കേരള മീഡിയ അക്കാദമി ഇന്‍സ്റ്റിറ്റ്യൂട്ട് ഓഫ് കമ്യൂണിക്കേഷനിലെ വിവിധ കോഴ്‌സുകളിലേക്ക് ജൂലൈ 21ന് നടത്തിയ പ്രവേശനപരീക്ഷയില്‍ ഇന്റര്‍വ്യൂവിന് യോഗ്യത നേടിയവരുടെ പട്ടിക അക്കാദമി വെബ്‌സൈറ്റില്‍ പ്രസിദ്ധീകരിച്ചു. സെലക്ഷന്‍ ലിസ്റ്റിലുള്ളവര്‍ക്കുള്ള  ഇന്റര്‍വ്യൂ ആഗസ്റ്റ് 16ന്  എറണാകുളം കാക്കനാടുള്ള  അക്കാദമിയുടെ കാമ്പസില്‍ നടക്കും. ഫോണ്‍: 0484-2422275, 2422068, 2100700.                           വിശദാംശങ്ങള്‍ക്കായി അക്കാദമി വെബ്‌സൈറ്റ് സന്ദര്‍ശിക്കുക. www.keralamediaacademy.org    

പുല്ലൂര്‍-പെരിയ ഗ്രാമ പഞ്ചായത്തിലെ അസിസ്റ്റന്റ് എഞ്ചിനീയറുടെ ഓഫീസില്‍ ഫസ്റ്റ് ഗ്രേഡ് ഓവര്‍സീയറുടെ നിലവിലുള്ള ഒഴിവിലേക്ക് കരാറടിസ്ഥാനത്തിലുള്ള നിയമനത്തിന് കൂടിക്കാഴ്ച ആഗസ്റ്റ് ആറിന് രാവിലെ 11ന് നടക്കും. യോഗ്യതയുള്ള ഉദ്യോഗാര്‍ത്ഥികള്‍ അന്നേദിവസം സര്‍ട്ടിഫിക്കറ്റിന്റെ അസല്‍ രേഖകളുമായി പഞ്ചായത്ത് ഓഫീസില്‍ ഹാജരാകണം. 

 ഒ.ബി.സി. വിഭാഗത്തിപ്പെട്ടവരുടെ സംരംഭകത്വ പ്രോത്സാഹനാര്‍ത്ഥം കുറഞ്ഞ പലിശ നിരക്കില്‍ വായ്പ നല്‍കുന്നതിനായി പ്രതേ്യക വെഞ്ച്വര്‍ ക്യാപിറ്റല്‍ ഫണ്ടിന് രൂപം കൊടുത്തു. ഫണ്ടിന്റെ നോഡല്‍ ഏജന്‍സി (അസറ്റ് മാനേജ്‌മെന്റ് കമ്മിറ്റി) കേന്ദ്ര സര്‍ക്കാര്‍ സ്ഥാപനമായ ഐഎഫ്‌സിഐ വെഞ്ച്വര്‍ ക്യാപിറ്റല്‍ ഫണ്ട്‌സ് ലിമിറ്റഡ് ആണ്.      ഒ.ബി.സി. വിഭാഗത്തിലെ സംരംഭകര്‍ പങ്കാളികളായ കമ്പനികള്‍ക്ക് മാത്രമാണ് ഫണ്ടില്‍ നിന്നും വായ്പ ലഭ്യമാകുക.  ഉല്‍പാദ, സേവന, അനുബന്ധ മേഖലകളിലെ സംരംഭങ്ങള്‍ക്ക് അര്‍ഹതയുണ്ട്.  അനുവദിച്ച വായ്പ വിനിയോഗിച്ച് ആസ്തി സൃഷ്ടിച്ചിരിക്കണം എന്ന് വ്യവസ്ഥ ചെയ്തിട്ടുണ്ട്.

തെക്കുപടിഞ്ഞാറന്‍ കാലവര്‍ഷത്തില്‍ ജില്ലയില്‍ ഇതുവരെ 2028.11 മി.മീ മഴ ലഭിച്ചു.  കഴിഞ്ഞ 24 മണിക്കൂറിനുളളില്‍ 4.9 മി.മീ. മഴയാണ് ലഭിച്ചത്.  കാലവര്‍ഷക്കെടുതിയില്‍ ഇതുവരെ 285 വീടുകള്‍ തകര്‍ന്നു.  45 വീടുകള്‍ പൂര്‍ണ്ണമായും 240 വീടുകള്‍ ഭാഗികമായും തകര്‍ന്നു. വീടുകള്‍ തകര്‍ന്നതിനാല്‍ ഇക്കാലയളവില്‍ ജില്ലയില്‍ 74,26,531 രൂപയുടെ നാശനഷ്ടമുണ്ടായി. മഴക്കെടുതിയില്‍ ഇതുവരെ 5,59,26,197 രൂപയുടെ വിളകള്‍ക്കും നാശനഷ്ടമുണ്ടായി. മഴക്കെടുതിയില്‍ വീടുകളും വിളകളും പൊതുമുതലുകളും നശിച്ചതുവഴി ജില്ലയില്‍ ഇതുവരെ 6,33,52,728 രൂപയുടെ നഷ്ടമാണ് ഉണ്ടായിരിക്കുന്നത്.       

