കൊണ്ടോട്ടി മഹാകവി മോയിന്‍കുട്ടി വൈദ്യര്‍ മാപ്പിളകലാ അക്കാദമിയിലെ വെള്ളിയാഴ്ച കൂട്ടായ്മയായ മാനവീയം വേദിയില്‍ ആഗസ്റ്റ് മൂന്നിന് രാമായണത്തിലൂടെ എന്ന വിഷയത്തില്‍ അഡ്വ. എം കേശവന്‍ നായര്‍ പ്രഭാഷണം നടത്തും. വൈകുരേം അഞ്ചിനാണ് പ്രഭാഷണം. ഫോണ്‍: 0483 2711432  

 കൊണ്ടോട്ടി മഹാകവി മോയിന്‍കുട്ടി വൈദ്യര്‍ അക്കാദമിയിലെ മാനവീയം വേദിയില്‍ വെള്ളിയാഴ്ചകളില്‍ കലാകാരന്മാര്‍ക്കും കലാസ്വാദകര്‍ക്കും ഒത്തുകൂടാന്‍ അവസരമൊരുങ്ങി. ഒത്തുകൂടുന്നവരുടെ സൗകര്യമനുസരിച്ച് സമയക്രമങ്ങളില്‍ മാറ്റംവരുത്തും. കലാപരിപാടികള്‍ വൈകുന്നേരം ഏഴു മണിക്കാണ് നടക്കുന്നത്. വിദ്യാര്‍ത്ഥികളെ പങ്കെടുപ്പിക്കുന്ന പരിപാടികള്‍ വൈകുന്നേരം അഞ്ചു മണിക്കും വനിതാകൂട്ടായ്മകളുടേത് ഉച്ചതിരിഞ്ഞ് മൂന്നു മണിക്കും എന്ന ക്രമത്തില്‍ നടത്താവുതാണെന്ന് സെക്രട്ടറി അറിയിച്ചു. എല്ലാ വെള്ളിയാഴ്ചകളിലും കൂട്ടായ്മകള്‍ നടക്കേണ്ടതിലേക്ക് വായനശാല, ക്ലബ്ബ് പ്രവര്‍ത്തകര്‍ മുന്‍കൂട്ടി തിയതികള്‍ ബുക്ക് ചെയ്യണം.

കൊണ്ടോട്ടി മഹാകവി മോയിന്‍കുട്ടി വൈദ്യര്‍ മാപ്പിളകലാ അക്കാദമി 2018 ജനുവരിയില്‍ ആരംഭിച്ച അറബിമലയാളം കോഴ്‌സിന്റെ രണ്ടാമത് ബാച്ചിലേക്കുള്ള പ്രവേശനം ആരംഭിച്ചു. ഞായറാഴ്ചകളില്‍ ഉച്ചതിരിഞ്ഞ് മൂന്നു മുതല്‍ അഞ്ചുവരെയാണ് പരിശീലനം. പ്രായപരിധിയോ വിദ്യാഭ്യാസയോഗ്യതയോ പരിഗണിക്കാതെ താല്പര്യമുള്ളവര്‍ക്കെല്ലാം അറബിമലയാളംകോഴ്‌സില്‍ പ്രവേശനം ലഭിക്കും ആറു മാസത്തെ പരിശീലനത്തിനുശേഷം എഴുത്തുപരീക്ഷ, വായനാപരീക്ഷ എന്നിവയുടെ അടിസ്ഥാനത്തില്‍ ഗ്രേഡ് രേഖപ്പെടുത്തിയ സര്‍ട്ടിഫിക്കറ്റ് നല്‍കും. 

ഇരിയണ്ണി ഗവ: വൊക്കേഷണല്‍ ഹയര്‍ സെക്കന്ററി സ്‌കൂളില്‍ വിഎച്ച്എസ്ഇ വിഭാഗത്തില്‍ വൊക്കേഷണല്‍ ഇന്‍സ്ട്രക്ടര്‍ ഇന്‍ അക്കൗണ്ടിംഗ് ആന്‍ഡ് ടാക്‌സേഷന്‍ തസ്തികയില്‍ താല്‍ക്കാലിക നിയമനം നടത്തുന്നു. യോഗ്യത: ബിക്കോം(ഡിസിഎ, ടാലീ അഭികാമ്യം ).കൂടിക്കാഴ്ച ആഗസ്റ്റ് നാലിന് രാവിലെ 11ന്. ഫോണ്‍: 9497726467
    

കുമ്പള ഗ്രാമപഞ്ചായത്ത് പരിധിയിലെ ആരിക്കാടി ഷിറിയ കടവില്‍ നിന്നും മാന്വല്‍ ഡ്രജിംഗ് നടത്തുന്നതിനായി മണല്‍ കൊണ്ടുപോകുന്നതിന് തോണി വാടകയ്ക്ക് നല്‍കുവാന്‍ തയ്യാറുള്ളവരില്‍ നിന്നും ക്വട്ടേഷന്‍ ക്ഷണിച്ചു. അവസാന തീയതി ആഗസ്റ്റ് ആറ് ഉച്ച കഴിഞ്ഞ് മൂന്നിനകം. ഫോണ്‍: 04998 213033

