കോട്ടക്കല്‍ ഗവ വനിതാ പോളിടെക്‌നിക് കോളേജില്‍ ഒഴിവുള്ള സീറ്റിലേക്കുള്ള  സ്‌പോട്ട് അഡ്മിഷന്‍ ആഗസ്റ്റ് ഒന്നിന് രാവിലെ  എട്ട് മുതല്‍ 12  വരെ കോളേജില്‍ നടത്തും. രജിസ്റ്റര്‍ ചെയുന്നവരുടെ റാങ്ക് ലിസ്റ്റ് പ്രകാരമുള്ള പ്രവേശന നടപടികള്‍ ഇതേദിവസം  ഉച്ചയ്ക്ക് 1.30 ആരംഭിക്കും. ആവശ്യമായ രേഖകള്‍  രേഖകള്‍ സഹിതം എത്തണം.
സ്‌പോട്ട്  അഡ്മിഷനില്‍ പങ്കെടുക്കാന്‍ അര്‍ഹരായവരുടെ വിവരങ്ങളും ഒഴിവുകളുടെ  എണ്ണവും www.polyadmission.org ല്‍  ലഭിക്കും.  

കടുത്തുരുത്തി ബ്ലോക്ക് പഞ്ചായത്തിന്റെ കീഴില്‍ തലയോലപ്പറമ്പ്, അറുനൂറ്റിമംഗലം സാമൂഹ്യ ആരോഗ്യ കേന്ദ്രങ്ങളില്‍ ലാബ് ടെക്‌നിീഷ്യന്‍ (ബി.എസ്.സി, എം.എല്‍.റ്റി/ഡിഎംഎല്‍റ്റി), ഫാര്‍മസിസ്റ്റ് (ഡി.ഫാം, ബി.ഫാം) തസ്തികകളില്‍  കരാര്‍ നിയമനം നടത്തുന്നു. യോഗ്യതയുളളവര്‍ നാളെ (ആഗസ്റ്റ് 1) രാവിലെ  10ന് യോഗ്യത തെളിയിക്കുന്ന രേഖകളുമായി കടുത്തുരുത്തി ബ്ലോക്ക് പഞ്ചായത്ത് ഓഫീസില്‍ എത്തണം. 

ജില്ലയില്‍ ആരോഗ്യ വകുപ്പില്‍ സ്റ്റാഫ് നേഴ്‌സ് ഗ്രേഡ് - കക (കാറ്റഗറി നമ്പര്‍ 454/2016) തസ്തികയുടെ റാങ്ക് ലിസ്റ്റ് പ്രസിദ്ധീകരിച്ചു. വിശദ വിവരങ്ങള്‍ ംംം.സലൃമഹമുരെ.ഴീ്.ശി  ല്‍ ലഭ്യമാണ്. 

വണ്ടൂര്‍ അംബേദ്കര്‍ കോളേജ് ഓഫ് ആര്‍ട്‌സ് ആന്‍ഡ് സയന്‍സില്‍ ആഗസ്റ്റ് നാലിന് നടത്താന്‍ തീരുമാനിച്ചിരുന്ന ഓഫീസ് അറ്റന്‍ഡന്‍ഡിന്റെ കൂടിക്കാഴ്ച മാറ്റിവെച്ചതായി പ്രിന്‍സിപ്പാള്‍ അറിയിച്ചു. ഫോണ്‍ 04931 249666.

ആഗസ്റ്റ് ഒന്നു മുതല്‍ 15 വരെയുള്ള ശുചിത്വ പക്ഷാചരണത്തിന്റെ ഭാഗമായി നെഹ്‌റു യുവ കേന്ദ്ര യൂത്ത് ക്ലബുകളുടെ പങ്കാളിത്തത്തോടെ നടത്തുന്ന പരിപാടികളുടെ ജില്ലാതല  ഉല്‍ഘാടനവും  സ്വച്ഛ്ഭാരത് ഇന്റേണ്‍ഷിപ്പിന് രജിസ്റ്റര്‍ ചെയ്തവര്‍ക്കുള്ള ഓറിയന്റേഷന്‍ പരിപാടിയും ആഗസ്റ്റ് ഒന്നിന് രാവിലെ 10.30 ന് സിവില്‍ സ്റ്റേഷനിലെ നെഹ്‌റു യുവ കേന്ദ്ര ഹാളില്‍ നടക്കും. പി. ഉബൈദുള്ള, എം.എല്‍.എ പരിപാടി ഉദ്ഘാടനം ചെയ്യും.

ഭക്ഷ്യ സുരക്ഷാ കമ്മീഷണറുടെ നിര്‍ദ്ദേശ പ്രകാരം ജില്ലയില്‍ വെളിച്ചെണ്ണ, തേയില തുടങ്ങിയ ഭക്ഷ്യ വസ്തുക്കളില്‍ പ്രത്യേക സ്‌ക്വാഡ് പരിശോധന നടന്നു. മൂന്ന്          സ്‌ക്വാഡായി ഫുഡ് സേഫ്റ്റി ഓഫീസര്‍മാരും അസിസ്റ്റന്റ് കമ്മീഷണറും പരിശോധനകളില്‍ പങ്കെടുത്തു.
വെളിച്ചെണ്ണയുടെ 15 സാമ്പിളുകളും തേയിലയുടെ ഒമ്പത് സമ്പിളുകളും ശേഖരിച്ച് പരിശോധനക്കായി ലാബിലേക്ക് അയച്ചു. നിരോധിച്ച ബ്രാന്‍ഡ് വെളിച്ചണ്ണകള്‍ നശിപ്പിച്ചു കളഞ്ഞു.
പരിശോധനകളില്‍ ഭക്ഷ്യ സുരക്ഷാ ഓഫീസര്‍മാരായ ജനാര്‍ദ്ദനന്‍, മുഹമ്മദ് മുസ്തഫ, അബ്ദുള്‍ റഷീദ്, ഗ്രേസ്, രമിത, പ്രമിന, നീലിമ, ദീപ്തി തുടങ്ങിയവര്‍ പങ്കെടുത്തു.