 കേരളത്തിന്റെ തീരപ്രദേശങ്ങളില്‍ അടുത്ത 24 മണിക്കൂറിനുള്ളില്‍ 25-35 കി.മീ. വരെ(ചില അവസരങ്ങളില്‍ 45 കി.മീ) വേഗതയില്‍ കാറ്റടടിക്കാന്‍ സാധ്യതയുണ്ട്. അറബിക്കടലിന്റെ മധ്യഭാഗത്തും തെക്കുപടിഞ്ഞാറന്‍ ഭാഗത്തും വടക്കുഭാഗത്തും കടല്‍ പ്രക്ഷുബ്ധമോ അതിപ്രക്ഷുബ്ധമോ ആകാന്‍ സാധ്യതയുളളതിനാല്‍ ഈ ഭാഗങ്ങളില്‍ മത്സ്യത്തൊഴിലാളികള്‍ മത്സ്യബന്ധനത്തിന് പോകരുതെന്ന് ഫിഷറീസ് കണ്‍ട്രോള്‍ റൂമില്‍ നിന്നും അറിയിച്ചു. 

 കൊതുകുജന്യ രോഗങ്ങളില്‍ ഏറ്റവും പ്രധാനപ്പെട്ട ഒന്നാണ് മലമ്പനി. പ്ലാസ്‌മോഡിയം,  പ്‌ളാസ്‌മോഡിയം വൈവാക്‌സ് , പ്ലാസ്‌മോഡിയം ഫ്‌ളാസിപാരം, പ്ലാസ്‌മോഡിയം മലേറിയ എന്നീ ഏകകോശജീവികള്‍ ആണ് ഈ രോഗത്തിന് കാരണമാകുന്നത്. അനോഫലസ് വിഭാഗത്തില്‍പ്പെട്ട പെണ്‍കൊതുകുകളാണ് രാത്രിസമയത്ത് മനുഷ്യരില്‍ മലമ്പനി രോഗം പരത്തുന്നത്. കൂടാതെ മലമ്പനി രോഗബാധയുള്ളയാളുടെ രക്തം സ്വീകരിക്കുന്നതിലൂടെയും രോഗബാധയുണ്ടാകാം. എന്നാല്‍ ഇത്തരം രോഗ പകര്‍ച്ച വളരെ വിരളമാണ്. അനോഫെലസ് കൊതുക് സാധാരണമായി രാത്രി സമയത്താണ് രക്തം കുടിക്കുന്നത്്. അതിനാല്‍ രാത്രി കാലങ്ങളിലാണ് രോഗസംക്രമണം നടക്കുന്നത്.

വനിത ശിശുവികസന വകുപ്പിന്റെ കീഴില്‍ കോഴഞ്ചേരി കീഴുകരയില്‍              പ്രവര്‍ത്തിക്കുന്ന ഗവണ്‍മെന്റ് മഹിളാമന്ദിരത്തിലെ പത്താം സ്റ്റാന്‍ഡേര്‍ഡ്, പ്ലസ് വണ്‍, പ്ലസ്ടു (ഹ്യൂമാനിറ്റീസ്, സയന്‍സ്) വിദ്യാര്‍ഥികളെ സ്ഥാപനത്തില്‍ ചെന്ന് ട്യൂഷന്‍ പഠിപ്പിക്കുവാന്‍ യോഗ്യതയും പ്രവര്‍ത്തിപരിചയവുമുള്ള  വനിതകളില്‍ നിന്നും അപേക്ഷ ക്ഷണിച്ചു. കോഴഞ്ചേരിയിലുള്ളവര്‍ക്ക് മുന്‍ഗണന. ഫോണ്‍: 0468 2310057. 

        (പിഎന്‍പി 2146/18)

കോഴിക്കോട് ഇംഹാന്‍സില്‍ പോസ്റ്റ് ബേസിക് ഡിപ്ലോമ ഇന്‍ സൈക്യാട്രിക് നഴ്‌സിംഗ് കോഴ്‌സിന് അപേക്ഷ ക്ഷണിച്ചു. ജനറല്‍ നഴ്‌സിംഗ്/ബി.എസ്.സി നഴ്‌സിംഗ്/ പോസ്റ്റ് ബേസിക് ബി.എസ്.സി നഴ്‌സിംഗ് ബിരുദമുള്ളവര്‍ക്ക് അപേക്ഷിക്കാം. അപേക്ഷ സ്വീകരിക്കുന്ന അവസാന തീയതി ഈ മാസം ആറ്. അപേക്ഷാഫോറം ഇംഹാന്‍സിന്റെ ഓഫീസില്‍ നേരിട്ടും www.imhans.org എന്ന വെബ്‌സൈറ്റിലും ലഭിക്കും. ഫോണ്‍: 9605770068, 9745156700.                 (പിഎന്‍പി 2145/18)