ക്വട്ടേഷന്‍ ക്ഷണിച്ചു

കൊച്ചി: എറണാകുളം അത്താണിയിലുളള കേരള ജുഡീഷ്യല്‍ അക്കാദമിയുടെ ആവശ്യത്തിലേക്ക് ഒരു ഓട്ടോമാറ്റിക് ഡോക്യുമെന്റ് ഫീഡറോടുകൂടിയ ഫ്‌ളാറ്റ്‌ബെഡ് സ്‌കാനര്‍ ലഭ്യമാക്കുന്നതിന് ക്വട്ടേഷന്‍ ക്ഷണിച്ചു. ക്വട്ടേഷനുകള്‍ ആഗസ്റ്റ്  ഒമ്പതിന് ഉച്ചയ്ക്ക് ഒരുമണി വരെ നല്‍കാം. കൂടുതല്‍ വിവരങ്ങള്‍ക്ക് ഫോണ്‍ 0484-2562726.

ക്വട്ടേഷന്‍ ക്ഷണിച്ചു

ആര്‍മി റിക്രൂട്ട്‌മെന്റിന്റെ ഭാഗമായി പാങ്ങോട് മിലിട്ടറി ക്യാംപില്‍ നാളെ (ജൂലൈ 29) നടക്കുന്ന പൊതു പ്രവേശന പരീക്ഷയ്ക്കുള്ള ഒരുക്കങ്ങള്‍ പൂര്‍ത്തിയായി. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകള്‍ക്കായാണു പരീക്ഷ നടത്തുന്നത്. 

മൃഗസംരക്ഷണ വകുപ്പിന്റെ സ്‌കൂള്‍ പൗള്‍ട്രി ക്ലബ് പദ്ധതിയുടെ ഭാഗമായി പെരുമ്പഴുതൂര്‍ മൃഗാശുപത്രിയുടെ നേതൃത്വത്തില്‍ സ്‌കൂള്‍ കുട്ടികള്‍ക്ക് കോഴി കുഞ്ഞുങ്ങളെ വിതരണം ചെയ്തു. നെയ്യാറ്റിന്‍കര ഗവണ്‍മെന്റ് ബോയ്‌സ് ഹയര്‍ സെക്കന്‍ഡറി സ്‌കൂളില്‍ നടന്ന ചടങ്ങ് നഗരസഭ ചെയര്‍പേഴ്‌സണ്‍ ഡബ്ല്യു.ആര്‍. ഹീബ ഉദ്ഘാടനം ചെയ്തു. 

പ്രകൃതി വിഭവ സംരക്ഷണ ദിനത്തോട് (ജുലൈ 28) അനുബന്ധിച്ച് സ്‌കൂള്‍ വിദ്യാര്‍ത്ഥികള്‍ക്കായി കേരള സംസ്ഥാന ഭൂവിനിയോഗ ബോര്‍ഡ് സംഘടിപ്പിക്കുന്ന ചിത്രരചന മത്സരം ഇന്ന് (ജുലൈ 28) നടക്കും. പ്രകൃതി വിഭവ സംരക്ഷണത്തെക്കുറിച്ച് വിദ്യാര്‍ത്ഥികള്‍ക്ക് ബോധവല്‍ക്കരണം നല്‍കുകയാണ് ചിത്ര രചന മത്സരത്തിന്റെ പ്രധാന ലക്ഷ്യം. ഹരിതകേരളം മിഷന്‍ എക്‌സിക്യൂട്ടീവ് വൈസ് ചെയര്‍പേഴ്‌സണ്‍ ടി. എന്‍ സീമ മത്സരം ഉദ്ഘാടനം ചെയ്യും. രാവിലെ 9.30 ന് മ്യൂസിയം പരിസരത്താണ് മത്സരം സംഘടിപ്പിച്ചിരിക്കുന്നത്.

പാറശ്ശാല നിയോജക മണ്ഡലത്തിലെ സമ്പൂര്‍ണ്ണ തരിശ്  നിര്‍മ്മാര്‍ജന പദ്ധതിയായ തളിരിന്റെ വെള്ളറട ഗ്രാമ പഞ്ചായത്ത്തല ഉദ്ഘാടനം ഇരിഞ്ഞനംപള്ളി ബി.എഡ്. കോളേജില്‍ നടന്നു. വെള്ളറട ഗ്രാമ പഞ്ചായത്തും കൃഷിഭവനും സംയുക്തമായി സംഘടിപ്പിച്ച നടീല്‍ ഉത്സവം സി.കെ.ഹരീന്ദ്രന്‍ എം.എല്‍.എ. ഉദ്ഘാടനം ചെയ്തു. മൂന്നര ഏക്കറില്‍ കരനെല്‍, പച്ചക്കറി, വാഴ എന്നീ വിളകളുടെ കൃഷിയാണ് ആരംഭിച്ചത്.  

അതിയന്നൂര്‍ ബ്ലോക്ക് പഞ്ചായത്തിന്റെയും ജില്ലാ സാക്ഷരതാ മിഷന്റെയും സംയുക്താഭിമുഖ്യത്തില്‍  അതിയന്നൂര്‍ ബ്ലോക്ക് പഞ്ചായത്ത് ഹാളില്‍ സംഘടിപ്പിച്ച ചരിത്രരേഖാ വസ്തുക്കളുടെ പ്രദര്‍ശനം കൗതുകവും വിജ്ഞാനപ്രദവുമായി. പുതുതലമുറയ്ക്ക് അന്യമായ പഴയകാലവസ്തുക്കളുടെ പ്രദര്‍ശനമാണ് നടന്നത്. അതിയന്നൂര്‍ ബ്ലോക്കിലെ സാക്ഷരതാമിഷന്‍  പഠിതാക്കള്‍  ഫീള്‍ഡ് തല പഠനത്തിന്റെ  ഭാഗമായി ശേഖരിച്ച വസ്തുക്കളാണ് പ്രദര്‍ശനത്തില്‍ ഉണ്ടായിരുന്നത്. ചരിത്രരേഖാവസ്തുക്കളുടെ പ്രദര്‍ശനത്തിനൊപ്പം സാക്ഷരതാ പഠിതാക്കളുടെ സംഗമവും നടന്നു.

