കാസര്‍കോട് നെഹ്‌റു യുവകേന്ദ്രയില്‍ അഫിലിയേറ്റ് ചെയ്തുപ്രവര്‍ത്തിക്കുന്ന ജില്ലയിലെ യൂത്ത് ക്ലബ്, മഹിളാ സമാജം ഭാരവാഹികളുടെ യോഗം ആഗസ്റ്റ് മൂന്നിന് രാവിലെ പത്തുമുതല്‍ കളക്ടറേറ്റ് ആസൂത്രണസമിതി കോണ്‍ഫറന്‍സ് ഹാളില്‍ നടക്കും. 2018-19 വര്‍ഷത്തെ യുവജന ക്ഷേമകായിക പരിപാടികള്‍ വിശദീകരിക്കും. പരിപാടികള്‍ ഏറ്റെടുത്തഒ നടത്തുവാന്‍ താല്‍പര്യമുള്ള ക്ലബുകള്‍ക്ക് ധനസഹായം അനുവദിക്കും.     

 കുട നിര്‍മ്മാണം, മാര്‍ബിള്‍ആന്റ് ഗ്രാനൈറ്റ് ഇന്‍ഡസ്ട്രി മേഖലകളിലെ തൊഴിലാളികളുടെ മിനിമംവേതനം പുതുക്കി നിശ്ചയിക്കുന്നതിനായി മിനിമംവേതന ഉപദേശകസമിതിയുടെ ഉപസമിതി തെളിവെടുപ്പ് യോഗം ആഗസ്റ്റ് എട്ടിന് രാവിലെ 10.30നും 11.30നും കണ്ണൂര്‍ ഗവ.ഗസ്റ്റ്ഹൗസ് കോഫറന്‍സ് ഹാളില്‍വച്ച് ചേരുമെന്ന് മിനിമംവേതന ഉപദേശകസമിതി സെക്രട്ടറി അറിയിച്ചു.  മേഖലയില്‍ തൊഴിലെടുക്കുന്ന ജില്ലയിലെ തൊഴിലാളി-തൊഴിലുടമാ പ്രതിനിധികള്‍ പങ്കെടുക്കണമെന്ന് ജില്ലാലേബര്‍ ഓഫീസര്‍ അറിയിച്ചു. 

കേരള വനിതാ കമ്മീഷന്‍ മെഗാ അദാലത്ത് ആഗസ്റ്റ് ഏഴിന് രാവിലെ 10.30 മുതല്‍ കാസര്‍കോട്് കളക്ടറേറ്റില്‍ നടക്കും.  

   കാസര്‍കോട് ഗവ. കോളേജില്‍ 2018-19 അധ്യയന വര്‍ഷത്തേക്ക് സംസ്‌കൃതം വിഷയത്തില്‍ ഗസ്റ്റ് അധ്യാപകരെ ആവശ്യമുണ്ട്. 55 ശതമാനം മാര്‍ക്കോടുകൂടിയ ബിരുദാനന്തര ബിരുദവും, നെറ്റും പാസായവര്‍ക്ക് അപേക്ഷിക്കാം. നെറ്റ് യോഗ്യരായവരുടെ അഭാവത്തില്‍ ബിരുദാനന്തര ബിരുദക്കാരേയും പരിഗണിക്കും. കോഴിക്കോട്  ഡെപ്യൂട്ടി ഡയറക്ടറുടെ കാര്യാലയത്തില്‍ പേര് രജിസ്റ്റര്‍ ചെയ്ത യോഗ്യരായ ഉദ്യോഗാര്‍ഥികള്‍ അസല്‍ സര്‍ട്ടിഫിക്കറ്റുകള്‍ സഹിതം കൂടിക്കാഴ്ചയ്ക്കായി ആഗസ്റ്റ് രണ്ടിന് രാവിലെ 10.30ന് പ്രിന്‍സിപ്പാള്‍  മുന്‍പാകെ  ഹാജരാകണം. ഫോണ്‍:  04994 256027      

കുടുംബശ്രീ ജില്ലാമിഷന്റെ തനതു പദ്ധതിയായ ഗ്രാമകിരണത്തിന് സര്‍ക്കാര്‍ അംഗീകാരം നല്‍കി. കുടുംബശ്രീ വനിതകളും  യുവശ്രീ അംഗങ്ങളും പുരുഷന്‍മാരും ചേര്‍ന്ന് തയ്യാറാക്കിയ എല്‍ ഇ ഡി ബള്‍ബുകള്‍ക്ക് എന്‍ജിനീയറിംഗ് വിഭാഗം ഗുണമേന്മ സര്‍ട്ടിഫിക്കറ്റ് നല്‍കിയിരുന്നു. ഇതിന്റെ അടിസ്ഥാനത്തിലാണ് സര്‍ക്കാരിന്റെ അംഗീകാരം. ഇനി മുതല്‍ ജില്ലയില്‍ തയ്യാറാക്കുന്ന ഗ്രാമകിരണം ബള്‍ബുകള്‍ ഗവമെന്റ് സ്ഥാപനങ്ങള്‍ക്കുള്‍പ്പെടെ ക്വട്ടേഷനിലൂടെ വാങ്ങാം. ഫെബ്രുവരി, മാര്‍ച്ച് മാസങ്ങളിലായി ചെറുവത്തൂര്‍, ഉപ്പള എന്നിവിടങ്ങളില്‍ 51 പേര്‍ക്കാണ് പരിശീലനം ലഭ്യമായത്.

