സംസ്ഥാന നിയമസഭയുടെ യുവജനക്ഷേമവും യുവജനകാര്യവും സംബന്ധിച്ച സമിതി ഈ മാസം 31ന് രാവിലെ 10.30ന് കളക്ടറേറ്റ് കോണ്‍ഫറന്‍സ് ഹാളില്‍ യോഗം ചേരും. തുടര്‍ന്ന് 11.30ന് ജില്ലാ സ്പോര്‍ട്സ് കൗണ്‍സിലിന് കീഴിലുള്ള സ്ഥാപനങ്ങള്‍, സ്റ്റേഡിയങ്ങള്‍, ജില്ലാ പഞ്ചായത്തിന് കീഴിലുള്ള വോളിബോള്‍ ഇന്‍ഡോര്‍ സ്റ്റേഡിയം എന്നിവ സന്ദര്‍ശിക്കും. 

     സ്പോര്‍ട്സ്, യുവജനക്ഷേമം എന്നീ വിഷയങ്ങളുമായി ബന്ധപ്പെട്ട് വ്യക്തികള്‍ക്കും സംഘടനാ പ്രതിനിധികള്‍ക്കും സമിതി മുമ്പാകെ ഹാജരായി പരാതികളും നിര്‍ദ്ദേശങ്ങളും ബോധിപ്പിക്കാം.                   (പിഎന്‍പി 2117/18)

പെരിങ്ങോട്ടുകര ഇലക്‌ട്രിക്കല്‍ സെക്ഷന്‍ ഓഫീസിലെ കരാര്‍ തൊഴിലാളിയായ അമ്മാടം മേങ്ങാട്ടില്‍ വീട്ടില്‍ എം രാജന്‌ തൊഴില്‍ സ്ഥലത്തുണ്ടായ അപകടത്തെ തുടര്‍ന്ന്‌ കെ എസ്‌ ഇ ബി സഹായിച്ചിട്ടില്ല എന്ന തരത്തില്‍ പ്രചരിക്കുന്ന വാര്‍ത്തകളില്‍ വസ്‌തുതയില്ലെന്ന്‌ കെ എസ്‌ ഇ ബി പെരിങ്ങോട്ടുകര ഇലക്‌ട്രിക്കല്‍ സെക്ഷന്‍ അസി. എക്‌സിക്യൂട്ടീവ്‌ എഞ്ചിനീയര്‍ അറിയിച്ചു. ഇലക്‌ട്രിക്ക്‌ പോസ്റ്റ്‌ ഒടിഞ്ഞ്‌ ഇരുകാലുകള്‍ക്കും ഗുരുതരം പരിക്കേറ്റ രാജനെ സഹപ്രവര്‍ത്തകര്‍ ആശുപത്രിയിലെത്തിക്കുകയും അടിയന്തിര ശസ്‌ത്രക്രിയക്കുളള സഹായങ്ങള്‍ നല്‍കുകയും ചെയ്‌തു. ഇതിനായി സമാഹരിച്ച 3.5 ലക്ഷം രൂപ രാജന്‌ കൈമാറി കഴിഞ്ഞു.

