ഗവ. മെഡിക്കല്‍ കോളേജില്‍ 2018-19 വര്‍ഷത്തില്‍ എം.ബി.ബി.എസ്, ബി.ഫാം കോഴ്‌സിന് പ്രവേശനം നേടിയ വിദ്യാര്‍ഥികള്‍ ഓഗസ്റ്റ് ഒന്നിന് രാവിലെ പത്ത് മണിക്ക് രക്ഷിതാവിനൊപ്പം പ്രിന്‍സിപ്പള്‍ മുന്‍പാകെ ഹാജരാകണം. ഫോണ്‍: 0495-2350200
 

ഗതാഗത കുരുക്കില്‍ വീര്‍പ്പുമുട്ടുന്ന താമരശ്ശേരിക്ക് ആശ്വാസമായി മിനി ബൈപ്പാസ് നവീകരണ പ്രവൃത്തി യാഥാര്‍ഥ്യത്തിലേക്ക്. പദ്ധതിയുടെ നവീകരണ പ്രവൃത്തിയുടെ ടെണ്ടര്‍ നല്‍കാനുള്ള നടപടികള്‍ പൂര്‍ത്തിയായി. നവീകരണത്തിനായി പൊതുമരാമത്ത് വകുപ്പ് രണ്ടരക്കോടിയാണ് അനുവദിച്ചത്. നടപടി ക്രമങ്ങള്‍ പൂര്‍ത്തീകരിച്ച് ഒക്ടോബര്‍-നവംബര്‍ മാസം പ്രവൃത്തി ആരംഭിക്കാനാവുമെന്നാണ് പ്രതീക്ഷിക്കുന്നതെന്ന് കാരാട്ട റസാക്ക് എംഎല്‍എ പറഞ്ഞു. 

കോട്ടയം, ആലപ്പുഴ ജില്ലയില്‍ കനത്ത മഴയില്‍ ദുരിതത്തിലായവര്‍ക്ക് ജില്ലാ ഭരണകൂടത്തിന്റെ നേതൃത്വത്തില്‍ സഹായമെത്തിക്കുന്ന പദ്ധതിയില്‍ നാടിന്റെ നാനാ ഭാഗത്തു നിന്നും സഹായവുമായി ജനങ്ങള്‍ എത്തുന്നത് സന്തോഷമുളവാക്കുന്നതായും ജില്ലാഭരണകൂടത്തിന്റെ പ്രവൃത്തി അഭിനന്ദനമര്‍ഹിക്കുന്നതായും എം.എല്‍.എമാര്‍ ജില്ലാ വികസന സമിതി യോഗത്തില്‍ അറിയിച്ചു. കലക്‌ട്രേറ്റ് കോണ്‍ഫറന്‍സ് ഹാളില്‍ നടന്ന യോഗത്തില്‍ ജില്ലാ കലക്ടര്‍ യു.വി ജോസ് അധ്യക്ഷത വഹിച്ചു. 

കാലിക്കറ്റ് യൂണിവേഴ്‌സിറ്റി യൂണിയന്റെ ആഭിമുഖ്യത്തില് സംഘടിപ്പിക്കുന്ന മെഗാ ജോബ് ഫെയര് 'റൂബിക്‌സിന് ' വളാഞ്ചേരിക്കടുത്ത പൂക്കാട്ടിരി സഫ ആര്ട്‌സ് ആന്റ് സയന്‌സ് കോളേജ് ഇന്ന് (ജൂലൈ 30) വേദിയാകും. അഞ്ഞൂറിലധികം തൊഴിലവസരങ്ങളുമായി ഇരുപതിലധികം കമ്പനികള് ജോബ് ഫെയറില് പങ്കെടുക്കും. വിവിധ ജില്ലകളില് നിന്നായി രണ്ടായിരത്തോളം ഉദ്യോഗാര്ത്ഥികള് ജോബ് ഫെയറിന് എത്തുമെന്നാണ് പ്രതീക്ഷിക്കപ്പെടുന്നതെന്ന് സഫ കോളേജ് പ്രിന്‌സിപ്പല് പ്രൊഫസര് നാലകത്ത് ബഷീര് പറഞ്ഞു.

