ഇടുക്കി സര്‍ക്കാര്‍ എന്‍ജിനീയറിങ് കോളേജില്‍ ഒന്നാം വര്‍ഷ ബി.ടെക് ക്ലാസുകള്‍ ആരംഭിക്കുന്നത് ആഗസ്റ്റ് ആറാം തിയതിയിലേക്ക് മാറ്റിയതായി പ്രിന്‍സിപ്പല്‍ അറിയിച്ചു.  ഒന്നാം വര്‍ഷ ബി.ടെക്/എം.ടെക് വിദ്യാര്‍ത്ഥികള്‍ക്കും രക്ഷിതാക്കള്‍ക്കുമായി ചെറുതോണിപഞ്ചായത്ത് ടൗണ്‍ ഹാളില്‍ ആഗസ്റ്റ് ആറിന് രാവിലെ 10 ന് നടക്കുന്ന പ്രതേ്യക ഓറിയന്റേഷന്‍ പരിപാടിയില്‍ ഒന്നാം വര്‍ഷ വിദ്യാര്‍ത്ഥികളും രക്ഷിതാക്കളും കൃത്യം സമയത്ത് എത്തിച്ചേരണം. 

പി.എന്‍.എക്‌സ്.3310/18

കേരളത്തിലെ വിവിധ എന്‍ജിനീയറിങ് കോളേജുകളില്‍ രണ്ടാമത്തെ അലോട്ട്‌മെന്റിനു ശേഷം ഒഴിവുള്ള ലാറ്ററല്‍ എന്‍ട്രി ബി.ടെക് സീറ്റുകളിലേക്ക് സെന്‍ട്രലൈസ്ഡ് സ്‌പോട്ട് അഡ്മിഷന്‍ ആഗസ്റ്റ് ആറിന് തിരുവനന്തപുരം കോളേജ് ഓഫ് എന്‍ജിനീയറിങ്ങില്‍ (സി.ഇ.ടി) നടത്തും.  ലാറ്ററല്‍ എന്‍ട്രി റാങ്ക് ലിസ്റ്റില്‍ ജനറല്‍ വിഭാഗത്തില്‍ 2019 വരെ, എസ്.ഇ.ബി.സി/ഒ.ഇ.സി വിഭാഗത്തില്‍ 2534 വരെ, എസ്.സി/എസ്.ടി വിഭാഗത്തില്‍ 2744 വരെയുള്ളവരില്‍ ഇതുവരെ അഡ്മിഷന്‍ ലഭിക്കാത്തവര്‍ക്ക് പങ്കെടുക്കാം.  ഇപ്പോള്‍ അഡ്മിഷന്‍ ലഭിച്ച് കോളേജില്‍ ചേര്‍ന്നവര്‍ക്ക് സ്ഥാപന മേധാവിയുടെ അനുമതിയോടെ (എന്‍.ഒ.സി) പങ്കെടുക്കാം.  വിശദ വിവരങ്ങള്‍ 

തിരുവനന്തപുരം കോളേജ് ഓഫ് എന്‍ജിനീയറിങില്‍ ഒന്നാം വര്‍ഷ ബി.ടെക് ക്ലാസുകള്‍ ആഗസ്റ്റ് ഒന്നിന് ആരംഭിക്കും. രാവിലെ ഒമ്പതിന് വിദ്യാര്‍ത്ഥികള്‍ രക്ഷകര്‍ത്താവിനൊപ്പം കോളേജിലെ ഡയമണ്ട് ജൂബിലി ഹാളില്‍ എത്തണം.  

മൂന്ന്, അഞ്ച്, ഏഴ് സെമസ്റ്റര്‍ ബി.ടെക്, മൂന്നാം സെമസ്റ്റര്‍ എം.ടെക്, മൂന്ന്, അഞ്ച് സെമസ്റ്റര്‍ എം.സി.എ ക്ലാസുകള്‍ ഇന്നും എം.ടെക് ഒന്നാം വര്‍ഷ ക്ലാസുകള്‍ ആഗസ്റ്റ് ആറിനും ആരംഭിക്കും.  

