കര്‍ഷക തൊഴിലാളി ക്ഷേമനിധി ബോര്‍ഡ് മലപ്പുറം ഡിവിഷണല്‍ ഓഫീസര്‍ ആഗസ്റ്റ് ഏഴിന് മമ്പാട്, പുള്ളിപ്പാടം വില്ലേജുകളില്‍ നടത്താന്‍ നിശ്ചയിച്ചിരുന്ന സിറ്റിങ് മാറ്റിവെച്ചു.  പുതുക്കിയ തിയ്യതി പിന്നീട് അറിയിക്കുമെന്ന് വെല്‍ഫെആക്ത ഫണ്ട് ഓഫീസര്‍ അറിയിച്ചു.

സംസ്ഥാന ന്യൂനപക്ഷ കമ്മീഷന്‍ സിറ്റിങ് ഇന്ന് (ആഗസ്റ്റ് ഒന്ന്) രാവിലെ 11ന് ജില്ലാ പഞ്ചായത്ത് ഹാളില്‍ നടക്കും. സിറ്റിങില്‍ പുതിയ പരാതികള്‍ സ്വീകരിക്കും.

'കല' മഞ്ചേരിയുടേയും ആകാശവാണി മഞ്ചേരി എഫ്.എം നിലയത്തിന്റേയും സംയുക്താഭിമുഖ്യത്തില്‍ ത്രിദിന സാഹിത്യ ശില്പശാല നടത്തുന്നു. സെപ്തം. 7, 8, 9 തീയതികളില്‍ എളങ്കൂര്‍ ശ്രീശാസ്ത കോളേജില്‍ നടക്കുന്ന ശില്പശാലയില്‍ മലയാളത്തിലെ പ്രമുഖ എഴുത്തുകാര്‍ ക്ലാസ്സുകളെടുക്കുകയും അംഗങ്ങളുമായി സംവദിക്കുകയും ചെയ്യും.

    പെരിന്തല്‍മണ്ണ താലൂക്ക് വികസന സമിതി യോഗം ആഗസ്റ്റ് നാലിന് രാവിലെ 10.30ന് താലൂക്ക് സമ്മേളന ഹാളില്‍ ചേരും.

    കൊണ്ടോട്ടി മഹാകവി മോയിന്‍കുട്ടി വൈദ്യര്‍ മാപ്പിളകലാ അക്കാദമി 2018 ജനുവരിയില്‍ ആരംഭിച്ച അറബിമലയാളം കോഴ്‌സിന്റെ രണ്ടാമത് ബാച്ചിലേക്കുള്ള പ്രവേശനം ആരംഭിച്ചു. ഞായറാഴ്ചകളില്‍ ഉച്ചതിരിഞ്ഞ് മൂന്നു മുതല്‍ അഞ്ച്‌വരെയാണ് പരിശീലനം. പ്രായപരിധിയോ വിദ്യാഭ്യാസയോഗ്യതയോ പരിഗണിക്കാതെ താല്പര്യമുള്ളവര്‍ക്കെല്ലാം അറബി മലയാളംകോഴ്‌സില്‍ പ്രവേശനം നേടാം. ആറ് മാസത്തെ പരിശീലനത്തിനുശേഷം എഴുത്തുപരീക്ഷ, വായനാപരീക്ഷ എന്നിവയുടെ അടിസ്ഥാനത്തില്‍ ഗ്രേഡ് രേഖപ്പെടുത്തിയ സര്‍ട്ടിഫിക്കറ്റ് നല്‍കും.

കോട്ടക്കല്‍ ഗവ. ആയുര്‍വേദ റിസര്‍ച്ച് ഇന്‍സ്റ്റിറ്റ്യൂട്ട് ഫോര്‍ മെന്റല്‍ ഡിസീസസ് സ്ഥപനത്തിലേക്ക് അറ്റന്റര്‍ ഒഴിവിലേക്ക് ദിവസ വേതനാടിസ്ഥാനത്തില്‍ താല്‍ക്കാലിക ജീവനക്കാരെ നിയമിക്കുന്നതിന് അപേക്ഷ ക്ഷണിച്ചു.   യോഗ്യത പത്താം ക്ലാസ്. താല്‍പര്യമുള്ളവര്‍ രേഖകളും പകര്‍പ്പും സഹിതം കൂടിക്കാഴ്ചക്കായി ആഗസ്റ്റ് രണ്ടിന് രാവിലെ 10.30ന് ഓഫീസില്‍ എത്തണം.

    പെരിന്തല്‍മണ്ണ പി.ടി.എം ഗവ. കോളേജില്‍ വിവധ പി.ജി കോഴ്‌സുകളായ എം.എസ്.സി മാത്‌സ് (എസ്.സി/എസ്.ടി), എം.കോം (എസ്.ടി), എം.എ ഇംഗ്ലീഷ് (എസ്.ടി), എം.എ അറബിക് (മുസ്ലീം ഇതര സംവരണ വിഭാഗം) എന്നീ കോഴ്‌സുകളില്‍ സീറ്റൊഴിവുണ്ട്. അര്‍ഹതപ്പെട്ടവര്‍ ആഗസ്റ്റ് രണ്ടിന് രാവിലെ 11.30നകം സര്‍ട്ടിഫിക്കറ്റുകള്‍ സഹിതം കോളേജില്‍ എത്തണം.  ഫോണ്‍ 04933 227370.