തിരുന്നാവായയിലെ മാമാങ്ക സ്മാരകങ്ങള് സംരക്ഷിക്കാന് നടപടി സ്വീകരിച്ചതായി പുരാവസ്തു-മ്യൂസിയം വകുപ്പ് മന്ത്രി കടന്നപ്പള്ളി രാമചന്ദ്രന് അറിയിച്ചു. ആര്ക്കിയോളജിക്കല് വകുപ്പിലെ ഉദ്യോഗസ്ഥര്‌ക്കൊപ്പം മാമാങ്ക സ്ഥലം സന്ദര്ശിക്കവെയാണ് മന്ത്രിയുടെ ഉറപ്പ്.

തിരുന്നാവായയിലെ ഏറെ ചരിത്രപ്രാധാന്യമുള്ള സ്ഥലങ്ങളിലൊന്നാണ് കൊടക്കല് മിഷന് ആശുപത്രിയോട് ചേര്ന്നുള്ള മാമാങ്ക സ്ഥലം. നിലവില് സംരക്ഷണ ഭിത്തിയടക്കമുള്ള സൗകര്യങ്ങള് ഉണ്ടെങ്കിലും കൂടുതല് കരുതല് അര്ഹിക്കുന്ന സ്ഥലമെന്നതിനാലാണ് മന്ത്രി നേരിട്ട് സന്ദര്ശനം നടത്തി ഉദ്യോഗസ്ഥര്ക്ക് നിര്‌ദ്ദേശങ്ങള് നല്കിയത്.

കേരള സര്‍ക്കാറിന്റെ അംഗീകൃത പൊതുജന സേവന കേന്ദ്രമായ അക്ഷയ കേന്ദ്രങ്ങള്‍ വഴി നല്‍കുന്ന സര്‍ക്കാര്‍ സേവനങ്ങള്‍ക്ക് ഈടാക്കാവുന്ന നിരക്കുകളുടെ ബ്രോഷര്‍ പ്രകാശനം ചെയ്തു. കലക്ടറേറ്റില്‍ നടന്ന ചടങ്ങില്‍ ജില്ലാ കലക്ടര്‍ അമിത് മീണ, മലപ്പുറം നഗരസഭ ചെയര്‍പേഴ്‌സണ്‍ സി.എച്ച് ജമീല ടീച്ചര്‍ക്കും ജില്ലാ പഞ്ചായത്ത് വൈസ് പ്രസിഡന്റ് സക്കീന പുല്‍പ്പാടനും നല്‍കിയാണ് പ്രാകാശനം നിര്‍വ്വഹിച്ചത്. അക്ഷയയുടെ ജില്ലാ ഓഫീസുകളുടെ നമ്പറും പരാതി ഹെല്‍പ് ലൈന്‍ നമ്പറും ബ്രോഷറില്‍ ഉള്‍ക്കൊള്ളിച്ചിട്ടുണ്ട്. അക്ഷയ പ്രൊജക്ട് മാനേജര്‍ കെ.വി.എം ഇസ്ഹാക്ക് പങ്കെടുത്തു.

മഞ്ചേരി ഗവണ്‍മെന്റ് പോളിടെക്‌നിക് കോളേജില്‍ ഒഴിവുള്ള സീറ്റിലേക്കുള്ള സ്‌പോട്ട് അഡ്മിഷന് വേണ്ടിയുള്ള രജിസ്‌ട്രേഷന്‍ ജൂലൈ 31 ചൊവ്വാഴ്ച രാവിലെ 9 മുതല്‍ 12 മണി വരെ സ്ഥാപനത്തില്‍ നടത്തുന്നതാണ്. രജിസ്റ്റര്‍ ചെയ്തവരുടെ റാങ്ക് ലിസ്റ്റ് പ്രകാരം ഇതേ ദിവസം ഉച്ചക്ക് 1 മണി മുതല്‍ അഡ്മിഷന്‍ നടത്തുന്നതാണ്. മഞ്ചേരി പോളിടെക്‌നിക്കില്‍ ഓപ്ഷന്‍ നല്‍കിയ വിദ്യാര്‍ഥികള്‍ ആവശ്യമായ രേഖകള്‍ സഹിതം രക്ഷിതാക്കളുമൊത്ത് ഹാജരാകേണ്ടതാണ്. സ്‌പോട്ട്  അഡ്മിഷനില്‍ പങ്കെടുക്കാന്‍ അര്‍ഹരായവരുടെ വിവരങ്ങളും ഒഴിവുകളുടെ എണ്ണവും www.polyadmission.org എന്ന വെബ്‌സൈറ്റില്‍ ലഭ്യമാണ് .