ആലപ്പുഴ: കുട്ടനാട് താലൂക്കിലെ ചമ്പക്കുളം, കൈനകരി, നെടുമുടി, പുളിങ്കുന്ന് പഞ്ചായത്തുകളിലെ പ്രൊഫഷണൽ കോളേജുകൾ ഒഴികെയുള്ള എല്ലാ വിദ്യാഭ്യാസ സ്ഥാപനങ്ങൾക്കും കുട്ടനാട്ടിലേയും മറ്റ് താലൂക്കുകളിലെയും  ദുരിതാശ്വാസക്യാമ്പുകളായി പ്രവർത്തിക്കുന്ന വിദ്യാഭ്യാസ സ്ഥാപനങ്ങൾക്കും ഇന്ന് (ജൂലൈ 31) ജില്ല കളക്ടർ അവധി പ്രഖ്യാപിച്ചു.

(പി.എൻ.എ. 2092/2018)

അക്രമാസക്തരായ ഹര്‍ത്താല്‍ അനുകൂലികളുടെ ഇടയില്‍പെട്ടുപോയ നിരപരാധിയായ ആളെ തിരിച്ചറിഞ്ഞ് സംരക്ഷിക്കാന്‍ കഴിയാതിരുന്നത് പൊലീസിന്റെ വീഴ്ചയായി കാണാനാവില്ലെന്ന് പൊലീസ് കംപ്ലെയിന്റ് അതോറിറ്റി. വാട്‌സാപ്പിലൂടെ പ്രഖ്യാപിച്ച ഹര്‍ത്താല്‍ ദിവസം കടയില്‍ സാധനം വാങ്ങാനെത്തിയ 14 വയസ്സുകാരനായ മകന് നേരെ  പൊലീസ് ലാത്തിവീശി എന്നതായിരുന്നു പിതാവിന്റെ പരാതി.  പൊലീസ് മനപൂര്‍വം ആക്രമണം നടത്തിയെന്ന് കരുതാനാവില്ലെങ്കിലും   ഇക്കാര്യത്തില്‍ ജില്ലാ പൊലീസ് സൂപ്രണ്ടില്‍ നിന്ന് വിശദീകരണം തേടുമെന്ന് പൊലീസ് കംപ്ലെയിന്റ് അതോറിറ്റി ചെയര്‍മാന്‍ കെ.വി ഗോപിക്കുട്ടന്‍ പറഞ്ഞു.

ശക്തമായ മഴയും കാറ്റും മൂലം കിണര്‍ താഴ്ന്നു.  കൊണ്ടോട്ടി താലൂക്കിലെ വാഴയൂര്‍ വില്ലേജിലെ പൊന്നേംപാടം താന്നിക്കല്‍ വീട്ടില്‍ താമസിക്കുന്ന അനില്‍ കുമാര്‍  കെ.സി. യുടെ കിണറാണ് പൂര്‍ണ്ണമായും താഴ്ന്നത്. വീടിന് വിള്ളലുണ്ടാവുകയും ചെയ്തു. തകര്‍ന്ന വീടും സ്ഥലവും കൊണ്ടോട്ടി തഹസില്‍ദാര്‍ ദേവകി. കെ സന്ദര്‍ശിച്ചു.  

ഏറനാട് താലൂക്ക് വികസന സമിതി യോഗം ആഗസ്റ്റ് നാലിന്  രാവിലെ 10.30ന് ഏറനാട് താലൂക്ക് ഓഫീസില്‍ ചേരും.

ജില്ലയിലെ വട്ടംകുളം ഗ്രാമ പഞ്ചായത്തിലെ പുളിയറകുന്ന്, നെല്ലിശ്ശേരി എന്നിവിടങ്ങളില്‍ കുഴല്‍ കിണര്‍ നിര്‍മ്മിക്കുന്നതിന് ദര്‍ഘാസ് ക്ഷണിച്ചു.  ദര്‍ഘാസുകള്‍ ആഗസ്റ്റ് ഒന്നിന് വൈകുന്നേരം മൂന്നിനകം ജില്ലാ ഓഫീസ്, ഭുജല വകുപ്പ്, മലപ്പുറം വിലാസത്തില്‍ ലഭിക്കണം.  ഫോണ്‍ 0483 2731450.

