ഷോര്‍ട്ട്ഫിലിമുകളുടെ സാധ്യത സമൂഹത്തിന്റെ നന്‍മയ്ക്കായി ഉപയോഗിക്കണമെന്ന് സ്പീക്കര്‍ പി. ശ്രീരാമകൃഷ്ണന്‍ പറഞ്ഞു. സംസ്ഥാന യുവജനക്ഷേമ ബോര്‍ഡ് വഴുതയ്ക്കാട് വിമന്‍സ് കോളേജില്‍ സംഘടിപ്പിച്ച ഷോര്‍ട്ട്ഫിലിം, സാഹസിക ഫോട്ടോഗ്രാഫി അവാര്‍ഡ് വിതരണ ചടങ്ങ് ഉദ്ഘാടനം ചെയ്യുകയായിരുന്നു. 

തൃശൂര്‍ ആയൂര്‍ധാര ഫാര്‍മസ്യൂട്ടിക്കല്‍സില്‍ കരാര്‍ അടിസ്ഥാനത്തില്‍ പ്രൊഡക്ഷന്‍ മാനേജരുടെ ഒഴിവിലേക്ക് പ്രൊഡക്ഷനില്‍ ആയൂര്‍വേദ മാസ്റ്റര്‍ ഡിഗ്രി (എം.ഡി) ഉള്ള ഉദ്യോഗാര്‍ത്ഥികളില്‍ നിന്നും അപേക്ഷ ക്ഷണിച്ചു.  65 വയസിന് താഴെയുള്ള റിട്ടയര്‍ ചെയ്തവരേയും പരിഗണിക്കും.  ആഗസ്റ്റ് ഏഴിനകം അപേക്ഷ നല്‍കണം.  മാനേജിംഗ് ഡയറക്ടര്‍, കേരള സംസ്ഥാന പട്ടികജാതി/പട്ടികവര്‍ഗ വികസന സഹകരണ ഫെഡറേഷന്‍, ക്ലിപ്തം നമ്പര്‍ . 4351, എ.കെ.ജി. നഗര്‍ റോഡ്, പേരൂര്‍ക്കട, തിരുവനന്തപുരം-695005 എന്ന വിലാസത്തില്‍ അപേക്ഷ നല്‍കണം.  

പി.എന്‍.എക്‌സ്.3287/18

കേരള മീഡിയ അക്കാദമി ഇന്‍സ്റ്റിറ്റ്യൂട്ട് ഓഫ് കമ്യൂണിക്കേഷനിലെ വിവിധ കോഴ്‌സുകളിലേക്ക് ജൂലൈ 21ന് നടത്തിയ പ്രവേശനപരീക്ഷയില്‍ð ഇന്റര്‍വ്യൂവിന് യോഗ്യത നേടിയവരുടെ പട്ടിക അക്കാദമി വെബ്‌സൈറ്റില്‍ www.keralamediaacademy.org പ്രസിദ്ധീകരിച്ചു. സെലക്ഷന്‍ ലിസ്റ്റിലുള്ളവര്‍ക്കുള്ള  ഇന്റര്‍വ്യൂ ഓഗസ്റ്റ് 16ന് എറണാകുളത്ത് കാക്കനാട്ടുള്ള  അക്കാദമിയുടെ കാമ്പസില്‍ നടക്കും.  ഫോണ്‍: 0484-2422275, 2422068, 2100700  

പി.എന്‍.എക്‌സ്.3286/18

തിരുവനന്തപുരം സര്‍ക്കാര്‍ വനിതാ പോളിടെക്‌നിക് കോളേജിന്റെ പരിധിയില്‍ വരുന്ന തേമ്പാമുട്ടം ഫാഷന്‍ ഡിസൈനിംഗ് & ഗാര്‍മെന്റ് ടെക്‌നോളജിയില്‍ ഇംഗ്ലീഷ് വിഭാഗം അധ്യാപകരെ ദിവസവേതനാടിസ്ഥാനത്തില്‍ നിയമിക്കുന്നു. ഇംഗ്ലീഷ് പോസ്റ്റ് ഗ്രാജേ്വഷന്‍, സെറ്റ് യോഗ്യതയുള്ള ഉദേ്യാഗാര്‍ത്ഥികളും ഹയര്‍ സെക്കണ്ടറി സ്‌കൂളില്‍ നിന്നും വിരമിച്ചവരും യോഗ്യത തെളിയിക്കുന്ന അസല്‍ സര്‍ട്ടിഫിക്കറ്റുകളുമായി ആഗസ്റ്റ് മൂന്നിന് രാവിലെ 10 ന് തിരുവനന്തപുരം സര്‍ക്കാര്‍ വനിതാ പോളിടെക്‌നിക് കോളേജ് പ്രിന്‍സിപ്പല്‍ മുമ്പാകെ കൂടിക്കാഴ്ചയ്ക്ക് ഹാജരാകണം.

