ശ്രീചിത്തിര തിരുനാള്‍ എഞ്ചിനീയറിംഗ് കോളേജിനെ അന്താരാഷ്ട്ര നിലവാരത്തിലേയ്ക്ക് ഉയര്‍ത്തുന്നതിന്  സര്‍ക്കാര്‍ കൂടുതല്‍ സഹായം അനുവദിക്കുമെന്ന് ഗതാഗത വകുപ്പ് മന്ത്രി എ.കെ. ശശീന്ദ്രന്‍ പറഞ്ഞു. ശ്രീചിത്തിര തിരുനാള്‍ എഞ്ചിനീയറിംഗ് കോളേജിന്റെ 2018-19 വര്‍ഷത്തെ പ്രവേശനോല്‍സവം ഉദ്ഘാടനം ചെയ്യുകയായിരുന്നു മന്ത്രി. കോളേജിന് കഴിഞ്ഞ ബജറ്റില്‍ പ്രത്യേകം ഫണ്ട് അനുവദിച്ചിട്ടുണ്ട്. സ്വാശ്രയ കോളേജുകളില്‍ ഏറ്റവും നിലവാരത്തില്‍ പ്രവര്‍ത്തിക്കുന്ന കോളേജാണിത്. അതുകൊണ്ടാണ് റാങ്ക് നേടുന്ന വിദ്യാര്‍ത്ഥികള്‍ ഇവിടെ അഡ്മിഷന്‍ തേടി എത്തുന്നത്.

മള്‍ട്ടി ലെവല്‍ മാര്‍ക്കറ്റിംഗ്/ഡയറക്ട് സെല്ലിംഗ് മാര്‍ഗരേഖയുടെയും, നിയന്ത്രണാധികാര സംവിധാനത്തിന്റെയും ഔപചാരിക പ്രകാശനം ആഗസ്റ്റ് എട്ട് വൈകിട്ട് അഞ്ചിന് തിരുവനന്തപുരം വഴുതക്കാട് ടാഗോര്‍ തിയറ്ററില്‍ മുഖ്യമന്ത്രി പിണറായി വിജയന്‍ നിര്‍വഹിക്കും. ചടങ്ങില്‍ ഭക്ഷ്യ പൊതുവിതരണ ഉപഭോക്തൃ കാര്യ വകുപ്പ് മന്ത്രി പി.തിലോത്തമന്‍ അധ്യക്ഷത വഹിക്കും. ഡയറക്ട് സെല്ലര്‍മാര്‍, ട്രേഡ് യൂണിയനുകള്‍, ഉപഭോക്തൃ സംഘടനാ പ്രതിനിധികള്‍ തുടങ്ങിയവര്‍ക്ക് ചടങ്ങില്‍ പങ്കെടുക്കാം.

സംസ്ഥാനത്തെ മുഴുവന്‍ സ്‌കൂളുകളെയും ബന്ധിപ്പിച്ച് കൈറ്റ് നടപ്പാക്കുന്ന സ്‌കൂള്‍ വിക്കിയിലെ ഏറ്റവും മികച്ച സ്‌കൂളിന് ഒരുലക്ഷം രൂപ അവാര്‍ഡ് നല്‍കും.  ഇതോടൊപ്പം ജില്ലയില്‍ ഒന്നും രണ്ടും സഥാനങ്ങളിലെത്തുന്ന സ്‌കൂളുകള്‍ക്കും 10,000, 5,000 രൂപ വീതം പുരസ്‌കാരങ്ങള്‍ നല്‍കും.  സഹവര്‍ത്തിത പഠനാനുഭവം പ്രദാനം ചെയ്യുന്നതിനും മലയാളം കമ്പ്യൂട്ടിംഗ് വ്യാപകമാക്കുന്നതിനും കൈറ്റ് (ഐ.ടി.@സ്‌കൂള്‍) ആരംഭിച്ച പദ്ധതിയായ സ്‌കൂള്‍ വിക്കി'യില്‍ (www.schoolwiki.in) 15000 ത്തോളം സ്‌കൂളുകള്‍ ഉള്‍പ്പെട്ടിട്ടുണ്ട്.

