ഇന്ന് (ജൂലൈ 28)രാവിലെ 11 ന് കളക്‌ട്രേറ്റ് കോണ്‍ഫറന്‍സ് ഹാളില്‍ ചേരാനിരുന്ന ജില്ലാ വികസന സമിതി യോഗം മാറ്റിവച്ചതായി ജില്ലാ കളക്ടര്‍ ഡോ.ബി.എസ് തിരുമേനി  അറിയിച്ചു. 

കൈത്തറി വസ്ത്രങ്ങളുടെ  പ്രചരാണാര്‍ത്ഥം 'വീവേഴ്‌സ് ഫെസ്റ്റ് 2018' എന്ന പേരില്‍ നെയ്ത്ത് ഉത്സവം സംഘടിപ്പിക്കുന്നു.  ഇന്ന് (ജൂലൈ 28) രാവിലെ 10 ന് താനൂര്‍ കേരളാധീശ്വരപുരം കൈത്തറി നെയ്ത്ത് സഹകരണ സംഘത്തിലാണ്  കലാ സാംസ്‌കാരിക പരിപാടികള്‍ നടത്തുന്നത്. ജില്ലയില്‍ കൈത്തറി മേഖലയില്‍ തൊഴിലെടുക്കുന്ന തൊഴിലാളികളും ജീവനക്കാരും കുടുംബാംങ്ങളും പങ്കെടുക്കും.  വി അബ്ദുറഹിമാന്‍ എം.എല്‍.എ ഉദ്ഘാടനം ചെയ്യും.  കൈത്തറി നെയ്ത്തില്‍ പ്രദര്‍ശന-മത്സരവുമുണ്ടാകും.

അഗളി ഐ.ടി.ഡി.പി ഓഫീസില്‍ അട്ടപ്പാടി ആദിവാസിക്ഷേമ പ്രവര്‍ത്തനങ്ങളുടെ പുരോഗതി അവലോകനയോഗം  ഇന്ന് (ജൂലൈ 28-ന്) ഉച്ചയ്ക്ക് രണ്ടിന് അഗളി ഐ.ടി.ഡി.പി ഓഫീസില്‍ നിയമ-സാംസ്ക്കാരിക -പട്ടികജാതി-പട്ടികവര്‍ഗക്ഷേമ വകുപ്പ് മന്ത്രി എ.കെ ബാലന്‍റെ അധ്യക്ഷതയില്‍  ചേരും . സര്‍ക്കാര്‍ രൂപീകരിച്ച ഒമ്പതംഗ ജനപ്രിതിനിധികളും ബന്ധപ്പെട്ട വകുപ്പുകളിലെ ജില്ലാതല ഉദ്യോഗസ്ഥരും യോഗത്തില്‍ പങ്കെടുക്കും.