ഹരിതകേരളം മിഷന്റെ ആഭിമുഖ്യത്തില്‍ ജില്ലയിലെ വിവിധ വകുപ്പുകളിലെ ഗ്രീന്‍ പ്രോട്ടോക്കോള്‍ ഓഫീസര്‍മാരുടെ അവലോകന യോഗം എ.ഡി.എം. വി.ആര്‍ വിനോദിന്റെ അധ്യക്ഷതയില്‍ കളക്ട്രേറ്റ് കോണ്‍ഫറന്‍സ് ഹാളില്‍ നടന്നു. ജില്ലാ ശുചിത്വ മിഷന്‍ കോ ഓര്‍ഡിനേറ്റര്‍ അനൂപ് വിഷയാവതരണം നടത്തി. ഹരിത കേരളം ജില്ലാ കോഡിനേറ്റര്‍ ഡി. ഹുമയൂണ്‍ രണ്ടാംഘട്ട പ്രവര്‍ത്തനങ്ങളെക്കുറിച്ച് വിശദീകരിച്ചു.  വിവിധ വകുപ്പുകളെ പ്രതിനിധീകരിച്ച് നോഡല്‍ ഓഫീസര്‍മാര്‍ ഒന്നാംഘട്ട പ്രവര്‍ത്തന റിപ്പോര്‍ട്ടുകള്‍ സമര്‍പ്പിച്ചു. 

* പെന്‍ഷന്‍, സഞ്ചരിക്കാന്‍ മുച്ചക്ര വാഹനം തുടങ്ങിയവ ഉറപ്പുവരുത്തും

പട്ടികവര്‍ഗ വിഭാഗത്തില്‍പ്പെട്ട ഭിന്നശേഷിക്കാരുടെ സമഗ്ര പുനരധിവാസം ലക്ഷ്യമിട്ടുള്ള പദ്ധതിക്ക് വിതുരയില്‍ തുടക്കമായി.  സംസ്ഥാനത്തെ 100 ഗ്രാമപഞ്ചായത്തുകളില്‍ നടപ്പാക്കാന്‍ പോകുന്ന പദ്ധതിയുടെ പൈലറ്റ് പ്രോജക്ടാണിത്.  പഞ്ചായത്തിലെ 21 ആദിവാസി സെറ്റില്‍മെന്റുകളിലെ 200 ഓളം പേരെ പദ്ധതിയുടെ ഭാഗമാക്കിയിട്ടുണ്ട്.  24,60,000 രൂപയുടേതാണ് പദ്ധതി.  വിജയകരമായാല്‍ മറ്റ് പഞ്ചായത്തുകളിലേയ്ക്കും വ്യാപിപ്പിക്കുമെന്ന് സാമൂഹിക സുരക്ഷാ മിഷന്‍ എക്‌സിക്യൂട്ടീവ് ഡയറക്ടര്‍ ഡോ. മുഹമ്മദ് അഷില്‍ പറഞ്ഞു.

നെടുമങ്ങാട് സര്‍ക്കാര്‍ പോളിടെക്‌നിക് കോളജില്‍ അസിസ്റ്റന്റ് പ്രൊഫസര്‍ (മാത്തമറ്റിക്‌സ്) താല്‍ക്കാലിക ഒഴിവിലേയ്ക്കുള്ള കൂടിക്കാഴ്ച ജൂലൈ 31 രാവിലെ 11 ന് പ്രിന്‍സിപ്പലിന്റെ കാര്യാലയത്തില്‍ നടക്കും.  താത്പ്പര്യമുള്ളവര്‍ യോഗ്യത, പ്രവൃത്തി പരിചയം എന്നിവ തെളിയിക്കുന്ന അസല്‍ സര്‍ട്ടിഫിക്കറ്റുകള്‍, ബയോഡാറ്റ എന്നിവ സഹിതം നേരിട്ട് ഹാജരാകണം.  ഫോണ്‍ 0472 2802686.
(പി.ആര്‍.പി. 1967/2018)

സര്‍ക്കാര്‍ സ്ഥാപനമായ ഇന്‍സ്റ്റിറ്റൂട്ട് ഓഫ് പാര്‍ലമെന്ററി അഫയേഴ്‌സ്‌കേരള, നിയമസഭാ മണ്ഡലാടിസ്ഥാനത്തില്‍ സംഘടിപ്പിക്കുന്ന സ്‌കൂള്‍ സെമിനാറിന്റെ ഉദ്ഘാടനം  നെടുമങ്ങാട് നഗരസഭ ചെയര്‍മാന്‍ ചെറ്റച്ചല്‍ സഹദേവന്‍ നിര്‍വഹിച്ചു. സെമിനാര്‍ കേരള സര്‍വകലാശാല മുന്‍പ്രോ-വൈസ് ചാന്‍സലറായ ഡോ. ജെ. പ്രഭാഷ് സെമിനാറില്‍ വിഷയാവതരണം നടത്തി.    
(പി.ആര്‍.പി. 1966/2018)