പി.എന്‍.എക്‌സ്.3308/18

പ്രീ സ്‌കൂള്‍ വിദ്യാഭ്യാസം ശാസ്ത്രീയമായി നടപ്പിലാക്കുന്നതിന്റെ ഭാഗമായി സംസ്ഥാന വിദ്യാഭ്യാസ ഗവേഷണ പരിശീലനസമിതി പ്രീസ്‌കൂള്‍ പാഠ്യ പദ്ധതി രൂപരേഖ, പ്രീസ്‌കൂള്‍ അധ്യാപക സഹായി (കളിപ്പാട്ടം) പ്രീസ്‌കൂള്‍ കുട്ടികള്‍ക്കുള്ള പ്രവര്‍ത്തന കാര്‍ഡുകള്‍ (കളിത്തോണി ഭാഗം-1), പ്രവര്‍ത്തന കാര്‍ഡു കളുടെ വിനിമയ സഹായി എന്നിവ  പ്രസിദ്ധീകരിച്ചു. ഇവ എസ്.സി.ഇ.ആര്‍.ടി വെബ്‌സൈറ്റില്‍( www.scert.kerala.gov.in) ലഭിക്കും. പ്രീസ്‌കൂള്‍ പാഠ്യപദ്ധതി, പ്രീസ്‌കൂള്‍ അധ്യാപകസഹായി (കളിപ്പാട്ടം) എന്നിവ എസ്.സി.ഇ.ആര്‍.ടി സ്റ്റോറിലും ലഭിക്കും.

പി.എന്‍.എക്‌സ്.3307/18

കേരള നിയമസഭയുടെ വജ്രജൂബിലി ആഘോഷങ്ങളോടനുബന്ധിച്ചുള്ള ഫെസ്റ്റിവല്‍ ഓണ്‍ ഡെമോക്രസിയുടെ ഭാഗമായി 2018 ആഗസ്റ്റ് ആറ്, ഏഴ് തീയതികളില്‍ പട്ടികജാതി പട്ടികവര്‍ഗ വിഭാഗക്കാരുടെ വിവിധ പ്രശ്‌നങ്ങളെ സംബന്ധിച്ച് തിരുവനന്തപുരം നിയമസഭാ സമുച്ചയത്തില്‍ നടക്കുന്ന നാഷണല്‍ ലെജിസ്ലേറ്റേഴ്‌സ് കോണ്‍ഫറന്‍സില്‍ സംസ്ഥാന സര്‍ക്കാര്‍/അര്‍ദ്ധസര്‍ക്കാര്‍/പൊതുമേഖലാ സ്ഥാപനങ്ങളിലെയും സര്‍വകലാശാലകളിലെയും ഈ വിഭാഗങ്ങളില്‍പ്പെട്ട ഉന്നത ഉദേ്യാഗസ്ഥര്‍ക്ക് പങ്കെടുക്കാന്‍ അവസരം.

സംസ്ഥാന ഫോട്ടോഗ്രഫി മത്സരത്തിന് എന്‍ട്രികള്‍ ക്ഷണിച്ചു. സ്ത്രീകള്‍- അതിജീവനം എന്ന വിഷയത്തിലുള്ള 18' X 12' വലിപ്പത്തിലുള്ള കളര്‍ ഫോട്ടോകളാണ് അയയ്‌ക്കേണ്ടത്. ഒരാള്‍ക്ക് മൂന്ന് എന്‍ട്രികള്‍ വരെ അയയ്ക്കാം. എന്‍ട്രികള്‍ ലഭിക്കേണ്ട അവസാന തിയതി: ആഗസ്റ്റ് 31. 

ചിത്രങ്ങളില്‍ കൃത്രിമം കാണിച്ചുവെന്ന് വ്യക്തമായാല്‍ മത്സരത്തില്‍ ഉള്‍പ്പെടുത്തുകയില്ല. മത്സരചിത്രത്തോടൊപ്പം സോഫ്റ്റ് കോപ്പിയും സമര്‍പ്പിക്കണം. ഫോട്ടോകളില്‍ മത്സരാര്‍ത്ഥികളെ തിരിച്ചറിയാനുള്ള വിലാസമോ അടയാളമോ ഉണ്ടാകരുത്. വിലാസവും ഫോണ്‍ നമ്പരും ഇ-മെയില്‍ ഐഡിയും അപേക്ഷയോടൊപ്പം നല്‍കണം. 

വനിത, ശിശുവികസന വകുപ്പ് ദേശീയ ആരോഗ്യ മിഷന്റെ സഹകരണത്തോടെ സംഘടിപ്പിക്കുന്ന മുലയൂട്ടല്‍ വാരാചരണത്തിന്റെ സംസ്ഥാനതല ഉദ്ഘാടനം ഇന്ന് (ആഗസ്റ്റ് ഒന്ന്) ഉച്ചയ്ക്ക് 12 ന് തിരുവനന്തപുരം ടാഗോര്‍ തിയേറ്ററില്‍ ആരോഗ്യമന്ത്രി കെ.കെ. ശൈലജ ടീച്ചര്‍ നിര്‍വഹിക്കും.  അഡ്വ. വി.എസ് ശിവകുമാര്‍ എം.എല്‍.എ അധ്യക്ഷത വഹിക്കും. 