കുട്ടനെല്ലൂര്‍ ശ്രീ സി അച്യുതമേനോന്‍ ഗവണ്‍മെന്റ്‌ കോളേജില്‍ സയന്‍സ്‌ ബ്ലോക്കിന്റെ ഉദ്‌ഘാടനം ജൂലൈ 31 ഉച്ചയ്‌ക്ക്‌ 12 ന്‌ കൃഷി വകുപ്പു മന്ത്രി അഡ്വ. വി എസ്‌ സുനില്‍കുമാര്‍ നിര്‍വഹിക്കും. കോര്‍പ്പറേഷന്‍ മേയര്‍ അജിത ജയരാജന്‍ അദ്ധ്യക്ഷത വഹിക്കും. അഡ്വ. കെ രാജന്‍ എം എല്‍ എ മുഖ്യപ്രഭാഷണം നടത്തും. പി ഡബ്‌ള്യൂ ഡി എക്‌സിക്യൂട്ടീവ്‌ എഞ്ചിനീയര്‍ വി കെ ശ്രീമാല റിപ്പോര്‍ട്ട്‌ അവതരിപ്പിക്കും. മുന്‍ സ്‌പീക്കര്‍ അഡ്വ. തേറമ്പില്‍ രാമകൃഷ്‌ണന്‍, കാലിക്കറ്റ്‌ യൂണിവേഴ്‌സിറ്റി സിന്‍ഡിക്കേറ്റ്‌ അംഗം പ്രൊഫ. ആര്‍ ബിന്ദു, മുന്‍ ഡെപ്യൂട്ടി മേയര്‍ വര്‍ഗ്ഗീസ്‌ കണ്ടംകുളത്തി എന്നിവര്‍ ആശംസ നേരും. പ്രിന്‍സിപ്പാള്‍ ഡോ.

മറ്റത്തൂര്‍ ലേബര്‍ സര്‍വ്വീസ്‌ സൊസൈറ്റിയുടെ പത്താംവാര്‍ഷിക ഉദ്‌ഘാടനവും അവാര്‍ഡ

ചാലക്കുടി ഗവണ്‍മെന്റ്‌ ഗേള്‍സ്‌ ഹൈസ്‌ക്കൂളില്‍ ആര്‍.എം.എസ്‌.എ പദ്ധതി പ്രകാരം നിര്‍മ്മിക്കുന്ന ഗേല്‍സ്‌ ഹോസ്റ്റല്‍ നിര്‍മ്മാണോദ്‌ഘാടനവും ചാലക്കുടി നഗരസഭാ വിജയോത്സവവും ചാലക്കുടി എം.പി ഇന്നസെന്റ്‌ നിര്‍വ്വഹിച്ചു. ബി ഡി ദേവസ്സി എം.എല്‍.എ അധ്യക്ഷത വഹിച്ചു. നഗരസഭാചെയര്‍ പേഴ്‌സണ്‍ ജയ്‌ന്തി പ്രവീണ്‍കുമാര്‍, വൈസ്‌ ചെയര്‍മാന്‍ വില്‍സണ്‍ പാണാട്ടുപറമ്പില്‍ കൗണ്‍സില്‍ അംഗങ്ങളായ ആലിസ്‌ ഷിബു, ഗീത ടീച്ചര്‍, പി.എം. ശ്രീധരന്‍, യുവി മാര്‍ട്ടീന്‍, വി ഔ പൈലപ്പന്‍, വി. ജെ ജോജി എന്നിവര്‍ ചടങ്ങില്‍ പങ്കെടുത്തു. ആര്‍.എം.എസ്‌.എ പ്രതിനിധി പി.എസ്‌ മാത്യു സ്വാഗതവും നഗരസഭാ സെക്രട്ടറി ടോബി തോമസ്‌ നന്ദിയും പറഞ്ഞു.

ജില്ലയിലെ അര്‍ഹതപ്പെട്ട മുഴുവന്‍പേര്‍ക്കും പട്ടയം നല്‍കാന്‍ ആവശ്യമായ നടപടികള്‍ സ്വീകരിക്കണമെന്ന്‌ കളക്‌ട്രേറ്റ്‌ കോണ്‍ഫറന്‍സ്‌ ഹാളില്‍ നടന്ന ജില്ലാ വികസന സമിതി യോഗത്തില്‍ ഡോ. പി.കെ. ബിജു എം.പി. പ്രമേയത്തിലൂടെ ആവശ്യപ്പെട്ടു. മലയോര മേഖലയില്‍ ഉള്‍പ്പടെയുള്ള അര്‍ഹരായവര്‍ക്ക്‌ പട്ടയം ലഭ്യമാക്കാന്‍ റവന്യൂ വകുപ്പും വനം വകുപ്പും സംയുക്തമായി ഇടപെടണമെന്നും ഡോ. പി.കെ. ബിജു പറഞ്ഞു. അര്‍ഹതപ്പെട്ടവര്‍ക്ക്‌ അതിവേഗം പട്ടയം അനുവദിക്കണമെന്ന്‌ മുരളി പെരുനെല്ലി എം എല്‍ എ യും പ്രമേയത്തിലൂടെ യോഗത്തില്‍ ആവശ്യപ്പെട്ടു. ആകെ 19 പ്രമേയങ്ങളാണ്‌ യോഗത്തില്‍ അവതരിപ്പിക്കപ്പെട്ടത്‌. ഡോ: പി.കെ.