എന്‍ഡോസള്‍ഫാന്‍ വിക്റ്റിംസ് റിഹാബിലിറ്റേഷന്‍ പ്രോജക്ട് സ്‌പെഷല്‍ സെല്‍ ഡെപ്യുട്ടി കളക്ടറിന്റെ ആവശ്യത്തിലേക്കായി എട്ടുമാസത്തേക്ക് കരാര്‍ അടിസ്ഥാനത്തില്‍ വാഹനം ആവശ്യമുണ്ട്. ടെണ്ടറുകള്‍ ആഗസ്റ്റ് 13ന് ഉച്ചയക്ക് 2.30നകം  ഡിസ്ട്രിക്ട് പ്രോഗ്രാം മാനേജര്‍, എന്‍എച്ച്എം ഓഫീസ്, ഹോസ്ദുര്‍ഗ്(പി.ഒ), കാഞ്ഞങ്ങാട്, കാസര്‍കോട്-671315 എന്ന വിലാസത്തില്‍ ലഭിക്കണം. ഫോണ്‍: 0467 2209466

 ഉത്തരമലബാറിലെ നിലവില്‍വേതനം കൈപ്പറ്റികൊണ്ടിരിക്കുന്ന ആചാരസ്ഥാനികര്‍ക്കും, കോലധാരികള്‍ക്കും 2018 മാര്‍ച്ച് മാസംമുതല്‍ ജൂലൈ വരെയുളള പ്രതിമാസ ധനസഹായം മലബാര്‍ദേവസ്വം ബോര്‍ഡ് കാസര്‍കോട് ഡിവിഷന്‍ അസിസ്റ്റന്റ് കമ്മീഷണറുടെ നീലേശ്വരത്തുളള ഓഫീസില്‍ നിന്നും, തളിപ്പറമ്പ്, പയ്യൂര്‍, ഇരിട്ടി താലൂക്കില്‍പ്പെട്ടവര്‍ക്ക് ആഗസ്റ്റ് ആറ്, 16 തീയതികളിലും,ഹോസ്ദുര്‍ഗ്, വെളളരിക്കുണ്ട് താലൂക്കില്‍പ്പെട്ടവര്‍ക്ക് ആഗസ്റ്റ് എട്ട്, 17 തീയതികളിലും, കാസര്‍കോട്, മഞ്ചേശ്വരം താലൂക്കില്‍പ്പെട്ടവര്‍ക്ക് ആഗസ്റ്റ് ഒന്‍പത്, 18 തീയതികളിലും ഉച്ചയ്ക്ക് ഒരു മണിവരെ വിതരണംചെയ്യും. 

കോഴിക്കോട് ഇംഹാന്‍സില്‍ പോസ്റ്റ് ബേസിക് ഡിപ്ലോമ ഇന്‍ സൈക്യാട്രിക് നഴ്‌സിംഗ്, പോസ്റ്റ് ബേസിക് ബി.എസ്.സി നഴ്‌സിംഗ് ബിരുദം. അപേക്ഷിക്കേണ്ട അവസാന തീയതി ആഗസ്റ്റ് ആറ്. അപേക്ഷ ഫോം ഇംഹാന്‍സ് ഒാഫീസില്‍ നിന്ന് നേരിട്ടും www.imhans.org എന്ന വെബ്‌സൈറ്റ് വഴിയും ലഭിക്കും. ഫോണ്‍: 9605770068, 9745156700      

മൃഗസംരക്ഷണ മേഖലയില്‍ വ്യാവസായികാടിസ്ഥാനത്തില്‍ പുതിയതായി തൊഴില്‍ സംരംഭങ്ങള്‍ ആരംഭിക്കുവാന്‍ ആഗ്രഹിക്കുന്നവര്‍ക്കും(പശു, ആട്, കോഴി, മുയല്‍, പന്നി, മൂല്യവര്‍ധിത ഉല്‍പന്നങ്ങള്‍)നിലവില്‍ പ്രവര്‍ത്തിച്ചുകൊണ്ടിരിക്കുന്ന സംരംഭങ്ങള്‍ കൂടുതല്‍ വിപുലീകരിക്കുവാന്‍ ആഗ്രഹിക്കുന്നവര്‍ക്കുമായി മൃഗസംരക്ഷണവകുപ്പിന്റെ ആഭിമുഖ്യത്തില്‍ കുറ്റിക്കോലില്‍ നിക്ഷേപ സംഗമം സംഘടിപ്പിക്കുന്നു.

 പ്രധാനമന്ത്രിയുടെ തൊഴില്‍ദായക പദ്ധതി(പി.എം.ഇ.ജി.പി.) പ്രകാരം പ്രവര്‍ത്തനം ആരംഭിച്ച സംരംഭങ്ങളുടെ വിപുലീകരണത്തിന്റെ ഭാഗമായി വീണ്ടും വായ്പക്കായി അപേക്ഷിക്കാം. ഉല്‍പ്പാദന മേഖലയില്‍ ഒരു കോടി രൂപ വരെയുള്ള പൊജക്ടുകളും ( പരമാവധി 15 ലക്ഷം രൂപ സബ്‌സിഡിയോടെ ) സേവനമേഖലയില്‍ 25 ലക്ഷം രൂപ പദ്ധതിവിഹിതം വരുന്ന പ്രൊജക്ടുകളു( പരമാവധി 3.75 ലക്ഷം രൂപ സബ്‌സിഡിയോടെ )മാണ് പരിഗണിക്കുക.  പദ്ധതികളുടെ 10 ശതമാനം തുക സംരംഭക വിഹിതമായി കണ്ടെത്തണം. ഈ പദ്ധതി പ്രകാരം പ്രവര്‍ത്തനം ആരംഭിച്ച എല്ലാ യൂണിറ്റുകള്‍ക്കും യൂണിക് ആധാര്‍ മെമ്മോറാണ്ടം (യു്എഎം)  രജിസ്‌ട്രേഷന്‍ നിര്‍ബന്ധമാക്കിയിട്ടുള്ള വിവരവും അറിയിക്കും.