മാടായി ഇലക്ട്രിക്കല്‍ സെക്ഷന്‍ പരിധിയിലെ മാട്ടൂല്‍ ചര്‍ച്ച് റോഡ്, ഒളിയങ്കര ചര്‍ച്ച്, തങ്ങള്‍ പള്ളി, ബിരിയാണി, മാട്ടൂല്‍ വില്ലേജ് ഓഫീസ്, മുജാഹിദ്, മടക്കര പാലം, അഴീക്കല്‍ ഭാഗങ്ങളില്‍ നാളെ (ജൂലൈ 29) രാവിലെ 8 മുതല്‍ വൈകിട്ട് 5 മണി വരെ വൈദ്യുതി മുടങ്ങും.

.

.

കേരളാ സംസ്ഥാന പട്ടികജാതി/പട്ടികവര്‍ഗ്ഗ വികസന കോര്‍പ്പറേഷന്‍ ലിമിറ്റഡ്  പട്ടികജാതി/പട്ടികവര്‍ഗ്ഗ വിഭാഗത്തില്‍പ്പെട്ട 18 വയസ്സ് കഴിഞ്ഞ യുവതികളുടെ വിവാഹാവശ്യത്തിനായി പരമാവധി 2.50 ലക്ഷം രൂപ വരെ വായ്പ അനുവദിക്കുന്നതിന് അര്‍ഹരായ രക്ഷിതാക്കളില്‍ നിന്നും അപേക്ഷ ക്ഷണിച്ചു.

കേന്ദ്ര സര്‍ക്കാര്‍ നീതി ആയോഗ് ആവിഷ്‌കരിച്ച വുമണ്‍ ട്രാന്‍സ്‌ഫോമിങ് ഇന്ത്യ അവാര്‍ഡിനായുള്ള അപേക്ഷ ക്ഷണിച്ചു.  പ്രഗത്ഭരായ വനിത സംരഭകര്‍ക്കും സാമൂഹ്യമാറ്റത്തിന് നേതൃത്വം കൊടുത്തിട്ടുള്ള വനിതകള്‍ക്കും അപേക്ഷിക്കാം. ഓണ്‍ലൈനായാണ് അപേക്ഷകള്‍ സ്വീകരിക്കുന്നത്. അവസാന തീയ്യതി. ജൂലൈ 31.  കൂടുതല്‍ വിവരങ്ങള്‍  Wep.gov.in എന്ന വെബ്‌സൈറ്റില്‍ ലഭിക്കും.

നാഷണല്‍  ഇ-ഗവേണന്‍സ് ആക്ഷന്‍ പ്ലാന്‍ ഗോത്രവര്‍ഗ്ഗക്കാരെ പുനരധിവസിക്കുന്ന  ഗ്രാമങ്ങളില്‍ അക്ഷയകേന്ദ്രം ആരംഭിക്കുന്നതിന് സഹായധനം അനുവദിക്കുന്നതിന്റെ ഭാഗമായി  ആറളം ഗ്രാമ പഞ്ചായത്തിലെ  ആറളം ഫാമില്‍ പുനരധിവാസ മേഖലയായ ഓടംതോട് കേന്ദ്രത്തില്‍ അക്ഷയ കേന്ദ്രം ആരംഭിക്കുന്നതിന് സര്‍ക്കാര്‍ ഉത്തരവായി. ഈ അക്ഷയ കേന്ദ്രത്തിലേക്കുള്ള സംരംഭകരെ ആറളം ഗ്രാമ പഞ്ചായത്തിലെ പട്ടികവര്‍ഗ്ഗ വിഭാഗക്കാരില്‍ നിന്നാണ് തെരഞ്ഞെടുക്കുന്നത്.  അപേക്ഷകര്‍ പ്ലസ് ടു പാസായവരും, കമ്പ്യൂട്ടര്‍ പരിജ്ഞാനമുള്ളവരും ആയിരിക്കണം.