കൊച്ചി: ലൈഫ് പദ്ധതി ആദ്യഘട്ടം 82% പൂര്‍ത്തിയായെന്ന് മുഖ്യമന്ത്രി പിണറായി വിജയന്‍. നേരത്തെ ഭവനനിര്‍മാണം തുടങ്ങി, പൂര്‍ത്തിയാക്കാനാവാത്ത വീടുകളായിരുന്നു ആദ്യഘട്ടത്തില്‍ ഉള്‍പ്പെടുത്തിയത്. ആദ്യഘട്ടത്തിലെ ബാക്കിയുളള വീടുകള്‍ ഓഗസ്റ്റ് മാസത്തോടെ പൂര്‍ത്തിയാക്കുമെന്നും മുഖ്യമന്ത്രി പറഞ്ഞു. ലൈഫ് പദ്ധതിയിലുള്‍പ്പെടുത്തി പി&റ്റി നഗര്‍ കോളനിവാസികള്‍ക്കായി നിര്‍മിക്കുന്ന ഭവനസമുച്ചയത്തിന്റെ ശിലാസ്ഥാപനം  തോപ്പുംപടി രാജീവ് ഗാന്ധി സ്റ്റേഡിയത്തില്‍ നിര്‍വഹിക്കുകയായിരുന്നു അദ്ദേഹം. ഈ ഭവനസമുച്ചയം പത്തു മാസത്തിനകം പൂര്‍ത്തിയാക്കാനാണ് ഉദ്ദേശിക്കുന്നത്. 

 കേരള മീഡിയ അക്കാദമിയുടെ ആഭിമുഖ്യത്തില്‍ മാധ്യമപ്രവര്‍ത്തകര്‍ക്കായി ആഗസ്റ്റ്  3, 4 തീയതികളില്‍ കൊച്ചി ബോള്‍ഗാട്ടി പാലസില്‍ നടത്താന്‍ നിശ്ചയിച്ചിരുന്ന സാംസ്‌കാരിക റിപ്പോര്‍ട്ടിംഗ് സംബന്ധിച്ച ശില്പശാല പ്രതികൂല കാലാവസ്ഥ കാരണം മാറ്റിവച്ചു.  ഈ പരിപാടി സെപ്റ്റംബറില്‍ നടക്കും.

 വിഷ്വല്‍മീഡിയയില്‍ പോസ്റ്റ് പ്രൊഡക്ഷന്‍ ടെക്‌നോളജിയില്‍പ്പെടുന്ന സൗണ്ട്എഞ്ചിനീയറിംഗ്, എഡിറ്റിംഗ്, വിഷ്വല്‍ഇഫക്ട് തുടങ്ങിയവയില്‍ പരിശീലനം നല്‍കുന്നു. പരിശീലന കാലാവധി ആറുമാസം. ഏതെങ്കിലുംവിഷയത്തില്‍ എഞ്ചിനീയറിംഗ്,ബിരുദം പാസായവര്‍ക്ക് അപേക്ഷിക്കാം. പരിശീലനത്തില്‍ പങ്കെടുക്കുന്നവര്‍ക്ക് പ്രതിമാസം 5000 രൂപ സ്റ്റൈപന്റ്‌ലഭിക്കും. പ്രായ പരിധി 20-26. വിശദവിവരങ്ങളും അപേക്ഷാഫോറവും ംംംം.ര്യയലൃൃെശ.ീൃഴ എന്ന വെബ്‌സൈറ്റില്‍ ലഭ്യമാണ്. 

സൈബര്‍ശ്രീയില്‍ പട്ടികജാതിവിഭാഗത്തില്‍പ്പെട്ടവര്‍ക്കായി നടത്തുന്ന സോഫ്റ്റ്‌വെയര്‍ വികസനം, പോസ്റ്റ് പ്രൊഡക്ഷന്‍ ടെക്‌നോളജീസ് ഇന്‍ ഓഡിയോവിഷ്വല്‍ മീഡിയ  പരിശീലനങ്ങളില്‍ ഒഴിവുണ്ട്.

സോഫ്റ്റ്‌വെയര്‍ വികസന പരിശീലനം
    കംപ്യൂട്ടര്‍ സയന്‍സ്, ഐ.ടി, ഇലക്‌ട്രോണിക്‌സ് ആന്റ്  കമ്മ്യൂണിക്കേഷന്‍, ഇലക്ട്രിക്കല്‍ ആന്റ് ഇലക്‌ട്രോണിക്‌സ് എന്നിവയില്‍ എഞ്ചിനീയറിംഗ് ബിരുദം അല്ലെങ്കില്‍ എം.സി.എ/എം.എസ്.സി കംപ്യൂട്ടര്‍ അല്ലെങ്കില്‍ തത്തുല്യ യോഗ്യത നേടിയവര്‍ക്ക് അപേക്ഷിക്കാം. ഏഴു മാസത്തെ പരിശീലനത്തില്‍ പങ്കെടുക്കുന്നവര്‍ക്ക് പ്രതിമാസം 5500 രൂപ സ്റ്റൈപന്റ് ലഭിക്കും. പ്രായപരിധി 20-26. 

കൊണ്ടോട്ടി മഹാകവി മോയിന്‍കുട്ടി വൈദ്യര്‍ അക്കാദമിയിലെ ടി എ റസാഖ് തിയേറ്ററില്‍ എല്ലാ ഞായറാഴ്ചകളിലും വൈകുരേം അഞ്ചിന് പഴയകാല സിനിമകളുടെ പ്രദര്‍ശനം. ആഗസ്റ്റ് അഞ്ചിന്  നിറമില്ലാത്ത നിഴലുകള്‍, 12ന് പൂമ്പാറ്റ എന്നീ ചിത്രങ്ങള്‍ പ്രദര്‍ശിപ്പിക്കും. മുന്‍കൂട്ടി രജിസ്റ്റര്‍ ചെയ്യുന്ന 50 പേര്‍ക്കാണ് പ്രവേശനം. ഫോണ്‍: 0483 2711432