വിരശല്യം മൂലം കുട്ടികളിലുണ്ടാവുന്ന വിളര്‍ച്ചയും പോഷകാഹാരക്കുറവും പ്രതിരോധിക്കുകയെന്ന ലക്ഷ്യത്തോടെ നടത്തുന്ന ദേശീയ വിരവിമുക്ത ദിനാചരണത്തിന്റെ ഭാഗമായി ആഗസ്ത് 10ന് ജില്ലയിലെ മുഴുവന്‍ സ്‌കൂളുകളിലും അങ്കണവാടികളിലും വിര നശീകരണത്തിനായുള്ള ആല്‍ബന്‍ഡസോള്‍ ഗുളികകള്‍ നല്‍കും. സര്‍ക്കാര്‍, എയ്ഡഡ്, സ്വകാര്യ സ്‌കൂളുകള്‍, അങ്കണവാടികള്‍, ഡേകെയര്‍ സെന്ററുകള്‍  എന്നിവിടങ്ങളിലെ 6,41,291 കുട്ടികള്‍ക്കാണ് ഇത്തവണ ഗുളിക നല്‍കുകയെന്ന് ഇതുമായി ബന്ധപ്പെട്ട ഒരുക്കങ്ങള്‍ വിലയിരുത്താന്‍ എഡിഎം ഇ മുഹമ്മദ് യൂസുഫിന്റെ അധ്യക്ഷതയില്‍ ചേര്‍ന്ന യോഗത്തില്‍  ജില്ലാ മെഡിക്കല്‍ ഓഫീസര്‍ ഡോ. കെ നാരായണ നായിക് അറിയിച്ചു. 

കോന്നിയിലുള്ള സിഎഫ്ആര്‍ഡിയുടെ കീഴില്‍ ഇലഞ്ഞിയില്‍ നിര്‍മിക്കുന്ന ഫ്രൂട്‌സ് ആന്‍ഡ് വെജിറ്റബിള്‍സ് ഡീഹ്രൈഡ്രേഷന്‍ പ്ലാന്റിലേക്ക് ഗുഡ്‌സ് ലിഫ്റ്റിന്റെ സപ്ലൈ, ഇന്‍സ്റ്റലേഷന്‍, കമ്മീഷനിംഗ്, ട്രയല്‍ റണ്‍ എന്നീ ജോലികള്‍ക്ക് ഇ-ടെന്‍ഡര്‍ ക്ഷണിച്ചു.       ടെന്‍ഡര്‍ ഡൗണ്‍ലോഡ് ചെയ്യുന്നതിനുള്ള അവസാന തീയതി ഈ മാസം 18. ഫോണ്‍: 0484 2207920, 2206727.                   (പിഎന്‍പി 2220/18)

ജില്ലാ ആശുപത്രിയിലെ 'അമ്മയും കുഞ്ഞും' ബ്ലോക്കില്‍ താല്‍ക്കാലികമായി ഒരുക്കിയ കുട്ടികളുടെ വാര്‍ഡ് പ്രവര്‍ത്തനം ആരംഭിച്ചു. വ്യാഴാഴ്ചയാണ് വാര്‍ഡിലേക്ക് രോഗികളെ പ്രവേശിപ്പിച്ചു തുടങ്ങിയത്. പ്രവര്‍ത്തനം ആരംഭിച്ച കുട്ടികളുടെ വാര്‍ഡ് ജില്ലാ പഞ്ചായത്ത് പ്രസിഡന്റ് കെ വി സുമേഷ് സന്ദര്‍ശിച്ചു. 

ജില്ലയില്‍ പനി ബാധിച്ച് ഇന്നലെ (മൂന്ന്) 288 പേര്‍ വിവിധ ആശുപത്രികളില്‍ ചികിത്സ തേടിയതായി ജില്ലാ മെഡിക്കല്‍ ഓഫീസര്‍ (ആരോഗ്യം) അറിയിച്ചു. ഒരാള്‍ക്ക് എലിപ്പനിയും അഞ്ച് പേര്‍ക്ക് ചിക്കന്‍പോക്‌സും സ്ഥിരീകരിച്ചു. വയറിളക്കരോഗങ്ങള്‍ക്ക് 48 പേര്‍ ചികിത്സ തേടി.                 (പിഎന്‍പി 2218/18)

