തൊഴില്‍ എക്‌സൈസ് വകുപ്പ് മന്ത്രി ടി.പി രാമകൃഷ്ണന്‍ ഈ മാസം നാല്, അഞ്ച് തീയതികളില്‍ ജില്ലയില്‍ വിവിധ പരിപാടികളില്‍ പങ്കെടുക്കും. നാലിന് രാവിലെ ഒമ്പത് മണി സാംബവ കോളനി -പേരാമ്പ്ര, 9.30 ന് കടിയങ്ങാട്, ഉച്ചയ്ക്ക് രണ്ടിന് പേരാമ്പ്ര സ്‌കൂള്‍, വൈകീട്ട് നാലിന് പൊന്‍മേരി പഞ്ചായത്ത് അംഗന്‍വാടി ഉദ്ഘാടനം. ആറിന് കാര്‍ഷിക വിപണന കേന്ദ്രം ഉദ്ഘാടനം- കുന്നത്ത്കര, ഒമ്പത് മണി നടുവണ്ണൂര്‍. ആഗസ്റ്റ് അഞ്ചിന് 12 മണി ഖാദി മേള ഉദ്ഘാടനം ചെറൂട്ടി റോഡ്, നാലിന് ഹാന്റക്‌സ് ഓണം ഉദ്ഘാടനം. 

വെന്നിമല ശ്രീരാമ ലക്ഷ്മണ സ്വാമി ക്ഷേത്രത്തിലെ കര്‍ക്കിടക വാവ് മഹോത്സവത്തോടനുബന്ധിച്ച് ക്ഷേത്രത്തിന്റെ മൂന്ന് കിലോമീറ്റര്‍ ചുറ്റളവിലുളള പ്രദേശം ഓഗസ്റ്റ് 11 ന് ഉത്സവമേഖലയായി ജില്ലാ കളക്ടര്‍ പ്രഖ്യാപിച്ചു.

ആഗസ്റ്റ് ഒന്നു മുതല്‍ 31 വരെ  എക്‌സൈസ് വകുപ്പ് സ്‌പെഷ്യല്‍ ഡ്രൈവ് പ്രഖ്യാപിച്ച് പരിശോധനകള്‍ കര്‍ശനമാക്കി. ഓണക്കാല ആഘോഷങ്ങള്‍ക്കായി വ്യാജമദ്യത്തിന്റെ നിര്‍മ്മാണവും സ്പിരിറ്റ് ശേഖരിക്കലും മയക്ക്മരുന്ന് വിപണനവും മുന്നില്‍ കണ്ടാണ് പരിശോധന. 

മലപ്പുറം ജില്ലാ എല്‍.പി.എസ്.എ (387/14) റാങ്ക് ലിസ്റ്റ് വിപുലീകരിക്കണമെന്ന് സംസ്ഥാന ന്യൂനപക്ഷ കമ്മീഷന്‍ ചെയര്‍മാന്‍ പി.കെ. ഹനീഫ ഉത്തരവിട്ടു. മലപ്പുറത്ത് നടന്ന കമ്മീഷന്‍ സിറ്റിംഗില്‍ മലപ്പുറം ജില്ലാ എല്‍.പി.എസ്.എ റാങ്ക് ഹോള്‍ഡേഴ്‌സ് അസോസിയേഷന്‍(സപ്ലിമെന്ററി) കോഓഡിനേറ്റര്‍ സി. ഉമ്മര്‍ മാസ്റ്റര്‍ സമര്‍പ്പിച്ച പരാതി പരിഗണിച്ചാണ് ഉത്തരവ്.

 മുലയൂട്ടല്‍ പോത്സാഹിപ്പിക്കുന്നതിന്റെ ഭാഗമായി ബസ് സ്റ്റാന്റുകളിലും ഓഫീസ് സമുച്ചയങ്ങളിലും പ്രത്യേക മുലയൂട്ടല്‍ മുറികള്‍ സജ്ജീകരിക്കുന്നത് പരിഗണിക്കുമെന്ന്  ജില്ലാ പഞ്ചായത്ത് പ്രസിഡന്റ് അഡ്വ. സണ്ണി പാമ്പാടി പറഞ്ഞു. മുലയൂട്ടല്‍ വാരാചരണത്തിന്റെ ജില്ലാതല ഉദ്ഘാടനം നിര്‍വ്വഹിക്കുകയായിരുന്നു അദ്ദേഹം.

തീരദേശ പരിപാല പ്ലാന്‍ തയ്യാറാക്കുന്നതിനായി തീരദേശ പരിപാലന അതോറിറ്റി ആഗസ്റ്റ് എട്ടിന് രാവിലെ 10.30ന് ജില്ലാ പഞ്ചായത്ത് സമ്മേളന ഹാളില്‍ പബ്ലിക് ഹിയറിങ് നടത്തും.  പൊതുജനങ്ങള്‍ക്ക് അവരുടെ അഭിപ്രായങ്ങള്‍ പബ്ലിക് ഹിയറിങ് സമയത്ത് അതോറിറ്റിയെ അറിയിക്കാം.  ഫോണ്‍ 9447197975.