ലാന്റ് റവന്യൂ വകുപ്പില്‍ ലോവര്‍ ഡിവിഷന്‍ ക്ലര്‍ക്ക്/വില്ലേജ് അസ്സി.(കാറ്റഗറി നമ്പര്‍: 413/16) തസ്തികയുടെ തെരഞ്ഞെടുപ്പിനായി ഈ മാസം  25 ന് പ്രസിദ്ധീകരിച്ച സാധ്യതാപട്ടികയില്‍ ഉള്‍പ്പെട്ടവര്‍ക്കുള്ള വണ്‍ ടൈം വെരിഫിക്കേഷന്‍ ജൂലൈ 30 ന് രാവിലെ 9.30 ന് പി.എസ്.സി ജില്ലാ ഓഫീസില്‍ നടക്കും. 

നെഹ്‌റു യുവകേന്ദ്രയില്‍ അഫിലിയേറ്റ് ചെയ്ത് പ്രവര്‍ത്തിക്കുന്ന യൂത്ത് ക്ലബുകള്‍, മഹിള സമാജങ്ങള്‍ എന്നിവയുടെ ഭാരവാഹികളുടെ യോഗം ഓഗസ്റ്റ് രണ്ടിന് രാവിലെ 9.30 ന്് ജില്ലാ പ്ലാനിംഗ് ഓഫീസ് സെക്രട്ടേറിയേറ്റ് കോണ്‍ഫറന്‍സ് ഹാളില്‍ നടക്കും. ഫോണ്‍: 0495-2371891.

കൊയിലാണ്ടി താലൂക്ക് ഉള്ള്യേരി വില്ലേജിലെ പുത്തഞ്ചേരി, നാറാത്ത്, ഉള്ളൂര്‍ ദേശങ്ങളിലെ റീസ.1/2,105/2ബി,39/1എ എന്നിവയിലുള്‍പ്പെടുന്ന 7.885 ഏക്കര്‍ സര്‍ക്കാര്‍ ബോട്ട് ഇന്‍ലാന്റ് ആക്കിയ ഭൂമിയിലെ മേലനുഭവ ലേലം ആഗസ്ത് 3 ന് രാവിലെ 11 മണിക്ക് ഉള്ള്യേരി വില്ലേജില്‍ നടക്കും.  

കൊയിലാണ്ടി നഗരസഭ യൂത്ത് ക്ലബുകള്‍ക്കുള്ള സ്പോര്‍ട്സ് കിറ്റ് വിതരണവും ലൈബ്രറി, ക്ലബ്ബ് ഭാരവാഹികള്‍ക്കുള്ള ശില്‍പശാലയും സംഘടിപ്പിച്ചു. നഗരസഭ സിഡിഎസ് ഹാളില്‍ നടന്ന പരിപാടി  ചെയര്‍മാന്‍ അഡ്വ. കെ സത്യന്‍ ഉദ്ഘാടനം ചെയ്തു. കായികരംഗത്ത് മികവാര്‍ന്ന പ്രവര്‍ത്തനങ്ങള്‍ കാഴ്ചവെക്കാന്‍ കൊയിലാണ്ടി നഗരസഭ നടത്തുന്ന പ്രവര്‍ത്തനങ്ങളുടെ ഭാഗമായാണ് പരിപാടി സംഘടിപ്പിച്ചത്. 

ഗവ മെഡിക്കല്‍ കോളേജ് ജനറല്‍ മെഡിസിന്‍ വിഭാഗത്തിലെ എ.ആര്‍.ടി ക്ലിനിക്കിലേക്ക് കരാര്‍ അടിസ്ഥാനത്തില്‍ മെഡിക്കല്‍ ഓഫീസറെ നിയമിക്കും. എം.ബി.ബി.എസ്, നാക്കോ അംഗീകൃത കേന്ദ്രത്തില്‍ നിന്നുള്ള പരിശീലനം, ജനറല്‍ മെഡിസിനില്‍ എം.ഡി, ഡി.എന്‍.ബി എന്നിവയുള്ളവര്‍ക്ക് മുന്‍ഗണന. പ്രതിമാസ വേതനം 36,000 രൂപ. യോഗ്യരായ ഉദ്യോഗാര്‍ത്ഥികള്‍ സര്‍ട്ടിഫിക്കറ്റുകള്‍ സഹിതം ആഗസ്റ്റ് 6 ന് രാവിലെ 11 ന് ഓഫീസില്‍ എത്തണം. ഫോണ്‍: 0495 2350200. 

ഫിഷറീസ് വകുപ്പിന് കീഴില്‍ പ്രതിമാസം 25,000 രൂപ വേതനത്തില്‍ ഒരു പ്രൊജക്റ്റ് കോ-ഓര്‍ഡിനേറ്ററുടെ  താത്കാലിക നിയമനത്തിന് അപേക്ഷ ക്ഷണിച്ചു. യോഗ്യത അംഗീകൃത യൂണിവേഴ്‌സിറ്റിയില്‍ നിന്നും സോഷ്യല്‍ വര്‍ക്ക്, സോഷ്യോളജി, സൈക്കോളജി വിഷയത്തിലുള്ള ബിരുദാനന്തര ബിരുദം, അധിക യോഗ്യത- എം. എസ് ഓഫീസ്, കെ. ജി. ടി. ഇ, വേര്‍ഡ് പ്രോസസിങ്ങ് (ഇംഗ്ലീഷ് /മലയാളം),     പി.ജി.ഡി.സി.എ. പ്രായം 22 നും 45 നും മദ്ധ്യേ.

ഗവ. മെഡിക്കല്‍ കോളേജില്‍ 2018-19 വര്‍ഷത്തില്‍ എം.ബി.ബി.എസ്, ബി.ഫാം കോഴ്‌സിന് പ്രവേശനം നേടിയ വിദ്യാര്‍ഥികള്‍ ഓഗസ്റ്റ് ഒന്നിന് രാവിലെ പത്ത് മണിക്ക് രക്ഷിതാവിനൊപ്പം പ്രിന്‍സിപ്പള്‍ മുന്‍പാകെ ഹാജരാകണം. ഫോണ്‍: 0495-2350200
 

ഗതാഗത കുരുക്കില്‍ വീര്‍പ്പുമുട്ടുന്ന താമരശ്ശേരിക്ക് ആശ്വാസമായി മിനി ബൈപ്പാസ് നവീകരണ പ്രവൃത്തി യാഥാര്‍ഥ്യത്തിലേക്ക്. പദ്ധതിയുടെ നവീകരണ പ്രവൃത്തിയുടെ ടെണ്ടര്‍ നല്‍കാനുള്ള നടപടികള്‍ പൂര്‍ത്തിയായി. നവീകരണത്തിനായി പൊതുമരാമത്ത് വകുപ്പ് രണ്ടരക്കോടിയാണ് അനുവദിച്ചത്. നടപടി ക്രമങ്ങള്‍ പൂര്‍ത്തീകരിച്ച് ഒക്ടോബര്‍-നവംബര്‍ മാസം പ്രവൃത്തി ആരംഭിക്കാനാവുമെന്നാണ് പ്രതീക്ഷിക്കുന്നതെന്ന് കാരാട്ട റസാക്ക് എംഎല്‍എ പറഞ്ഞു.