    പയ്യന്നൂര്‍ ഗവ.റസിഡന്‍ഷ്യല്‍ വിമന്‍സ് കോളേജിലെ ഒന്നാം വര്‍ഷ പ്രവേശനത്തിന്  ഒഴിവുള്ള ഏതാനും സീറ്റുകളിലേക്കുള്ള സ്‌പോട്ട് അഡ്മിഷന്‍ 31 ന് നടക്കും.

    ജില്ലാ പഞ്ചായത്തിന്റെഎ വാര്‍ഷിക പദ്ധതിയില്‍ ഉള്‍പ്പെടുത്തി ഐ ടി ഡി പി പ്രൊജക്ട് ഓഫീസ് നടപ്പിലാക്കുന്ന പട്ടിക വര്‍ഗ വിദ്യാര്‍ഥികള്‍ക്ക് ആര്‍ച്ചെറി പരിശീലനം നല്‍കുന്ന പദ്ധതിയിലേക്ക് ആര്‍ച്ചറി ഉപകരണങ്ങള്‍ വാങ്ങിക്കുന്നതിന് ക്വട്ടേഷന്‍ ക്ഷണിച്ചു.  ആഗസ്ത് 2 ന് 12 മണി വരെ ക്വട്ടേഷന്‍ സ്വീകരിക്കും.  ഫോണ്‍: 0497 2700357.

കേരള, ലക്ഷദ്വീപ് തീരങ്ങളില്‍ പടിഞ്ഞാറു ദിശയില്‍ നിന്ന് മണിക്കൂറില്‍ 25 മുതല്‍ 35 കിലോ മീറ്റര്‍ വേഗതയില്‍ കാറ്റ് വീശാനും കടല്‍ പ്രക്ഷുബ്ധമാവാനും സാധ്യതയുള്ളതിനാല്‍ മത്സ്യത്തൊഴിലാളികള്‍ കടലില്‍ പോവരുതെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു.

    സമഗ്രശിക്ഷാ അഭിയാന്‍ കണ്ണൂര്‍ നോര്‍ത്ത് ബി ആര്‍ സിയുടെ ആഭിമുഖ്യത്തില്‍ പ്രത്യേക പരിഗണന അര്‍ഹിക്കുന്ന കുട്ടികള്‍ക്കായി നടത്തിയ മെഡിക്കല്‍ ക്യാമ്പ് കൗണ്‍സിലര്‍ ഇ ബീന ഉദ്ഘാടനം ചെയ്തു.   നോര്‍ത്ത് എ ഇ ഒ കെവിസുരേന്ദ്രന്‍ അധ്യക്ഷനായി.   വി വി പ്രേമരാജന്‍, എം പി ശശികുമാര്‍, പി ശാന്തി എന്നിവര്‍ സംസാരിച്ചു.   ശ്രവണ പരിമിതി, കാഴ്ച പരിമിതി, ചലന പരിമിതി, ബുദ്ധി പരിമിതി എന്നീ വിഭാഗങ്ങളിലെ പ്രീ പ്രൈമറി മുതല്‍ പത്താം ക്ലാസ്സ് വരെയുളള പ്രത്യേക പരിഗണന അര്‍ഹിക്കുന്ന കുട്ടികള്‍ക്കായാണ ക്യാമ്പ് നടത്തിയത്.  

ഇതുവരെയുള്ള കണക്കനുസരിച്ച് ജില്ലയില്‍ 16.25 കോടി രൂപയുടെ കൃഷി നാശമാണ് സംഭവിച്ചിരിക്കുന്നതെന്ന് ജില്ലാ കൃഷി ഓഫീസര്‍ മറിയം ജേക്കബ് ജില്ലാ വികസന സമിതി യോഗത്തില്‍ അറിയിച്ചു. 4096 കര്‍ഷകര്‍ക്കായി 248 ഹെക്ടറിലാണ് കൃഷിനാശം സംഭവിച്ചിരിക്കുന്നത്. വിശദമായ റിപ്പോര്‍ട്ട് നല്‍കുന്നതിന് കൃഷി ഓഫീസര്‍മാര്‍ക്ക് നിര്‍ദേശം നല്‍കിയിട്ടുണ്ടെന്നും അവര്‍ പറഞ്ഞു.