തൃശൂര്‍ ഗവ.ഡെന്റല്‍ കോളേജില്‍  ബി.ഡി.എസ് കോഴ്‌സിന് പ്രവേശനം ലഭിച്ചവര്‍ക്ക് ഇന്ന് (ആഗസ്റ്റ് ഒന്ന്) ക്ലാസുകള്‍ ആരംഭിക്കും. പ്രവേശനം ലഭിച്ചവര്‍ രാവിലെ 10ന് ഗവ. ഡെന്റല്‍ കോളേജ് ലക്ചറര്‍ ഹാളില്‍ നടത്തുന്ന ഓറിയന്റേഷന്‍ പ്രോഗ്രാമില്‍ രക്ഷകര്‍ത്താക്കളോടൊപ്പം ഹാജരാകണം.

പി.എന്‍.എക്‌സ്.3283/18

കോഴിക്കോട് ഇംഹാന്‍സില്‍ പോസ്റ്റ് ബേസിക് ഡിപ്ലോമ ഇന്‍ സൈക്യാട്രിക് നഴ്‌സിംഗ് കോഴ്‌സിന് അപേക്ഷ ക്ഷണിച്ചു. യോഗ്യത: ജനറല്‍ നഴ്‌സിംഗ്/ബി.എസ്.സി നഴ്‌സിംഗ്/പോസ്റ്റ് ബേസിക് ബി.എസ്.സി നഴ്‌സിംഗ് ബിരുദം. അപേക്ഷിക്കേണ്ട അവസാന തീയതി ആഗസ്റ്റ് ആറ്. അപേക്ഷാ ഫോറം ഇംഹാന്‍സ് ഓഫീസില്‍ നിന്ന് നേരിട്ടും www.imhans.org എന്ന വെബ്‌സൈറ്റ് വഴിയും ലഭിക്കും.  ഫോണ്‍: 9605770068,  9745156700

പി.എന്‍.എക്‌സ്.3282/18

കരുനാഗപ്പള്ളി തഴവ ഗവണ്‍മെന്റ് ആര്‍ട്‌സ് ആന്റ്‌സയന്‍സ് കോളേജില്‍ പ്രിന്‍സിപ്പല്‍, മലയാളം, ഇംഗ്ലീഷ്, കൊമേഴ്‌സ് വിഷയങ്ങളില്‍ അസിസ്റ്റന്റ് പ്രൊഫസര്‍ തസ്തികകള്‍ സൃഷ്ടിച്ച് ഉത്തരവായി.

പി.എന്‍.എക്‌സ്.3281/18

ആഗസ്റ്റ് 2, 3 തീയതികളില്‍ തിരുവനന്തപുരത്ത് നടത്താന്‍ നിശ്ചയിച്ച നവകേരളം കര്‍മപദ്ധതി ശില്‍പ്പശാല കാലാവസ്ഥ പ്രതികൂലമായതിനാല്‍ മാറ്റിവെച്ചതായി മുഖ്യമന്ത്രിയുടെ ഓഫീസ് അറിയിച്ചു. ജനപ്രതിനിധികളും ഉദ്യോഗസ്ഥരും ദുരിതാശ്വാസ പ്രവര്‍ത്തനങ്ങളില്‍ വ്യാപൃതരായതിനാലാണിത്. 

പി.എന്‍.എക്‌സ്.3279/18

ആലപ്പുഴ:കാലവർഷത്തെ തുടർന്ന് ജലനിരപ്പ് ക്രമാതീതമായി ഉയർന്നതിനാൽ ജൂലൈ 18 മുതൽ സബ് ട്രഷറി മങ്കൊമ്പിന്റെ പ്രവർത്തനം താൽക്കാലികമായി ജില്ല ട്രഷറിയിലേക്കു മാറ്റി.  ആലപ്പുഴ-ചങ്ങനാശ്ശേരി റോഡിലുടെയുള്ള ഗതാഗതം പുനസ്ഥാപിക്കുന്നതുവരെ ഈ ക്രമീകരണം തുടരുമെന്ന് ജില്ല ട്രഷറി ഓഫീസർ അറിയിച്ചു. ഫോൺ: 9496000072.

(പി.എൻ.എ. 2083/2018)