ജില്ലയിലെ ഡ്രൈയിംഗ് ഓഫ് കോക്കനട്ട് ഫോര്‍ മെയ്ക്കിംഗ് കൊപ്ര, പ്രെടോള്‍ പമ്പ് എന്നീ തൊഴില്‍ മേഖലകളിലെ തൊഴിലാളികളുടെ മിനിമം വേതനം പുതുക്കി നിശ്ചയിക്കുന്നതുമായി ബന്ധപ്പെട്ട് ഉപസമിതിയുടെ തെളിവെടുപ്പ് ആഗസ്റ്റ് ഒന്നിന് യഥാക്രമം രാവിലെ 10.30-നും, 11.30-നും പാലക്കാട് ഗവ.ഗസ്റ്റ് ഹൗസ് കോണ്‍ഫ്രന്‍സ് ഹാളില്‍ ചേരും. തൊഴില്‍ മേഖലയുമായി ബന്ധപ്പെട്ട തെഴിലാളി - തൊഴിലുടമ പ്രതിനിധികള്‍  തെളിവെടുപ്പ് യോഗത്തില്‍ കൃത്യ സമയത്ത് എത്തണം. ഫോണ്‍ : 0483-2734814.

ജില്ലാ റൈഫിള്‍ അസോസിയേഷന്റെ ആഭിമുഖ്യത്തില്‍ നിലമ്പൂര്‍ പീവീസ് സ്‌കൂളില്‍ നടന്ന ജില്ലാ ഷൂട്ടിംങ് ചാമ്പ്യന്‍ഷിപ്പില്‍  നിലമ്പൂര്‍ പീവീസ് സ്‌കൂള്‍ 30 പോയന്റ് നേടി ഓവറോള്‍ ചാമ്പ്യ•ാരായി. മഞ്ചേരി സ്‌പോട്‌സ് പ്രമോഷന്‍ അക്കാദമി റൈഫിള്‍ക്ലബ് 16 പോയന്റ് നേടി രണ്ടാം സ്ഥാനവും മഞ്ചേരി സ്‌പോട്‌സ് ഫെഡ് റൈഫിള്‍ ക്ലബ് ഒമ്പത് പോയന്റ് നേടി മൂന്നാം സ്ഥാനവും നേടി.   

പൂക്കോട്ടുംപാടം നിലമ്പൂര്‍ ഗവ. കോളേജില്‍ മുന്നോക്ക സമുദായത്തിലെ ബി.പി.എല്‍ വിഭാഗത്തില്‍പ്പെട്ടവര്‍ക്ക് സീറ്റൊഴിവുണ്ട്.  താല്‍പര്യമുള്ളവര്‍ക്ക് ആഗസ്റ്റ് ഒന്നിന് ഉച്ചക്ക് ഒന്ന് വരെ അപേക്ഷ നല്‍കാം.

ജില്ലാ എംപ്‌ളോയ്‌മെന്റ് എക്‌സ്‌ചേഞ്ചിലെ എംപ്ലോയബിലിറ്റി സെന്റര്‍ മുഖേന പ്രമുഖ ധനകാര്യ സ്ഥാപനങ്ങളിലേക്ക് സെയില്‍സ് ഓഫീസര്‍, ഫിനാഷ്യല്‍ അഡൈ്വസര്‍, ലൈഫ്പ്ലാനര്‍, ടീംലീഡര്‍, സെയില്‍സ് മാനേജര്‍ എന്നീ തസ്തികകളിലേക്ക് നൂറോളം ഉദ്യോഗാര്‍ത്ഥികളെ ആവശ്യമുണ്ട്.

എംപ്ലോയബിലിറ്റി സെന്ററില്‍ ഓഗസ്റ്റ് രണ്ടിന് രാവിലെ 10 ന് നടക്കുന്ന ഇന്റര്‍വ്യൂവില്‍ എസ്.എസ്.എല്‍.സി, പ്ലസ്ടു, ഡിഗ്രി യോഗ്യതഉള്ളവര്‍ക്ക് പങ്കെടുക്കാം. പ്രായപരിധി 65 വയസ്സ്.  ഫോണ്‍ : 04832 734 737.