വനിത പോലീസ്‌ ബറ്റാലിയന്റെ പ്രഥമ ബാച്ച്‌ പാസ്സിങ്‌ ഔട്ട്‌ പരേഡ്‌ ജൂലൈ 31 രാവിലെ 7.15 ന്‌ രാമവര്‍മ്മപുരം കേരള പോലീസ്‌ അക്കാദമി ഗ്രൗണ്ടില്‍ നടക്കും. മുഖ്യമന്ത്രി പിണറായി വിജയന്‍ സല്യൂട്ട്‌ സ്വീകരിക്കും. സംസ്ഥാന പോലീസ്‌ മേധാവി ലോക്‌നാഥ്‌ ബെഹ്‌റ, പോലീസ്‌ അക്കാദമി ഡയറക്‌ടര്‍ ഡോ. ബി സന്ധ്യ എന്നിവര്‍ അഭിവാന്ദ്യം സ്വീകരിക്കും. തുടര്‍ന്ന്‌ വനിത കമാന്‍ഡോകളുടെ ആയുധങ്ങളും ഉപയോഗിച്ചുകൊണ്ടുളള ഡെമോണ്‍സ്‌ട്രേഷന്‍ ഉണ്ടാകും. 578 വനിതാ പോലീസ്‌ സേനാംഗങ്ങളില്‍ 44 പേര്‍ കമാന്‍ഡോ പരിശീലനം നേടി. കേരളത്തില്‍ ആദ്യമായി വനിത ഇന്‍സ്‌ട്രക്‌ടര്‍മാരുടെ നേതൃത്വത്തില്‍ വിദഗ്‌ധ പരിശീലനം നേടിയതാണ്‌ വനിത പോലീസ്‌ ബറ്റാലിയന്‍.

മാടായി ഇലക്ട്രിക്കല്‍ സെക്ഷന്‍ പരിധിയിലെ മാട്ടൂല്‍ ചര്‍ച്ച് റോഡ്, ഒളിയങ്കര ചര്‍ച്ച്, തങ്ങള്‍ പള്ളി, ബിരിയാണി, മാട്ടൂല്‍ വില്ലേജ് ഓഫീസ്, മുജാഹിദ്, മടക്കര പാലം, അഴീക്കല്‍ ഭാഗങ്ങളില്‍ നാളെ (ജൂലൈ 29) രാവിലെ 8 മുതല്‍ വൈകിട്ട് 5 മണി വരെ വൈദ്യുതി മുടങ്ങും.

.

.

കേരളാ സംസ്ഥാന പട്ടികജാതി/പട്ടികവര്‍ഗ്ഗ വികസന കോര്‍പ്പറേഷന്‍ ലിമിറ്റഡ്  പട്ടികജാതി/പട്ടികവര്‍ഗ്ഗ വിഭാഗത്തില്‍പ്പെട്ട 18 വയസ്സ് കഴിഞ്ഞ യുവതികളുടെ വിവാഹാവശ്യത്തിനായി പരമാവധി 2.50 ലക്ഷം രൂപ വരെ വായ്പ അനുവദിക്കുന്നതിന് അര്‍ഹരായ രക്ഷിതാക്കളില്‍ നിന്നും അപേക്ഷ ക്ഷണിച്ചു.