പൊതുജനങ്ങളില്‍, പ്രത്യേകിച്ച് അമ്മമാരിലും അമ്മമാരാകാന്‍ പോകുന്നവരിലും മുലയൂട്ടലിനെക്കുറിച്ചുള്ള അവബോധം സൃഷ്ടിക്കുക എന്ന ലക്ഷ്യത്തോടെ ലോക മുലയൂട്ടല്‍ വാരാചരണത്തിന്റെ ഭാഗമായി വനിതാ ശിശു വികസന വകുപ്പ്  നടപ്പാക്കുന്ന 'ആദ്യാമൃതം' ക്യാമ്പയിനിന് തുടക്കമായി. അദ്യാമൃതം പദ്ധതിയുടെ ലോഗോ പ്രകാശനം, സോഷ്യല്‍ മീഡിയ ക്യാംമ്പയിന്‍, എന്‍.എച്ച്.എം. പോസ്റ്റര്‍ പ്രകാശനം എന്നിവയും ആരോഗ്യ, വനിതാശിശു വികസന വകുപ്പ് മന്ത്രി കെ.കെ. ശൈലജ ടീച്ചര്‍ നിര്‍വഹിച്ചു. 

സ്ത്രീകളിലേയും കുട്ടികളിലേയും പോഷണക്കുറവ് പരിഹരിക്കാനായി സംസ്ഥാന വനിതാ ശിശുവികസന വകുപ്പ് 'സമ്പുഷ്ട കേരളം' എന്ന പുതിയ പദ്ധതി ആവിഷ്‌കരിച്ചതായി ആരോഗ്യ, വനിതാ, ശിശുക്ഷേമ വകുപ്പ് മന്ത്രി കെ.കെ. ശൈലജ ടീച്ചര്‍ വാര്‍ത്താസമ്മേളനത്തില്‍ അറിയിച്ചു.  ഒക്ടോബര്‍ 15 ന് ലോക ഭക്ഷ്യദിനത്തിന് ആരംഭിക്കുന്ന നാഷണല്‍ ന്യൂട്രീഷ്യന്‍ അഥവാ പോഷണ്‍ അഭിയാന്റെ ഭാഗമായാണ് പദ്ധതി നടപ്പാക്കുന്നത്. 

  പൊതുജനങ്ങളില്‍ വിളര്‍ച്ച ഒഴിവാക്കുക എന്ന ലക്ഷ്യത്തോടെയുള്ള ലോകത്തിലെ തന്നെ ആദ്യ പരിപാടിയാണിത്. കേരളത്തില്‍ മുലയൂട്ടല്‍, അമിത വണ്ണം തടയുക എന്നീ രണ്ട് ലക്ഷ്യങ്ങള്‍ കൂടി ഇതിന്റെ ഭാഗമായി നടപ്പിലാക്കുന്നുണ്ട്. 

ട്രോളിംഗ് നിരോധനം അവസാനിക്കുന്നതോടെ കടലില്‍ പോകുന്ന മത്സ്യബന്ധന ബോട്ടുകള്‍ ട്രോളിംഗ് നിരോധന ഫലമായി വര്‍ദ്ധിച്ച ചെറുമത്സ്യങ്ങളെ പിടിക്കുന്നത് കര്‍ശനമായി നേരിടുമെന്നും അവര്‍ക്കെതിരെ നിയമപപരമായ നടപടികള്‍ സ്വീകരിക്കുമെന്നും ഫിഷറീസ് മന്ത്രി.ജെ. മെഴ്‌സിക്കുട്ടി അമ്മ അറിയിച്ചു.

ജൂണ്‍ 10ന് അര്‍ദ്ധരാത്രി പ്രാബല്യത്തില്‍ വന്ന ട്രോളിംഗ് നിരോധനം അവസാനിക്കുന്നതോടെ മത്സ്യസമ്പത്ത് സ്വാഭാവികമായും വര്‍ദ്ധിക്കും. ട്രോളിംഗ് നിരോധന കാലയളവായ ജൂണ്‍, ജൂലൈ മാസങ്ങളാണ് ഉപരിതല മത്സ്യങ്ങളായ അയല, ചാള അടിത്തട്ട് മത്സ്യങ്ങളായ കൊഞ്ച്, കണവ, കിളിമീന്‍ എന്നിവയുടെയും പ്രജനന കാലാവധി.