ജൂലൈയില്‍ മലപ്പുറം എക്‌സൈസ് ഡിവിഷന് കീഴില്‍ 720 റെയിഡുകള്‍ നടത്തുകയും റെയിഡുകളില്‍ നിന്നായി 60 എന്‍.ഡി.പി.എസ് കേസുകള്‍ എടുത്തു. 62 പേരെ അറസ്റ്റ് ചെയതു. 13.500 കി.ഗ്രാം കഞ്ചാവും, മയക്കുമരുന്നുവിഭാഗത്തില്‍ മാരകമായ 265 മി.ഗ്രാം എം.ഡി.എം.എ.യും, 190 എണ്ണം നൈട്രാസെപാം ടാബ്‌ലറ്റും, ക്ലോണോസെഫാം 46 ഗ്രാമും, 130 മി.ഗ്രാം ചരസും, 3 കഞ്ചാവ് ചെടിയും, 7 വാഹനങ്ങളും പിടി കൂടി. 33 അബ്കാരി കേസുകളിലായി 20 പേരെ അറസ്റ്റ് ചെയ്തു. 2 വാഹനങ്ങളും 25 ലിറ്റര്‍ ചാരായവും 1600 ലിറ്റര്‍ ചാരായം വാറ്റാന്‍ പാകപ്പെടുത്തിയ വാഷും 15 ലിറ്റര്‍ അന്യസംസ്ഥാന മദ്യവും പിടികൂടി.

ഹജ്ജ് ക്യാമ്പിലേക്ക് പ്രത്യേക ലോ ഫ്‌ളോര്‍ ബസുകള്‍
മലപ്പുറത്ത് നിന്നുള്ള ആദ്യ ഹജ്ജ് സംഘത്തിന് എം. ഉമ്മര്‍ എം.എല്‍.എയുടെ നേതൃത്വത്തില്‍ യാത്രയയപ്പ് നല്‍കി. കെ.യു.ആര്‍ടിസിയുടെ പ്രത്യേക ലോ ഫ്‌ളോര്‍ ബസിലാണ് സര്‍ക്കാര്‍ ക്വാട്ട വഴി ഹജ്ജിന് പോകുന്ന ആദ്യസംഘം നെടുമ്പാശ്ശേരി ഹജ്ജ് ക്യാമ്പിലേക്ക് യാത്ര തിരിച്ചത്.
  മുനിസിപ്പല്‍ ചെയര്‍പെഴ്‌സണ്‍ സിഎച്ച് ജമീല, കൗണ്‍സിലര്‍ സലീന റസാഖ്, മാസ്റ്റര്‍ ട്രെയിനര്‍ മുജീബ് മാസ്റ്റര്‍, ജില്ലാ ട്രെയിനര്‍ കണ്ണിയന്‍ മുഹമ്മദലി, ജില്ലാ ട്രാന്‍സ്‌പോര്‍ട്ട് ഓഫീസര്‍ രാധാകൃഷ്ണന്‍ തുടങ്ങിയവര്‍ സംബന്ധിച്ചു.

ജില്ലയില്‍ നടപ്പിലാക്കുന്ന പ്രസൂതി തന്ത്രം  നാഷണല്‍ ആയുഷ് മിഷന്റെ പ്രൊജക്ടുകളുടെ 2018-19 നടത്തിപ്പിന് പ്രസൂതി തന്ത്രം എം.ഡി, ഉള്ള മെഡിക്കല്‍ ഓഫീസറെ ദിവസവേതനാടിസ്ഥാനത്തില്‍ നിയമിക്കുന്നു. താല്‍പര്യമുള്ള ഡോക്ടര്‍മാര്‍ ഒറിജിനല്‍ സര്‍ട്ടിഫിക്കറ്റുകളും ടി.സി.എം.സി രജിസ്‌ട്രേഷനും സഹിതം ആഗസ്റ്റ് മൂന്നിന് രാവിലെ 10ന്  മലപ്പുറം സിവില്‍സ്റ്റേഷനിലെ ജില്ലാ ആയുര്‍വ്വേദ മെഡിക്കലാഫീസില്‍  എത്തണം.  ഫോണ്‍ - 0483 2734852.

പ്രവേശന മേല്‍നോട്ട കമ്മിറ്റിയുടെ നിര്‍ദ്ദേശപ്രകാരം കേരളത്തിലെ എ.ഐ.സി.റ്റി.ഇ അംഗീകാരമുള്ള വിദ്യാഭ്യാസ സ്ഥാപനങ്ങളിലെ 2018-19 അധ്യയന വര്‍ഷത്തെ മാസ്റ്റര്‍ ഓഫ് കമ്പ്യൂട്ടര്‍ ആപ്ലിക്കേഷന്‍സ് (എംസി.എ) ലാറ്ററല്‍ എന്‍ട്രി കോഴ്‌സുകളിലേയ്ക്ക് കേന്ദ്രീകൃത അലോട്ട്‌മെന്റിനുശേഷം ഒഴിവുവരുന്ന സീറ്റുകളിലേക്ക് പ്രവേശനം നടത്തുന്നതിലേക്ക് ഡിഗ്രി മാര്‍ക്കിന്റെ അടിസ്ഥാനത്തില്‍ അപേക്ഷ ക്ഷണിച്ചു.  അപേക്ഷ സമര്‍പ്പണത്തിനും വിശദവിവരങ്ങള്‍ക്കും www.lbscentre.kerala.gov.in സന്ദര്‍ശിക്കുക.  റാങ്ക് ലിസ്റ്റില്‍ ഉള്‍പ്പെടുന്നവരെ എം.സി.എ സെക്കന്റ് ഇയര്‍ ഡയറക്ട് കോഴ്‌സിലേക്കും