സ്വച്ഛ്‌ സര്‍വേക്ഷന്‍ ബ്രോഷര്‍ ഹരിതകേരളം മിഷന്‍ കോര്‍ഡിനേറ്റര്‍ പി എസ്‌ ജയകുമാര്‍ ജില്ലാ പ്ലാനിങ്‌ ഓഫീസര്‍ ഡോ. സുരേഷ്‌കുമാറിന്‌ നല്‍കി പ്രകാശനം ചെയ്‌തു. അരണാട്ടുകര ടാഗോര്‍ സെന്റിനറി ഹാളില്‍ നടന്ന ജില്ലാതല യോഗത്തില്‍ ശുചിത്വമിഷന്‍ അസിസ്റ്റന്റ്‌ കോര്‍ഡിനേറ്റര്‍ സി ജെ അമല്‍ തദ്ദേശസ്വയംഭരണ സ്ഥാപനങ്ങളില്‍ എടുക്കേണ്ട മുന്നോരുക്കങ്ങളെ കുറിച്ച്‌ ക്ലാസ്സെടുത്തു. കളക്‌ടറേറ്റിലെ സീനിയര്‍ സൂപ്രണ്ട്‌ യമുനാദേവി, ശുചിത്വമിഷന്‍ ജില്ലാ കോര്‍ഡിനേറ്റര്‍ ശുഭ ടി എസ്‌, ടെക്‌നിക്കല്‍ കണ്‍സള്‍ട്ടന്റ്‌ ധന്യ എം എസ്‌ എന്നിവര്‍ പങ്കെടുത്തു.

മുന്‍കുറ്റവാളികള്‍ / പ്രൊബേഷണര്‍മാര്‍ / എക്‌സ്‌ പ്യൂപ്പിള്‍സ്‌ / എക്‌സ്‌ ഇന്‍മേറ്റ്‌സ്‌ / കുറ്റവാളികളുടെ നിര്‍ദ്ധനരായ ആശ്രിതര്‍ എന്നിവര്‍ക്ക്‌ ഈ വര്‍ഷം ധനസഹായത്തിന്‌ അപേക്ഷ ക്ഷണിച്ചു.

തൃശൂര്‍-പൊന്നാനി കോള്‍ മേഖലയിലെ സാധ്യമായ പടവുകളില്‍ ഇക്കുറി ഇരുപൂകൃഷി ചെയ്യുമെന്ന്‌ കൃഷി വകുപ്പു മന്ത്രി അഡ്വ. വി എസ്‌ സുനില്‍കുമാര്‍ വ്യക്തമാക്കി. ഇതിനായി സാധ്യതയുളള പാടശേഖരസമിതികള്‍ മുന്നോട്ട്‌ വരണമെന്നും അദ്ദേഹം അഭ്യര്‍ത്ഥിച്ചു. നാലായിരം ഹെക്‌ടറിലാണ്‌ ഇക്കുറി കൃഷിയിറക്കുക. നെല്ലിന്‌ പുറമേ പയറും പച്ചക്കറിയും ഇരുപൂകൃഷിയുടെ ഭാഗമായി കൃഷി ചെയ്യും. തൃശൂര്‍ പ്രിന്‍സിപ്പല്‍ കൃഷി ഓഫീസ്‌ കോണ്‍ഫറന്‍സ്‌ ഹാളില്‍ ചേര്‍ന്ന്‌ ഇരുപ്പൂകൃഷി ഏകദിന ശില്‍പശാലയില്‍ സംസാരിക്കുകയായിരുന്നു മന്ത്രി വി എസ്‌ സുനില്‍കുമാര്‍. ഓപ്പറേഷന്‍ കോള്‍ ഡബിള്‍ എന്ന്‌ പേരിട്ട പദ്ധതി മിഷന്‍ രീതിയില്‍ നടപ്പാക്കുകയാണ്‌ ലക്ഷ്യം.

റിസര്‍വ്വ്‌ ബാങ്കിന്റെ അനുമതി ലഭിച്ചാല്‍ മലയാളികള്‍ക്ക്‌ ഓണസമ്മാനമായി കേരളബാങ്ക്‌ സമര്‍പ്പിക്കുമെന്ന്‌ സഹകരണ, ടൂറിസം, ദേവസ്വം വകുപ്പ്‌ മന്ത്രി കടകംപള്ളി സുരേന്ദ്രന്‍. തൃശ്ശൂര്‍ താലൂക്ക്‌ ചെത്തുതഴിലാളി വിവിധോദ്ദേശ സഹകരണ സംഘത്തിലെ ആധുനിക ബാങ്കിങ്ങ്‌ പ്രവര്‍ത്തനത്തിന്റേയും ക്ഷേമ പദ്ധതികളുടേയും ഉദ്‌ഘാടനം നിര്‍വഹിച്ച്‌ സംസാരിക്കുകയായിരുന്നു മന്ത്രി. യുവ നിക്ഷേപകരെ സഹകരണ ബാങ്കുകളുടെ നിക്ഷേപകരാക്കി മാറ്റേണ്ടതുണ്ട്‌ . ഇതിനായി യുവ തലമുറയ്‌ക്ക്‌ ആവശ്യമായ ആധുനിക ബാങ്കിങ്ങ്‌ സൗകര്യങ്ങള്‍ നല്‌കാന്‍ സഹകരണ ബാങ്കുകള്‍ക്ക്‌ കഴിയണം.