    പഴയ തലമുറയിലുള്ളവര്‍ക്ക് വേണ്ടി മാത്രമാണ് ഖദര്‍ വസ്ത്രം എന്ന ധാരണ മാറ്റണമെന്നും യുവജനങ്ങള്‍ക്കും ട്രെന്‍ഡിനൊത്ത വസ്ത്രങ്ങളും മെറ്റീരിയലുകളും നല്‍കാന്‍ ഖാദിക്ക് കഴിയണമെന്നും ഖാദി ബോര്‍ഡ് വൈസ് ചെയര്‍മാന്‍ ശോഭന ജോര്‍ജ് കണ്ണൂരില്‍ വാര്‍ത്താ സമ്മേളനത്തില്‍ പറഞ്ഞു. ഖാദി മേഖല ലാഭാധിഷ്ഠിതമല്ല. ഒരു രൂപയുണ്ടെങ്കില്‍ അത് ഇവിടുത്തെ സാധാരണക്കാരായ തൊഴിലാളികള്‍ക്ക് തന്നെ കിട്ടും. ഖാദി ഇന്ത്യയുടെ സംസ്‌കാരമാണ്, ചരിത്രമാണ്. ഖാദി മേഖലയില്‍ കൂടുതലായി പ്രവര്‍ത്തിക്കുന്നത് സ്ത്രീകളാണെന്ന പ്രത്യേകതയുമുണ്ട്. ഇവര്‍ക്ക് കൂടുതല്‍ തൊഴിലവസരങ്ങളുണ്ടാവണം.

ഏത് ഇനങ്ങളോടും കിടപിടിക്കാന്‍ കഴിയുന്ന രീതിയില്‍ ഖാദി വസ്ത്രങ്ങള്‍ മാറിയെന്ന് തുറമുഖ വകുപ്പ് മന്ത്രി രാമചന്ദ്രന്‍ കടന്നപ്പള്ളി പറഞ്ഞു. ഓണം-ബക്രീദ് ഖാദി മേള കണ്ണൂര്‍ ഖാദി സൗഭാഗ്യ അങ്കണത്തില്‍ ഉദ്ഘാടനം ചെയ്യുകയായിരുന്നു അദ്ദേഹം. ഖാദിയ്ക്ക് ഏറ്റവും കൂടുതല്‍ വേരോട്ടമുള്ള ജില്ലയായ കണ്ണൂരില്‍ ആയിരക്കണക്കിനു തൊഴിലാളികളാണ് ഈ മേഖലയിലുള്ളത്. ഖാദിയിലേക്ക് മടങ്ങുക എന്ന സന്ദേശം നല്‍കുന്നതിന് ഈ കാലഘട്ടം പ്രയോജനപ്പെടുത്തേണ്ടതുണ്ടെന്നും അദ്ദേഹം പറഞ്ഞു.

കൈത്തറി വസ്ത്ര പ്രദര്‍ശന-വിപണന മേള ഇ പി ജയരാജന്‍ എം എല്‍ എ ഉദ്ഘാടനം ചെയ്തു. തൊഴില്‍ രഹിതര്‍ക്ക് തൊഴില്‍ ലഭ്യമാക്കാന്‍ കഴിത്തയക്കവിധം കൈത്തറി മേഖലയെ വിപുലീകരിക്കണമെന്നും അതിനായി തൊഴിലാളികള്‍ക്ക് മെച്ചപ്പെട്ട കൂലി നല്‍കേണ്ടതുണ്ടെന്നും അദ്ദേഹം പറഞ്ഞു. സര്‍ക്കാറിന്റെ പദ്ധതികളിലൂടെ മാത്രമേ കൈത്തറി മേഖലയെ വിപുലീകരിക്കാന്‍ കഴിയുകയുള്ളു. തൊഴിലാളികള്‍ക്ക് മെച്ചപ്പെട്ട ആനുകൂല്യങ്ങള്‍ ലഭ്യക്കേണ്ടതുണ്ടെന്നും എം എല്‍ എ പറഞ്ഞു.

പ്രവാസിഭാരതീയര്‍ (കേരളീയര്‍) കമ്മീഷന്റെ സിറ്റിംഗ് ആഗസ്റ്റ് 17 ന് രാവിലെ 10 ന് എറണാകുളം ഗവ. ഗസ്റ്റ് ഹൗസ് ലൈബ്രറി ഹാളില്‍ നടത്തി പരാതികള്‍ സ്വീകരിക്കും.  കൂടാതെ പ്രവാസി ഭാരതീയര്‍ (കേരളീയര്‍) കമ്മീഷന്‍, നോര്‍ക്ക സെന്റര്‍, തൈക്കാട് പി.ഒ., തിരുവനന്തപുരം-14 എന്ന വിലാസത്തിലോ,  nricommission@kerala.gov.in, secycomsn.nri@kerala.gov.in എന്നീ ഇ-മെയില്‍ വിലാസങ്ങളിലോ മുന്‍കൂറായി പരാതികള്‍ അയയ്ക്കാം. 
പി.എന്‍.എക്‌സ്.3362/18