ഗവേഷണഫലങ്ങള്‍ സമൂഹത്തിലേക്ക് പ്രായോഗികതലത്തില്‍ എത്താനുള്ള സുഗമമായ സാഹചര്യം വേണമെന്ന് ഗവര്‍ണര്‍ പി. സദാശിവം പറഞ്ഞു. രാജീവ് ഗാന്ധി സെന്റര്‍ ഫോര്‍ ബയോടെക്‌നോളജിയില്‍ നടന്ന കേരള അക്കാദമി ഓഫ് സയന്‍സസിന്റെ ഫെലോഷിപ്പ് സമര്‍പ്പണചടങ്ങില്‍ മുഖ്യാതിഥിയായി സംസാരിക്കുകയായിരുന്നു ഗവര്‍ണര്‍.

ആരോഗ്യരംഗത്തെയുള്‍പ്പെടെ ഗവേഷണഫലങ്ങള്‍ പരീക്ഷണനിരീക്ഷണങ്ങള്‍ക്ക് ശേഷം പ്രയോഗികതലത്തിലെത്തുന്നതിലെ കാലതാമസം പ്രശ്‌നമാണ്. വര്‍ക്ക്ബഞ്ചുകളില്‍നിന്ന് പുറത്തേക്ക് വരുന്ന ഗവേഷണങ്ങള്‍ കുറവാണ്. ശാസ്ത്രപുരോഗതിയെക്കുറിച്ച് പൊതുജനങ്ങളില്‍ അവബോധവും കുറവാണ്. ഇതുപരിഹരിക്കാന്‍ ശാസ്ത്രജ്ഞര്‍ പ്രത്യേക ശ്രദ്ധ നല്‍കണം.

കാലാവസ്ഥ പ്രതികൂലമായതിനാല്‍ ഇന്ന് (ആഗസ്റ്റ് ഒന്ന്) നടത്തേണ്ട ഒന്നാം വര്‍ഷ ഹയര്‍സെക്കന്ററി ഇംപ്രൂവ്‌മെന്റ്/സപ്ലിമെന്ററി പരീക്ഷ മാറ്റിവച്ചു.  ആഗസ്റ്റ് രണ്ട് മുതല്‍ നടക്കേണ്ട പരീക്ഷകള്‍ മാറ്റമില്ലാതെ നിലവിലെ ടൈംടേബിള്‍ പ്രകാരം നടത്തും.  

പി.എന്‍.എക്‌സ്.3314/18

സംസ്ഥാന പിന്നാക്ക വിഭാഗ കമ്മീഷന്‍ ആഗസ്റ്റ് ഏഴിന് നടത്താനിരുന്ന സിറ്റിംഗ് ആഗസ്റ്റ് മൂന്നിലേക്ക് മാറ്റി.  എറണാകുളം കളക്‌ട്രേറ്റിലെ കോണ്‍ഫറന്‍സ് ഹാളിലാണ് സിറ്റിംഗ്.  പരിഗണനാ വിഷയങ്ങളില്‍ മാറ്റമില്ല.  

പി.എന്‍.എക്‌സ്.3313/18

കേരള മീഡിയ അക്കാദമിയുടെ ആഭിമുഖ്യത്തില്‍ മാധ്യമപ്രവര്‍ത്തകര്‍ക്കായി ആഗസ്റ്റ്  3,4 തിയതികളില്‍ കൊച്ചി ബോള്‍ഗാട്ടി പാലസില്‍ നടത്താന്‍ നിശ്ചയിച്ചിരുന്ന സാംസ്‌കാരിക റിപ്പോര്‍ട്ടിംഗ് ശില്പശാല പ്രതികൂല കാലാവസ്ഥ കാരണം മാറ്റിവച്ചു.  ശില്‍പശാല സെപ്തംബറില്‍ നടക്കും.

പി.എന്‍.എക്‌സ്.3312/18

പ്ലസ് വണ്‍ ഏകജാലക സംവിധാനത്തിന്റെ വിവിധ അലോട്ട്‌മെന്റുകളില്‍ അപേക്ഷിച്ചിട്ടും അലോട്ട്‌മെന്റ് ലഭിക്കാത്തതും അപേക്ഷ സമര്‍പ്പിക്കാന്‍ കഴിയാത്തതും മൂന്നാം സപ്ലിമെന്ററി അലോട്ട്‌മെന്റിന് അപേക്ഷിച്ചതും ആയവരുടെ സപ്ലിമെന്ററി അലോട്ട്‌മെന്റ് റിസള്‍ട്ട് www.hscap.kerala.gov.in ലെ  ''SUPPLEMENTARY RESULTS''  എന്ന ലിങ്കില്‍ പ്രസിദ്ധീകരിച്ചു.  അലോട്ട്‌മെന്റ് ലഭിക്കുന്നവര്‍ ലിങ്കില്‍ ലഭിക്കുന്ന രണ്ട് പേജുള്ള അലോട്ട്‌മെന്റ് സ്ലിപ്പുമായി അലോട്ട്‌മെന്റ് ലഭിച്ച സ്‌കൂളില്‍ ഇന്ന് (ആഗസ്റ്റ് ഒന്ന്) രാവിലെ മുതല്‍ ആഗസ്റ്റ് രണ്ട് വൈകിട്ട് നാലിന് മുമ്പായി സ്ഥിരപ്രവേശനം നേട