ-കുബേര്‍ സിസ്റ്റത്തിലൂടെയാണ് ലേലം.
    ലേലം സംബന്ധിച്ച വിജ്ഞാപനവും (ഉത്തരവ്: നമ്പര്‍: എസ്.എസ്.1/314/2018 ഫിന്‍. തിയതി 03.08.2018.) വിശദാംശങ്ങളും www.finance.kerala.gov.in ല്‍ ലഭ്യമാണ്. 
പി.എന്‍.എക്‌സ്.3377/18
 

    2018 -19 അധ്യയന വര്‍ഷത്തില്‍ ഹയര്‍ സെക്കന്‍ഡറി, തൊഴിലധിഷ്ഠിത ഹയര്‍സെക്കന്‍ഡറി പരീക്ഷകള്‍ക്ക് 80 ശതമാനം മാര്‍ക്കോ അതിന് മുകളിലോ ലഭിച്ച വിദ്യാര്‍ത്ഥികള്‍ക്ക് സെന്‍ട്രല്‍ സെക്ടര്‍ റിന്യൂവല്‍/ഫ്രഷ് സ്‌കോളര്‍ഷിപ്പിന് അപേക്ഷിക്കാം. രക്ഷകര്‍ത്താക്കളുടെ വാര്‍ഷിക വരുമാനം എട്ട് ലക്ഷം രൂപയില്‍ കവിയാന്‍ പാടില്ല. വിശദവിവരങ്ങള്‍ www.scholarships.gov.in ല്‍ ലഭിക്കും. കേന്ദ്രമാനവവിഭവശേഷി മന്ത്രാലയമാണ് സ്‌കോളര്‍ഷിപ്പ് നല്‍കുന്നത്. അപേക്ഷ സ്വീകരിക്കുന്ന അവസാന തിയതി ഒക്‌ടോബര്‍ 31. (ഫ്രഷ്) ആഗസ്റ്റ് 31. (റിന്യൂവല്‍)
പി.എന്‍.എക്‌സ്.3375/18

അടൂര്‍ ഐഎച്ച്ആര്‍ഡി എന്‍ജിനീയറിംഗ് കോളേജില്‍ കംപ്യൂട്ടര്‍ പ്രോഗ്രാമറുടെ താത്ക്കാലിക ഒഴിവിലേക്ക് അപേക്ഷ ക്ഷണിച്ചു. പിജിഡിസിഎ ഫസ്റ്റ് ക്ലാസ് അല്ലെങ്കില്‍ ഫസ്റ്റ് ക്ലാസ് ബി.എസ്.സി കംപ്യൂട്ടര്‍ സയന്‍സ്/കംപ്യൂട്ടര്‍ ടെക്‌നോളജിയാണ് യോഗ്യത. താത്പര്യമുള്ളവര്‍ ഈ മാസം എട്ടിന് രാവിലെ 10ന് അസല്‍ സര്‍ട്ടിഫിക്കറ്റുകള്‍ സഹിതം കോളേജില്‍ ഹാജരാകണം. ഫോണ്‍: 04734 231995.                  (പിഎന്‍പി 2217/18)

അടൂര്‍ ഐഎച്ച്ആര്‍ഡി എന്‍ജിനീയറിംഗ് കോളേജില്‍ ഒന്നാം വര്‍ഷ ബി.ടെക് കംപ്യൂട്ടര്‍ സയന്‍സ്, ഇലക്ട്രിക്കല്‍, ഇലക്‌ട്രോണിക്‌സ്, മെക്കാനിക്കല്‍ ബ്രാഞ്ചുകളിലേക്ക് ഒഴിവുള്ള മാനേജ്‌മെന്റ് സീറ്റുകളില്‍ സ്‌പോട്ട് അഡ്മിഷന്‍ നടത്തുന്നു. താത്പര്യമുള്ള കേരള എന്‍ട്രന്‍സ് റാങ്ക് ലിസ്റ്റില്‍ ഉള്‍പ്പെട്ടവര്‍ അസല്‍ സര്‍ട്ടിഫിക്കറ്റുകള്‍ അല്ലെങ്കില്‍ എന്‍ഒസിയുമായി ഈ മാസം ആറിന് രാവിലെ 10ന് കോളേജില്‍ ഹാജരാകണം. ഒഴിവുകളുടെ വിശദവിവരം www.cea.ac.in എന്ന വെബ്‌സൈറ്റില്‍ ലഭിക്കും. ഫോണ്‍: 04734 231995.                                    (പിഎന്‍പി 2216/18) 

ജില്ലയിലെ വിവിധ പോലീസ് സ്റ്റേഷനുകളില്‍ സൂക്ഷിച്ചിട്ടുള്ള  അവകാശികള്‍ ഇല്ലാത്ത 99 വാഹനങ്ങള്‍ www.mstcecommerce.com എന്ന വെബ്‌സൈറ്റ് മുഖേന ഈ മാസം 14ന് രാവിലെ 11 മുതല്‍ 3.30 വരെ ഓണ്‍ലൈനായി ലേലം ചെയ്യും. 

        (പിഎന്‍പി 2215/18)

ഓമല്ലൂര്‍ ഐമാലി ക്ഷീരസംഘത്തില്‍ ഈ മാസം എട്ടിന് കാലിത്തീറ്റ വിതരണം നടക്കുമെന്ന് സീനിയര്‍ വെറ്ററിനറി സര്‍ജന്‍ അറിയിച്ചു.          (പിഎന്‍പി 2214/18)