)
കട്ടപ്പന ഗവ. ഐടിഐയില്‍ ആഗസ്റ്റ്‌ അഡ്‌മിഷന്‍ എന്‍സിവിടി നോണ്‍ മെട്രിക്‌, എസ്‌സിവിടി മെട്രിക്‌ ട്രേഡുകളില്‍ രണ്ടാമത്തെ കൗണ്‍സിലിംഗ്‌ ഇന്ന്‌ (23.07.2018) നടക്കും. അപേക്ഷകരെ എസ്‌എംഎസ്‌ മുഖലന അയിറിച്ചിട്ടുണ്ട്‌. കൂടുതല്‍ വിവരങ്ങള്‍ക്ക്‌ www.itikattappana.kerala.gov.in, ഫോണ്‍ 04868 250158.

കേരള സര്‍ക്കാര്‍ വ്യവസായ വാണിജ്യ വകുപ്പിന്റെയും ജില്ലാ വ്യവസായ കേന്ദ്രത്തിന്റെയും ആഭിമുഖ്യത്തില്‍ ജില്ലയിലെ കരകൗശല വിദഗ്‌ധര്‍ക്കുള്ള സ്‌മാര്‍ട്ട്‌ കാര്‍ഡ്‌ വിതരണം വാഴത്തോപ്പ്‌ പഞ്ചായത്ത്‌ മെമ്പര്‍ കെ.എം ജലാലുദ്ദീന്‍ ഉദ്‌ഘാടനം ചെയ്‌തു. 53 പേര്‍ക്ക്‌ കാര്‍ഡ്‌ വിതരണം ചെയ്‌തു. ജില്ലാ വ്യവസായ കേന്ദ്രം ജനറല്‍ മാനേജര്‍ ബിജു കുര്യന്‍ അധ്യക്ഷത വഹിച്ചു. ജില്ലാ വ്യവസായകേന്ദ്രം മാനേജര്‍ രഞ്‌ജിത്‌ ബാബു, ഉപജില്ലാ വ്യവസായ ഓഫീസര്‍മാരായ അന്‍ജിത്‌ ആര്‍.എസ്‌, ജോര്‍ജ്ജ്‌ എബ്രഹാം തുടങ്ങിയവര്‍ സംസാരിച്ചു.

ഇടുക്കി എക്‌സൈസ്‌ ഡിവിഷനു കീഴിലുള്ള കുമളി, ബോഡിമെട്ട്‌ എന്നീ ചെക്ക്‌പോസ്റ്റുകളില്‍ എല്‍.ഇ.ഡി ഡിസ്‌പ്ലേ ബോര്‍ഡുകള്‍ സ്ഥാപിക്കുന്നതിനായി ക്വട്ടേഷനുകള്‍ ക്ഷണിച്ചു. ക്വട്ടേഷനുകള്‍ ജൂലൈ 27ന്‌ വൈകിട്ട്‌ അഞ്ചിന്‌ മുമ്പായി തൊടുപുഴയിലുള്ള ഇടുക്കി എക്‌സൈസ്‌ ഡിവിഷന്‍ ഓഫീസില്‍ ലഭിക്കണം. കൂടുതല്‍ വിവരങ്ങള്‍ക്ക്‌ ഇടുക്കി എക്‌സൈസ്‌ ഡിവിഷന്‍ ഓഫീസുമായി ബന്ധപ്പെടണം. ഫോണ്‍ 04862 222493. 

ജലജന്യ രോഗ നിയന്ത്രണത്തിന്റെ ഭാഗമായി ജില്ലാ മെഡിക്കല്‍ ഓഫീസിന്റെ നേതൃത്വത്തില്‍ ഹൈസ്‌കൂള്‍ കുട്ടികള്‍ക്ക്‌ ഈ മാസം 28ന്‌ രാവിലെ 10ന്‌ കട്ടപ്പന സെന്റ്‌ ജോര്‍ജ്ജ്‌ ഹയര്‍ സെക്കണ്ടറി സ്‌കൂളില്‍ ക്വിസ്‌ മത്സരം നടത്തുന്നു. ഒരു സ്‌കൂളില്‍ നിന്നും രണ്ട്‌ പേര്‍ക്ക്‌ പങ്കെടുക്കാം. മത്സരത്തില്‍ വിജയിക്കുന്ന ഒന്നും രണ്ടും മൂന്നും സ്ഥാനക്കാര്‍ക്ക്‌ 2000, 1500, 1000 രൂപ വീതം ക്യാഷ്‌ അവാര്‍ഡും സര്‍ട്ടിഫിക്കറ്റും നല്‍കും. കൂടുതല്‍ വിവരങ്ങള്‍ക്ക്‌ 9447827854.

ഭാരതീയ ചികിത്സാ വകുപ്പില്‍ ജില്ലയിലെ വിവിധ ഗവണ്‍മെന്റ്‌ ആയുര്‍വ്വേദ സ്ഥാപനത്തില്‍ ഒഴിവുള്ള ഫാര്‍മസിസ്റ്റ്‌ തസ്‌തികയില്‍ ദിവസവേതന വ്യവസ്ഥയില്‍ താല്‍ക്കാലിക നിയമനം നടത്തുന്നു. യോഗ്യത കേരള സര്‍ക്കാര്‍ നടത്തുന്ന ഒരു വര്‍ഷ ആയുര്‍വ്വേദ ഫാര്‍മസിസ്റ്റ്‌ കോഴ്‌സ്‌ വിജയം. താല്‍പ്പര്യമുള്ള ഉദ്യോഗാര്‍ത്ഥികള്‍ ജൂലൈ 26ന്‌ രാവിലെ 10ന്‌ ഇടുക്കി കുയിലിമല കലക്‌ട്രേറ്റ്‌ കെട്ടിടത്തില്‍ പ്രവര്‍ത്തിക്കുന്ന ആയുര്‍വ്വേദ ജില്ലാ മെഡിക്കല്‍ ഓഫീസില്‍ നടത്തുന്ന വാക്ക്‌ ഇന്‍ ഇന്റര്‍വ്യൂവില്‍ ബന്ധപ്പെട്ട രേഖകളുടെ അസ്സല്‍ സഹിതം പങ്കെടുക്കണം. കൂടുതല്‍ വിവരങ്ങള്‍ 04862 232318 എന്ന നമ്പറില്‍ ലഭിക്കും. 

വെജിറ്റബിള്‍ ആന്റ്‌ ഫ്രൂട്ട്‌ പ്രൊമോഷന്‍ കൗണ്‍സിലിന്റെ ആഭിമുഖ്യത്തില്‍ ജില്ലാ കര്‍ഷക സംഗമം 'ഉണര്‍വ്‌ 2018' ഉദ്‌ഘാടനം മികച്ച വിപണികള്‍ക്കുള്ള പുരസ്‌കാര വിതരണവും ജൂലൈ 26 ഉച്ചതിരിഞ്ഞ്‌ 2.30 ന്‌ തോപ്രാംകുടി സെന്റ മരിയ ഗൊരേത്തി പാരിഷ്‌ ഹാളില്‍ ക്യഷി മന്ത്രി വി എസ്‌ സുനില്‍കുമാര്‍ ചെയ്യും. വൈദ്യുതി മന്ത്രി എം എം മണി അധ്യക്ഷനാകും. ജോയ്‌സ്‌ ജോര്‍ജ്‌ എംപി മുഖ്യപ്രഭാഷണം നടത്തും.