ഓഖി ചുഴലിക്കാറ്റിനോടനുബന്ധിച്ച ദുരന്തങ്ങളില്‍ പെട്ടവര്‍ക്ക് ധനസഹായം അനുവദിക്കുന്നതിന്റെ ഭാഗമായി മലപ്പുറം ജില്ലയില്‍ മല്‍സ്യബന്ധന യാനങ്ങള്‍ക്കും വലകള്‍ക്കും അനുബന്ധ ഉപകരണങ്ങള്‍ക്കും ഉണ്ടായ ഭാഗിക നാശം കണക്കാക്കി 5 മല്‍സ്യ തൊഴിലാളി ഗുണഭോക്താക്കള്‍ക്ക് 693000 രൂപ അനുവദിച്ചതായി ഫിഷറീസ് ഡെപ്യൂട്ടി ഡയറക്ടര്‍ അറിയിച്ചു.

    പൂക്കോട്ടൂര്‍ ഗ്രാമ പഞ്ചായത്തിലെ പനക്കല്‍ പട്ടികജാതി കോളനിയില്‍ 110 എം.എം കുഴല്‍ കിണര്‍ നിര്‍മ്മിക്കുന്ന പ്രവൃത്തിക്ക് ദര്‍ഘാസ് ക്ഷണിച്ചു.  ദര്‍ഘാസ് ആഗസ്റ്റ് 13ന് വൈകുന്നേരം മൂന്നിനകം ജില്ലാ ഓഫീസ്, ഭൂജല വകുപ്പ്, മലപ്പുറം വിലാസത്തില്‍ ലഭിക്കണം.  ഫോണ്‍ 0483 2731450.

    ദേശീയ പാത  966-ല്‍ രാമനാട്ടുകര മുതല്‍ കൂട്ടിലങ്ങാടി വരെ റോഡ് പ്രവൃത്തിക്ക്  തടസ്സമായി നില്‍ക്കുന്ന മരങ്ങള്‍ മുറിച്ചു മാറ്റുന്നതിന്  ക്വട്ടേഷന്‍ ക്ഷണിച്ചു.  ക്വട്ടേഷന്‍ ആഗസ്റ്റ് ഏഴിന് വൈകുന്നേരം നാല് വരെ പൊതുമരാമത്ത് വകുപ്പ് പെരിന്തല്‍മണ്ണ ദേശീയപാത ഉപവിഭാഗം ഓഫീസില്‍ സ്വീകരിക്കും.  ഫോണ്‍ 04933 220770.

    ഐ.ഐ.റ്റി ക്കായി പുതുശ്ശേരി വെസ്റ്റ് വില്ലേജില്‍ നിന്നും സ്ഥലമേറ്റെടുക്കുന്നതുമായി ബന്ധപ്പെട്ട വിയോജിപ്പുകള്‍ ഭൂവുടമകള്‍ 15 ദിവസത്തിനകം ലാന്‍ഡ് അക്വിസിഷന്‍ സ്പെഷല്‍ തഹസില്‍ദാര്‍ക്ക് നല്‍കണം. ഞഎഇഠ ഘഅഞഞ അഇഠ 2013 പ്രകാരം സ്ഥലം ഏറ്റെടുപ്പിനായി സാമൂഹിക ആഘാത പഠനം പൂര്‍ത്തിയാക്കിയിട്ടുളളതും ഐ.ഐ.റ്റിയ്ക്കായി നിര്‍മിച്ചു വരുന്ന ചുറ്റുമതിലിനുളളില്‍ ഉള്‍പ്പെടുന്നതുമായ 42.95 ഏക്കറിന്‍റെ ഭൂവുടമകള്‍ക്ക് മാത്രമാണ് ബാധകമാവുന്നത്.

    തവനൂരിലെ റെസ്‌ക്യൂ ഹോമിലേക്ക് കേരള സാമൂഹ്യ സുരക്ഷ മിഷന്‍ മുഖേന മള്‍ട്ടിടാസ്‌ക് കെയര്‍ പ്രൊവൈഡര്‍ (ഫീമെയില്‍) മാരുടെ ഒഴിവിലേക്കും നീഡില്‍ വര്‍ക്ക് ടീച്ചറുടെ ഒഴിവിലേക്കും താല്‍കാലികനിയമനം നടത്തുന്നതിന്  ആഗസ്റ്റ് ഏഴിന് നടത്താന്‍ നിശ്ചയിച്ചിരുന്ന കൂടിക്കാഴ്ച മാറ്റിവെച്ചു.  പുതുക്കിയ തീയതി പിന്നീട് അറിയിക്കും.