സ്വന്തമായി ഭൂമിയില്ലാത്തവര്‍ക്കും വീടെന്ന സ്വപ്‌നം സാക്ഷാത്‌കരിക്കലാണ്‌ സര്‍ക്കാര്‍ ലക്ഷ്യം വയ്‌ക്കുതെന്ന്‌ സഹകരണ-ദേവസ്വം-ടൂറിസം വകുപ്പ്‌ മന്ത്രി കടകംപള്ളി സുരേന്ദ്രന്‍. ഭവനരഹിതരായ ഒരാളും കേരളത്തില്‍ ഉണ്ടാകില്ല. ഗുരുവായൂര്‍ നഗരസഭയില്‍ പി.എം.എ വൈ. - ലൈഫ്‌ ഭവന പദ്ധതി വഴി നിര്‍മ്മാണം പൂര്‍ത്തീകരിച്ച ഭവനങ്ങളുടെ താക്കോല്‍ദാനവും ഗുണഭോക്ത്യ സംഗമവും ഉദ്‌ഘാടനം ചെയ്‌ത്‌ സംസാരിക്കുകയായിരുന്നു മന്ത്രി. പി.എം എ. വൈ ലൈഫ്‌ പദ്ധതിയില്‍ കേരളത്തില്‍ 66,000 വീടുകള്‍ പൂര്‍ത്തീകരിക്കുവാന്‍ കഴിഞ്ഞതായി മന്ത്രി പറഞ്ഞു.

മുനൂറ്റി അറുപതിയഞ്ച്‌ ദിവസവും വിനോദസഞ്ചാരികളെ ആകര്‍ഷിക്കുന്ന നിത്യടൂറിസം കേന്ദ്രമാക്കി സംസ്ഥാനത്തെ മാറ്റുകയാണ്‌ സര്‍ക്കാരിന്റെ ലക്ഷ്യമെന്ന്‌ ടൂറിസം വകുപ്പ്‌ മന്ത്രി കടകടകംപള്ളി സുരേന്ദ്രന്‍ പറഞ്ഞു. ചാവക്കാട്‌ ബീച്ച്‌ സൗന്ദര്യവത്‌ക്കരണത്തിന്റെ രണ്ടാംഘട്ട നിര്‍മ്മാണോദ്‌ഘാടനം നിര്‍വ്വഹിച്ചു സംസാരിക്കുകയായിരുന്നു മന്ത്രി. ഇതിന്റെ ഭാഗമായി ഗ്രാമങ്ങളിലെ ടുറിസം കേന്ദ്രങ്ങളെ മെച്ചപ്പെടുത്തുന്ന പദ്ധതികളിലൂടെ സംസ്ഥാനത്ത്‌ അഞ്ച്‌ ലക്ഷം തൊഴിലവസരം സൃഷ്‌ടിക്കും. ഉത്തരമലബാര്‍ ടൂറിസവും മണ്‍സൂണ്‍ ടൂറിസവും ചേര്‍ത്താണ്‌ സംസ്ഥാനത്തെ നിത്യ ടൂറിസം കേന്ദ്രമാക്കി മാറ്റുക.

പീച്ചി ഡാമിന്‍െ്‌റ വൃഷ്ടി പ്രദേശത്ത്‌ കനത്ത മഴ തുടരുന്നതിനാല്‍ ഡാമിന്‍െ്‌റ ഷട്ടറുകള്‍ കൂടുതല്‍ ഉയര്‍ത്താന്‍ സാധ്യതയുണ്ട്‌. അതിനാല്‍ മണലി, കരുവന്നൂര്‍ പുഴകളുടെ തീരങ്ങളില്‍ താമസിക്കുന്നവര്‍ ജാഗ്രതപാലിക്കണമെന്നും ജില്ലാ കളക്ടര്‍ ടി.വി. അനുപമ അറിയിച്ചു. ചൊവ്വാഴ്‌ച്ച (31 ജൂലായ്‌) രാവിലെ 10 നാണ്‌ ഡാമിന്‍െ്‌റ നാലു ഷട്ടറുകളും 5 ഇഞ്ച്‌ ഉയരത്തില്‍ തുറന്നത്‌.
വാഴാനി ജലസംഭരണിയിലെ ജലവിതാനം 61.48 മീറ്ററായി. 61.88 മീറ്റര്‍ വിതാനമായാല്‍ ഷട്ടറുകള്‍ ഏത്‌ സമയവും തുറക്കുമെന്ന്‌ വാഴാനി ഇറിഗേഷന്‍ സെക്ഷന്‍ അസിസ്റ്റന്റ്‌ എഞ്ചിനീയര്‍ അറിയിച്ചു. 62.48 മീറ്ററാണ്‌ വാഴാനി ജലസംഭരണിയിലെ പരമാവധി ജലവിതാനം.